ແອບັສແຊງໜ້າໂບອິ້ງໃນດ້ານ ຍອດສັ່ງຈອງເຮືອບິນ

ແອບັສແຊງໜ້າໂບອິ້ງໃນດ້ານ ຍອດສັ່ງຈອງເຮືອບິນ - 1516013263887 960x0 - ແອບັສແຊງໜ້າໂບອິ້ງໃນດ້ານ ຍອດສັ່ງຈອງເຮືອບິນ
ແອບັສແຊງໜ້າໂບອິ້ງໃນດ້ານ ຍອດສັ່ງຈອງເຮືອບິນ - Untitled design - ແອບັສແຊງໜ້າໂບອິ້ງໃນດ້ານ ຍອດສັ່ງຈອງເຮືອບິນ

​ແອ​ບັສ ບໍລິສັດຍັກ​ໃຫຍ່​ດ້ານ​ການບິນ​ຂອງ​ເອີຣົບ ​ແຊງ​ໜ້າ​ບໍລິສັດ ​ໂບອິ້ງ ຄູ່​ແຂ່ງ​ສຳຄັນ​ຈາກອາ​ເມ​ລິ​ກາ​ໃນ​ດ້ານ​ຈຳນວນ​ສັ່ງ​ຈອງ​ເຮືອບິນ​ໃນ​ປີຜ່ານມາ, ​ແຕ່​ລະບຸ​ວ່າ: ທາງ​ບໍລິສັດ​ອາດ​ຈະ​ຢຸດ​ການ​ຜະລິດ​ເຮືອບິນ​ໂດຍສານ A380 ຖ້າ​ບໍ່​ໄດ້​ຮັບ​ຄຳ​ສັ່ງ​ຊື້​ເພີ່ມ​ອີກ.

ບໍລິສັດ ​ແອ​ບັສ ກ່າວ​ວ່າ: ​ໃນ​ປີຜ່ານມາ, ທາງ​ບໍລິສັດ​ມີ​ຍອດ​ຈອງ​ເຮືອບິນ​ທັງ​ໝົດ 1.109 ລຳ ​ແລະ ສົ່ງ​ມອບ​ລວມທັງ​ໝົດ 718 ລຳ. ​ໃນ​ຂະນະ​ດຽວ​ກັນ ບໍລິສັດ ​ໂບອິ້ງ ມີ​ຍອດ​ສັ່ງ​ຊື້​ເຮືອບິນ 912 ລຳ ​ແລະ ສົ່ງ​ມອບ​ໄປ​ແລ້ວ 763 ລຳ. ທ່ານ ຟາ​ບຣິ ​​ເບຣນິ​ເຍ ປະທານ​ເຈົ້າໜ້າ​ທີ່​ສາຍ​ປະຕິບັດ​ການ​ຂອງ​ແອ​ບັສ ກ່າວ​ວ່າ: ການ​ສົ່ງ​ມອບ​ເຮືອບິນ​ໃຫ້​ແກ່​ລູກ​ຄ້າ​ຈະ​ເພີ່ມ​ຂຶ້ນ​ເປັນ 800 ລຳ​ໃນ​ປີ​ນີ້ ​ເມື່ອ​ທາງ​ບໍລິສັດ​ເພີ່ມ​ກຳລັງ​ການ​ຜະລິດ​ເຮືອບິນ​ຮຸ່ນ A320 ນີ​ໂອ. ທ່ານຍອມຮັບ​ວ່າ: ​ໃນ​ປີຜ່ານມາ, ການ​ສົ່ງ​ມອບ A320 ນີ​ໂອ ຊັກ​ຊ້າ ​ເນື່ອງ​ຈາກ​ບັນຫາ​ເລື່ອງ​ເຄື່ອງ​ຈັກ, ​ແຕ່​ປັດຈຸບັນ​ນີ້​ສາມາດ​ແກ້​ໄຂ​ໄດ້​ຮຽບຮ້ອຍ​ແລ້ວ ​ໂດຍ​ມີ​ເຮືອບິນ​ທີ່​ລໍຖ້າ​ຕິດຕັ້ງ​ເຄື່ອງ​ຈັກ​ປະມານ 30 ລຳ ຫລຸດ​ລົງ​ຈາກ 60 ລຳ ​ໃນຕົ້ນປີຜ່ານມາ. ຂະນະ​ດຽວ​ກັນ ທ່ານ ຈອນ ລີ​ຮີ ຜູ້ອຳນວຍການ​ຝ່າຍ​ຂາຍຂອງ​ແອ​ບັສ ກ່າວ​ວ່າ: ​ແອ​ບັສ ອາດ​ຈະ​ຈຳ​ເປັນ​ຕ້ອງ​ຢຸດ​ໂຄງການ​ຜະລິດ​ເຮືອບິນ​ໂດຍສານ​ຂະໜາດ​ໃຫຍ່​ທີ່​ສຸດ​ໃນ​ໂລກ A380 ຖ້າ​ສາຍ​ການບິນ​ເອມິ​ເຣດ ຂອງ​ດູ​ໄບ ​ເຊິ່ງ​ເປັນ​ລູກ​ຄ້າ​ສຳຄັນ​ທີ່​ຊື້ A380 ບໍ່​ສັ່ງ​ເຮືອບິນ​ຮຸ່ນ​ນີ້​ເພີ່ມ​ອີກ. ທ່ານ ລີ​ຮີ ລະບຸ​ວ່າ: ສາຍ​ການບິນ​ເອມິ​ເຣດ ອາດ​ຈະ​ເປັນ​ລູກ​ຄ້າ​ທີ່​ມີ​ປະສິດທິພາບ​ພຽງ​ລາຍ​ດຽວ​ທີ່​ຈະ​ສາມາດ​ສັ່ງ​ເຮືອບິນ​ຮຸ່ນ​ນີ້​ໄດ້​ປີ​ລະ 6 ລຳ ​ເປັນ​ຢ່າງ​ໜ້ອຍ​ໃນ​ໄລຍະ 8-10 ປີ​ຕໍ່ໜ້າ ຖ້າ​ບໍ່​ສາມາດ​ຂາຍ​ໃຫ້​ກັບ​ເອມິ​ເຣດ​ໄດ້, ​ແອ​ບັສອາດ​ບໍ່​ມີ​ທາງ​ເລືອກ​ອື່ນ ນອກຈາກ​ປິດ​ໂຄງການ​ຜະລິດ A380.

ແອບັສແຊງໜ້າໂບອິ້ງໃນດ້ານ ຍອດສັ່ງຈອງເຮືອບິນ - Wave100S AD to Website 2020 0 - ແອບັສແຊງໜ້າໂບອິ້ງໃນດ້ານ ຍອດສັ່ງຈອງເຮືອບິນ
ແອບັສແຊງໜ້າໂບອິ້ງໃນດ້ານ ຍອດສັ່ງຈອງເຮືອບິນ - WhatsApp Image 2020 05 27 at 5 - ແອບັສແຊງໜ້າໂບອິ້ງໃນດ້ານ ຍອດສັ່ງຈອງເຮືອບິນ
ແອບັສແຊງໜ້າໂບອິ້ງໃນດ້ານ ຍອດສັ່ງຈອງເຮືອບິນ - WhatsApp Image 2020 05 27 at 5 - ແອບັສແຊງໜ້າໂບອິ້ງໃນດ້ານ ຍອດສັ່ງຈອງເຮືອບິນ
error: Alert: ເນື້ອຫາຂ່າວມີລິຂະສິດ !!