ໜ້າໂຊມຍ້ອນນອນບໍ່ພໍແກ້ໄຂໄດ້ດັ່ງນີ້

- 011601 2018 - ໜ້າໂຊມຍ້ອນນອນບໍ່ພໍແກ້ໄຂໄດ້ດັ່ງນີ້
- Untitled design - ໜ້າໂຊມຍ້ອນນອນບໍ່ພໍແກ້ໄຂໄດ້ດັ່ງນີ້

ການພັກຜ່ອນບໍ່ພຽງພໍນັ້ນ ຈະສົ່ງຜົນກະທົບໂດຍກົງຕໍ່ຜິວໜັງ ໂດຍສະເພາະແມ່ນຜິວໜ້າ ເຊິ່ງຖ້າທ່ານເປັນຄົນມັກທ່ຽວກາງຄືນຕະຫລອດ ສຸຂະພາບຜີວຂອງທ່ານກໍຍິ່ງຖືກທຳລາຍ ເພາະວ່າໄລຍະເວລາກາງຄືນເປັນໄລຍະເວລາທີ່ຜິວໜັງຈະຖືກຟື້ນຟູ ແລະ ປັບສະພາບ ເຊິ່ງທ່ານສາມາດສັງເກດງ່າຍໆ ຫາກນອນບໍ່ພໍ ຂອບຕາຈະດຳຊຳ້  ໃບໜ້າກໍໂຊມ ຍິ່ງປ່ອຍໃຫ້ເປັນແບບນີ້ໄປດົນໆ ເຖິງຈະມີເຄື່ອງສຳອາງຊ່ວຍປົກປິດ ແຕ່ບາງເທື່ອກໍບໍ່ສາມາດປົກປິດໄດ້ໝົດສະເໝີໄປ. ສຳລັບທ່ານໃດທີ່ກຳລັງມີບັນຫາແບບນີ້ຢູ່ ບໍ່ຕ້ອງຢ້ານ ເພາະພວກເຮົາມີວິທີແກ້ໄຂບັນໜ້າໂຊມໃນໄລຍະເວລາອັນສັ້ນ ແລະ ໄດ້ຜົນດີມາແນະນຳທ່ານ.

ນອກຈາກນີ້, ແມ່ຍິງທີ່ຕ້ອງເຮັດວຽກເດິກ  ຫລື ທ່ຽວເດິກເປັນປະຈຳຈະສ່ຽງເປັນພະຍາດມະເຮັງເຕົ້ານົມນຳອີກ.

ຫາກໃບໜ້າຂອງທ່ານໂຊມຍ້ອນພັກຜ່ອນບໍ່ພຽງພໍ ສິ່ງທີ່ທ່ານຄວນເຮັດກໍຄື : ການເພີ່ມຄວາມຊຸ່ມຊື່ນໃຫ້ແກ່ຜິວໜ້າ ເຊິ່ງສາມາດເຮັດໄດ້ໂດຍການພອກໜ້າດ້ວຍໂຢເກິດ ປະໄວ້ປະມານ 10 ນາທີ ຫລື ຝານໝາກແຕງເປັນແຜ່ນບາງໆ ແລ້ວເອົາແປະໄວ້ເທິງໃບໜ້າເພື່ອໃຫ້ໃບໜ້າໄດ້ດູດຊຶມເອົາຄວາມຊຸ່ມຊື່ນເຂົ້າສູ່ຜິວໜັງ. ຫລັງຈາກນັ້ນ ທ່ານກໍສາມາດໃຊ້ເຄື່ອງສຳອາງຕົບແຕ່ງປິດບັງຮ່ອງຮອຍການນອນເດິກທີ່ຜ່ານມາໄດ້ແລ້ວ.

- Wave100S AD to Website 2020 0 - ໜ້າໂຊມຍ້ອນນອນບໍ່ພໍແກ້ໄຂໄດ້ດັ່ງນີ້

ເຖິງຈະມີວິທີຊ່ວຍໃຫ້ໃບໜ້າກັບມາບໍ່ໂຊມໄດ້, ແຕ່ວິທີທີ່ດີທີ່ສຸດກໍຄືການພັກຜ່ອນໃຫ້ພຽງພໍ ແລະ ຄວນດື່ມນຳ້ຫລາຍໆ, ເລືອກກິນອາຫານດີໆມີປະໂຫຍດ, ບໍ່ກິນອາຫານທີ່ມີໄຂມັນຫລາຍ, ກິນຜັກ – ໝາກໄມ້ໃຫ້ຫລາຍຂຶ້ນ ໂດຍເຮັດເປັນປະຈຳສະໝໍ່າສະເໝີ ພຽງເທົ່ານີ້ຜິວໜ້າຂອງທ່ານກໍຈະສົດໃສເປັນທຳມະຊາດແບບບໍ່ຕ້ອງໃຊ້ເຄື່ອງສຳອາງມາຊ່ວຍປົກປິດອີກຕໍ່ໄປ.

- WhatsApp Image 2020 05 27 at 5 - ໜ້າໂຊມຍ້ອນນອນບໍ່ພໍແກ້ໄຂໄດ້ດັ່ງນີ້
- WhatsApp Image 2020 05 27 at 5 - ໜ້າໂຊມຍ້ອນນອນບໍ່ພໍແກ້ໄຂໄດ້ດັ່ງນີ້
error: Alert: ເນື້ອຫາຂ່າວມີລິຂະສິດ !!