ກິນອາຫານເຫລົ່ານີ້ຫາກຢາກເປັນບ່າວໄປດົນໆ

ກິນອາຫານເຫລົ່ານີ້ຫາກຢາກເປັນບ່າວໄປດົນໆ - 011701 2018 - ກິນອາຫານເຫລົ່ານີ້ຫາກຢາກເປັນບ່າວໄປດົນໆ
ກິນອາຫານເຫລົ່ານີ້ຫາກຢາກເປັນບ່າວໄປດົນໆ - Untitled design - ກິນອາຫານເຫລົ່ານີ້ຫາກຢາກເປັນບ່າວໄປດົນໆ
  1. ໝາກເລັ່ນ : ອຸດົມໄປດ້ວຍໄລໂຄປີນ ເຊິ່ງເປັນແຮ່ທາດຫລັກທີ່ຜູ້ຊາຍຕ້ອງໃຊ້ ໂດຍວຽກງານວິໄຈພົບວ່າ : ຜູ້ຊາຍທີ່ມີໄລ ໂຄປີນໃນເລືອດຕໍ່າ ຫລື ເລືອດຂາດແຄນໄລໂຄປີນ ຈະມີຄວາມສ່ຽງຕໍ່ການເປັນພະຍາດຕ່ອມລູກໝາກຫລາຍກ່ວາຜູ້ຊາຍທີ່ມີໄລໂຄປີນສູງ. ດັ່ງນັ້ນ, ຄວນກິນໝາກເລັ່ນນ້ອຍປະມານ 15 ໜ່ວຍ ຫລື ນຳ້ໝາກເລັ່ນມື້ລະ 2 ຈອກຕໍ່ມື້.
  2. ໝາກຖົ່ວວອນນັດ, ແກ່ນໝາກອຶ ແລະ ຫອຍທະເລ : ເປັນອາຫານທີ່ມີແຮ່ທາດສັງກະສີ ຈະຊ່ວຍໃຫ້ການສ້າງລະບົບແຊນສືບພັນ ແລະ ເຮັດວຽກຮ່ວມກັນກັບເທສໂທສເຕີໂຣນຮໍໂມນໃນຜູ້ຊາຍ ເຊິ່ງການກິນຖົ່ວມື້ລະ 1 ກຳມື ຫລື ຫາວິຕາມິນທີ່ມີແຮ່ທາດສັງກະສີ ກິນເສີມມື້ລະ 25 ມິນລີກຣາມ.
  3. ໝາກໂມ, ໝາກແຕງແຕນຕາລູບ, ຖົ່ວ, ຊີສ, ປາ ລ້ວນແຕ່ມີ ແອລ – ອາຈິນີນ ເປັນໄວອະກ້າຈາກທຳມະຊາດຊ່ວຍເສີມສ້າງສະມັດຕະພາບທາງເພດ ເພາະອາຈິນີນໄປຊ່ວຍສ້າງເຄມີກະຕຸ້ນໃຫ້ຫລອດເລືອດຂະຫຍາຍ ຈຶ່ງເຮັດໃຫ້ພາກສ່ວນສຳຄັນຂອງຮ່າງກາຍເຮັດວຽກໄດ້ເຕັມທີ່.
  4. ຜັກທຽມ : ເປັນອາຫານກຽມຄວາມພ້ອມສຳລັບຜູ້ຊາຍແທ້ຈິງ ເພາະຜັກທຽມສົດ ຫລື ບົດແຫ້ງໃສ່ແຄັບຊູນມີສານຊ່ວຍຫລຸດໄຂມັນໃນຫລອດເລືອດ.
  5. ຂີ້ໝິ້ນ : ຊ່ວຍປ້ອງກັນພະຍາດອັນໄຊເມີ ຫລື ສະໝອງເສື່ອມ ທັງຊ່ວຍໃຫ້ເສັ້ນຜົມມີສຸຂະພາບແຂງແຮງດີ ເພາະໃນຂີ້ໝິ້ນມີ ເຄີຄູມິນອຍຢູ່ໃນສານສີເຫລືອງໆ ເຊິ່ງການກິນຂີ້ໝິ້ນ ຫລື ແກງກະຫລີ່ອາທິດລະ 1 ບ່ວງແກງຖືເປັນປະລິມານທີ່ເໝາະສົມສຳລັບຜູ້ຊາຍ. ໃຜທີ່ເລີ່ມຮູ້ສຶກປວດເມື່ອຍກ້າມຊີ້ນຕົນໂຕ ຂີ້ໝິ້ນຈະຊ່ວຍຫລຸດອາການອັກເສບໄດ້ດີຫລາຍ.
  6. ນຳ້ມັນປາ ແລະ ກະປິ : ເປັນອາຫານພິເສດທີ່ຊ່ວຍເລື່ອງຄວາມຈື່ຈຳ, ເຮັດໃຫ້ສາຍຕາດີ, ບໍ່ມີຕາແຫ້ງ ໂດຍສະເພາະຜູ້ຊາຍທີ່ມັກຫລິ້ນກິລາ ໂອເມກ້າ 3 ທີ່ໄດ້ຈາກປາຈະເປັນວັດຖຸດິບສຳຄັນທີ່ຊ່ວຍບຳລຸງຂໍ້ ແລະ ເສີມສ້າງຄວາມແຂງແຮງຂອງກ້າມຊີ້ນທີ່ດີຫລາຍ ຢ່າງໜ້ອຍໃຫ້ກິນ DHA + EPA ມື້ລະ 1.000 ມິນລີກຣາມ.
  7. ຊັອກໂກແລັດດຳ ແລະ ຊາຂຽວ : ມີສັບພະຄຸນຄ້າຍຄືກັນປ້ອງກັນເລືອດກ້າມ. ຊາຂຽວຈະຊ່ວຍຫລຸດຄວາມດັນ ແລະ ໄຂມັນໃນຮ່າງກາຍໄດ້. ສ່ວນຊັອກໂກແລັດດຳຈະໃຫ້ແມັກນີຊຽມແກ່ຮ່າງກາຍ ຊ່ວຍບຳລຸງກະດູກໃຫ້ແຂງແຮງ. ນອກຈາກນີ້, ຍັງມີສານຊ່ວຍເຮັດໃຫ້ອາລົມດີນຳອີກ.
  8. ວິຕາມິນເບ 3 : ຊ່ວຍຫລຸດໄຂມັນໃນເລືອດ ແລະ ເຮັດໃຫ້ເລືອດຂະຫຍາຍ, ບາງຄົນຊື້ມາກິນຕອນທຳອິດຮູ້ສຶກວ່າສະມັດຕະພາບທາງເພດດີຂຶ້ນ.
  9. ຂີງ : ມີສັບພະຄຸນຊ່ວຍໄລ່ອາການເຈັບປວດ ແລະ ອັກເສບພາຍໃນຮ່າງກາຍ, ຊ່ວຍໃຫ້ລຳໄສ້ເຮັດວຽກໄດ້ດີເປັນປົກກະຕິ. ທ່ານໃດທ່ີມັກມີອາການວິນຫົວປວດຮາກ, ເມື່ອຍງ່າຍ ຖ້າໄດ້ດື່ມຊາຂີງອຸ່ນໆຈັກຈອກຈະຊ່ວຍໃຫ້ສົດຊື່ນຂຶ້ນ ຫລື ຈະກິນຂີງສົດໆກໍໄດ້.
ກິນອາຫານເຫລົ່ານີ້ຫາກຢາກເປັນບ່າວໄປດົນໆ - Wave100S AD to Website 2020 0 - ກິນອາຫານເຫລົ່ານີ້ຫາກຢາກເປັນບ່າວໄປດົນໆ
ກິນອາຫານເຫລົ່ານີ້ຫາກຢາກເປັນບ່າວໄປດົນໆ - WhatsApp Image 2020 05 27 at 5 - ກິນອາຫານເຫລົ່ານີ້ຫາກຢາກເປັນບ່າວໄປດົນໆ
ກິນອາຫານເຫລົ່ານີ້ຫາກຢາກເປັນບ່າວໄປດົນໆ - WhatsApp Image 2020 05 27 at 5 - ກິນອາຫານເຫລົ່ານີ້ຫາກຢາກເປັນບ່າວໄປດົນໆ
error: Alert: ເນື້ອຫາຂ່າວມີລິຂະສິດ !!