ສຕລ ຢືນຢັນ ລາວພຣີເມຍລີກ 2018 ບໍ່ຫລຸດ 8 ທີມ

- 26857358 719107854966457 1577705782 n - ສຕລ ຢືນຢັນ ລາວພຣີເມຍລີກ 2018 ບໍ່ຫລຸດ 8 ທີມ
- Untitled design - ສຕລ ຢືນຢັນ ລາວພຣີເມຍລີກ 2018 ບໍ່ຫລຸດ 8 ທີມ

ສະຫະພັນບານເຕະແຫ່ງຊາດລາວ ( ສຕລ ) ເປີດເຜີຍ ການ​ແຂ່ງຂັນ​ເຕະບານ ລາວພຣີ​ເມຍ​ລີກ 2018 ຍັງຮັກສາມາດຕະຖານເດີມໄວ້ທີ 8 ທີ​ມ​ ​ແລະ ຈະ​ເລີ່​ມ​ແຂ່ງຂັນ​​ຢ່າງ​ເປັນ​ທາງ​ການ​ໃນ​ກາງ​ເດືອນ​ກຸມພາ​ນີ້. ຂະນະ​ທີ່ ປີ​ນີ້ມີ 3 ສະ​ໂມ​ສອນ​ເຂົ້າ​ມາ​ໃໝ່ ປະກອບ​ມີ ສະ​ໂມ​ສອນ ກອງທັບ ​ເອັຟຊີ, ມາສ​ເຕີ ​ເຊ​ເວັນ ​ເອັຟຊີ ​ແລະ ຫລວງ​ພະ​ບາງ ​ເອັຟຊີ.

ອີງຕາມການເປີດເຜີຍຂອງທ່ານ ຄຳໃສ ແສງມະນີພອນ ຫົວໜ້າພະແນກຈັດການແຂ່ງຂັນ ສະຫະພັນບານເຕະແຫ່ງຊາດລາວ ໃຫ້ຮູ້ວ່າ: ​ໃນ​ການ​ແຂ່ງຂັນ​ເຕະບານ ລາວພຣີ​ເມຍ​ລີກ 2018 ນີ້ ​ແມ່ນ​ມີ​ທັງ​ໝົດ 8 ສະ​ໂມ​ສອນເຂົ້າ​ຮ່ວມ ປະກອບ​ມີ ລາວໂຕ​ໂຢຕ້າ ​ເອັຟຊີ, ປກສ ​ເອັຟຊີ, ​ດີເຄ ​ເອັຟຊີ, ສະຫວັນ ຢູ​ໄນ​ເຕັດ, ຊ້າງນ້ອຍ ເອັຟຊີ ​ແລະ 3 ​ທີ​ມເຂົ້າ​ມາ​ໃໝ່ ປະກອບ​ມີ ສະ​ໂມ​ສອນ ກອງທັບ ​ເອັຟຊີ, ມາສ​ເຕີ ​ເຊ​ເວັນ ​ເອັຟຊີ ​ແລະ ຫລວງ​ພະ​ບາງ ​ເອັຟຊີ. ຂະນະ​ທີ່ ສະ​ໂມ​ສອນທີ່ຖອນຕົວປະກອບ​ມີ ສະ​ໂມ​ສອນ ທິບສະຫວັນ ​ເອັຟຊີ, ສະ​ໂມ​ສອນ ​ໄອ​ດີ​ຊີ ຈຳປາ​ສັກ ​ເອັຟຊີ ​ແລະ ມຊ ​ເອັຟຊີ. ຂະນະທີ່ ຫລ້າສຸດ ນະຄອນຫລວງ ຢູໄນເຕັດ ກໍປະກາດຖອນຕົວອອກຈາກການແຂ່ງຂັນ ເພາະປະສົບບັນຫາຂາດຜູ້ສະໜັບສະໜູນ ແລະ ອື່ນໆ. ຢ່າງໃດກໍຕາມ, ​ການ​ແຂ່ງຂັນ​ເຕະບານ ລາວພຣີ​ເມຍ​ລີກ 2018 ຈະ​ເລີ່​ມ​ແຂ່ງຂັນ​ກັນ​ຢ່າງ​ເປັນ​ທາງ​ການໃນກາງເດືອນກຸມພາ 2018 ນີ້.

ສຳລັບການ​ແຂ່ງຂັນ​ເຕະບານ ລາວພຣີ​ເມຍ​ລີກ 2017 ຜ່ານ​ມາ ລາວໂຕ​ໂຢຕ້າ ​ເອັຟຊີ ​ໄດ້​ແຊ້ມສະ​ໄໝ​ທີ 2, ສ່ວນ​ຮອງ​ແຊ້ມ​ແມ່ນ​ຕົກ​ເປັນ​ຂອງ ສະ​ໂມ​ສອນ ປກສ ​ເອັຟຊີ ​ແລະ ອັນດັບ 3 ​ແມ່ນ​ສະ​ໂມ​ສອນ ມຊ ​ເອັຟຊີ. ຂະນະ​ທີ່ ສະ​ໂມ​ສອນ ຫລວງ​ພະ​ບາງ ​ເອັຟຊີ, ມາສເຕີ ເຊເວັນ ​ກາຍເປັນທີມທີ່ຫາ​ກໍເຄີຍ​ຮ່ວມ​ລາຍການ​ນີ້​ເປັນ​ຄັ້ງ​ທໍາອິດ ແລະ ຖື​ວ່າ​ເປັນ​ນ້ອງ​ໃໝ່​ໃນ​ວົງ​ການ​ລາວ​ພຣີ​ເມຍ​ລີກ, ສ່ວນ ກອງທັບ ​ເອັຟຊີ ​ເຄີຍເຂົ້າຮ່ວມມາກ່ອນ ແລະ ປີ 2017 ໄດ້ຖອນຕົວ ຈິ່ງໄດ້ຊື່ວ່ານ້ອງໃໝ່.

- Wave100S AD to Website 2020 0 - ສຕລ ຢືນຢັນ ລາວພຣີເມຍລີກ 2018 ບໍ່ຫລຸດ 8 ທີມ

ສ່ວນການແຂ່ງຂັນບານເຕະ ລາວພຣີເມຍລີກ 2018 ໄດ້ມາເປັນທີ່ແນ່ນອນແລ້ວ 8 ທີມຮ່ວມແຂ່ງແຂ່ງຂັນ. ຢ່າງໃດກໍຕາມ, ຕ້ອງລຸ້ນເບິ່ງວ່າ ກ່ອນວັນກໍານົດສົ່ງລາຍຊື່ນັກກິລາຢ່າງເປັນທາງການ ວ່າຈະມີທີມໃໝ່ມາຮ່ວມອີກບໍ່ ຫລື ທີມເກົ່າກັບຄືນມາສ້າງສີສັນສູ່ວົງການບານເຕະລາວອີກຄັ້ງ ເພາະກ່ອນໜ້ານີ້ມີຂ່າວວ່າ ຫລາຍທີມເກົ່າຈະຖອນຕົວ ແຕ່ຍ້ອນຢາກມີສ່ວນຮ່ວມຈິ່ງສູ້ສຸດຂີດ ເພື່ອເຂົ້າຮ່ວມລາຍການນີ້ ແລະ ສ້າງບັນຍາກາດໃຫ້ກັບວົງການບານເຕະລາວຕໍ່ໄປ.

- WhatsApp Image 2020 05 27 at 5 - ສຕລ ຢືນຢັນ ລາວພຣີເມຍລີກ 2018 ບໍ່ຫລຸດ 8 ທີມ
- WhatsApp Image 2020 05 27 at 5 - ສຕລ ຢືນຢັນ ລາວພຣີເມຍລີກ 2018 ບໍ່ຫລຸດ 8 ທີມ
error: Alert: ເນື້ອຫາຂ່າວມີລິຂະສິດ !!