ເປີດງານ​ວາງສະ​ແດງ​ເຟີ​ນີ​ເຈີ​ໄມ້​ລາວຄັ້ງ​ທີ 4

- Furniture - ເປີດງານ​ວາງສະ​ແດງ​ເຟີ​ນີ​ເຈີ​ໄມ້​ລາວຄັ້ງ​ທີ 4
- 174233 - ເປີດງານ​ວາງສະ​ແດງ​ເຟີ​ນີ​ເຈີ​ໄມ້​ລາວຄັ້ງ​ທີ 4

ງານ​ວາງສະ​ແດງ​ເຟີ​ນີ​ເຈີ​ໄມ້​ລາວຄັ້ງ​ທີ 4 ​ໄດ້​ເປີດ​ຂຶ້ນ​ໃນ​ວັນ​ທີ 15 ມັງກອນ​ນີ້, ຢູ່​ສູນ​ການ​ຄ້າ​ລາວ​-ໄອ​ເຕັກນະຄອນຫລວງ​ວຽງຈັນ, ​ໂດຍ​​ເຂົ້າ​ຮ່ວມ​ຂອງ​ຫົວໜ້າກົມ​ສົ່ງ​ເສີມ​ການ​ຄ້າກະຊວງອຸດສາຫະກຳ ​ແລະ ການ​ຄ້າ, ພ້ອມ​ບັນດາ​ຜູ້​ປະກອບ​ການ​ທັງ​ພາຍ​ໃນ ​ແລະ ຕ່າງປະ​ເທດ​ເຂົ້າ​ຮ່ວມ​ເປັນ​ຈຳນວນ​ຫລວງຫລາຍ.

ທ່ານ ກອງ​ມາລາ ພົມ​ມະ​ໄລ ຮອງ​ປະທານ​ສະມາຄົມ​ເຟີ​ນີ​ເຈີ​ລາວ ​ໄດ້ລາຍ​ງານ​ວ່າ: ງານ​ວາງສະ​ແດງ​ຜະລິດ​ຕະພັນ​ໄມ້​ລາວນີ້, ມີ​ຈຳນວນ​ຫ້ອງ​ວາງສະ​ແດງ​ສິນຄ້າ 163 ຫ້ອງມາ​ຈາກ 59 ຫົວໜ່ວຍທຸລະ​ກິດ, ຄາດ​ວ່າ​ຈະ​ມີ​ການ​ຊື້ຂາຍ​ປະມານ 80%, ​ໂດຍໄດ້ຈັດຂຶ້ນປີລະຄັ້ງເພື່ອ​ເປັນ​ການ​ໂຄສະນາ​ສິນຄ້າ​ເຟີ​ນີ​ເຈີ​ໄມ້​ລາວ, ​ເປັນ​ການ​ແລກປ່ຽນບົ​ດຮຽນ ​ແລະ ປະສົບ​ການ​ຂອງ​ນັກທຸລະກິດ​ຫົວໜ່ວຍຜະລິດ​​ເຟີ​ນີ​ເຈີ ທີ່​ໄດ້​ໃຊ້​ຫົວຄິດ​ປະດິດ​ສ້າງ​ທີ່​ມີ​ຄວາມ​ຊຳນິ​ຊຳນານ ​ແລະ ຄວາມ​ປາ​ນິດ​ທີ່​ໄດ້ຕົກແຕ່ງ​ຜະລິດ​ຕະພັນຕ່າງໆ​ໃຫ້​ທ່ານ​ສາມາດ​ເລືອກຊື້ ​ໄດ້.

- Wave100S AD to Website 2020 0 - ເປີດງານ​ວາງສະ​ແດງ​ເຟີ​ນີ​ເຈີ​ໄມ້​ລາວຄັ້ງ​ທີ 4

ທ່ານ ຄຳ​ໄພ່ ສົມ​ຊະນະ ປະທານ​ສະມາຄົມ​ເຟີ​ນີ​ເຈີ​ລາວ ​ໃຫ້​ຮູ້​ວ່າ: ການຈັດ​ງານ​ຄັ້ງ​ນີ້, ​ເປັນ​ການ​ດຶງ​ດູດ​ເອົາ​ການ​ລົງທຶນ​ຈາກ​ພາຍ​ໃນ ​ແລະ ຕ່າງປະ​ເທດ​ໃຫ້​ມາ​ລົງທຶນ​ໃນ​ຂົງ​ເຂດ​ການ​ຜະລິດ​ເຟີ​ນີ​ເຈີ​ໄມ້, ສ້າງ​ມູນ​ຄ່າ​ເພີ່ມ​ໃຫ້​ແກ່​ການ​ຜະລິດ, ສ້າ​ງວຽກ​ເຮັດ​ງານ​ທຳ​ໃຫ້​ກັບ​ປະຊາຊົນ ​ເພື່ອ​ຫລຸດຜ່ອນ​ໄພ​ຫວ່າງ​ງານໃນສັງຄົມ ແລະ ສອດຄ່ອງ​ກັບ​ແຜນ​ພັດທະນາ​ເສດຖະກິດ-ສັງຄົມ​ຂອງ​ລັດຖະບານ​ວາງ​ອອກ. ​ໃນ​ໄລຍະ​ຜ່ານ​ມາ, ສະມາຄົມ​ເຟີ​ນີ​ເຈີລາວ​ໄດ້​ມີ​ການຈັດ​ງານ​ວາງສະ​ແດງຜະລິດຕະພັນຂອງຕົນມາແລ້ວຫລາຍຄັ້ງ​ຄື: ງານ​ວາງສ​ະ​ແດງ​ຜະລິດ​ຕະພັນ​ເຟີ​ນີ​ເຈີ​ໄມ້​ລາວ, ງານ​ສະ​ແດງ​ເຟີ​ນີ​ເຈີ​ວຽງຈັນ, ງານ​ວາງສະ​ແດງ​ເຄື່ອງ​ເຮືອນ​ລາວ, ຊຶ່ງ​ໄດ້​ສ້າງ​ຊື່ສຽງ​ໃນ​ສັງຄົມ​ທັງ​ໃນພາກພຶ້ນ ​ແລະ ສາກົນ ແລະ ຜ່ານ​ມາສະ​ມາ​ຄົມ​ຍັງໄດ້​ນຳພາ​ພາກສ່ວນ​ຫົວໜ່ວຍທຸລະ​ກິດ​ເຂົ້າ​ຮ່ວມ​ວາງສະ​ແດງ​ສິນຄ້າ​ຢູ່ ສປຈີນ ​ແລະ ​ໄດ້​ເປັນ​ເຈົ້າພາບ​ຈັດ​ກອງປະຊຸມ​ສະມາຄົມ​ເຟີ​ນີ​ເຈີ​ອາຊຽນຊ່ວຍ​ຍົກ​ສູງ​ບົດບາດຂອງຕົນ​ພົ້ນ​ເດັ່ນ​ຂຶ້ນ.

- WhatsApp Image 2020 05 27 at 5 - ເປີດງານ​ວາງສະ​ແດງ​ເຟີ​ນີ​ເຈີ​ໄມ້​ລາວຄັ້ງ​ທີ 4
error: Alert: Content is protected !!