ປີທ່ອງທ່ຽວຕ້ອງເລັ່ງສ້າງສິ່ງອຳນວຍຄວາມສະດວກໃຫ້ຜູ້ມາທ່ຽວຫລາຍຂຶ້ນ

- 16711579 1242159339194713 2729657789129699013 n - ປີທ່ອງທ່ຽວຕ້ອງເລັ່ງສ້າງສິ່ງອຳນວຍຄວາມສະດວກໃຫ້ຜູ້ມາທ່ຽວຫລາຍຂຶ້ນ
- Untitled design - ປີທ່ອງທ່ຽວຕ້ອງເລັ່ງສ້າງສິ່ງອຳນວຍຄວາມສະດວກໃຫ້ຜູ້ມາທ່ຽວຫລາຍຂຶ້ນ

ໂດຍ: ທ່ຽງທຳ

ສະບາຍດີເພື່ອນຜູ້ອ່ານທີ່ຮັກ ແພງຫລາຍຄົນກໍອາດຈະດີໃຈ ເມື່ອລາວເຮົາເປີດປີທ່ອງທ່ຽວ 2018 ນີ້ເປັນຄັ້ງທີສາມ, ເພື່ອ ຫວັງດຶງດູດນັກທ່ອງທ່ຽວເຂົ້າ ມາປະເທດໃຫ້ບັນລຸໄດ້ 5 ລ້ານ ເທື່ອຄົນ ແລະ ສາມາດສ້າງລາຍ ຮັບໃຫ້ປະເທດບໍ່ໃຫ້ຫລຸດ 900 ລ້ານໂດລາສະຫະລັດ. ແຕ່ຢາກ ໄດ້ແນວນັ້ນຈະຕ້ອງໄດ້ເຮັດ ຫຍັງແດ່? ຖ້າເວົ້າໃນເລື່ອງກິດ ຈະກຳຕ່າງໆ ເບື້ອງມະຫາພາກ ຂະແໜງທ່ອງທ່ຽວເພິ່ນກໍໄດ້ມີໄວ້ ຢ່າງຫລາກຫລາຍ, ໂດຍມອບ ໝາຍໃຫ້ແຕ່ລະທ້ອງຖິ່ນນຳໃຊ້ທ່າ ແຮງຂອງຕົນຈັດງານບຸນປະເພນີ ຕ່າງໆ ໃຫ້ຟົດຟື້ນມວນຊື່ນເພື່ອ ສ້າງສິ່ງດຶງດູດໃຈຂອງຜູ້ມາທ່ຽວ, ໄປຄຽງຄູ່ກັບການລົງທຶນຢ່າງມະ ຫາສານເພື່ອເລັ່ງພັດທະນາ, ປັບປຸງປົວແປງແຫລ່ງທ່ອງທ່ຽວ ສຳຄັນຕ່າງໆ ໃນສາມທ່າແຮງ ຂອງການທ່ອງທ່ຽວລາວເຮົາຄື: ແຫລ່ງທ່ອງທ່ຽວທາງທຳມະ ຊາດ, ປະຫວັດສາດ ແລະ ວັດທະ ນະທຳທີ່ຫລາກຫລາຍ ແລະ ພົ້ນ ເດັ່ນນັ້ນໃຫ້ຊາວໂລກໄດ້ມາສຳ ພັດ. ແຕ່ໜ້າເສຍດາຍໃນຜ່ານມາ ນີ້ມີຫາງສຽງຕີລາຄາວ່າ: ການ ເຂົ້າມາທ່ອງທ່ຽວຢູ່ລາວຍັງມີລາ ຄາແພງ, ການເຂົ້າອອກເມືອງ ແລະ ການຄົມມະນາຄົມໄປມາ ຍັງມີຄວາມຫຍຸ້ງຍາກ ແລະ ຂອດການບໍລິການອື່ນໆ ກໍຍັງບໍ່ ທັນພຽບພ້ອມດີ, ອັນນີ້ກໍຫາກ ແມ່ນໂດຍພາບລວມແລ້ວກໍຈະ ເປັນແນວນັ້ນແທ້, ໃນເບື້ອງລາ ຄາບໍລິການທ່ອງທ່ຽວບາງຄັ້ງ ເຮົາອາດຂາດການຄຸ້ມຄອງ ກວດກາ ແລະ ມີມາດຕະຖານ ທີ່ດີແທ້, ຕົວຢ່າງຄ່າອາຫານລາ ຄາທໍໃດຈິ່ງຈະເໝາະກັບລະດັບ ຄ່າຄອງຊີບໃນປະເທດເຮົາແຕ່ລະ ໄລຍະຄ່າຂົນສົ່ງໂດຍສານ, ໂຮງ ແຮມເຮືອນພັກເດເປັນແນວໃດ ຈິ່ງວ່າພໍດີພໍງາມເມື່ອທຽບກັບ ຄຸນນະພາບຂອງມັນ, ພ້ອມນັ້ນກໍ ແມ່ນການສ້າງສິ່ງອຳນວຍດ້ານ ການຂົນສົ່ງ, ເສັ້ນທາງຄົມມະນາ ຄົມໃຫ້ໂລ່ງລ່ຽນ, ຜູ້ເຂົ້າຜູ້ອອກ ເມືອງກໍໃຫ້ສະດວກເລື່ອງການ ປະກອບ ແລະ ສະໜອງການບໍ ລິການ ຕ່າງໆ ນັບທັງຂອດວິຊາ, ການແຈ້ງໜັງສືຜ່ານແດນຢູ່ແຕ່ ລະດ່ານເຂົ້າອອກເມືອງກໍໃຫ້ ວ່ອງໄວທັນໃຈ, ບໍ່ແມ່ນວ່າ ເວລາ ໃດກໍເຫັນລຽນແຖວຍາວ ຢຽດດັ່ງ ດ່ານຂົວມິດຕະພາບ I, ຖ້າມີ ແຂກ ຫລາຍກໍອາດຂະຫຍາຍປ່ອງບໍລິ ການຕື່ມອີກ ແລະ ພ້ອມນັ້ນການ ເຮັດວຽກບໍລິການຢູ່ສະຖານທີ່ ທ່ອງທ່ຽວແຕ່ລະແຫ່ງກໍໃຫ້ຄ່ອງ ແຄ້ວ, ມີຜູ້ອະທິບາຍບັນລະຍາຍ ມາດການຕ່າງໆໃນບ່ອນນັ້ນໃຫ້ ນັກທ່ອງທ່ຽວໄດ້ຮັບຮູ້ ແລະ ເຂົ້າ ໃຈ, ສ່ວນເບື້ອງບໍລິການອື່ນໆ ຂອງເຈົ້າໜ້າທີ່ທ່ອງທ່ຽວກໍໃຫ້ຢູ່ ໃນຂອບຮັກສາຄວາມສະຫງົບ ປອດໄພໃຫ້ຜູ້ມາທ່ຽວບໍ່ແມ່ນຈະ ໄປສວຍໂອກາດໄປໃນທາງທີ່ບໍ່ ຖືກຕ້ອງດັ່ງຜ່ານາ, ມີນັກທ່ອງ ທ່ຽວ ຫລື ແຂກຫລາຍຄົນຈະ ຈອດລົດເຂົ້າຖ່າຍຮູບຢູ່ສະຖານທີ່ ທ່ອງທ່ຽວຕ່າງໆ ກໍຕ້ອງໃຫ້ມີໃບ ສະເໜີ, ມີອະນຸຍາດ ຫລື ການລັດ ລົດກວດກາເອກະສານນັ້ນນີ້ທີ່ ສ້າງສິ່ງລຳຄານໃຫ້ຜູ້ມາທ່ຽວ ນັ້ນກໍໃຫ້ພ້ອມກັນຢຸດຕິ ແລະ ຄວນ ມີແບບແຜນທີ່ດີກວ່ານີ້ໃນການ ຮັກສາຄວາມສະຫງົບປອດໄພ, ຖ້າເຮົາເຮັດໄດ້ແນວນີ້ກໍຈະເປັນ ສ່ວນປະກອບສຳຄັນຍິ່ງໃນການ ດຶງດູດຜູ້ມາທ່ຽວປະເທດ ເຮົາ ຫລາຍຂຶ້ນ ແລະ ຈະສາມາດບັນ ລຸຕົວເລກຄາດໝາຍທີ່ວາງໄວ້ ຢ່າງແນ່ນອນ.

 

+ ປີທ່ອງທ່ຽວລາວ 2018 ອຸດົມໄຊຄາດໝາຍດຶງດູດນັກທ່ອງທ່ຽວ 3-4 ແສນຄົນ

- Wave100S AD to Website 2020 0 - ປີທ່ອງທ່ຽວຕ້ອງເລັ່ງສ້າງສິ່ງອຳນວຍຄວາມສະດວກໃຫ້ຜູ້ມາທ່ຽວຫລາຍຂຶ້ນ

+ ປີທ່ອງທ່ຽວແຂວງບໍລິຄຳໄຊເປີດຂຶ້ນແລ້ວ

- 16711579 1242159339194713 2729657789129699013 n 300x225 - ປີທ່ອງທ່ຽວຕ້ອງເລັ່ງສ້າງສິ່ງອຳນວຍຄວາມສະດວກໃຫ້ຜູ້ມາທ່ຽວຫລາຍຂຶ້ນ

- WhatsApp Image 2020 05 27 at 5 - ປີທ່ອງທ່ຽວຕ້ອງເລັ່ງສ້າງສິ່ງອຳນວຍຄວາມສະດວກໃຫ້ຜູ້ມາທ່ຽວຫລາຍຂຶ້ນ
- WhatsApp Image 2020 05 27 at 5 - ປີທ່ອງທ່ຽວຕ້ອງເລັ່ງສ້າງສິ່ງອຳນວຍຄວາມສະດວກໃຫ້ຜູ້ມາທ່ຽວຫລາຍຂຶ້ນ
error: Alert: ເນື້ອຫາຂ່າວມີລິຂະສິດ !!