ກຳມະການໃຈຮ້າຍເຕະຄືນ ພ້ອມຈົກໃບແດງ ໃຫ້ນັກເຕະ ນ໊ອງ ຫລັງປະທະນັກເຕະຈົນລົ້ມ
ດິເອໂກ ຄາລອສ ກອງຫລັງຂອງສະໂມສອນ ນ໊ອງ ເຖິງກັບງົງປານໄກ່ຕາແຕກ ຫລັງໄປຕຳກັບ ໂທນີ ຊາປຣ໊ອງ ກຳມະການ ແບບບໍ່ໄດ້ຕັ້ງໃຈ ກ່ອນທີ່ກຳມະການຄົນດັ່ງກ່າວຈະລຸກຂຶ້ນມາແລ້ວພະຍາຍາມເຕະຄືນ ພ້ອມທັງຈົກໃບເຫລືອງທີ 2 ໄລ່ອອກຈາກສະໜາມ.
https://www.youtube.com/watch?v=hMuys3zfGzY
ເຫດການດັ່ງກ່າວເກີດຂຶ້ນໃນນັດທີ່ ນ໊ອງ ເປີດບ້ານເສຍໃຫ້ກັບ ປາຣີ ແຊັງແຊກແມງ 0-1 ໃນວັນທີ 14 ມັງກອນ ໃນໄລຍະທ້າຍເກມ ຄາລອສ ພະຍາຍາມແລ່ນລົງໄປຊ່ວຍທີມຈາກການສວນກັບຂອງຄູ່ແຂ່ງ ແຕ່ພັດໄປຕຳກັບກຳມະການຈົນລົ້ມລົງ, ແຕ່ຜູ້ຕັດສິນເກີດອາລົມໃຈຮ້າຍ ກ່ອນເຕະສວນໃສ່ຂາຂອງນັກເຕະຄົນດັ່ງກ່າວ ກ່ອນຈະລຸກຂຶ້ນມາຈົກໃບເຫລືອງທີ 2 ໄລ່ອອກຈາກສະໜາມ.
ຫລັງຈົບການແຂ່ງຂັນ ວາເລນຕິນ ຣອນເກຍ ກອງໜ້າຂອງ ນ໊ອງ ອອກມາໃຫ້ສຳພາດວ່າ: ເພື່ອນຮ່ວມທີມຂອງລາວບໍ່ໄດ້ມີເຈດຕະນາທຳຮ້າຍກຳມະການຢ່າງແນ່ນອນ.
