ຣັດເຊຍຈະບໍ່ສະໜັບສະໜູນອາເມລິກາ ທີ່ພະຍາຍາມປ່ຽນຂໍ້ຕົກລົງນິວເຄຼຍອີຣານ

- 1516009771581 960x0 - ຣັດເຊຍຈະບໍ່ສະໜັບສະໜູນອາເມລິກາ ທີ່ພະຍາຍາມປ່ຽນຂໍ້ຕົກລົງນິວເຄຼຍອີຣານ
- Untitled design - ຣັດເຊຍຈະບໍ່ສະໜັບສະໜູນອາເມລິກາ ທີ່ພະຍາຍາມປ່ຽນຂໍ້ຕົກລົງນິວເຄຼຍອີຣານ

ທ່ານ ​ເຊີ​ເກ ລາບຣອບ ລັດຖະມົນຕີ​ຕ່າງປະ​ເທດ​ຣັດ​ເຊຍ ກ່າວ​ໃນ​ວັນ​ທີ 15 ມັງກອນ​ວ່າ: ຣັດ​ເຊ​ຍຈະ​ບໍ່​ສະໜັບສະໜູນ​ຄວາມ​ພະຍາຍາມ​ຂອງ​ອາ​ເມ​ລິ​ກາ​ທີ່​ຈະ​ປັບ​ປ່ຽນ​ຂໍ້​ຕົກລົງ​ນິວ​ເຄຼຍອີຣານ.

ທ່ານ ລາບຣອບ ກ່າວ​ພາຍຫລັງ​ກ່ອນ​ໜ້າ​ນີ້​ປະທານາທິບໍດີ ​ໂດ​ນັນ ທຣຳ ຜູ້ນຳ​ອາ​ເມ​ລິ​ກາ ກ່າວ​ວ່າ: ທ່ານ​ຈະ​ຢຸດ​ການ​ອອກ​ມາດ​ຕະການ​ຂວ້ຳບາດ​ອີຣານ​ເພີ່​ມຕື່ມ ​ເພື່ອ​ໃຫ້​ອາ​ເມ​ລິ​ກາ ​ແລະ ປະ​ເທດ​ພັນທະ​ມິດ​ເອີຣົບ​ໄດ້​ປັບ​ຂໍ້​ຕົກລົງ​ນິວ​ເຄຼຍທີ່​ເຮັດ​​ໄວ້​ກັບ​ອີຣານ​ໃນ​ປີ 2015. ທ່ານ ລາບຣອບ ກ່າວ​ໃນ​ການ​ຖະ​ແຫລ​ງຂ່າວ​ຢູ່​ນະຄອນຫລວງ​ມົດ​ສະ​ກູ​ວ່າ: ຣັດ​ເຊຍ​ຈະ​ບໍ່​ສະໜັບສະໜູນ​ຄວາມ​ພະຍາຍາມ​ຂອງ​ອາ​ເມ​ລິ​ກາ​ທີ່​ຈະ​ປັບ​ປ່ຽນ​ເນື້ອ​ໃນ​ຂໍ້​ຕົກລົງ ​ເຊິ່ງ​ເປັນ​ສິ່ງ​ທີ່​ອີຣານບໍ່​ຍອມຮັບ ​ແລະ ​ເນັ້ນວ່າ: ຣັດ​ເຊຍ​ຈະ​ຍັງ​ຍຶດໝັ້ນ​ໃນ​ຂໍ້​ຕົກລົງ​ນິວ​ເຄຼຍທີ່​ມີ​ຢູ່​ກັບ​ອີຣານ. ລັດຖະມົນຕີ​ຕ່າງປະ​ເທດຣັດ​ເຊຍ​ກ່າວ​ເຕືອນ​ວ່າ: ການ​ຍົກ​ເລີກ​ຂໍ້​ຕົກລົງ​ກັບ​ອີຣານຈະ​ສົ່ງ​ຜົນ​ກະທົບ​ຕໍ່​ຄວາມ​ໜ້າ​ເຊື່ອ​ຖື​ໃນ​ການ​ເຈລະຈາ​ກັບ ສປປ ​ເກົາຫລີ.

- Wave100S AD to Website 2020 0 - ຣັດເຊຍຈະບໍ່ສະໜັບສະໜູນອາເມລິກາ ທີ່ພະຍາຍາມປ່ຽນຂໍ້ຕົກລົງນິວເຄຼຍອີຣານ
- WhatsApp Image 2020 05 27 at 5 - ຣັດເຊຍຈະບໍ່ສະໜັບສະໜູນອາເມລິກາ ທີ່ພະຍາຍາມປ່ຽນຂໍ້ຕົກລົງນິວເຄຼຍອີຣານ
- WhatsApp Image 2020 05 27 at 5 - ຣັດເຊຍຈະບໍ່ສະໜັບສະໜູນອາເມລິກາ ທີ່ພະຍາຍາມປ່ຽນຂໍ້ຕົກລົງນິວເຄຼຍອີຣານ
error: Alert: ເນື້ອຫາຂ່າວມີລິຂະສິດ !!