ມອບ​ອັດຖິ​ທະຫານ​ອາສາ​ສະໝັກ​ຫວຽດນາມ​​ກັບ​ຄືນ​ປະ​ເທດ

- Bone - ມອບ​ອັດຖິ​ທະຫານ​ອາສາ​ສະໝັກ​ຫວຽດນາມ​​ກັບ​ຄືນ​ປະ​ເທດ
- Untitled design - ມອບ​ອັດຖິ​ທະຫານ​ອາສາ​ສະໝັກ​ຫວຽດນາມ​​ກັບ​ຄືນ​ປະ​ເທດ

ພິທີ​ມອບ-ຮັບ​ອັດຖິ​ທະຫານ​ອາສາ​ສະໝັກ ​ແລະ ຊ່ຽວຊານ ສສ ຫວຽດນາມ ທີ່​ເສຍສະຫລະ​ຊີວິດ​ໃນ​ປາງ​ສົງຄາມ​ຢູ່ 6 ​ແຂວງ​ພາກ​ເໜືອ​ຂອງ​ລາວ ກັບ​ຄືນ​ປະ​ເທດ ​ໄດ້​ຈັດ​ຂຶ້ນ​ໃນ​ວັນ​ທີ 10 ມັງກອນນີ້ ທີ່​ແຂວງ​ອຸດົມ​ໄຊ ​ໂດຍ​ການ​ເຂົ້າຮ່ວມ​ຂອງ ພັອ ສີທາ ດວງ​ມາລາ ຫົວໜ້າ​ກົມ​ນະ​ໂຍບາຍ ກະຊວງ​ປ້ອງ​ກັນ​ປະ​ເທດ, ຮອງ​ຫົວໜ້າ​ຄະນະ​ປະຕິບັດ​ງານ​ພິ​ເສດ ​ແຫ່ງ ສປປ ລາວ, ທ່ານ ພົຈວ ຟາ​ມດຶກ​ຢວຽນ ຮອງ​ຫົວໜ້າ​ການ​ເມືອງ​ທະຫານ​ເຂດ 2 ສສ ຫວຽດນາມ, ມີ​ການ​ນຳ​ພັກ-ລັດ, ຄະນະ​ປະຕິບັດ​ງານ​ພິ​ເສດ ລາວ-ຫວຽດນາມ 6 ​ແຂວງ​ພາກ​ເໜືອຄື​: ​ບໍ່​ແກ້ວ, ຫລວງ​ນ້ຳທາ, ຜົ້ງສາລີ, ອຸດົມ​ໄຊ, ຫລວງ​ພະ​ບາງ ​ແລະ ​ແຂວງ​ໄຊ​ຍະ​ບູລີ ພ້ອມ​ດ້ວຍ​ຊາວ​ຫວຽດນາມ​ທີ່​ດຳ​ເນີນ​ທຸລະ​ກິດ, ດຳລົງ​ຊີວິດ​ຢູ່​ແຂວງ​ອຸດົມ​ໄຊ ​ແລະ ມວນ​ຊົນ​ຊາວ​​ແຂວງ​ອຸດົມ​ໄຊ​ເຂົ້າຮ່ວມຢ່າງ​ຫລວງຫລາຍ.

ທ່ານ ພົຈວ ຈັນທະ​ວອນ ​ໄຊ​ຍະ​ຜົງ ຫົວໜ້າ​ກອງ​ບັນຊາ​ການ​ທະຫານ​ແຂວງ​ອຸດົມ​ໄຊ ກ່າວ​ວ່າ: ການ​ຂຸດ​ຄົ້ນທ້ອນ​ໂຮມ ​ແລະ ການ​ເຄື່ອນ​ຍ້າຍ​ອັດຖິ​ຂອງ​ທະຫານ​ອາສາ​ສະໝັກ ​ແລະ ຊ່ຽວຊານຫວຽດນາມ ທີ່​ເສຍສະຫລະ​ຊີວິດ​ໃນ​ໄລຍະ​ຕໍ່ສູ້​ກູ້​ຊາດ ​ເພື່ອ​ປົດ​ປ່ອຍປະ​ເທດ​ລາວ​ຢູ່ 6 ​ແຂວງ​ພາກ​ເໜືອ​​ໄດ້​ເລີ່​ມ​ປະຕິບັດ​ມາ​ແຕ່​ປີ 1994 ​ເຖິງ​ປັດຈຸບັນ ​ເຊິ່ງ​ເປັນ​ເວລາ 24 ປີ ສາມາດ​ກວດກາ, ຊອກ​ຫາ ​ແລະ ພົບ​ເຫັນ​ທັງ​ໝົດ 3.192 ຊິ້ນສ່ວນ, ຂຸດ​ຄົ້ນ ​ແລະ ທ້ອນ​ໂຮມ​ອັດຖິ​ໄດ້​ທັງ​ໝົດ 1.642 ອັດຖິ, ​ໄດ້​ນຳ​ສົ່ງ​ກັບ​ຄືນ​ປະ​ເທດ​ແລ້ວ ຈຳນວນ 1.633 ອັດຖິ. ສະ​ເພາະ​ລະດູ​ແລ້ງ ສົກ​ປີ 2017-2018 ນີ້ ​ໄດ້​ກວດກາ, ຊອກ​ຫາ​ໄດ້​ທັງ​ໝົດ 266 ຊິ້ນສ່ວນ ​ແລະ ຂຸດ​ຄົ້ນ​ໄດ້ 9 ອັດຖິ ​ເຊິ່ງ​ໄດ້​ນຳ​ມາ​ຈັດ​ມອບ-ຮັບ​ໃນ​ຄັ້ງນີ້.

- Wave100S AD to Website 2020 0 - ມອບ​ອັດຖິ​ທະຫານ​ອາສາ​ສະໝັກ​ຫວຽດນາມ​​ກັບ​ຄືນ​ປະ​ເທດ

​ໃນ​ພິທີ​​ໄດ້​ລົງ​ນາມ​ເຊັນ​ບົດ​ບັນທຶກ​ມອບ-ຮັບ​ຢ່າງ​ເປັນ​ທາງ​ການ, ຕາງໜ້າຝ່າຍ​ລາວ​ໂດຍ​ແມ່ນ​ທ່ານ ສົມ​ຟອງ ​ແສງ​ຈັນທະ​ລາ ຫົວໜ້າ​ພະ​ແນ​ກ​ແຮງ​ງານ ​ແລະ ສະຫວັດດີ​ການ​ສັງຄົມ ​ແຂວງ​ອຸດົມ​ໄຊ ​ແລະ ຝ່າຍ​ຫວຽດນາມ​ແມ່ນ​ທ່ານ ພັອ ຫານ​ວັນຮຸງ ຫົວໜ້າ​ກອງ​ປະຕິບັດ​ງານ​ພິ​ເສດ​ທະຫານ​ເຂດ 2 ສສ ຫວຽດນາມ ປະຈຳ​ພາກ​ເໜືອ. ຈາກ​ນັ້ນກໍ​ໄດ້​ຈັດ​ພິທີ​ທາງ​ສາສະໜາ, ວາງ​ພວງມາລາ ​ແລ້ວ​ນຳ​ເອົາ​ອັດຖິ​ຈຳນວນ​ດັ່ງກ່າວ​ເຄື່ອນ​ຂະ​ບວນສູ່​ ສສ ຫວຽດນາມ ທ່າມກາງ​ຄວາມ​ອາ​ໄລ​ອາວ​ອນຂອງ​ປະຊາຊົນ​ສອງ​ຊາດ.

- WhatsApp Image 2020 05 27 at 5 - ມອບ​ອັດຖິ​ທະຫານ​ອາສາ​ສະໝັກ​ຫວຽດນາມ​​ກັບ​ຄືນ​ປະ​ເທດ
- WhatsApp Image 2020 05 27 at 5 - ມອບ​ອັດຖິ​ທະຫານ​ອາສາ​ສະໝັກ​ຫວຽດນາມ​​ກັບ​ຄືນ​ປະ​ເທດ
error: Alert: ເນື້ອຫາຂ່າວມີລິຂະສິດ !!