ປີ 2018 ຜູ້ຢູ່ເທິງໃຫ້ນອນຂວ້ຳຜູ້ຢູ່ຕ່ຳໃຫ້ນອນຫງາຍ

ປີ 2018 ຜູ້ຢູ່ເທິງໃຫ້ນອນຂວ້ຳຜູ້ຢູ່ຕ່ຳໃຫ້ນອນຫງາຍ - business news 02 0 temp 1387015197 52ac2c1d 620x348 - ປີ 2018 ຜູ້ຢູ່ເທິງໃຫ້ນອນຂວ້ຳຜູ້ຢູ່ຕ່ຳໃຫ້ນອນຫງາຍ
ປີ 2018 ຜູ້ຢູ່ເທິງໃຫ້ນອນຂວ້ຳຜູ້ຢູ່ຕ່ຳໃຫ້ນອນຫງາຍ - Untitled design - ປີ 2018 ຜູ້ຢູ່ເທິງໃຫ້ນອນຂວ້ຳຜູ້ຢູ່ຕ່ຳໃຫ້ນອນຫງາຍ

ໂດຍ: ກ້ອງສ່ອງ ອິດສະຫລະ

ໃນປະໂຫຍກທີ່ກ່າວມາ ຂ້າງເທິງນີ້, ມັນກໍມີຄວາມໝາຍ ຫລາຍຢ່າງ, ມີທັງຄວາມໝາຍ ເລິກ, ຄວາມໝາຍແປນ ແລະ ຄວາມໝາຍກວ້າງຄວາມໝາຍ ແຄບ. ແຕ່ໃນຄວາມເປັນ ຈິງທີ່ ຜູ້ຂຽນຢາກເວົ້າກົງໆນີ້ກໍມີຢູ່ວ່າ ຜູ້ເປັນຂັ້ນເທິງຕ້ອງເບິ່ງແຍງຂັ້ນ ລຸ່ມ, ຜູ້ຢູ່ລຸ່ມກໍຕ້ອງສັດຊື່ ແລະ ຈິງ ໃຈປະຕິບັດຄຳສັ່ງຂອງຂັ້ນເທິງ, ນາຍກໍຕ້ອງເບິ່ງແຍງລູກນ້ອງ, ລູກນ້ອງກໍຕ້ອງຮັກແພງຫົວໜ້າ, ເປັນ ຜູ້ນຳຕ້ອງເປັນຫວ່ງເປັນໄຍ ນຳພາລະກິດຂອງບ້ານເມືອງ, ບໍ່ເຫັນແກ່ຜົນປະໂຫຍດສ່ວນຕົວ ແລະ ພວກພ້ອງຈົນເກີນ ເຫດ, ບໍ່ສໍ້ລາດບັງຫລວງ ແລະ ບໍ່ ກິນສິນບົນນຳຄົນຊື້ຈ້າງຄວາມ ໝາຍອີກຢ່າງໜຶ່ງກໍແມ່ນວ່າຜູ້ ທີ່ເປັນຂັ້ນເທິງຕ້ອງໝັ່ນລົງໄປ ຫາຂັ້ນລຸ່ມ ແລະ ພໍ່ແມ່ປະຊາຊົນ ທີ່ຢູ່ເຂດຊົນນະບົດຫ່າງໄກສອກ ຫລີກ. ຢ່າປະປ່ອຍໃຫ້ລູກນ້ອງ, ຜູ້ໃຕ້ບັງຄັບບັນຊາ ຫລື ພໍ່ແມ່ປະ ຊາຊົນພາ ກັນອຶດຢາກຂາດເຂີນ. ໃນມະຕິຂອງພັກເກືອບທຸກສະ ບັບໄດ້ວາງຄາດໝາຍໄວ້ວ່າ: ທຸກ ສິ່ງທຸກຢ່າງເພື່ອຮັບໃຊ້ປະຊາຊົນ ແລະ ຄວາມສົມບູນພູນສຸກ ຂອງພໍ່ແມ່ປະຊາຊົນພິເສດ, ໃນມະຕິ 9 ແລະ ມະຕິ 10 ຂອງ ພັກຍິ່ງວາງຄາດໝາຍໜ້າວຽກໄວ້ຫລາຍຢ່າງທີ່ພວກເຮົາຈະຕ້ອງໄດ້ສູ່ຊົນໃຫ້ເຖິງກົກເຖິງ ຮາກເປັນຕົ້ນ: 4 ບຸກທະລຸ, 4 ເນື້ອໃນ 4 ຄາດໝາຍ ແລະ ຮອດ ປີ 2020 ຕ້ອງນຳພາປະເທດ ຊາດອອກຈາກສະຖານະພາບ ຄວາມທຸກຍາກ ແລະ ດ້ອຍພັດທະນາ.

ປີ 2018 ຜູ້ຢູ່ເທິງໃຫ້ນອນຂວ້ຳຜູ້ຢູ່ຕ່ຳໃຫ້ນອນຫງາຍ - rffdfgg 300x166 - ປີ 2018 ຜູ້ຢູ່ເທິງໃຫ້ນອນຂວ້ຳຜູ້ຢູ່ຕ່ຳໃຫ້ນອນຫງາຍ
(ພາບປະກອບ)

+ ປີໃໝ່ກະຊວງການເງິນຈະເລັ່ງປະຕິຮູບການຄຸ້ມຄອງ ແລະ ກົນໄກດ້ານລາຍຮັບໃນຂະແໜງການພາສີ

+ ກອງກວດກາພາສີແຂວງສະຫວັນນະເຂດເກັບລາຍຮັບໄດ້ເກີນແຜນ 42 ຕື້ກວ່າກີບ

ປີ 2018 ຜູ້ຢູ່ເທິງໃຫ້ນອນຂວ້ຳຜູ້ຢູ່ຕ່ຳໃຫ້ນອນຫງາຍ - Wave100S AD to Website 2020 0 - ປີ 2018 ຜູ້ຢູ່ເທິງໃຫ້ນອນຂວ້ຳຜູ້ຢູ່ຕ່ຳໃຫ້ນອນຫງາຍ

ຕາມຜູ້ຂຽນວ່າ, ເປົ້າໝາຍ ຫລື ວ່າຄາດໝາຍທີ່ພັກ ແລະ ລັດຖະບານວາງອອກນີ້ບໍ່ແມ່ນເພື່ອຕົນເອງ ແລະ ພວກພ້ອງ, ແຕ່ແມ່ນເພື່ອປະເທດຊາດບ້ານເມືອງ ແລະ ເພື່ອທຸກຄົນພາຍ ໃນຊາດ ແລະ ເພື່ອກ້າວໄປເຖິງ ຜົນສຳເລັດຢ່າງເປັນຮູບປະທຳ, ໜຶ່ງໃນນີ້ມັນກໍພົວພັນເຖິງ ປະໂຫຍກທີ່ໄດ້ຍົກມາຂ້າງເທິງ. ໃນກອງປະຊຸມກວດກາທົ່ວ ປະເທດ ເຊິ່ງຫາກໍສຳເລັດລົງ ໝາດໆ ກໍໄດ້ເປີດເຜີຍວ່າ: ໜຶ່ງ ປີຜ່ານມາໄດ້ກວດກາພົບເຫັນການສໍ້ລາດບັງຫລວງ ເຊິ່ງມີຜົນ ເສຍຫາຍຕໍ່ປະເທດຊາດເຖິງ 400 ກວ່າຕື້ກີບ. ຕົວເລກ ທີ່ໄດ້ ຢັ້ງຢືນມານີ້ມັນເປັນຈຳນວນບໍ່ ໜ້ອຍຖ້າເອົາໄປສ້າງສາບ້ານ ທຸກຍາກກໍອາດຈະໄດ້ຫລາຍ ບ້ານ ຫລື ຫາກເອົາໄປສ້າງ ເສັ້ນທາງກໍອາດຈະໄດ້ຫລາຍ ເສັ້ນ, ຈະບໍ່ໄດ້ພາກັນດູດຂີ້ຝຸ່ນ ກຸ້ມຕາມເສັ້ນທາງບາງເສັ້ນ ຢູ່ໃນເມືອງ ແລະ ຊົນນະບົດ. ຕາມເຮົາຄິດ, ໜຶ່ງໃນສາເຫດ ກໍອາດຈະແມ່ນຂາດບາງປັດໄຈ ຜູ້ທີ່ຢູ່ທາງເທິງບໍ່ພາກັນນອນ ຂວ້ຳຜູ້ຕ່ຳພັດບໍ່ນອນຫງາຍຈຶ່ງ ເປັນເຫດໃຫ້ເສຍເງິນໄປຫລາຍຮ້ອຍລ້ານ. ອີກປັດໄຈໜຶ່ງກໍ ອາດຈະແມ່ນບາງຂັ້ນນຳຢູ່ແຕ່ລະກົມກອງທ້ອງຖິ່ນບໍ່ເຄັ່ງຄັດ ເດັດຂາດ, ທັງບໍ່ເປັນຕົວແບບ ແລະ ເປັນແບບຢ່າງທີ່ດີແກ່ບ້ານ ເມືອງ. ການຍັກຍອກຊັບສິນ ຂອງລັດ ຫລື ວ່າຂອງສ່ວນ ລວມບາງຄັ້ງນາຍເປັນຜູ້ພາ ລູກນ້ອງເຮັດ. ໃນເມື່ອມີຄຳສັ່ງ ຂອງຂັ້ນເທິງລົງໄປລູກນ້ອງ ກໍບໍ່ຄ່ອຍເອົາຫົວໃສໃຈຊາເຮັດຄືໂສ້ບໍ່ເຄັ່ງ, ປຽບດັ່ງໝີກິນເຜິ້ງ ຍ້ອນນາຍບໍ່ເປັນແບບຢ່າງ. ຄັນ ວ່າລົງໄປທ້ອງຖິ່ນຮາກຖານ ຫາພໍ່ແມ່ປະຊາຊົນກໍມີແຕ່ເອົາ ວຽກໄປມອບໃຫ້ນາຍບ້ານ, ຈາກນັ້ນກໍໄປຊອກຫາໄມ້ດູ່, ໄມ້ ຂະຍຸງເລາະກິນຕົ້ມເປັດຕົ້ມໄກ່, ເອົາມືອ່ອນໆມາເຢັ້ນເບຍ. ຜູ້ທີ່ມີ ຜົນປະໂຫຍດນຳບາງຄົນເຂົາ ຂ້າຮອດໝູ, ແມ່ງົວຕົວຄວາຍ ສູ່ກິນເວລາກັບຄືນບ້ານ ຫລື ກົມກອງກໍມີຂອງຕ້ອນຂອງ ຝາກນີ້ຄືສະພາບ ແລະ ປະກົດ ການຂອງແບບແຜນ ແລະ ວິທີ ເຮັດວຽກຂອງຂັ້ນນຳບາງ ທ້ອງຖິ່ນ ແລະ ບາງກົມກອງ ທີ່ຍັງບໍ່ປະລະສູດເກົ່າ.
ຈາກສະພາບທີ່ໄດ້ຍົກມານີ້, ຈຶ່ງມີຜົນກະທົບໄປເຖິງ ການເກັບລາຍຮັບກໍບໍ່ໄດ້ຕາມ ເປົ້າເພາະຜູ້ສໍ້ລາດບັງຫລວງ ມັນຍັງລີ້ຊ້ອນປ້ອນຕົວພາຍໃນແບບຫຸ່ນບັງຟັນ ແລະ ແບບປີງ ດູດກິນເລືອດ. ຕາມເຮົາຄິດ ຖ້າຄະນະນຳຂັ້ນກົມກອງ ແລະ ທ້ອງຖິ່ນຫາກເປັນເຈົ້າການ ຢ່າງເດັດຂາດເຫັນຜົນປະ ໂຫຍດລວມຂອງຊາດເປັນ ໃຫຍ່ແລ້ວທຸກສິ່ງຢ່າງຄວາມ ຄາດໝາຍທີ່ໄດ້ວາງໄວ້ນັ້ນ ຈະເປັນຜົນສຳເລັດຢ່າງແນ່ ນອນ. ຮອດປີ 2020 ບໍ່ວ່າແຕ່ ຈະລົບລ້າງ ຄວາມທຸກຍາກ ຢ້ານວ່າພາກັນຮັ່ງມີຖົງຕືງເງິນ ເດືອນກໍຈະໄດ້ປົກກະຕິ ແລະ ເພີ່ມຂຶ້ນເລື້ອຍໆ./.

ປີ 2018 ຜູ້ຢູ່ເທິງໃຫ້ນອນຂວ້ຳຜູ້ຢູ່ຕ່ຳໃຫ້ນອນຫງາຍ - business news 02 0 temp 1387015197 52ac2c1d 620x348 - ປີ 2018 ຜູ້ຢູ່ເທິງໃຫ້ນອນຂວ້ຳຜູ້ຢູ່ຕ່ຳໃຫ້ນອນຫງາຍ

ປີ 2018 ຜູ້ຢູ່ເທິງໃຫ້ນອນຂວ້ຳຜູ້ຢູ່ຕ່ຳໃຫ້ນອນຫງາຍ - WhatsApp Image 2020 05 27 at 5 - ປີ 2018 ຜູ້ຢູ່ເທິງໃຫ້ນອນຂວ້ຳຜູ້ຢູ່ຕ່ຳໃຫ້ນອນຫງາຍ
ປີ 2018 ຜູ້ຢູ່ເທິງໃຫ້ນອນຂວ້ຳຜູ້ຢູ່ຕ່ຳໃຫ້ນອນຫງາຍ - WhatsApp Image 2020 05 27 at 5 - ປີ 2018 ຜູ້ຢູ່ເທິງໃຫ້ນອນຂວ້ຳຜູ້ຢູ່ຕ່ຳໃຫ້ນອນຫງາຍ
error: Alert: ເນື້ອຫາຂ່າວມີລິຂະສິດ !!