ສະແດງກິລາບູໂດ ຄັ້ງທີ 16 ຢູ່ ສປປ ລາວ

- 26905609 719107871633122 635146863 o - ສະແດງກິລາບູໂດ ຄັ້ງທີ 16 ຢູ່ ສປປ ລາວ
- Untitled design - ສະແດງກິລາບູໂດ ຄັ້ງທີ 16 ຢູ່ ສປປ ລາວ

ອົງການໄຈກາ ແລະ ສະຖານທູດຍີ່ປຸ່ນປະຈໍາລາວ ຮ່ວມກັບກະຊວງສຶກສາທິການ ແລະ ກິລາ ໄດ້ຈັດກິດຈະກໍາສະແດງກິລາບູໂດ ຄັ້ງທີ 16 ຂຶ້ນ ໃນວັນທີ 13 ມັງກອນນີ້ ທີ່ສະໜາມກິລາບູໂດ ລາວ-ຢີ່ປຸ່ນ ເມືອງຈັນທະບູລີ ນະຄອນຫລວງວຽງຈັນ ໂດຍມີທ່ານ ສົມພູ ພົງສາ ຮອງລັດຖະມົນຕີກະຊວງສຶກສາທິການ ແລະ ກິລາ, ທ່ານ ທາເຄຊິ ຮິຄິຮາຣະ ເອກອັກຄະລາຊະທູດຍີ່ປຸ່ນປະຈໍາລາວ ພ້ອມດ້ວຍນັກກິລາເຂົ້າຮ່ວມເປັນຈໍານວນຫລາຍ.

ທ່ານ ໂຢຊິຮາລຸ ໂຢເນຢາມະ ຫົວໜ້າຫ້ອງການອົງການໄຈກາປະຈໍາລາວ ໄດ້ກ່າວວ່າ: ກິດຈະກໍາຄັ້ງນີ້ ໄດ້ເຮັດໃຫ້ນັກກິລາມີໂອກາດສະແດງຄວາມສາມາດຂອງຕົນເອງອອກມາສູ່ສາຍຕາສັງຄົມ ພ້ອມທັງໄດ້ຮຽນຮູ້ທັກສະການປ້ອງກັນຕົວໃຫ້ຫລາຍຂຶ້ນ. ນອກຈາກນັ້ນ, ຍັງເປັນການຝຶກແອບໃຫ້ນັກກິລາຜູ້ສືບທອດເພື່ອກຽມຄວາມພ້ອມເຂົ້າຮ່ວມການແຂ່ງຂັນກິລາໂອແລັມປິກປີ 2020 ທີ່ໂຕກຽວ ປະເທດຍີ່ປຸ່ນ. ກິດຈະກໍາດັ່ງກ່າວໄດ້ຮັບຄວາມສົນໃຈຈາກນັກກິລາຈໍານວນຫລາຍ ເຊິ່ງໄລຍະຜ່ານມາທາງຄະນະບໍລິຫານຂອງພວກເຮົາກໍໄດ້ຈັດການແຂ່ງຂັນ ແລະ ສະແດງສິລະປະການຕໍ່ສູ້ຕະຫລອດມາ ໂດຍນັກກິລາສ່ວນຫລາຍໃຫ້ຄວາມສົນໃຈຫລາຍພໍສົມຄວນ. ດັ່ງນັ້ນ ເພື່ອສືບຕໍ່ສ້າງຄວາມຝັນໃຫ້ແກ່ນັກກິລາຮຸ່ນເຍົາວະຊົນ ທາງຄະນະບໍລິຫານພວກເຮົາຈຶ່ງຈັດກິດຈະກໍາດັ່ງກ່າວຂຶ້ນອີກຄັ້ງ ໂດຍໄດ້ຮັບການສະໜັບສະໜູນຈາກ ສະຖານທູດຍີ່ປຸ່ນ ປະຈໍາລາວ ແລະ ກະຊວງສຶກສາທິການ ແລະ ກິລາ.

ກິດຈະກໍາຄັ້ງນີ້ ມີນັກກິລາເຂົ້າຮ່ວມຈໍານວນ 200 ກວ່າຄົນ ມີ​ອາຍຸ​ລະຫວ່າງ 5-17 ປີ ເຊິ່ງພາຍໃນກິດຈະກໍານັກກິລາໄດ້ຮຽນຮູ້ວິທີການຕໍ່ສູ້, ທັກສະການທຸ່ມຕົວ, ຈັງຫວະການເຮັດໃຫ້ຄູ່ຕໍ່ສູ້ເສຍຫລັກ ແລະ ອື່ນໆ ຈາກນັກກິລາທີ່ມີປະສົບການ. ນອກຈາກນັ້ນ ທາງຄະນະກໍາມະການຍັງໄດ້ເອົານັກກິລາທີ່ເຄີຍເຂົ້າຮ່ວມການແຂ່ງຂັນລະດັບພາກພື້ນ ແລະ ສາກົນເຂົ້າມາຖ່າຍທອດວິຊາຄວາມຮູ້ໃຫ້ແກ່ນັກກິລາຮຸ່ນສືບທອດ ເພື່ອເຮັດໃຫ້ນັກກິລາຮຸ່ນເຍົາວະເຊົາໄດ້ນໍາເອົາບົດຮຽນດັ່ງກ່າວໄປໃຊ້ເຂົ້າໃນການແຂ່ງຂັນຕ່າງໆ ເພື່ອສ້າງຊື່ສຽງໃຫ້ແກ່ ສປປ ລາວ ໃນເວທີພາກພື້ນ ແລະ ສາກົນ.

- Wave100S AD to Website 2020 0 - ສະແດງກິລາບູໂດ ຄັ້ງທີ 16 ຢູ່ ສປປ ລາວ
- WhatsApp Image 2020 05 27 at 5 - ສະແດງກິລາບູໂດ ຄັ້ງທີ 16 ຢູ່ ສປປ ລາວ
- WhatsApp Image 2020 05 27 at 5 - ສະແດງກິລາບູໂດ ຄັ້ງທີ 16 ຢູ່ ສປປ ລາວ
error: Alert: ເນື້ອຫາຂ່າວມີລິຂະສິດ !!