2 ຄົນທີ່ເຮົາຄວນຈະຄິດຮອດຫລາຍທີ່ສຸດ

- 031501 2018 - 2 ຄົນທີ່ເຮົາຄວນຈະຄິດຮອດຫລາຍທີ່ສຸດ
- Untitled design - 2 ຄົນທີ່ເຮົາຄວນຈະຄິດຮອດຫລາຍທີ່ສຸດ

– ເວລາບໍ່ມີເງິນ ຄົນທຳອິດທີ່ເຮົາຄິດຮອດແມ່ນພໍ່ ແລະ ແມ່, ແຕ່ເມື່ອມີເງິນ ຄົນທຳອິດທີ່ເຮົາຄິດຮອດແມ່ນແຟນ ແລະ ໝູ່.

– ຢາກໄດ້ລົດ ຄົນທຳອິດທີ່ເຮົາຄິດຮອດແມ່ນພໍ່ ແລະ ແມ່, ແຕ່ເມື່ອມີລົດ ຄົນທຳອິດທີ່ເຮົາຈະໄປຮັບແມ່ນແຟນ ແລະ ໝູ່.

– ຮ້ານອາຫານຫລູໆບັນຍາກາດດີໆ ມີໄວ້ສຳລັບແຟນ ແລະ ໝູ່, ອາຫານເທິງພາເຂົ້າຢູ່ເຮືອນມີໄວ້ສຳລັບພໍ່ ແລະ ແມ່.

– ໂຮງຮູບເງົາໜ້າຫ້າງສັບພະສິນຄ້າມີໄວ້ສຳລັບແຟນ ແລະ ໝູ່, ໂທລະພາບ ແລະ ເດີ່ນໜ້າບ້ານ ມີໄວ້ສຳລັບພໍ່ ແລະ ແມ່.

– ພໍ່ ແລະ ແມ່ຄິດໄລ່ບັນຊີຄ່າໃຊ້ຈ່າຍກ່ອນນອນ ເພື່ອຄວາມຢູ່ລອດ, ລູກນອນລົມໂທລະສັບ, ຫລິ້ນອິນເຕີເນັດກ່ອນນອນ ເພື່ອ ໃຫ້ຫລັບຝັນດີ.

– ເວລາເຮົາມີຄວາມສຸກ ມັກຈະຊອກຫາແຟນ ແລະ ໝູ່, ເວລາເຮົາມີຄວາມທຸກ ຄົນທີ່ກັງວົນຫົດຫູ່ ແລະ ເສົ້າໃຈທີ່ສຸດແມ່ນພໍ່ ແລະ ແມ່.

– ເວລາປະສົບຄວາມສຳເລັດ ເຮົາມັກຊອກຫາແຟນ ແລະ ໝູ່ ເພື່ອນັດກັນສະຫລອງ ແລະ ສັງສັນ, ແຕ່ຄົນທີ່ດີໃຈທີ່ສຸດແມ່ນພໍ່ ແລະ ແມ່ ຊຳ້ພັດກາຍເປັນຄົນທີ່ຖືກເບິ່ງຂ້າມ.

- Wave100S AD to Website 2020 0 - 2 ຄົນທີ່ເຮົາຄວນຈະຄິດຮອດຫລາຍທີ່ສຸດ

– ລູກໄປມ່ວນຊື່ນຕາມໂຮງຮູບເງົາ, ຮ້ານບັນເທີງ, ພັບບາ ສ່ວນພໍ່ ແລະ ແມ່ກຳລັງເຮັດວຽກ ຫລື ນອນຫລັບເອົາແຮງໄວ້ເຮັດວຽກຫາເງິນໃນມື້ອື່ນເຊົ້າເພື່ອແລກກັບຄວາມສຸກຂອງລູກ ຢາກໃຫ້ລູກໄດ້ຮຽນສູງໆ.

– ເວລາແຕ່ງດອງ ຄົນທີ່ເປັນພາລະຫາເງິນຄ່າດອງແມ່ນພໍ່ ແລະ ແມ່, ສ່ວນຄົນທີ່ມີຄວາມສຸກແມ່ນລູກ.

– ພໍ່ ແລະ ແມ່ຕຳໜິຕັກເຕືອນ ບາງເທື່ອເຕັມໄປດ້ວຍອາລົມ ເພື່ອໃຫ້ລູກໄດ້ດີ, ແຕ່ລູກຄິດວ່າສິ່ງທີ່ພໍ່ ແລະ ແມ່ເວົ້າເປັນພຽງແຕ່ເລື່ອງໜ້າເບື່ອ.

– ພໍ່ ແລະ ແມ່ ແມ່ນຜູ້ຝ່າຟັນບັນຫາເປັນຮ້ອຍເປັນພັນເພື່ອລູກ, ແຕ່ເມື່ອລູກມີບັນຫາມັກຄິດໄດ້ແຕ່ ທໍ້ຖອຍຫົດຫູ່ ຫລື ຢາກຕາຍ.

– ພໍ່ ແລະ ແມ່ແມ່ນຜູ້ທີ່ປົກປ້ອງ ແລະ ຢືນຄຽງຂ້າງລູກຈົນຊີວິດທີ່ເຫລືອຈະໝົດ, ລູກກຳລັງຄິດເຖິງຫຍັງຢູ່ ?

ຖ້າເລືອກຄົນໂຕຢ່າງອອກມາ 10 ຄົນ ແລະ ຖາມທັງ 10 ຄົນວ່າ : ຮັກພໍ່ຮັກແມ່ບໍ່ ? ຄົງບໍ່ມີໃຜທີ່ຕອບວ່າ : ບໍ່ຮັກ, ແຕ່ຈະມີຈັກຄົນທ່ີສະແດງອອກວ່າຮັກພໍ່ ແລະ ແມ່, ຄວາມຮັກບໍ່ຈຳເປັນຕ້ອງສະແດງອອກ, ຄວາມຮັກບໍ່ຈຳເປັນຕ້ອງຖ່າຍທອດ, ແຕ່ຖ້າເຮົາຄິດໃນອີກດ້ານໜຶ່ງໃນທາງກັງກັນຂ້າມ ທ່ານຢາກໃຫ້ພໍ່ ຫລື ແມ່ຍ້ອງຈັກເທື່ອ, ພໍ່ ແລະ ແມ່ຂອງທ່ານກໍເຊັ່ນດຽວກັນ ຢາກໃຫ້ລູກກອດເພິ່ນຈັກໜ້ອຍກໍຍັງດີ, ຕອນນີ້ຍັງບໍ່ສວາຍເກີນໄປທີ່ທ່ານຈະເລີ່ມເຮັດສິ່ງດີໆໃຫ້ແກ່ພໍ່ ແລະ ແມ່, ຮັກເພິ່ນໃຫ້ຫລາຍໆ, ເອົາໃຈໃສ່ເພິ່ນ, ຕັ້ງໃຈຮຽນ, ເປັນລູກທີ່ດີ ກໍຄືເປັນຄົນດີໃຫ້ເພິ່ນເຫັນ.

- WhatsApp Image 2020 05 27 at 5 - 2 ຄົນທີ່ເຮົາຄວນຈະຄິດຮອດຫລາຍທີ່ສຸດ
- WhatsApp Image 2020 05 27 at 5 - 2 ຄົນທີ່ເຮົາຄວນຈະຄິດຮອດຫລາຍທີ່ສຸດ
error: Alert: ເນື້ອຫາຂ່າວມີລິຂະສິດ !!