ບຸນ​ນະມັດສະກາ​ນພະທາດ​ສີ​ໂຄດ​ຕະບອງ​ຈະ​ຈັດ​ຂຶ້ນທ້າຍ​ເດືອນ​ມັງກອນ​ນີ້ ຕ້ອນຮັບ​ປີ​ທ່ອງ​ທ່ຽວ​ລາວ

- Untitled 1 copy 2 - ບຸນ​ນະມັດສະກາ​ນພະທາດ​ສີ​ໂຄດ​ຕະບອງ​ຈະ​ຈັດ​ຂຶ້ນທ້າຍ​ເດືອນ​ມັງກອນ​ນີ້ ຕ້ອນຮັບ​ປີ​ທ່ອງ​ທ່ຽວ​ລາວ
- Untitled design - ບຸນ​ນະມັດສະກາ​ນພະທາດ​ສີ​ໂຄດ​ຕະບອງ​ຈະ​ຈັດ​ຂຶ້ນທ້າຍ​ເດືອນ​ມັງກອນ​ນີ້ ຕ້ອນຮັບ​ປີ​ທ່ອງ​ທ່ຽວ​ລາວ

ຮອງ​ເຈົ້າ​ແຂວງ​ຄຳ​ມ່ວນ​ແຈ້ງ​ໃຫ້​ຮູ້​ວ່າ: ງານ​ບຸນ​ນະມັດສະການ​ພະທາດ​ສີ​ໂຄດ​ຕະບອງ ​ເຊິ່ງ​ເປັນ​ງານ​ບຸນ​ປະ​ເພນີ​ໃຫຍ່​ໜຶ່ງ​ຂອງ​ແຂວງ​ຄຳ​ມ່ວນ ຄາດ​ວ່າ​ຈະ​ຈັດ​ຂຶ້ນ​ໃນ​ລະຫວ່າງ​ວັນ​ທີ 25-31 ມັງກອນ​ນີ້ ​ເພື່ອ​ເປັນ​ກິດຈະກຳ​ໜຶ່ງ​ຕ້ອນຮັບ​ປີ​ທ່ອງ​ທ່ຽວ​ລາວ 2018 ​ໃຫ້​ມີ​ບັນຍາກາດ​ຟົດຟື້ນຍິ່ງ​ຂຶ້ນ ພາຍ​ໃນ​ງານ​ນອກຈາກ​ຈະ​ມີ​ການ​ຄົບງັນ​ຕາມ​ພິທີ​ທາງ​ສາສະໜາ​ແລ້ວ ຍັງ​ຈະ​ມີ​ການວາງສະ​ແດງ​ສິນຄ້າ, ສະ​ແດງ​ສິລະ​ປະ​ວັນ​ນະ​ຄະດີ ​ແລະ ​ແຂ່ງຂັນ​ກິລາ​ປະ​ເພດ​ຕ່າງໆ, ​ແຂ່ງຂັນ​ການ​ຕີ​ຄ້ອງ​ຕີ​ກອງ ​ແລະ ​ໃນ​ຕອນ​ກາງຄືນ​ຍັງ​ຈະ​ມີ​ພິທີ​ແຫ່​ທຽນ​ເຫລັ້ມບາດ​ໄຫວ​ພະທາດ​ສີ​ໂຄດ​ດ້ວຍ​ຄວາມ​ສັກສິດ, ນອກຈາກ​ຈະ​ເປັນ​ການ​ສົ່ງ​ເສີມ​ການທ່ອງທ່ຽວ ​ແລະ ອະນຸລັກ​ຮັກສາ​ວັດທະນະທຳ ​ແລະ ຮີດຄອງ​ປະ​ເພນີ​ອັນ​ດີງາມ​ຂອງ​ທ້ອງ​ຖິ່ນ ກໍ​ຄື​ຂອງ​ຊາດ​ແລ້ວ ຍັງ​ເປັນ​ການ​ເຕົ້າ​ໂຮມ​ຄວາມ​ສາມັກຄີ​ຂອງ​ປະຊາຊົນ​ລາວ​ບັນດາ​ເຜົ່າ​ໃຫ້​ແໜ້ນ​ແຟ້ນຍິ່ງ​ຂຶ້ນ.

ທ່ານ​ຮອງ​ເຈົ້າ​ແຂວງ​ໃຫ້​ຮູ້​ອີກ​ວ່າ: ຄຳ​ມ່ວນ​ເປັນ​ດິນ​ແດນ​ອຸດົມ​ຮັ່ງມີ​ໄປ​ດ້ວຍ​ຊັບພະຍາກອນ​ທຳ​ມະ​ຊາດ, ​ໃນ​ນ້ຳມີ​ປາ ​ໃນ​ນາ​ມີ​ເຂົ້າ, ມີ​ພູຜາ​ປ່າ​ໄມ້​ອັນ​ກວ້າງ​ໃຫຍ່​ໄພສານ, ມີ​ຫ້ວຍ​ນ້ຳລຳ​ເຊ​ຫລາຍ​ສາຍ, ປະຊາຊົນ​ດຳລົງ​ຊີວິດ​ຢູ່​ດ້ວຍ​ຄວາມ​ຮັກ​ແພງ​ໂອບ​ເອື້ອອາລີ, ມີ​ຂະ​ນົບ​ທຳນຽມ ​ແລະ ຮີດຄອງ​ປະ​ເພນີ​ອັນ​ດີງາມ, ມີ​ແຫ​ລ່ງທ່ອງ​ທ່ຽວ​ອັນ​ລື​ຊື່ ​ແລະ ມະຫັດສະຈັນ ດັ່ງ​ຖ້ຳກອງ​ລໍ-ນາ​ຕານ, ​ຖ້ຳນ້ຳລອດ​ເຊບັ້ງ​ໄຟ, ຖ້ຳນາງ​ແອ່ນ, ຂຸນ​ກອງ​ແລງ ​ແລະ ນ້ຳຕົກຕາ​ດສະນາມ. ພິ​ເສດ​ແມ່​ນພູ​ຫີນ​ໜາມ​ໜໍ່​ທີ່​ງົດ​ງາມ ​ເຊິ່ງກຽມ​ຮັບຮອງ​ເອົາ​ເປັນ​ມໍລະດົກ​ໂລກ​ທາງ​ທຳ​ມະ​ຊາດ ​ແລະ ອື່ນໆ ​ໂດຍ​ລວມ​ແລ້ວ​ ປັດຈຸບັນ​ຢູ່​ແຂວງ​ຄຳ​ມ່ວນ​ມີ​ແຫ​ລ່ງທ່ອງ​ທ່ຽວ​ທີ່​ໄດ້​ຮັບ​ການ​ຂຸດ​ຄົ້ນ​ແລ້ວ​ທັງ​ໝົດ 198 ​ແຫ່ງ, ​ໃນ​ນັ້ນ​ແຫ​ລ່ງທ່ອງ​ທ່ຽວ​ທຳ​ມະ​ຊາດ 139 ​ແຫ່ງ, ປະຫວັດສາດ 29 ​ແຫ່ງ ​ແລະ ​ແຫ​ລ່ງທ່ອງ​ທ່ຽວ​ທາງ​ວັດທະນະທຳ​ມີ 30 ​ແຫ່ງ.

- Wave100S AD to Website 2020 0 - ບຸນ​ນະມັດສະກາ​ນພະທາດ​ສີ​ໂຄດ​ຕະບອງ​ຈະ​ຈັດ​ຂຶ້ນທ້າຍ​ເດືອນ​ມັງກອນ​ນີ້ ຕ້ອນຮັບ​ປີ​ທ່ອງ​ທ່ຽວ​ລາວ

​ເພື່ອ​ກະຕຸກ​ຊຸກຍູ້​ການ​ປະຕິບັດ​ຕົວ​ເລກ​ຄາດໝາຍ​ຂອງ​ປີ​ທ່ອງ​ທ່ຽວ​ລາວ​ນີ້, ​ແຂວງ​ຄຳ​ມ່ວນ​ຈະ​ເລັ່ງ​ໃສ່​ສົ່ງ​ເສີມ​ການຈັດ​ງານ​ບຸນ​ປະ​ເພນີ​ຕ່າງໆ​ໃນ 10 ຕົວ​ເມືອງ​ຄື: ບຸນ​ນະມັດສະການ​ພະທາດ​ສີ​ໂຄດ​ຕະບອງ, ພະທາດ​ເມືອງ​ພອນ, ​ແຫ່​ນາງ​ສັງຂານ​ໃນ​ໂອກາດ​ບຸນປີ​ໃໝ່​ລາວ ​ແລະ ບຸນ​ອອກ​ພັນ​ສາ, ຊ່ວງ​ເຮືອ​ປະ​ເພນີ​ຢູ່​ເມືອງ​ທ່າ​ແຂກ, ບຸນ​ນະມັດສະການ​ພະທາດ​ຕຸ້ມ​ພະວັງ, ບຸນ​ສົມ​ໂພດ​ພະທາດ​ວັດ​ປ່າ​ໂສກ​ຄຳ​ແສນ ​ເມືອງ​ໜອງ​ບົກ, ພິທີ​ຫົດ​ພະ​ອົງ​ແສນ ທີ່​ບ້ານ​ສັງ ​ເມືອງ​ເຊບັ້ງ​ໄຟ, ພະ​ອົງ​ແສນ​ ບ້ານ​ໂພ​ວາ ​ເມື​ອງມະຫາ​ໄຊ, ພະ​ອົງ​ແສນ ບ້ານ​ນາ​ຄື ​ເມືອງ​ຫີນ​ບູນ, ບຸນ​ປະ​ເພນີ​ຫລິ້ນຕົມ ​ແລະ ບຸນປີ​ໃໝ່​ລາວ​ທີ່​ບ້ານ​ກອງ​ລໍ ​ເມືອງ​ຄູນ​ຄຳ ​ໄປ​ຕິດ​ພັນ​ກັບ​ການທ່ອງທ່ຽວ​ຖ້ຳກອງ​ລໍ-ນາ​ຕານ ​ແລະ ບຸນຊ່ວງ​ເຮືອ​ຢູ່​ບັນດາ​ເມືອງ​ຕ່າງໆ ​ເພື່ອ​ສ້າງ​ສີສັນ​ໃຫ້​ປີ​ທ່ອງ​ທ່ຽວ​ລາວ​ມີ​ບັນຍາກາດ​ຟົດຟື້ນຍິ່ງ​ຂຶ້ນ.

- WhatsApp Image 2020 05 27 at 5 - ບຸນ​ນະມັດສະກາ​ນພະທາດ​ສີ​ໂຄດ​ຕະບອງ​ຈະ​ຈັດ​ຂຶ້ນທ້າຍ​ເດືອນ​ມັງກອນ​ນີ້ ຕ້ອນຮັບ​ປີ​ທ່ອງ​ທ່ຽວ​ລາວ
- WhatsApp Image 2020 05 27 at 5 - ບຸນ​ນະມັດສະກາ​ນພະທາດ​ສີ​ໂຄດ​ຕະບອງ​ຈະ​ຈັດ​ຂຶ້ນທ້າຍ​ເດືອນ​ມັງກອນ​ນີ້ ຕ້ອນຮັບ​ປີ​ທ່ອງ​ທ່ຽວ​ລາວ
error: Alert: ເນື້ອຫາຂ່າວມີລິຂະສິດ !!