ລາວມອບ​ຜູ້​ຕ້ອງ​ຫາ​ຄະດີ​ສໍ້​ໂກງ​ຊັບຮ້ອຍ​ກວ່າຄົນ​ໃຫ້​ຕຳຫລວດ​ຈີນ

- china - ລາວມອບ​ຜູ້​ຕ້ອງ​ຫາ​ຄະດີ​ສໍ້​ໂກງ​ຊັບຮ້ອຍ​ກວ່າຄົນ​ໃຫ້​ຕຳຫລວດ​ຈີນ
- Untitled design - ລາວມອບ​ຜູ້​ຕ້ອງ​ຫາ​ຄະດີ​ສໍ້​ໂກງ​ຊັບຮ້ອຍ​ກວ່າຄົນ​ໃຫ້​ຕຳຫລວດ​ຈີນ

ກະຊວງ​ປ້ອງ​ກັນ​ຄວາມ​ສະຫງົບ ສປປ ລາວ ​ໄດ້​ຈັດ​ພິທີ​ມອບ​ຜູ້​ຖືກ​ຫາ​​ສໍ້​ໂກງ​ຊັບ​ພົນລະ​ເມືອງ ຜ່ານ​ລະບົບ​ໂທລະ​ຄົມມະນາຄົມ ​ແລະ ລັກລອບ​ປະກອບ​ອາຊີບ​ ຢູ່ ສປປ ລາວ ​ໃຫ້​ເຈົ້າໜ້າ​ທີ່​ຕຳຫລວດ ສປ ຈີນ ​ໃນ​ວັນ​ທີ 12 ມັງກອນນີ້ ລະຫວ່າງ​ທ່ານ ພົຈວ ຄຳ​ມ້າວ ຫລ້າ​ຈັນ​ເພັດ ຮອງ​ຫົວໜ້າ​ກົມ​ໃຫຍ່​ສັນຕິ​ບານ ກະຊວງ ປກສ ​ແລະ ກອງ​ບັນຊາ​ການ​ຕຳຫລວດ​ແຂວງ​ເຫີ​ໜານ ​ແລະ ນະຄອນ​ຊີ​ອານ ​ແຂວງ​ຊານ​ຊີ ສປ ຈີນ.

​ໃນ​ພິທີ, ທ່ານ ພົຈວ ຄຳ​ມ້າວ ຫລ້າ​ຈັນ​ເພັດ ກ່າວ​ວ່າ: ພາຍຫລັງ​ທີ່ ສປ ຈີນ ສະ​ເໜີ​ຜ່ານ​ສະຖານທູດ​​ໃຫ້​ກຳລັງ​ປ້ອງ​ກັນ​ຄວາມ​ສະຫງົບ​ລາວ​ຊ່ວຍ​ແກ້​ໄຂ​ກຸ່ມ​ພົນລະ​ເມືອງ​ສັນຊາດ​ຈີນ​ທີ່​ເຄື່ອນ​ໄຫວ​ກະທຳ​ຜິດ​ສໍ້​ໂກງ​ຊັບ​ພົນລະ​ເມືອງ​ຜ່ານ​ລະບົບ​ໂທລະ​ຄົມມະນາຄົມ ​ແລະ ລັກລອບ​ປະກອບ​ອາຊີບ ຢູ່ ສປປ ລາວ, ລັດຖະມົນຕີ​ກະຊວງ ປກສ ຈຶ່ງ​ແຕ່ງຕັ້ງໜ່ວຍ​ງານ​ສະ​ເພາະ​ຂຶ້ນ ປະກອບ​ມີ: ກົມ​ໃຫຍ່​ສັນຕິ​ບານ, ກົມ​ໃຫຍ່​ຕຳຫລວດ ​ແລະ ຫ້ອງ​ວ່າການ​ກະຊວງ ປກສ ​ເພື່ອ​ສົມທົບ​ກັບ​ຕຳຫລວດຈີນ ​ແກ້​ໄຂ​ກຸ່ມ​ຄົນດັ່ງກ່າວທີ່​ເຂົ້າມາ​ເຄື່ອນ​ໄຫວ, ລະ​ເມີດ​ກົດໝາຍ ​ແລະ ລະບຽບ​ການ​ຂອງ ສປປ ລາວ ໄດ້​ທັງ​ໝົດ 5 ຈຸດ, ສາມາດ​ກັກ​ຕົວ​ຜູ້​ຖືກ​ຫາ​ໄດ້ 104 ຄົນ ຍິງ 21 ຄົນ, ຜ່ານ​ການ​ສືບສວນ​ໃນ​ເບື້ອງຕົ້ນຂອງ​ເຈົ້າໜ້າ​ທີ່​ລາວ ຮູ້ວ່າ​ກຸ່ມ​ຄົນ​ດັ່ງກ່າວ​​ໄດ້​ເຂົ້າມາ​ເຄື່ອນ​ໄຫວ​ກະທຳ​ຜິດ​ສໍ້​ໂກງ​ຊັບ​ພົນລະ​ເມືອງ ​ຜ່ານ​ລະບົບ​ໂທລະ​ຄົມມະນາຄົມ ​ແລະ ລັກລອບ​ປະກອບ​ອາຊີບ​ຢູ່​ລາວ​ແທ້, ​ໃນ​ນັ້ນມອບ​ໃຫ້​ກອງ​ບັນຊາ​ການ​ຕຳຫລວດ​ນະຄອນ​ຊີ​ອານ ​ແຂວງ​ຊານ​ຊີ ຈຳນວນ 63 ຄົນ ຍິງ 12 ຄົນ ​ແລະ ກອງ​ບັນຊາ​ການ​ຕຳຫລວດ​ແຂວງ​ເຫີ​ໜານ 41 ຄົນ ຍິງ 9 ຄົນ.

- Wave100S AD to Website 2020 0 - ລາວມອບ​ຜູ້​ຕ້ອງ​ຫາ​ຄະດີ​ສໍ້​ໂກງ​ຊັບຮ້ອຍ​ກວ່າຄົນ​ໃຫ້​ຕຳຫລວດ​ຈີນ
- WhatsApp Image 2020 05 27 at 5 - ລາວມອບ​ຜູ້​ຕ້ອງ​ຫາ​ຄະດີ​ສໍ້​ໂກງ​ຊັບຮ້ອຍ​ກວ່າຄົນ​ໃຫ້​ຕຳຫລວດ​ຈີນ
- WhatsApp Image 2020 05 27 at 5 - ລາວມອບ​ຜູ້​ຕ້ອງ​ຫາ​ຄະດີ​ສໍ້​ໂກງ​ຊັບຮ້ອຍ​ກວ່າຄົນ​ໃຫ້​ຕຳຫລວດ​ຈີນ
error: Alert: ເນື້ອຫາຂ່າວມີລິຂະສິດ !!