ເບິ່ງແຍງຮັກສາ ແລະ ເຮັດຄວາມສະອາດເຕັ້ນໃຫ້ໃຊ້ງານໄປດົນໆ

- 061601 2018 - ເບິ່ງແຍງຮັກສາ ແລະ ເຮັດຄວາມສະອາດເຕັ້ນໃຫ້ໃຊ້ງານໄປດົນໆ
- Untitled design - ເບິ່ງແຍງຮັກສາ ແລະ ເຮັດຄວາມສະອາດເຕັ້ນໃຫ້ໃຊ້ງານໄປດົນໆ

– ຫລັງຈາກກັບມາແຕ່ໄປທ່ອງທ່ຽວ ຫາກເຕັ້ນເປິເປື້ອນຫລາຍກໍຄວນເຮັດຄວາມສະອາດດ້ວຍການໃຊ້ຟອຍປັດກວາດເອົາ ເສດຂີ້ເຫຍື້ອພາຍໃນເຕັ້ນ ແລະ ເສດຂີ້ເຫຍື້ອທີ່ຕິດຢູ່ພາຍນອກເຕັ້ນອອກໄປ. ຈາກນັ້ນ, ໃຊ້ຜ້າຈຸ່ມນຳ້ປັ້ນພໍໝາດໆເອົາມາເຊັດຖູພາຍໃນເຕັ້ນ ແລະ ພາຍນອກເຕັ້ນ ແລ້ວຈຶ່ງເອົາໄປຕາກໃນຮົ່ມ ຫລື ຕາກແດດອ່ອນໆໃນຕອນເຊົ້າ ຫລື ໃນຕອນແລງຄວນຕາກໃຫ້ແຫ້ງດີ ເພື່ອປ້ອງກັນກິ່ນເໝັນອັບຫລືເຊື້ອລາທີ່ອາດຈະເກີດຂຶ້ນ, ແຕ່ຖ້າເຕັ້ນເປິເປື້ອນໜ້ອຍດຽວກໍມີແຕ່ປັດກວາດເຮັດຄວາມສະອາດທັງພາຍໃນ ແລະ ພາຍນອກເຕັ້ນເທົ່ານັ້ນກໍໄດ້.

– ຖ້າເອົາເຕັ້ນໄປທ່ອງທ່ຽວຖືກດິນຊາຍ ຫລື ແຄມນຳ້ : ນອກຈາກຈະເຮັດຄວາມສະອາດດັ່ງທີ່ກ່າວມາຂ້າງຕົ້ນນັ້ນແລ້ວ ຍັງຈະຕ້ອງເຮັດຄວາມສະອາດບໍລິເວນຊິບເປັນພິເສດ ດ້ວຍການໃຊ້ນຳ້ສີດບໍລິເວນຊິບ ເພື່ອກຳຈັດຂີ້ດິນ, ດິນຊາຍ ແລະ ຄາບຈາກອາຍນຳ້ ໂດຍສະເພາະແມ່ນນຳ້ທະເລທີ່ຈັບຢູ່ນັ້ນໃຫ້ຫລຸດອອກໄປ ລວມທັງເປັນການປ້ອງກັນບໍ່ໃຫ້ຊິບເສື່ອມສະພາບໄວ ຫລື ຝືດຈົນໃຊ້ວຽກບໍ່ໄດ້. ນອກຈາກນີ້, ຄວນນຳເອົາຜ້າຈຸ່ມຂີ້ເຜິ້ງ ຫລື ໃຊ້ທຽນໄຂກໍໄດ້ມາຮຸກຖູບໍລິເວນຊິບເພື່ອຍືດອາຍຸການໃຊ້ງານຂອງຊິບ.

– ຫາກຢາກຊັກເຕັ້ນ ຍ້ອນເຫັນວ່າມີຄວາມເປິເປື້ອນ ແລະ ມີກິ່ນເໝັນອັບ ຄວນໃຊ້ນຳ້ປະສົມສະບູ ຫລື ຢາສະຜົມອ່ອນໆ ຫ້າມໃຊ້ສະບູຝຸ່ນເດັດຂາດ ເພາະຈະເຮັດໃຫ້ເນື້ອຜ້າຂອງເຕັ້ນເສື່ອມສະພາບໄວຂຶ້ນ. ນອກຈາກນີ້, ຄວນໃຊ້ແປ້ງທາໂຕ (ແປ້ງເດັກນ້ອຍ) ໂຮຍບໍລິເວນແຈ ຫລື ມູມຂອງເຕັ້ນເພື່ອຊ່ວຍກຳຈັດຄວາມຊຸ່ມໃຫ້ໝົດໄປ.

– ຄວນເກັບມ້ຽນເຕັ້ນໃນສະຖານທີ່ໆອາກາດຖ່າຍເທສະດວກ ບໍ່ອົບເອົ້າຈົນເກີນໄປ ແລະ ບໍ່ຄວນວາງໄວ້ກັບພື້ນ ໂດຍສະເພາະພື້ນປູນ ເພາະບໍລິເວນນັ້ນຈະມີຄວາມຊຸ່ມ ແລະ ເຮັດໃຫ້ເຕັ້ນເກີດເຊື້ອລາໄດ້ງ່າຍ.

- Wave100S AD to Website 2020 0 - ເບິ່ງແຍງຮັກສາ ແລະ ເຮັດຄວາມສະອາດເຕັ້ນໃຫ້ໃຊ້ງານໄປດົນໆ

– ດົນໆເທື່ອຄວນເອົາເຕັ້ນອອກມາຕາກແດດອ່ອນໆເພື່ອກຳຈັດກິ່ນເໝັນອັບ.

- WhatsApp Image 2020 05 27 at 5 - ເບິ່ງແຍງຮັກສາ ແລະ ເຮັດຄວາມສະອາດເຕັ້ນໃຫ້ໃຊ້ງານໄປດົນໆ
- WhatsApp Image 2020 05 27 at 5 - ເບິ່ງແຍງຮັກສາ ແລະ ເຮັດຄວາມສະອາດເຕັ້ນໃຫ້ໃຊ້ງານໄປດົນໆ
error: Alert: ເນື້ອຫາຂ່າວມີລິຂະສິດ !!