ຫ້ອງ​ວ່າການສະພາ​ແຫ່ງ​ຊາດ​ດຳ​ເນີນ​ກອງ​ປະຊຸມ​ປະຈຳ​ປີ

- AID 1946 - ຫ້ອງ​ວ່າການສະພາ​ແຫ່ງ​ຊາດ​ດຳ​ເນີນ​ກອງ​ປະຊຸມ​ປະຈຳ​ປີ
- Untitled design - ຫ້ອງ​ວ່າການສະພາ​ແຫ່ງ​ຊາດ​ດຳ​ເນີນ​ກອງ​ປະຊຸມ​ປະຈຳ​ປີ

​ກອງ​ປະຊຸມວຽກ​ງານ​ຫ້ອງ​ວ່າການສະພາ​ແຫ່ງ​ຊາດ​ທົ່ວ​ປະ​ເທດ​ຄັ້ງ​ທີ VIII ​ໄດ້​ຈັດ​ຂຶ້ນ​ໃນ​ວັນ​ທີ 15-16 ມັງກອນ​ນີ້ ທີ່​ນະຄອນຫລວງ​ວຽງ​ຈັນ ພາຍ​ໃຕ້​ຫົວ​ຂໍ້ “ຍົກ​ສູງ​ຄຸນ​ນະພາ​ບການ​ເປັນ​ເສນາ​ທິການ ​ແລະ ການ​ປະສານ​ທີ່​ດີ​ຂອງ​ຫ້ອງ​ວ່າການ” ​​​ໂດ​ຍມີທ່ານນາງ ສີ​ໃສ ລື​ເດດ​ມູນ​ສອນ ຮອງ​ປະທານ​ສະພາ​ແຫ່ງ​ຊາດ, ຜູ້​ຊີ້​ນໍາ​ຄະນະ​ເລຂາທິການ​ສະພາ​ແຫ່ງ​ຊາດ ພ້ອມ​ດ້ວຍ​ພາກສ່ວນ​ກ່ຽວຂ້ອງຕ່າງໆ​ເຂົ້າ​ຮ່ວມນໍາ​ດ້ວຍ.

ທ່ານນາງ ສວນ​ສະຫວັນ ວິ​ຍະ​ເກດ ຄະນະ​ປະ​ຈໍາ​ສະພາ​ແຫ່ງ​ຊາດ ກ່າວ​ວ່າ: ​ເພື່ອ​ເຮັດ​ໃຫ້ການ​ປະຕິບັດ​ໜ້າທີ່ໃນ​ຖານະ​ເປັນ​ເສນາ​ທິການ​ປະສານ​ງານ, ບໍລິຫານ-ບໍລິການ​ໃນ​ການສ້າງ​ສິ່ງ​ອໍານວຍ​ຄວາມ​ສະດວກໃຫ້​ແກ່​ການ​ເຄື່ອນ​ໄຫວ​ຂອງ​ອົງການ​ຈັດ​ຕັ້ງ​ພັກ-ລັດແຕ່ລະ​ຂັ້ນ ເຫັນ​ໄດ້​ຄວາມ​ສໍາຄັນ​ໃນ​ການ​ປະຕິບັດ​ພາລະ​ບົດບາດ​ໜ້າ​ທີ່​ຂອງ​ຕົນ​ ຕະຫລອດ​ໄລ​ຍະ​ຜ່ານ​ມາ​ທີ່ໄດ້​ເຮັດ​ໜ້າ​ທີ່​ເປັນ​ໃຈກາງ​ປະສານ​ງານ​ລະຫວ່າງ​ສູນ​ກາງ ​ແລະ ທ້ອງ​ຖິ່ນ ​ໃຫ້​ສາມາດ​ເຄື່ອນ​ໄຫວ​ວຽກງານ​ຢ່າງ​ມີ​ປະສິດທິພາບ ​ແລະ ​​ຄຸນ​ນະພາ​ບ​ດີຂຶ້ນ, ພ້ອມ​ທັງສອດຄ່ອງ​ກັບ​ສະພາບ​ການຕົວ​ຈິງ​ໃນ​ປັດຈຸບັນ ​ແລະ ສາມາດ​ປຶກສາ​ຫາລື ​ແລະ ​ແກ້​ໄຂ​ບັນຫາ​ໃນ​ການ​ເຄື່ອ​ນ​ໄຫວ​ວຽກ​ງານ​ຂອງ​ຫ້ອງ​ວ່າການ​ໃນ​ຂອບ​ເຂດທົ່ວປະ​ເທດ. ກອງ​ປະຊຸມ​ຄັ້ງ​ນີ້, ​ຍັງຈະ​ໄດ້​ຮັບ​ຟັງ​ການ​ລາຍ​ງານບົດ​ສະຫລຸບ​ຕີ​ລາຄາ​ການຈັດ​ຕັ້ງ​ປະຕິບັດມະຕິ​ກ​ອງ​ປະຊຸມ​ວຽກ​ງານຫ້ອງ​ວ່າການ​ທົ່ວ​ປະ​ເທດ​ຄັ້ງ​ທີ VII, ບົດ​ປະກອບ​ຄໍາ​ເຫັນ​ຂອງ​ຫ້ອງ​ວ່າການ​ສູນ​ກາງ​ພັກ, ຫ້ອງ​ວ່າການ​ສໍານັກງານ​ນາຍົກລັດຖະມົນຕີ, ຫ້ອງ​ວ່າການ​ປະທານ​ປະ​ເທດ, ຄະນະ​ເລຂາທິການ​ສະພາ​ແຫ່ງ​ຊາດ ກ່ຽວ​ກັບ​ການ​ຍົກ​ສູງ​ຄຸນ​ນະພາ​ບການ​ເປັນ​ເສນາ​ທິການ ​ແລະ ການ​ປະສານ​ງານ​ທີ່​ດີຂອງ​ແຕ່​ລະ​ພາກສ່ວນ ​ເພື່ອຮັບປະກັນ​ການ​ປະຕິບັດ​ພາລະ​ບົດ​ບາດ​ຂອງ​ອົງການ​ຈັດ​ຕັ້ງ​ການ​ຍົກ​ສູງ​ຄຸນ​ນະພາ​ບການ​ເປັນ​ເສນາ​ທິການ ​ແລະ ການ​ປະສານ​ງານ​ທີ່​ດີຂອງ​ແຕ່​ລະ​ຫ້ອງການ​ກະຊວງ, ແຂວງ, ນະຄອນຫລວງ ​ເພື່ອ​ຮັບປະກັນ​ໃຫ້ການ​ປະຕິບັດ​ພາລະ​ບົດ​ບາດ​ຂອງ​ຫ້ອງ​ວ່າການ​ດີ​ຂຶ້ນກວ່າ​ເກົ່າ.

- Wave100S AD to Website 2020 0 - ຫ້ອງ​ວ່າການສະພາ​ແຫ່ງ​ຊາດ​ດຳ​ເນີນ​ກອງ​ປະຊຸມ​ປະຈຳ​ປີ
- WhatsApp Image 2020 05 27 at 5 - ຫ້ອງ​ວ່າການສະພາ​ແຫ່ງ​ຊາດ​ດຳ​ເນີນ​ກອງ​ປະຊຸມ​ປະຈຳ​ປີ
- WhatsApp Image 2020 05 27 at 5 - ຫ້ອງ​ວ່າການສະພາ​ແຫ່ງ​ຊາດ​ດຳ​ເນີນ​ກອງ​ປະຊຸມ​ປະຈຳ​ປີ
error: Alert: ເນື້ອຫາຂ່າວມີລິຂະສິດ !!