ສະພາແຫ່ງຊາດດໍາເນີນກອງປະຊຸມປະຈໍາປີ

- Assembly meeting - ສະພາແຫ່ງຊາດດໍາເນີນກອງປະຊຸມປະຈໍາປີ
- Untitled design - ສະພາແຫ່ງຊາດດໍາເນີນກອງປະຊຸມປະຈໍາປີ

ໃນວັນທີ 12 ມັງກອນນີ້, ສະພາແຫ່ງຊາດໄດ້ຈັດກອງປະຊຸມສະຫຼຸບການເຄື່ອນໄຫວວຽກງານຂອງສະພາ ໃນໄລຍະປີໜຶ່ງຜ່ານມາ, ຂຶ້ນທີ່ນະຄອນຫຼວງວຽງຈັນ, ໂດຍການເປັນປະທານຂອງທ່ານນາງ ປານີ ຢ່າທໍຕູ້ ປະທານສະພາແຫ່ງຊາດ.

ໃນກອງປະຊຸມດັ່ງກ່າວ, ທ່ານຮອງເລຂາທິການສະພາແຫ່ງຊາດ ໄດ້ລາຍງານການເຄື່ອນໄຫວວຽກງານຂອງສະພາໃນປີຜ່ານມາວ່າ: ເພື່ອຮັບປະກັນໃຫ້ແກ່ການປະຕິບັດໜ້າທີ່ການເມືອງຂອງສະພາແຫ່ງຊາດ, ຄະນະປະຈໍາສະພາແຫ່ງຊາດ ໄດ້ເອົາໃຈໃສ່ຊື້ນໍາໃນການຈັດຕັ້ງປະຕິບັດວຽກງານຂອງແຕ່ລະພາກສ່ວນ ແລະ ເອົາໃຈໃສ່ຊັບຊ້ອນພະນັກງານ-ລັດຖະກອນເຂົ້າແຕ່ລະຕໍາແໜ່ງ ໃຫ້ຖືກຕ້ອງສອດຄ່ອງກັບຄວາມສາມາດຕົວຈິງ. ມາຮອດປັນຈຸບັນ ສາມາດສ້າງ ແລະ ປັບປຸງກົດໝາຍໄດ້ທັງໝົດ 28 ສະບັບ ບັນລຸໄດ້ 94% ຂອງແຜນການປີ, ໃນນີ້ກົດໝາຍສ້າງໃຫມ່ມີ 13 ສະບັບ ແລະ ເປັນເຈົ້າການຄົ້ນຄວ້າປະກອບຄໍາເຫັນຕໍ່ການໃຫ້ສັດຕະຍາບັນສົນທິສັນຍາ ແລະ ສັນຍາສາກົນທີ່ລາວ ເປັນພາຄີໄດ້ 4 ສະບັບ ແລະ ການຕົກລົງບັນຫາສໍາຄັນພື້ນຖານຂອງປະເທດ ແລະ ເພື່ອເປັນບ່ອນອີງໃຫ້ສະພາແຫ່ງຊາດ ໃນການຕິດຕາມ-ກວດກາ ຕາມພາລະບົດບາດຂອງຕົນນັ້ນ ໃນປີ 2017 ໄດ້ອອກມະຕິຮັບຮອງເອົາບັນຫາສໍາຄັນຕ່າງໆທັງໝົດ 13 ສະບັບ ແລະ ໄດ້ຄົ້ນຄວ້າແກ້ໄຂຄໍາຮ້ອງຂໍຄວາມເປັນທໍາຂອງປະຊາຊົນ ໄດ້ທັງໝົດ  298 ເລື່ອງ ຊຶ່ງກວມເອົາ 44,81% ຂອງຄໍາຮ້ອງຂໍຄວາມເປັນທໍາທັງໝົດ.

ໃນໂອກາດດັ່ງກ່າວ ທ່ານຮອງປະທານສະພາໄດ້ໂອ້ລົມ ແລະ ເນັ້ນໃຫ້ຄະນະພັກສະພາແຫ່ງຊາດຊີ້ນໍາ-ນໍາພາບັນດາຮາກຖານພັກ,  ເອົາ ໃຈໃສ່ຕໍ່ວຽກງານການສຶກສາອົບຮົມການເມືອງ-ແນວຄິດໃຫ້ພະນັກງານ-ສະມາຊິກພັກຢ່າງເປັນປົກກະຕິ, ຕໍ່ເນື່ອງ ແລະ ໜັກແໜ້ນ, ສືບຕໍ່ປະຕິບັດກົນໄກປະສານສົມທົບລະຫວ່າງຄະນະປະຈໍາສະພາແຫ່ງຊາດກັບຄະນະພັກໃນການປັບປຸງແບບແຜນວິທີນໍາພາ ແລະ ເອົາໃຈໃສ່ຍົກສູງຄວາມຮັບຜິດຊອບຂອງຜູ້ເປັນຫົວໜ້າໃນແຕ່ລະຂັ້ນ, ໃຫ້ມີຄວາມຮັບຜິດຊອບໃນໜ້າທີ່ ທີ່ໄດ້ຮັບການມອບໝາຍ ເພື່ອເຮັດໃຫ້ການຈັດຕັ້ງປະຕິບັດວຽກງານມີຄຸນນະພາບທີ່ດີຂຶ້ນກວ່າເກົ່າ.

- Wave100S AD to Website 2020 0 - ສະພາແຫ່ງຊາດດໍາເນີນກອງປະຊຸມປະຈໍາປີ

 

- WhatsApp Image 2020 05 27 at 5 - ສະພາແຫ່ງຊາດດໍາເນີນກອງປະຊຸມປະຈໍາປີ
- WhatsApp Image 2020 05 27 at 5 - ສະພາແຫ່ງຊາດດໍາເນີນກອງປະຊຸມປະຈໍາປີ
error: Alert: ເນື້ອຫາຂ່າວມີລິຂະສິດ !!