ນັກທຸລະກິດລາວ ແລະ ສ ສະໂລວັກພົບປະຫາລື

ນັກທຸລະກິດລາວ ແລະ ສ ສະໂລວັກພົບປະຫາລື - Laos Slovakia Business - ນັກທຸລະກິດລາວ ແລະ ສ ສະໂລວັກພົບປະຫາລື
ນັກທຸລະກິດລາວ ແລະ ສ ສະໂລວັກພົບປະຫາລື - Untitled design - ນັກທຸລະກິດລາວ ແລະ ສ ສະໂລວັກພົບປະຫາລື

ຈັດກອງປະຊຸມພົບປະລະຫວ່າງນັກທຸລະກິດລາວ ແລະ ສ ສະໂລວັກ, ໄດ້ມີຂຶ້ນໃນວັນທີ 16 ມັງກອນນີ້, ທີ່ນະຄອນຫຼວງວຽງຈັນ, ໂດຍການເປັນປະທານຮ່ວມຂອງທ່ານ ສົມດີ ດວງດີ ຮອງນາຍົກລັດຖະມົນຕີແຫ່ງ ສປປ ລາວ ແລະ ທ່ານ Peter Kazimir ຮອງລັດຖະມົນຕີກະຊວງການເງິນ ສ ສະໂລວັກ ແລະ  ນັກທຸລະກິດທັງສອງຝ່າຍ, ເພື່ອປຶກສາຫາລື, ສຶກສາຂໍ້ມູນຕ່າງໆ ເພື່ອແນໃສ່ເສີມຂະຫຍາຍ ການຮ່ວມມືດ້ານການຄ້າ-ການລົງທຶຶນ ໃນຂະແໜງການ ICT, ສື່ມວນຊົນ, ການບໍລິການ, ທ່ອງທ່ຽວ, ການຄ້ານໍາເຂົ້າ-ສົ່ງອອກສິນຄ້າ, ການສຶຶກສາ, ອຸດສາຫະກໍາດ້ານອາຫານ-ເຄື່ອງດື່ມ, ການຂົນສົ່ງ, ນະວັດຕະກໍາດ້ານກະສິກໍາ, ການຢາ ແລະ ການອອກແບບໂຄງການກໍ່ສ້າງເສັ້ນທາງຕ່າງໆ.

ໃນໂອກາດດັ່ງກ່າວ, ທ່ານຮອງນາຍົກລັດຖະມົນຕີແຫ່ງ ສປປ ລາວ ໄດ້ແຈ້ງໃຫ້ບັນດານັກທຸລະກິດ ສ ສະໂລວັກຮູ້ວ່າ: ສະພາບເສດຖະກິດມະຫາພາກໂດຍລວມຂອງລາວ, ໃນທ່າມກາງທີ່ເສດຖະກິດໂລກ ແລະ ພາກພື້ນຄ່ອຍປັບໂຕຈາກວິກິດການທາງເສດຖະກິດ, ເສດຖະກິດຂອງລາວໄດ້ສືບຕໍ່ຂະຫຍາຍຕົວໃນຈັງຫວະ 6,9% ໃນປີ 2017 ແລະ GDP ຕໍ່ຫົວຄົນບັນລຸໄດ້ 2.400 ໂດລາສະຫະລັດ. ເສດຖະກິດມະຫາພາກມີສະສະຖຽນລະພາບໂດຍພື້ນຖານ ເຫັນໄດ້ຈາກອັດຕາເງິນເຟີ້ຢູ່ໃນລະດັບ 1,6% ຊຶ່ງຖືວ່າບໍ່ສູງ ແລະ ອັດຕາແລກປ່ຽນຍັງເໜັງຕີງຕາມກອບທີ່ວາງໄວ້ ແລະ ລັດຖະບານໄດ້ປັບປຸງບັນດານະໂຍບາຍ, ນິຕິກໍາ ແລະ ກົນໄກໃຫ້ສອດຄ່ອງ ແລະ ກົມກຽວ ເພື່ອສ້າງເງື່ອນໄຂສະດວກໃຫ້ແກ່ເສດຖະກິດຂະຫຍາຍຕົວ ພ້ອມທັງໃຫ້ຄວາມສໍາຄັນຕໍ່ການປົກປັກຮັກສາສິ່ງແວດລ້ອມ ແລະ ການນໍາໃຊ້ຊັບພະຍາກອນທໍາມະຊາດໃຫ້ມີປະສິດທິຜົນ ຕາມທິດການພັດທະນາແບບຍືນຍົງ ແລະ ສີຂຽວ. ປັດຈຸບັນລາວໄດ້ພັດທະນາເຂດເສດຖະກິດພິເສດຢູ່ຫຼາຍຈຸດໃກ້ກັບຊາຍແດນເຊັ່ນ: ນະຄອນຫຼວງວຽງຈັນ, ແຂວງສະຫວັນນະເຂດ, ບໍ່ແກ້ວ ແລະ ຄໍາມ່ວນ ຊຶ່ງຫຼາຍເຂດກໍໄດ້ມີຄວາມຄືບໜ້າໃນການພັດທະນາຫຼາຍສົມຄວນ. ດັ່ງນັ້ນ ການພັດທະນາເຂດເສດຖະກິດຂອງສອງປະເທດສະເໜີໃຫ້ຢູ່ໃນພື້ນຖານການແບ່ງງານສາກົນຢ່າງຈະແຈ້ງ, ບໍ່ຊັບຊ້ອນ, ບໍ່ໃຫ້ເປັນການແຂ່ງຂັນກັນ ເພື່ອໃຫ້ຕ່າງຝ່າຍຕ່າງໄດ້ຮັບຜົນປະໂຫຍດ.

ນັກທຸລະກິດລາວ ແລະ ສ ສະໂລວັກພົບປະຫາລື - Wave100S AD to Website 2020 0 - ນັກທຸລະກິດລາວ ແລະ ສ ສະໂລວັກພົບປະຫາລື
ນັກທຸລະກິດລາວ ແລະ ສ ສະໂລວັກພົບປະຫາລື - WhatsApp Image 2020 05 27 at 5 - ນັກທຸລະກິດລາວ ແລະ ສ ສະໂລວັກພົບປະຫາລື
ນັກທຸລະກິດລາວ ແລະ ສ ສະໂລວັກພົບປະຫາລື - WhatsApp Image 2020 05 27 at 5 - ນັກທຸລະກິດລາວ ແລະ ສ ສະໂລວັກພົບປະຫາລື
error: Alert: ເນື້ອຫາຂ່າວມີລິຂະສິດ !!