ຫວຽດນາມຊ່ວຍກໍ່ສ້າງພະນັກງານໄອຍະການລາວເປັນຈໍານວນຫລາຍ

- vietnam help - ຫວຽດນາມຊ່ວຍກໍ່ສ້າງພະນັກງານໄອຍະການລາວເປັນຈໍານວນຫລາຍ
- Untitled design - ຫວຽດນາມຊ່ວຍກໍ່ສ້າງພະນັກງານໄອຍະການລາວເປັນຈໍານວນຫລາຍ

ເມື່ອບໍ່ດົນມານີ້, ທ່ານ ຄໍາສານ ສຸວົງ ຫົວໜ້າອົງການໄອຍະການປະຊາຊົນສູງສຸດລາວ, ໄດ້ເດີນທາງໄປຮ່ວມພິທີສະເຫລີມສະຫລອງວັນສ້າງຕັ້ງໂຮງຮຽນບຳລຸງສ້າງວຽກງານໄອຍະການຄົບຮອບ 40 ປີທີ່ນະຄອນໂຮ່ຈິມິງ ສສ ຫວຽດນາມ. ໃນໂອກາດນີ້, ທ່ານ ຄໍາສານ ສຸວົງ ໄດ້ມີຄໍາເຫັນວ່າ: ໃນໄລຍະ 40 ປີຜ່ານມາ, ໂຮງຮຽນແຫ່ງນີ້ໄດ້ມີບົດບາດສໍາຄັນໃນການບໍາລຸງກໍ່ສ້າງພະນັກງານວິຊາສະເພາະໃຫ້ແກ່ອົງການໄອຍະການຂອງສອງປະເທດຫວຽດນາມ-ລາວ ຄື ນັບແຕ່ປີ 1999 ເປັນຕົ້ນມາ, ອົງການໄອຍະການປະຊາຊົນ ຫວຽດນາມ ແລະ ລາວ ໄດ້ລົງນາມບົດບັນທຶກການຮ່ວມມືກັນ, ໂດຍເນັ້ນໃສ່ການແລກປ່ຽນຄະນະຜູ້ແທນລະດັບຕ່າງໆ ແລະ ຊ່ວຍບຳລຸງກໍ່ສ້າງພະນັກງານໄອຍະການປະຊາຊົນຂອງລາວໄດ້ທັງໝົດ 12 ຊຸດ ແລະ ມີຜູ້ສໍາເລັດການຝຶກອົບຮົມມາແລ້ວຈໍານວນ 189 ທ່ານ.

ໃນໂອກາດນີ້, ທ່ານຫົວໜ້າອົງການໄອຍະການປະຊາຊົນສູງສຸດລາວ ໄດ້ຕ່າງໜ້າພັກ ແລະ ລັດຖະບານ ໃຫ້ກຽດປະດັບຫລຽນໄຊແຮງງານຊັ້ນ II ໃຫ້ແກ່ໂຮງຮຽນດັ່ງກ່າວ, ພ້ອມທັງມອບໃບຍ້ອງຍໍຂອງອົງການໄອຍະການປະຊາຊົນສູງສຸດແຫ່ງ ສປປ ລາວ ໃຫ້ແກ່ຄະນະອຳນວຍການໂຮງຮຽນແຫ່ງນີ້ອີກດ້ວຍ.

- Wave100S AD to Website 2020 0 - ຫວຽດນາມຊ່ວຍກໍ່ສ້າງພະນັກງານໄອຍະການລາວເປັນຈໍານວນຫລາຍ
- WhatsApp Image 2020 05 27 at 5 - ຫວຽດນາມຊ່ວຍກໍ່ສ້າງພະນັກງານໄອຍະການລາວເປັນຈໍານວນຫລາຍ
- WhatsApp Image 2020 05 27 at 5 - ຫວຽດນາມຊ່ວຍກໍ່ສ້າງພະນັກງານໄອຍະການລາວເປັນຈໍານວນຫລາຍ
error: Alert: ເນື້ອຫາຂ່າວມີລິຂະສິດ !!