ເຄນ ສ້າງສະຖິຕິນັກເຕະຍິງຫລາຍສຸດໃນ ພຣີເມຍລີກ

- news201801140226457 - ເຄນ ສ້າງສະຖິຕິນັກເຕະຍິງຫລາຍສຸດໃນ ພຣີເມຍລີກ
- Untitled design - ເຄນ ສ້າງສະຖິຕິນັກເຕະຍິງຫລາຍສຸດໃນ ພຣີເມຍລີກ

ແຮຣີ ເຄນ ຍອດດາວຍິງ ທອດແນມ ຮອດສເປີ ສ້າງຊື່ໃຫ້ກັບຕົນເອງອີກຄັ້ງ ເມື່ອຫລ້າສຸດສ້າງສະຖິຕິເປັນນັກເຕະ ທອດແນມ ຮອດສເປີ ທີ່ຍິງຫລາຍສຸດໃນເກມ ພຣີເມຍລີກ ຮຽບຮ້ອຍ.

ແຮຣີ ເຄນ ກອງໜ້າຄົນເກັ່ງຂອງ ທອດແນມ ຮອດສເປີ ກາຍເປັນຜູ້ຫລິ້ນຂອງສະໂມສອນທີ່ຍິງປະຕູໄດ້ຫລາຍສຸດໃນລີກສູງສຸດຂອງອັງກິດ ຍຸກທີ່ໃສ່ຊື່ ພຣີເມຍລີກ ຮຽບຮ້ອຍ ໃນຈຳນວນ 98 ລູກ ຫລັງຍິງໄດ້ 2 ລູກ ໃນເກມຫລ້າສຸດທີ່ ທອດແນມ ຮອດສເປີ ເປີດສະໜາມ ເວມບລີ ເອົາຊະນະ ເອຟເວີຕັນ 4-0 ໃນວັນທີ 13 ມັງກອນ.

ສະຖິຕິສູງສຸດເກົ່າຂອງ ເທັດດີ້ ເຊີຣິງແຮມ ຕຳນານຫົວຫອກ ສະເປີ ທີ່ຍິງໄດ້ 97 ປະຕູ ແຕ່ 2 ປະຕູຈາກເກມໃນວັນທີ 13 ເຮັດໃຫ້ຫລ້າສຸດ ເຄນ ແຊງຂຶ້ນເປັນອັນດັບໜຶ່ງຮຽບຮ້ອຍ ຈາກການລົງຫລິ້ນ 135 ນັດ. ຂະນະທີ່ ເຊີຣິງແຮມ ຍິງ 97 ປະຕູ ຈາກ 236 ນັດ.

ທັງນີ້, ຖ້ານັບລວມທຸກລາຍການແລ້ວ ເຄນ ຍິງໃຫ້ ສະເປີ ໄປແລ້ວທັງໝົດ 127 ປະຕູ ຈາກ 191 ນັດ ຢູ່ອັນດັບ 9 ຕະຫລອດການຂອງສະໂມສອນ, ສ່ວນອັນດັບໜຶ່ງເປັນ ຈິມມີ່ ກຣີຟ ຍອດດາວຍິງຍຸກ 60 ທີ່ຍິງໄປ 266 ປະຕູ.

- Wave100S AD to Website 2020 0 - ເຄນ ສ້າງສະຖິຕິນັກເຕະຍິງຫລາຍສຸດໃນ ພຣີເມຍລີກ
- WhatsApp Image 2020 05 27 at 5 - ເຄນ ສ້າງສະຖິຕິນັກເຕະຍິງຫລາຍສຸດໃນ ພຣີເມຍລີກ
- WhatsApp Image 2020 05 27 at 5 - ເຄນ ສ້າງສະຖິຕິນັກເຕະຍິງຫລາຍສຸດໃນ ພຣີເມຍລີກ
error: Alert: ເນື້ອຫາຂ່າວມີລິຂະສິດ !!