ເຊົາ​ເວົ້າ​ວ່າ​ພັດ​ທະ​ນາ​ປະ​ເທດ​ທຸກ, ມັນ​ແມ່ນ​ຍຸກ​ປະ​ເທດ​ຮັ່ງ​ຢຸດ​ຄວາມ​

ເຊົາ​ເວົ້າ​ວ່າ​ພັດ​ທະ​ນາ​ປະ​ເທດ​ທຸກ, ມັນ​ແມ່ນ​ຍຸກ​ປະ​ເທດ​ຮັ່ງ​ຢຸດ​ຄວາມ​ - 26857462 564952743856150 1552706070 n - ເຊົາ​ເວົ້າ​ວ່າ​ພັດ​ທະ​ນາ​ປະ​ເທດ​ທຸກ, ມັນ​ແມ່ນ​ຍຸກ​ປະ​ເທດ​ຮັ່ງ​ຢຸດ​ຄວາມ​
ເຊົາ​ເວົ້າ​ວ່າ​ພັດ​ທະ​ນາ​ປະ​ເທດ​ທຸກ, ມັນ​ແມ່ນ​ຍຸກ​ປະ​ເທດ​ຮັ່ງ​ຢຸດ​ຄວາມ​ - Untitled design - ເຊົາ​ເວົ້າ​ວ່າ​ພັດ​ທະ​ນາ​ປະ​ເທດ​ທຸກ, ມັນ​ແມ່ນ​ຍຸກ​ປະ​ເທດ​ຮັ່ງ​ຢຸດ​ຄວາມ​

ເຖິງ​ແມ່ນວ່າ ເປົ້າ​ໝາຍ​ການ​ພັດ​ທະ​ນາ​ທີ່​ຍືນ​ຍົງ (SDGs) ຖືກຮັບຮອງໃນປີ 2015​ ໂດຍສະມັດຊາໃຫຍ່ ສະຫະປະຊາຊາດ ແລະ​ໄດ້​ຮັບ​ການ​ໂຄ​ສະ​ນາ​ເຜີຍ​ແຜ່ວ່າ ​ຈະ​ສາ​ມາດ ຮັກ​ສາ​ໂລ​ກ​ອັນ​ດຽວ​ຂອງ​ເຮົາ​ນີ້ໃຫ້​ມີ​ຄວາມ​ຍືນ​ຍົງ​ຄື​ດັ່ງ​ວ່າ ແຕ່​ຊ່ຽວ​ຊານ​ຫລາຍ​ທ່ານ ​ຍັງ​ມີ​ຄຳ​ເຫັນ​ອັນ​ດຽວ​ກັນ​ວ່າ “ມັນ​ເປັນ​ວຽກ​ອັນ​ເກົ່າ​ທີ່​ເຮັດ​ບໍ່​ແລ້ວ​ຈັກ​ເທື່ອ, ເພາະ​ວ່າ ຍຸດ​ທະ​ສາດ​ໃນ​ການ​ລຶບ​ລ້າງ​ຄວາມ​ທຸກ​ຍາກ​ນັນ​ກໍ​ແມ່ນ: ການ​ຈະ​ເລີນ​ເຕີບ​ໂຕ​ທາງ​ດ້ານ​ດ້ານ​ເສດຖະ​ກິດ ທີ່ນຳຮອຍປະເທດທີ່ຮຽກວ່າ “ພັດທະນາແລ້ວ” ຄືທຸກມື້ນີ້.

ກາ​ນເຕີບ​ໃຫຍ່​ອັນ​ນີ້ ແມ່ນ​ເປົ້າ​ໝາຍ​ສຳ​ຄັນ ຂອງ​ໂລກ ​ຕະ​ຫລອດ​ໄລ​ຍະ 70 ກວ່າປີ ທີ່​ຜ່ານ​ມາ,​ ເຖິງ​ແມ່ນ​ວ່າ​ມັນ ບໍ່​ໄດ້​ສ້າງ​ຄວາມ​ດີ ຄວາມ​ຊອບ​ພໍ​ປານ​ໃດ. ນັບ​ແຕ່​ປີ 1980 ການ​ເຕີບ​ໃຫຍ່​ຂອງ​ເສດ​ຖະ​ກິດ​ໂລກ​ຮອດ 380% ແຕ່​ວ່າ ຈຳ​ນວນ​ຕົວເລດ​ຂອງ​ຄົນ​ທຸກ ທີ່​ມີ​ລາຍ​ຮັບ​ຕໍ່າ ເພີ່ມ​ຂຶ້ນ​ເປັນ 1.1 ຕື້​ຄົນ ເຊິ່ງ​ໃກ້​ຄຽງ​ກັບ​ປະ​ຊາ​ກອນທັງ​ໝົດ ​ຂອງ ສ​ປ ຈີນ. ເວົ້າ​ອີກ​ແນວ​ໜຶ່ງ​ກໍ​ຄື ການ​ເຕີບ​ໃຫຍ່​ທາງ​ດ້ານ​ເສດ​ຖະ​ກິດ ອ້ອຍ​ຕ້ອຍນັ້ນ ມັນ​ບໍ່​ແມ່ນ​ທາງ​ເລືອກ​ທີ່​ດີ​ອີກ​ແລ້ວ, ພວກ​ເຮົາ​ມີ​ການ​ເຕີບ​ໃຫຍ່​ທາງ​ດ້ານ​ນີ້​ຫລາຍ​ແລ້ວ. ນັກ​ວິ​ທະ​ຍາ​ສາດ ກໍ​ອອກ​ມາ​ເຕືອນ​ພວກ​ເຮົາ​ຫລາຍເທື່ອ​ແລ້ວ ກ່ຽວ​ກັບ​ການ​ນຳ​ໃຊ້​ຊັບ​ພະ​ຍາ​ກອນ​ທຳ​ມ​ຊາດ ເກີນ​ຂີດ​ຄວາມ​ສາ​ມາດ ທີ່​ໂລກນີ້​ຈະ​ມອບ​ໃຫ້​ເຮົາ, ໂດຍ​ສະ​ເພາະ ການ​ບໍ​ລິ​ໂພກ​ທີ່ ເກີນກວ່າ​ຄຳ​ວ່າ​ “ພໍ​ພຽງ​” ຂອງ​ບັນ​ດາ​ປະ​ເທດ​ຮັ່ງ​ມີ.

ເພາະສະນັ້ນແທນທີ່ຈະຊຸກດັນໃຫ້ປະເທດທີ່ທຸກຍາກ ສາມາດແລ່ນທັນປະເທດຮັ່ງມີນັ້ນ ແຕ່ປີ້ນກັນ ເຮົາ​​ຄວນຈະຢຸດຢັ້ງອັດຕາ ຫລື ຄວາມໂລບມາກຂອງປະເທດທີ່ຮັ່ງມີໃຫ້ຫລຸດລົງແນ່. ຕາມ​ການ​ຄິດ​ໄລ່​ຂອງ​ນັກ​ວິ​ທະ​ຍາ​ສາດ ນັ້ນ ປັດ​ຈຸ​ບັນ ໂລກ​ພວກ​ເຮົາ​ສາ​ມາດ​ສະ​ໜອງ​ຊັບ​ພະ​ຍາ​ກອນ​ທຳ​ມະ​ຊາດ ເປັນ​ເນື້ອ​ທີ່​ດິນ ສະ​ເລ່ຍ 1,8 ເຮັກ​ຕາ ຕໍ່​ຫົວ​ຄົນ​ເທົ່າ​ນັ້ນ, ແຕ່​ປະ​ເທດ​ຮັ່ງ​ມີ ເຊັ່ນ: ສະ​ຫະ​ລັດ ອາ​ເມ​ລິ​ກາ ແລະ​ ກາ​ນາ​ດາ ນຳ​ໃຊ້​ຊັບ​ພະ​ຍາ​ກອນ ເຖິງ 8 ເຮັກ​ຕາ ຕໍ່​ຫົວ​ຄົນ ແລະ​ບັນ​ດາ​ປະ​ເທດ ຢູ່​ທະ​ວີບ​ເອີ​ຣົບ 4,7 ເຮັກ​ຕາ ​ຕໍ່​ຫົວ​ຄົນ ເຊິ່ງ​ມັນ​ບໍ່​ມີ​ຄວາມ​ຍຸ​ຕິ​ທຳ​ເລີຍ ຕໍ່​ປະ​ເທດ​ທີ່​ທຸກ​ຍາກ ທີ່​ສະ​ເລ່ຍ​ແລ້ວ​ຜູ້​ໜຶ່ງ ນຳ​ໃຊ້​ບໍ່ຮອດ​ເຮັດ​ຕາ​ຊໍ້າ.

ເມື່ອ​ເປັນ​ເຊັ່ນ​ນັ້ນ ເຮົາ​ມາ​ພິ​ຈາ​ລະ​ນາວ່າ ນິ​ຍາມ​ຂອງ​ການ​ພັດ​ທະ​ນານັ້ນ​ແມ່ນ​ຫຍັງ? ມັນ​ແມ່ນ​ເປັນ​ການ​ເພີ່ມ​ພູນ​ການ​ບໍ​ລິ​ໂພກ ຫລື ການ​ນຳ​ໃຊ້​ຊັບ​ພະ​ຍາ​ກອນ​ເຮົາ​ບໍ່? ພວກ​ເຮົາ​ລອງ​ຫລຽວ​ເບິ່ງ​ບັນ​ດາ​ສັງ​ຄົມ ທີ່​ປະ​ຊາ​ຊົນ​ມີ​ຊີ​ວິດ​ຍືນ​ຍາວ ແລະ​ມີ​ຄວາມ​ສຸກນັ້ນ ລາຍ​ໄດ້​ເຂົາ​ເຈົ້າ​ບໍ່​ຫລາຍ​ເທົ່າ​ໃດ ແລະ​ການ​ບໍ​ລິ​ໂພກ​ກໍ​ສົມ​ເຫດ​ສົມ​ຜົນ ບໍ່​ແມ່ນ​ນຳ​ເອົາ​ແບບ​ຢ່າງ​ຕາ​ເວັນ​ຕົກ ແຕ່​ເປັນການ​ດຳ​ລົງ​ຊີ​ວິດ​ທີ່​ມີ​ຄຸນ​ນະ​ພາບ.

ເຊົາ​ເວົ້າ​ວ່າ​ພັດ​ທະ​ນາ​ປະ​ເທດ​ທຸກ, ມັນ​ແມ່ນ​ຍຸກ​ປະ​ເທດ​ຮັ່ງ​ຢຸດ​ຄວາມ​ - Wave100S AD to Website 2020 0 - ເຊົາ​ເວົ້າ​ວ່າ​ພັດ​ທະ​ນາ​ປະ​ເທດ​ທຸກ, ມັນ​ແມ່ນ​ຍຸກ​ປະ​ເທດ​ຮັ່ງ​ຢຸດ​ຄວາມ​

ມີ​ຫລາຍ​ຊໍ່າ​ໃດ​ຈຶ່ງ​ພຽງ​ພໍ ເພື່ອ​ການ​ດຳ​ລົງ​ຊີ​ວິດ ທີ່​ຍືນ​ຍາວ ແລະ​ມີ​ຄວາມ​ສຸ​ກ? ຢູ່ ສະ​ຫະ​ລັດ ອາ​ເມ​ລິ​ກາ ປະ​ຊາ​ຊົນ ຄາດ​ຫວັງ​ມີ​ອາ​ຍຸ​ຍືນ 79 ປີ ດ້ວຍ ລາຍ​ໄດ້​ສະ​ເລ່ຍ​ຕໍ່​ຫົວ​ຄົນ (GDP) ປີ​ລະຫຼາຍກວ່າ 50 ພັນ​ໂດ​ລາ ແຕ່​ກໍ​ຍັງ​ມີ​ຫລາຍ​ປະ​ເທດ​ທີ່​ມີ​ອາ​ຍຸ​ຍືນ​ຍາວ​ຊໍ່າໆ​ກັນ ດ້ວຍ​ລາຍ​ຮັບ​ທີ່​ຕໍ່າກວ່າ ເຊັ່ນ: ປະ​ເທດ ກູ​ບາ (Cuba) ທີ່​ຄຸນ​ນະ​ພາບ​ຊີ​ວິດ​ຂອງ​ປະ​ຊາ​ກອນ​ໃນ​ປະ​ເທດ​ດີ ທຽບ​ເທົ່າ​ກັບ​ປະ​ເທດ​ພັດ​ທະ​ນາ​ທັງ​ຫລາຍ ແລະ​ເປັນ​ປະ​ເທດ​ທີ່​ມີ​ອັດ​ຕາ​ການ​ຮູ້​ໜັງ​ສື​ທີ່​ສູງ​ທີ່​ສຸດ​ໃນ​ໂລກ​ປະ​ເທດ​ໜຶ່ງ ແຕ່​ມີ​ລາຍ​ໄດ້​ຕໍ່​ຫົວ​ຄົນ (GDP) ພຽງ​ແຕ່ 6 ພັນ​ໂດ​ລາ​ຕໍ່​ປີ. ພ້ອມນັ້ນ, ​ຄອ​ສ​ຕາ ຣີ​ກາ (Costa Rica) ເປັນ​ອີກ​ປະ​ເທດ​ໜຶ່ງ​ທີ່​ເປັນ​ແວ່ນ​ແຍງ​ທີ່​ດີ ດ້ວຍ ລາຍ​ໄດ້​ຕໍ່​ຫົວ​ຄົນ​ເທົ່າ​ກັບ ¼ ຂອງ ສະ​ຫະ​ລັດ ອາ​ເມ​ລິ​ກາ ແຕ່​ສາ​ມາດ​ເປັນ​ປະ​ເທດ​ທີ່​ປະ​ຊາ​ກອນ​ມີ​ຄວາມ​ສຸກ​ທີ່​ສຸດ​ປະ​ເທດ​ໜຶ່ງ​ໃນ​ໂລກ.

ເພາະ​ສະ​ນັ້ນ, ການ​ຊຸກ​ດັນ​ການ​ເຕີບ​ທາງ​ດ້ານ​ເສດ​ຖະ​ກິດ ອາດ​ມີ​ແນວ​ສົງ​ໄສ​ຫລາຍ​ປະ​ການ​ທີ່​ຈະ​ເຮັດ​ໃຫ້​ຊີ​ວິດ​ເຮົາ​ທັງໝົດ​ດີ​ຂຶ້ນ ແຕ່​ທີ່​ແນ່ນອນ ຮູບ​ແບບ​ການ​ພັດ​ທະ​ນາ​ທີ່​ພວກ​ເຮົາ​ກຳ​ລັງ​ຫິວ​ໂຫຍ​ຢູ່ນີ້ ​ກໍຈະ​ສ້າງ​ສັງ​ຄົມ ແຫ່ງ​ການ​ບໍ​ລິ​ໂພກ ທີ່​ນັ​ບມື້​ນັບ​ສູງ​ຂຶ້ນ ອັນ​ຈະ​ນຳ​ໄປ​ສູ່​ຫາ​ຍະ​ນະ, ປະ​ເທດ​ຮັ່ງ​ຄວນ​ເປັນ​ແບບ​ຢ່າງ ໃນ​ການ​ບໍ​ລິ​ໂພກ​ທີ່​ຍືນ​ຍົງ, ການ​ພັດ​ທະ​ນາ​ຂອງ​ປະ​ເທດ​ທຸກຍາກ ກໍ​ຕ້ອງ​ຮູ້​ທິດ​ທາງ ເພື່ອ​ການ​ຫລີກ​ເວັ້ນ​ການ ເພີ່ມ​ພູນ​ການ​ບໍ​ລິ​ໂພກ​ອັນ​ເຫລືອ​ຄຳ​ວ່າ “ພຽງ​ພໍ” ສະ​ເພາະ​ກຸ່ມ​ຄົນ​ໃດ​ໜຶ່ງ ແຕ່​ຮັບ​ປະ​ກັນ​ຄວາມ​ພໍ​ພຽງ​ສຳ​ລັບ​ທຸກ​ຄົນ​ໃນ​ສັງ​ຄົມ ຄຽງ​ຄູ່​ກັບ​ການ​ປົກ​ປັກ​ຮັກ​ສາ​ຊັບ​ພະ​ຍາ​ກອນ​ທຳ​ມະ​ຊາດ ເພື່ອ​ເອື້ອ​ອຳ​ນວຍ​ຜົນ​ປະ​ໂຫຍດໃນ​ໄລ​ຍະ​ຍາວ​.

ເຊົາ​ເວົ້າ​ວ່າ​ພັດ​ທະ​ນາ​ປະ​ເທດ​ທຸກ, ມັນ​ແມ່ນ​ຍຸກ​ປະ​ເທດ​ຮັ່ງ​ຢຸດ​ຄວາມ​ - WhatsApp Image 2020 05 27 at 5 - ເຊົາ​ເວົ້າ​ວ່າ​ພັດ​ທະ​ນາ​ປະ​ເທດ​ທຸກ, ມັນ​ແມ່ນ​ຍຸກ​ປະ​ເທດ​ຮັ່ງ​ຢຸດ​ຄວາມ​
ເຊົາ​ເວົ້າ​ວ່າ​ພັດ​ທະ​ນາ​ປະ​ເທດ​ທຸກ, ມັນ​ແມ່ນ​ຍຸກ​ປະ​ເທດ​ຮັ່ງ​ຢຸດ​ຄວາມ​ - WhatsApp Image 2020 05 27 at 5 - ເຊົາ​ເວົ້າ​ວ່າ​ພັດ​ທະ​ນາ​ປະ​ເທດ​ທຸກ, ມັນ​ແມ່ນ​ຍຸກ​ປະ​ເທດ​ຮັ່ງ​ຢຸດ​ຄວາມ​
error: Alert: ເນື້ອຫາຂ່າວມີລິຂະສິດ !!