ປີ​ທ່ອງ​ທ່ຽວ​ສື່​ກໍ​ຂຸ້ນຂ້ຽວ​ໂຄສະນາ​ປິ່ນ​ອ້ອມ

ປີ​ທ່ອງ​ທ່ຽວ​ສື່​ກໍ​ຂຸ້ນຂ້ຽວ​ໂຄສະນາ​ປິ່ນ​ອ້ອມ - 26850678 1849577555073908 2938926262544978530 o - ປີ​ທ່ອງ​ທ່ຽວ​ສື່​ກໍ​ຂຸ້ນຂ້ຽວ​ໂຄສະນາ​ປິ່ນ​ອ້ອມ
ປີ​ທ່ອງ​ທ່ຽວ​ສື່​ກໍ​ຂຸ້ນຂ້ຽວ​ໂຄສະນາ​ປິ່ນ​ອ້ອມ - Untitled design - ປີ​ທ່ອງ​ທ່ຽວ​ສື່​ກໍ​ຂຸ້ນຂ້ຽວ​ໂຄສະນາ​ປິ່ນ​ອ້ອມ

ນັບ​ແຕ່​ເປີດ​ປີ​ທ່ອງ​ທ່ຽວ​ ມາ​ນີ້ການ​​ໂຄສະນາຂອງ​ສື່​ກໍ​ບໍ່​ໄດ້​ຢູ່​ໄດ້​ເຊົາ​ເໝືອນ​ກັນ​ທັງ​ນັ່ງ​ຄິດ, ທັງ​ປາກ​ເວົ້າມື​ຂຽນ. ຜູ້​ເຮັດ​ໜັງສືພິມ​ກໍ​ມີ​ໜ້າ​ທີ່​ຊອກ​ເອົາ​ຂ່າວ​ຄາວ​ກ່ຽວ​ກັບ​ການທ່ອງທ່ຽວ​ມາ​ລົງ​ໃນ​ໜັງສືພິມ​ຂອງ​ຕົນດ້ວຍ​ຄວາມ​ຫລາກ​ຫລາຍ​ສ່ວນ.  ຜູ້​ຢູ່​ວິທະຍຸ​ກໍ​ມີ​ໂຄສົກ​ເວົ້າຢູ່​ໄຈ້ໆ, ສ່ວນໂທລະພາບ​ກໍ​ຫັນ​ທິດ​ໄປ​ເຖິງ​ທ້ອງ​ຖິ່ນ​ຮາກ​ຖານ​ເພື່ອ​ເກັບ​ກຳ​ເອົາ​ຂ່າວ​ຄາວ​ທັງ​ຖ່າຍ​ພາບ​ເອົາ​ຂະ​ບວນການ​ເຄື່ອນ​ໄຫວ​ຕ່າງ​ໆ​ຂອງ​ແຕ່ລະ​ເຂດ​ແຂວງ​ດ້ວຍ​ ເຫດ​ນີ້​ລະ, ທິດ​ກ່ຳ ຈຶ່ງ​ເວົ້າວ່າ​ປີ​ທ່ອງ​ທ່ຽວ​ປີ​ນີ້​ສື່​ມວນ​ຊົນ​ເຮົາ​ກໍ​ພາກັນ​ມ່ວນ​ຊື່ນ ​ແລະ ບໍ່​ໄດ້​ຢູ່​ໄດ້​ເຊົາ​. ​ເຮັດ​ວຽກ​ບໍ່​ມີ​ໂມງ, ບໍ່​ມີ​ເວັນ​ມີ​ຄືນ, ບໍ່​ມີ​ວັນ​ເສົາ​ວັນ​ທິດ​ຂໍ​ພຽງ​ແຕ່​ວ່າ​ໄດ້​ຮັບ​ໃຊ້​ຊາດ ​ແລະ ​ສັງຄົມກໍ​ພໍ​ແລ້ວ.

​          ແຕ່​ເຖິງ​ປານ​ນັ້ນ, ບາງ​ຄົນ​ກໍ​ຫາ​ວ່າ​ສື່​ໄປ​ຊອກ​ຫາ​ເອົາ​ແຕ່​ເລື້ອງ. ບາງ​ບ່ອນ​ກໍ​ບໍ່​ຢາກ​ໃຫ້ການ​ຮ່ວມ​ມື, ບາງ​ຄົນ​ກໍ​ເຖິງ​ຂັ້ນປະຕິ​ເສດ​ເພາະ​ຢ້ານ​ສື່​ເອົາ​ເລື່ອງ​ມະຍຸ​ມາ​ຍະ​ຂອງ​ຕົນ​ເອງ ​ແລະ ຂອງ​ກົມ​ກອງ​ໄປ​ເວົ້າ ​ໃນ​ຄວາມ​ເປັນ​ຈິງ​ແລ້ວ, ພວກ​ນັກຂຽນ, ນັກ​ຂ່າວ​ເຂົາ​ເປັນ​ຄົນ​ສັດ​ຊື່; ຖ້າ​ເຫັນ​ອັນ​ໃດ​ເຂົາ​ກໍ​ເວົ້າອັນ​ນັ້ນ, ​ເວົ້າ​ແຈ້ງ​ເຫັນ​ອັນ​ດີ​ເຂົາ​ກໍ​ວ່າ​ດີ, ​ເຫັນ​ອັນ​ເຮິະຮ້າຍ​ເຂົາ​ກໍ​ວ່າຄວາມ​ຈິງ. ກົງກັນຂ້າມ​ຖ້າ​ເຫັນ​ອັນ​ໜຶ່ງ​ພັດ​ໂດດ​ໄປ​ເວົ້າ​ແນວ​ໜຶ່ງ​ເຂົາ​ກໍ​ວ່າ​, ຜິດ​ກັບ​ຈັນ​ຍາ​ບັນ ​ແລະ ​ຄວາມ​ເປັນ​ຈິງ.

ຕາມ​ທິດ​ກ່ຳ​ຄິດ, ອົງການ​ໃດ ຫລື ວ່າ​ຜູ້​ໃດ​ຫາກ​ປິດ​ອຳ​ຜົນງານ​ຂອງ​ຕົນ​ເອງ​ບໍ່​ຢາກ​ອອກ​ຂ່າວ​ຄາວ​ນັ້ນ​ເຫັນ​ວ່າ​ມັນ​ບໍ່​ເໝາະ​ສົມ​ຍ້ອນ​ວ່າ​ໃນ​ສະພາບ​ປັດຈຸບັນ​ຈະ​ເປັນ​ພາລະກິດ​ສ່ວນ​ບຸກຄົນ ຫລື ລວມໝູ່​ທີ່​ມີ​ຜົນງານ​ດີ​ເດັ່ນ ​ຕໍ່​ຊາດ​ບ້ານ​ເມືອງ​ແລ້ວ​ເຮົາ​ກໍ​ຕ້ອງ​ໄດ້​ຍ້ອງຍໍ​ຊົມ​ເຊີຍ ​ແລະ ສາມາດ​ນຳ​ເອົາ​ໄປ​ໃຫ້​ບຸກຄົນ​ອື່ນ ຫລື ທ້ອງ​ຖິ່ນ​ອື່ນ​ເຂົາ​ເອົາ​ເປັນ​ບົດຮຽນ​ກໍ​ແມ່ນ​ສື່​ເປັນ​ຂົວ​ຕໍ່​ສົ່ງ​ໄປ​ໃຫ້​ທົ່ວ​ສັງຄົມ​ໄດ້​ຮັບ​ຮູ້​ຢ່າງ​ກວ້າງຂວາງ ຕາມ​ເຮົາ​ຄິດ​ໃນ​ຍຸກ​ປັດຈຸບັນ​ຖ້າ​ມີ​ເລື່ອງ​ໂດດ​ເດັ່ນ​ໂດ່​ງດັງ​ນັບ​ທັງ​ເລື່ອງ​ດີ ​ແລະ ​ເລື່ອງ​ຮ້າຍ​ເຖິງ​ຈະ​ປິດ​ອຳ​ປານ​ໃດ​ກໍ​ຕາມ​ແຕ່​ນັກ​ຂ່າວ ຫລື ສັງຄົມ​ເຂົາ​ກໍ​ຮັບ​ຮູ້​ເພາະ​ນັກ​ຂ່າວ​ເຂົາ​ມີ​ຫູ​ແກ້ວຕາ​ທິບ, ສັງຄົມ​ເຂົາ​ມີ​ຫລາຍ​ຫູ​ຫລາຍ​ຕາກໍ​ລະ​ນີຫາກ​ມີ​ອັນ​ໃດ​ເກີດ​ຂຶ້ນຢູ່​ໃສ, ​ເລື່ອງ​ຫຍັງ​ເຂົາ​ກໍ​ຮູ້, ຖ້າ​ເຂົາ​ບໍ່​ເວົ້າຄົນ​ໃນ​ທົ່ວ​ສັງຄົມ​ເຂົາ​ສົ່ງ​ອອກ​ທາງ​ສື່​ອອນ​ລາຍ​ໄປ​ທົ່ວ​ໂລກ. ດັ່ງ​ສຸພາສິດ​ເຂົາ​ວ່າ​ອຳ​ເງື່ອນ​ໄວ້​ພັດ​ເຫັນ​ສົ້ນຄ່າວາ, ຄວາມ​ລັບ​ມັນ​ບໍ່​ມີ​ໃນ​ໂລກ​ສະນັ້ນ, ​ໃນ​ໂອກາດ​ປີ​ທ່ອງ​ທ່ຽວ​ລາວ 2018 ນີ້​ເພື່ອ​ໃຫ້​​ເປັນ​ໄປ​ຕາມ​ວາລະ​ຂອງ​ຊາດ​ທຸກ​ທ້ອງ​ຖິ່ນ​ເຂດ​ແຂວງ​ ຫລື ຜູ້​ປະກອບ​ການ​ດ້ານ​ຕ່າງໆ ຍິ່ງ​ຈະ​ຕ້ອງ​ໄດ້​ລົງທຶນ​ລົງ​ຮອນ ​ແລະ ອຳນວຍ​ຄວາມ​ສະດວກ​ໃຫ້​ວຽກ​ສື່​ໄດ້​ຮັບ​ໃຊ້​ຢ່າງ​ເຖິງ​ກົກ​ເຖິງ​ຮາກ ​ແລະ ​ເປັນ​ຂະ​ບວນຟົດຟື້ນ​ໂດຍ​ສະ​ເພາະ​ແມ່ນ​ບັນດາ​ແຂວງ​ທີ່​ມີ​ທ່າ​ແຮງ​ໃນ​ດ້ານ​ການທ່ອງທ່ຽວ. ທິດ​ກ່ຳ ​ເຫັນ​ແບບຢ່າງ​ແຂວງ​ບໍ່​ແກ້ວ​ກັບ​ແຂວງ​ອຸດົມ​ໄຊ​ໃນ​ມື້​ເປີດ​ປີ​ທ່ອງ​ທ່ຽວ​ຈ້າງ​ໂທລະພາບ​ໄປ​ຖ່າຍ​ທອດ​ສົດ ​ແລະ ​ເຊີນ​ແຂກ​ທີ່​ກ່ຽວຂ້ອງ​ທັງ​ພາຍ​ໃນ ​ແລະ ຕ່າງປະ​ເທດ​ເຂົ້າຮ່ວມ​ເປັນ​ຮ້ອຍ​ເປັນ​ພັນ​ເວົ້າ​ເລື່ອງ​ກິດຈະກຳ​ກໍ​ມີ​ຫລາກ​ຫລາຍ ​ແລະ ອຸດົມສົມບູນ​ທາງ​ດ້ານ​ເນື້ອ ​ແລະ ຮູບ​ການຈັດຕັ້ງ. ອັນ​ສຳຄັນ​ທີ່​ສຸດ​ໃນ​ໂອກາດ​ປີ​ທ່ອງ​ທ່ຽວ​ແຕ່ລະ​ເຂດ​ແຂວງ​ແມ່ນ​ໄ​ດ້ຟື້ນຟູ ​ແລະ ​ເອົາ​ໃຈ​ໃສ່​ປັບປຸງ​ຮີດຄອງ​ປະ​ເພນີ, ວິ​ຖີຊີວິດ​ວັດທະນະທຳ​ຂອງ​ປະຊາຊົນ​ບັນດາ​ເຜົ່າ ​ເຊິ່ງ​ແມ່ນ​ກົກ​ເຫງົ້າຂອງ​ຄວາມ​ສາມັກຄີ​ເປັນ​ປຶກ​ແຜ່ນ​ແຫ່ງ​ວົງ​ຄະນາ​ຍາດ​ແຫ່ງ​ຊາດ, ທັງ​ເປັນ​ສ້າງ​ກຳລັງ​ແຮງ​ອັນ​ມະຫາສານ​ເຂົ້າ​ໃນ​ພາລະກິດ​ສ້າງສາ​ພັດທະນາ​ປະ​ເທດ​ຊາດ.

ປີ​ທ່ອງ​ທ່ຽວ​ສື່​ກໍ​ຂຸ້ນຂ້ຽວ​ໂຄສະນາ​ປິ່ນ​ອ້ອມ - Wave100S AD to Website 2020 0 - ປີ​ທ່ອງ​ທ່ຽວ​ສື່​ກໍ​ຂຸ້ນຂ້ຽວ​ໂຄສະນາ​ປິ່ນ​ອ້ອມ

ຕາມ​ທິດ​ກ່ຳວ່າ, ມາ​ຮອດ​ປັດຈຸບັນ​ພວກ​ເຮົາ​ໄດ້​ກ້າວ​ເຂົ້າການ​ປະຕິບັດ​ໄລຍະ​ເຄິ່ງສະ​ໄໝ​ແຫ່ງ​ການຈັດຕັ້ງມະ​ຕີ 10 ຂອງ​ພັກ ​ແລະ ​ແຜນພັດ​ທະນາ​ເສດຖະກິດ-ສັງຄົມ​ແຫ່ງ​ຊາດ 5 ປີ ຄັ້ງທີ 8 ຍິ່ງ​ຈະ​ຕ້ອງ​ເຫັນ​ບົດບາດ​ຂອງ​ວຽກ​ສື່​ເຂົ້າ​ໃນ​ພາລະກິດ​ອັນ​ສຳຄັນ​ນີ້.

ປີ​ທ່ອງ​ທ່ຽວ​ສື່​ກໍ​ຂຸ້ນຂ້ຽວ​ໂຄສະນາ​ປິ່ນ​ອ້ອມ - WhatsApp Image 2020 05 27 at 5 - ປີ​ທ່ອງ​ທ່ຽວ​ສື່​ກໍ​ຂຸ້ນຂ້ຽວ​ໂຄສະນາ​ປິ່ນ​ອ້ອມ
ປີ​ທ່ອງ​ທ່ຽວ​ສື່​ກໍ​ຂຸ້ນຂ້ຽວ​ໂຄສະນາ​ປິ່ນ​ອ້ອມ - WhatsApp Image 2020 05 27 at 5 - ປີ​ທ່ອງ​ທ່ຽວ​ສື່​ກໍ​ຂຸ້ນຂ້ຽວ​ໂຄສະນາ​ປິ່ນ​ອ້ອມ
error: Alert: ເນື້ອຫາຂ່າວມີລິຂະສິດ !!