ພາສີຈະດໍາເນີນຫລາຍມາດຕະການກະຕຸ້ນລາຍຮັບໃຫ້ໄດ້ຫລາຍກວ່າເກົ່າ

ພາສີຈະດໍາເນີນຫລາຍມາດຕະການກະຕຸ້ນລາຍຮັບໃຫ້ໄດ້ຫລາຍກວ່າເກົ່າ - DSC 2464 - ພາສີຈະດໍາເນີນຫລາຍມາດຕະການກະຕຸ້ນລາຍຮັບໃຫ້ໄດ້ຫລາຍກວ່າເກົ່າ
ພາສີຈະດໍາເນີນຫລາຍມາດຕະການກະຕຸ້ນລາຍຮັບໃຫ້ໄດ້ຫລາຍກວ່າເກົ່າ - Untitled design - ພາສີຈະດໍາເນີນຫລາຍມາດຕະການກະຕຸ້ນລາຍຮັບໃຫ້ໄດ້ຫລາຍກວ່າເກົ່າ

ຮັກສາການຫົວໜ້າກົມພາສີ ບຸນປະເສີດ ສີກຸນລະບຸດ ໃຫ້ຮູ້ວ່າ: ກະຊວງການເງິນໄດ້ມອບຕົວເລກການຈັດເກັບລາຍຮັບໃຫ້ຂະແໜງການຕົນໃນສົກປີ 2018 ຈໍານວນ 7.200 ຕື້ກີບ, ທຽບໃສ່ປີ 2017 ເພີ່ມຂຶ້ນປະມານ 8,27% ຫລືປະມານ 550 ຕື້ກີບ, ເຊິ່ງຕົວເລກດັ່ງກ່າວເຫັນວ່າມີຄວາມທ້າທາຍສົມຄວນໃນການຈັດຕັ້ງປະຕິບັດພາຍໃຕ້ເງື່ອນໄຂການຫລຸດຜ່ອນອັດຕາພາສີໃນກອບການຄ້າອາຊຽນ ແລະ ນະໂຍບາຍອື່ນໆເພື່ອສົ່ງເສີມການຜະລິດພາຍໃນ, ແຕ່ແນວໃດກໍຕາມ, ເພື່ອບັນລຸຕົວເລກຄາດໝາຍດັ່ງກ່າວ, ຂະແໜງພາສີຈະສືບຕໍ່ປະຕິບັດມາດຕະການຕ່າງໆເພື່ອກະຕຸ້ນການເກັບລາຍຮັບໃຫ້ມີປະສິດທິພາບກວ່າເກົ່າຄື: ຈະເລັ່ງປັບປຸງຂັ້ນຕອນແຈ້ງພາສີຢູ່ບັນດາດ່ານໃຫ້ກະທັດຮັດ, ມີປະສິດທິພາບ ແລະ ສ້າງເງື່ອນໄຂອໍານວຍຄວາມສະດວກໃຫ້ບັນດາຫົວໜ່ວຍທຸລະກິດສາມາດເຄື່ອນໄຫວໄດ້ຢ່າງຄ່ອງຕົວຕາມລະບຽບກົດໝາຍ, ເອົາໃຈໃສ່ຄຸ້ມຄອງ, ຕິດຕາມກວດກາການນໍາເຂົ້າ-ສົ່ງອອກສີນຄ້າຜ່ານດ່ານໃຫ້ເຂັ້ມງວດ, ການແຈ້ງພາສີຕ້ອງປະຕິບັດຕາມລາຄາຊື້-ຂາຍສີນຄ້າຕົວຈິງ, ເພີ່ມທະວີການຄຸ້ມຄອງສີນຄ້າຜ່ານດ່ານສາກົນ, ສີນຄ້າປອດພາສີ, ເຂດເສດຖະກິດພິເສດ ແລະ ສະເພາະໃຫ້ຖືກຕ້ອງຕາມລະບຽບກົດໝາຍ, ໂດຍການສ້າງກົນໄກການຄຸ້ມຄອງທີ່ຮັດກຸມ ເປັນຕົ້ນ: ພັດທະນາລະບົບຕິດຕາມເຄື່ອນຍ້າຍ, ການຕິດຕາມລະບົບສາງ, ຮ້ານຄ້າປອດພາສີ ແລະ ວັດຖຸອຸປະກອນຕ່າງໆທີ່ນໍາເຂົ້າເຂດເສດຖະກິດຢ່າງເປັນລະບົບ, ເພີ່ມທະວີການຕິດຕາມກວດກາການນໍາເຂົ້າພາຫະນະ, ນໍ້າມັນເຊື້ອໄຟຂອງບັນດາໂຄງການລົງທຶນຕ່າງໆທີ່ໄດ້ຮັບການຍົກເວັ້ນພາສີ-ອາກອນ ຕາມນະໂຍບາຍສົ່ງເສີມການລົງທຶນໃຫ້ນໍາໃຊ້ຖືກຕ້ອງຕາມເປົ້າໝາຍ, ພ້ອມທັງເອົາໃຈໃສ່ກວດສອບຄືນການແຈ້ງພາສີ, ຕ້ານການລັກລອບໜີພາສີຢ່າງເດັດຂາດ, ສືບຕໍ່ຈັດຕັ້ງປະຕິບັດຄໍາສັ່ງເລກທີ 15/ນຍ ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ ແລະ ກວດກາການຂຸດຄົ້ນໄມ້, ການເຄື່ອນຍ້າຍໄມ້ ແລະ ທຸລະກິດໄມ້, ອັນສໍາຄັນແມ່ນທຸກໆລາຍຮັບຈາກຂະແໜງພາສີໃຫ້ເປັນລາຍຮັບຂອງພູດສູນກາງທັງໝົດ, ໂດຍບໍ່ອະນຸຍາດໃຫ້ທ້ອງຖິ່ນຈົດເຂົ້າເປັນລາຍຮັບຂອງຕົນ ແລະ ໃຫ້ມອບລາຍຮັບຈາກດ່ານສາກົນ, ທ້ອງຖິ່ນ ແລະ ປະເພນີ ທີ່ຈັດເກັບໄດ້ລວມສູນເຂົ້າບັນຊີລາຍຮັບສູນກາງ 100%.

ທ່ານຮັກສາການຫົວໜ້າກົມພາສີ ໃຫ້ຮູ້ວ່າ: ປີຜ່ານມາ, ແຜນການຈັດເກັບລາຍຮັບແມ່ນ 6.650 ຕື້ກີບ, ແຕ່ປະຕິບັດຕົວຈິງໄດ້ພຽງ 6.301 ຕື້ກີບເທົ່າກັບ 94,75%, ໂດຍສ່ວນໃຫ່ຍໄດ້ຈາກການນໍາເຂົ້ານໍ້າມັນເຊື້ອໄຟ, ພາຫະນະ, ວັດສະດຸກໍ່ສ້າງ ແລະ ສີນຄ້າອື່ນໆ. ນອກນີ້, ຍັງສາມາດກວດກາຈັບກຸມຜູ້ລັກລອບສົ່ງອອກໄມ້ໄດ້ຫລາຍກວ່າ 250 ກໍລະນີ, ພ້ອມທັງຢາເສບຕິດ ແລະ ສັດປ່າຫວງຫ້າມອີກຈໍານວນໜຶ່ງ.

 

ພາສີຈະດໍາເນີນຫລາຍມາດຕະການກະຕຸ້ນລາຍຮັບໃຫ້ໄດ້ຫລາຍກວ່າເກົ່າ - Wave100S AD to Website 2020 0 - ພາສີຈະດໍາເນີນຫລາຍມາດຕະການກະຕຸ້ນລາຍຮັບໃຫ້ໄດ້ຫລາຍກວ່າເກົ່າ
ພາສີຈະດໍາເນີນຫລາຍມາດຕະການກະຕຸ້ນລາຍຮັບໃຫ້ໄດ້ຫລາຍກວ່າເກົ່າ - WhatsApp Image 2020 05 27 at 5 - ພາສີຈະດໍາເນີນຫລາຍມາດຕະການກະຕຸ້ນລາຍຮັບໃຫ້ໄດ້ຫລາຍກວ່າເກົ່າ
ພາສີຈະດໍາເນີນຫລາຍມາດຕະການກະຕຸ້ນລາຍຮັບໃຫ້ໄດ້ຫລາຍກວ່າເກົ່າ - WhatsApp Image 2020 05 27 at 5 - ພາສີຈະດໍາເນີນຫລາຍມາດຕະການກະຕຸ້ນລາຍຮັບໃຫ້ໄດ້ຫລາຍກວ່າເກົ່າ
error: Alert: ເນື້ອຫາຂ່າວມີລິຂະສິດ !!