ກຳປູເຈຍພົບໄຂ້ຫວັດສັດປີກລະບາດ ຄັ້ງໃໝ່ຢູ່ນະຄອນຫລວງພະນົມເປັນ

- 1516008444533 960x0 - ກຳປູເຈຍພົບໄຂ້ຫວັດສັດປີກລະບາດ ຄັ້ງໃໝ່ຢູ່ນະຄອນຫລວງພະນົມເປັນ
- Untitled design - ກຳປູເຈຍພົບໄຂ້ຫວັດສັດປີກລະບາດ ຄັ້ງໃໝ່ຢູ່ນະຄອນຫລວງພະນົມເປັນ

ທາງ​ການ​ກຳປູ​ເຈຍກຳຈັດ​ໄກ່​ກວ່າ 100 ​ໂຕ ຫລັງ​ພົບ​ເຊື້ອ​ໄວຣັສ​ໄຂ້ຫວັດ​ສັດ​ປີກ​ຄັ້ງ​ໃໝ່​ໃນ​ເມືອງ​ຫລວງ.

ລັດຖະບານ​ກຳປູ​ເຈຍ​ເຕືອນ​ປະຊາຊົນ​ໃຫ້​ເຝົ້າລະວັງ​ການ​ແຜ່​ລະບາດ​ຂອງ​ເຊື້ອ​ໄວຣັສ H5N1 ຫລັງ​ພົບ​ການລະບາດ​ຄັ້ງ​ໃໝ່​ຢູ່​ເຂດ​ແຊນ​ຊຸກ ​ໃນ​ນະຄອນຫລວງ​ພະນົມ​ເປັນ ​ໂດຍ​ທ່ານ ​ແຊນ ສຸວັນ ຮອງ​ເລຂາທິການ​ປະຈຳ​ກະຊວງ​ກະສິກຳ, ປ່າ​ໄມ້ ​ແລະ ປະມົງ ​ເປີດ​ເຜີຍ​ວ່າ: ​ໃນ​ອາທິດ​ຜ່ານ​ມາ​ເຈົ້າໜ້າ​ທີ່​ພົບ​ເຊື້ອ​ໄວຣັສ​ໄຂ້ຫວັດ​ສັດ​ປີກ​ຈາກ​ການ​ກວດ​ກາ​ໄກ່​ຈຳນວນ​ໜຶ່ງ​ໃນ​ບ້ານ​ຕຶກ ທາລາ ​ເຮັດ​ໃຫ້​ຕ້ອງ​ກຳຈັດ​ໄກ່ 135 ​ໂຕ​ໃນ​ພື້ນທີ່​ດັ່ງກ່າວ. ນອກ​ຈາກ​ນີ້ ຍັງ​ໄດ້​ສີດ​ພົ່ນ​ຢາຂ້າ​ເຊື້ອພະຍາດ​ໃນ​ພື້ນທີ່​ໃກ້​ຄຽງ​ທີ່​ມີ​ເຊື້ອ​ໄວຣັສ​ໄຂ້ຫວັດ​ສັດ​ປີກ​ແຜ່​ລະບາດ.

ທັງ​ນີ້, ​ເຂດ​ແຊນ​ຊຸກ​ເກີດ​ໄວຣັສ​ໄຂ້ຫວັດ​ສັດ​ປີກ​ລະບາດ​ຕໍ່​ຈາກ​ແຂວງ​ກຳ​ປົງ​ຈາມ ​ແລະ ​ແຂວງ​ໄພ​ແວງ, ​ແຕ່​ຍັງ​ບໍ່​ມີ​ຂໍ້​ມູນ​ຢືນຢັນ​ວ່າ​ມີ​ຜູ້​ຕິດ​ເຊື້ອ​ໄຂ້ຫວັດ​ສັດ​ປີກ. ກ່ອນ​ໜ້າ​ນີ້ ມີ​ຜູ້​ຕ້ອງ​ສົງ​ໄສ​ຢູ່​ແຂວງ​ກຳ​ປົງ​ຈາມ​ວ່າ​ອາດ​ຕິດ​ເຊື້ອ H5N1, ​ແຕ່​ຜົນ​ກວດ​ສອບ​ຢືນຢັນ​ແລ້ວ​ວ່າ​ບໍ່​ພົບ​ເຊື້ອ​ໃນ​ຮ່າງກາຍ.

​ໃນ​ອາທິດ​ຜ່ານ​ມາ, ທ່ານ ລີ ສຸວັນ ​ໂຄສົກ​ກະຊວງ​ສາທາລະນະ​ສຸກ ​ແລະ ຜູ້ອຳນວຍການ​ກົມ​ຄວບ​ຄຸມພະ​ຍາດຕິ​ດຕໍ່ ​ເຕືອນ​ປະຊາຊົນ​ໃຫ້​ລະມັດລະວັງ​ການ​ແຜ່​ລະບາດ​ຂອງ​ໄວຣັສ H5N1 ພ້ອມ​ແນະນຳ​ບໍ່​ຄວນ​ຮັບ​ປະທານ​ສັດ​ປີກ​ເປັນ​ພະຍາດ ​ແລະ ຂໍ​ໃຫ້​ປະຊາຊົນ​ລາຍ​ງານ​ທັນທີ ຖ້າ​ພົບ​ກໍລະນີ​ສົງ​ໄສ​ວ່າ​ມີ​ການ​ແຜ່​ລະບາດ​ຂອງ​ເຊື້ອ​ໄຂ້ຫວັດ​ສັດ​ປີກ.

- Wave100S AD to Website 2020 0 - ກຳປູເຈຍພົບໄຂ້ຫວັດສັດປີກລະບາດ ຄັ້ງໃໝ່ຢູ່ນະຄອນຫລວງພະນົມເປັນ

ທັງ​ນີ້, ​ໄວຣັສ H5N1 ​ເປັນຕົ້ນ​ເຫດ​ໃຫ້​ມີ​ຄົນ​ກຳປູ​ເຈຍ​ເສຍ​ຊີວິດ 4 ຄົນ ​ໃນ​ປີ 2014 ​ແລະ ອີກ 14 ຄົນ ​ໃນ​ປີ 2015.

- WhatsApp Image 2020 05 27 at 5 - ກຳປູເຈຍພົບໄຂ້ຫວັດສັດປີກລະບາດ ຄັ້ງໃໝ່ຢູ່ນະຄອນຫລວງພະນົມເປັນ
- WhatsApp Image 2020 05 27 at 5 - ກຳປູເຈຍພົບໄຂ້ຫວັດສັດປີກລະບາດ ຄັ້ງໃໝ່ຢູ່ນະຄອນຫລວງພະນົມເປັນ
error: Alert: ເນື້ອຫາຂ່າວມີລິຂະສິດ !!