ອາເມລິກາມອບລົດໃຫຍ່ 15 ຄັນໃຫ້ລາວນໍາໃຊ້ເຂົ້າໃນວຽກງານເກັບກູ້ລະເບີດບໍ່ທັນແຕກ

- USA - ອາເມລິກາມອບລົດໃຫຍ່ 15 ຄັນໃຫ້ລາວນໍາໃຊ້ເຂົ້າໃນວຽກງານເກັບກູ້ລະເບີດບໍ່ທັນແຕກ
- Untitled design - ອາເມລິກາມອບລົດໃຫຍ່ 15 ຄັນໃຫ້ລາວນໍາໃຊ້ເຂົ້າໃນວຽກງານເກັບກູ້ລະເບີດບໍ່ທັນແຕກ

ເມື່ອທ້າຍອາທິດຜ່ານມານີ້, ທ່ານນາງ ຣີນາ ບີດເຕີ ເອກອັກຄະລັດຖະທູດສະຫະລັດອາເມລິກາປະຈໍາລາວ, ຕາງໜ້າໃຫ້ລັດຖະບານຂອງຕົນໄດ້ມອບລົດໂຕໂຍຕ້າແລນກຸຍເຊີຈຳນວນ 15 ຄັນ, ພ້ອມອຸປະກອນ ແລະເຄື່ອງມືການເກັບກູ້ລະເບີດລວມມີມູນຄ່າ 490.000 ໂດລາສະຫະລັດໃຫ້ແກ່ອົງການເກັບກູ້ລະເບີດແຫ່ງຊາດ (UXO Lao), ເພື່ອປະກອບໃຫ້ທີມກູ້ລະເບີດໃໝ່ທີ່ພວມປະຕິບັດໜ້າທີ່ຢູ່ແຂວງສະຫວັນນະເຂດ, ຄຳມ່ວນ ແລະ ອັດຕະປື.

ທ່ານເອກອັກຄະລັດຖະທູດອາເມລິກາ ກ່າວວ່າ: ການສະໜັບສະໜູນຄັ້ງນີ້, ສະແດງໃຫ້ເຫັນການຮ່ວມມືຢ່າງໃກ້ຊິດລະຫວ່າງລັດຖະບານອາເມລິກາ ແລະ ລາວ ໃນການແກ້ບັນຫາລະເບີດຕົກຄ້າງແຕ່ປາງສົງຄາມ ແລະ ແມ່ນສ່ວນໜຶ່ງຂອງບ້ວງທຶນຊ່ວຍເຫລືອ 90 ລ້ານໂດລາສະຫະລັດຂອງອາເມລິກາໃນໄລຍະເວລາ 3 ປີ ເພື່ອສະໜັບສະໜູນໃນການສໍາຫລວດລະເບີດລູກຫວ່ານ ແລະ ການເກັບກູ້ລະເບີດບໍ່ທັນແຕກ.

ປັດຈຸບັນ, ສະຫະລັດອາເມລິກາພວມໃຫ້ການສະໜັບສະໜູນ 51 ທີມໃນຈໍານວນ 96 ທີມສໍາຫລວດ ແລະ ເກັບກູ້ລະເບີດຂອງ UXO Lao, ມີພະນັກງານທັງໝົດ 600 ຄົນທີ່ໄດ້ຮັບການຈ້າງງານຈາກລັດຖະບານສະຫະລັດອາເມລິກາ. ນອກນັ້ນ, ຍັງມີພະນັກງານປະມານ 940 ຄົນທີ່ເຮັດວຽກສໍາຫລວດ ແລະ ເກັບກູ້ລະເບີດບໍ່ທັນແຕກຮ່ວມກັບອົງການເກັບກູ້ລະເບີດແມັກ (Mines Advisory Group), ອົງການເກັບກູ້ລະເບີດ (The halo trust the HALO Trust) ແລະ ອົງການຊ່ວຍເຫຼືອລ້າຂອງປະຊາຊົນ ນອກແວ (Norwegian People’s Aid).

ກຸ່ມບໍລິສັດ ສະເຕີລິງ ອິນເຕີເນຊັນແນລ ກລຸບ (Sterling International Group) ເຊິ່ງແມ່ນຜູ້ຮັບເໝົາຂອງກະຊວງການຕ່າງປະເທດສະຫະລັດ, ຍັງຊ່ວຍໃຫ້ຄໍາປຶກສາແກ່ຄະນະກຳມະການຄຸ້ມຄອງແຫ່ງຊາດ ແລະ UXO Lao ໃນການສຳຫລວດ ແລະ ການເກັບກູ້, ການຄຸ້ມຄອງພາກສະໜາມ ແລະ ການຄຸ້ມຄອງຂໍ້ມູນຕ່າງໆ.

ນັບແຕ່ປີ 1995 ເປັນຕົ້ນມາ, ຫ້ອງການເກັບກູ້ ແລະ ຫລຸດຜ່ອນອາວຸດ ຂອງຫ້ອງການການເມືອງ-ທະຫານ (PM/WRA) ຂອງກະຊວງການຕ່າງປະເທດສະຫະລັດອາເມລິກາ ແລະ ສະຖານທູດສະຫະລັດອາເມລິກາປະຈຳລາວ, ໄດ້ເຮັດວຽກຢ່າງໃກ້ຊິດກັບລັດຖະບານລາວ ເພື່ອສະໜອງທຶນ ຫລາຍກວ່າ 135 ລ້ານໂດລາສະຫະລັດເຂົ້າໃນວຽກງານສຶກສາຄວາມສ່ຽງ, ສະໜັບສະໜູນຜູ້ເຄາະຮ້າຍ, ການສຳຫວດ ແລະ ເກັບກູ້ລະເບີດບໍ່ທັນແຕກຢູ່ລາວ.

- Wave100S AD to Website 2020 0 - ອາເມລິກາມອບລົດໃຫຍ່ 15 ຄັນໃຫ້ລາວນໍາໃຊ້ເຂົ້າໃນວຽກງານເກັບກູ້ລະເບີດບໍ່ທັນແຕກ

ສະຖານທູດສະຫະລັດອາເມລິກາສືບຕໍ່ຮ່ວມມືໂຄງການຄູສອນພາສາອັງກິດຢູ່ລາວ

 

 

- WhatsApp Image 2020 05 27 at 5 - ອາເມລິກາມອບລົດໃຫຍ່ 15 ຄັນໃຫ້ລາວນໍາໃຊ້ເຂົ້າໃນວຽກງານເກັບກູ້ລະເບີດບໍ່ທັນແຕກ
- WhatsApp Image 2020 05 27 at 5 - ອາເມລິກາມອບລົດໃຫຍ່ 15 ຄັນໃຫ້ລາວນໍາໃຊ້ເຂົ້າໃນວຽກງານເກັບກູ້ລະເບີດບໍ່ທັນແຕກ
error: Alert: ເນື້ອຫາຂ່າວມີລິຂະສິດ !!