ກອງປະຊຸມພົບປະສົ່ງເສີມທຸລະກິດລາວ-ຈີນ

ກອງປະຊຸມພົບປະສົ່ງເສີມທຸລະກິດລາວ-ຈີນ - Laos China - ກອງປະຊຸມພົບປະສົ່ງເສີມທຸລະກິດລາວ-ຈີນ
ກອງປະຊຸມພົບປະສົ່ງເສີມທຸລະກິດລາວ-ຈີນ - Untitled design - ກອງປະຊຸມພົບປະສົ່ງເສີມທຸລະກິດລາວ-ຈີນ

ກອງປະຊຸມສົ່ງເສີມທຸລະກິດລາວ-ຈີນ, ໄດ້ມີຂຶ້ນໃນວັນທີ 17 ມັງກອນນີ້, ທີ່ນະຄອນຫລວງວຽງຈັນ, ໂດຍການເປັນປະທານຮ່ວມຂອງທ່ານ ນາງ ຈັນທະຈອນ ວົງໄຊ ຮອງປະທານສະພາການຄ້າແລະ ອຸດສາຫະກໍາແຫ່ງຊາດລາວ, ທ່ານ ຫວງ ປົວເສິງ ຫົວໜ້າສະຖາບັນຄົ້ນຄວ້າວັດທະນະທໍາ, ເສດຖະກິດຈີນ-ອາຊຽນ ແລະ ທ່ານ ສຸບັນ ວິຈິດຕາ ຮອງຫົວໜ້າຫ້ອງການຄະນະກໍາມາທິການຮ່ວມມືລາວ-ຈີນ, ມີນັກທຸລະກິດທັງສອງຝ່າຍເຂົ້າຮ່ວມ. ເພື່ອປຶກສາຫາລືການຮ່ວມມືດ້ານການຄ້າ-ການລົງທຶນໃນຂະແໜງການຕັດຫຍິບ, ການນໍາເຂົ້າ-ສົ່ງອອກສິນຄ້າ, ກໍ່ສ້າງ-ຂົວທາງແລະຂະແໜງກະສິກໍາ.

ໃນໂອກາດດັ່ງກ່າວ, ທ່ານຮອງຫົວໜ້າຫ້ອງການຄະນະກໍາມາທິການຮ່ວມມືລາວ-ຈີນ, ໄດ້ຮູ້ວ່າ: ໂດຍລວມແລ້ວເສດຖະກິດຂອງລາວຍັງສືບຕໍ່ຂະຫຍາຍຕົວຢ່າງຕໍ່ເນື່ອງ ແລະ ຢູ່ໃນລະດັບ 6,83%, GDP ຕໍ່ຫົວຄົນບັນລຸໄດ້ 2.475 ໂດລາສະຫະລັດ, ໃນນັ້ນ, ຂະແໜງກະສິກໍາກວມ 16,3%, ສາຫະກໍາກວມ 30%, ບໍລິການກວມ 42,1% ແລະ ພາສີຈາກການນໍາເຂົ້າກວມ 11,5%. ໃນປີ 2011 ທະນາຄານໂລກໄດ້ຢັ້ງຢືນວ່າ ລາວແມ່ນ 1 ໃນ 10 ປະເທດທີ່ມີເສດຖະກິດຂະຫຍາຍຕົວໄວ, ເຖິງວ່າລາວເປັນປະເທດທີ່ນ້ອຍ, ເສດຖະກິດຍັງອ່ອນນ້ອຍກໍຕາມ ແຕ່ລາວມີທ່າແຮງບົ່ມຊ້ອນທາງດ້ານຊັບພະຍາ ກອນຊໍາມະຊາດເປັນຕົ້ນແມ່ນ: ທີ່ດິນ, ແຫຼ່ງນໍ້າ, ບໍ່ແຮ່ ແລະ ປ່າໄມ້ທີ່ອຸດົມສົມບູນ, ຊຶ່ງລ້ວນແຕ່ເປັນທ່າແຮງໃນການພັດທະນາເສດຖະກິດ-ສັງຄົມຂອງປະເທດ ແລະ ທີ່ສໍາຄັນລາວມີສະຖຽນລະພາບທາງດ້ານການເມືອງທີ່ໜັກແໜ້ນ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍ, ປະຊາຊົນມີຄວາມສາມັກຄີປອງດອງ ແລະ ມີອັດທະຍາໃສດີ ຊຶ່ງນີ້ກໍເປັນປັດໄຈສໍາຄັນຂອງສະພາບແວດລ້ອມທີ່ດີສໍາລັບການລົງທຶນ. ປັດຈຸບັນ, ການລົງທຶນຂອງ ສປ ຈີນຢູ່ລາວ ມີທັງໝົດ 771 ໂຄງການ, ມີມູນຄ່າຫຼາຍກວ່າ 9,6 ຕື້ໂດລາສະຫະລັດ. ໃນນັ້ນ ການລົງທຶນຂອງຈີນ 100% ມີມູນຄ່າເຖິງ 7,4 ຕື້ໂດລາສະຫະລັດ, ຈັດຢູ່ລະດັບໜຶ່ງຂອງການລົງທຶນຕ່າງປະເທດ ແລະ ເຂດແຄ້ວນໃນລາວ, ຊຶ່ງການ ສ່ວນໃຫຍ່ແມ່ນ ຂະແໜງບໍ່ແຮ່, ກໍ່ສ້າງ, ບໍລິການ, ພະລັງງານໄຟຟ້າ, ກະສິກໍາ ແລະ ຂະແໜງອື່ນໆ ອັນເປັນທ່າແຮງສໍາຄັນປະກອບສ່ວນເຂົ້າໃນການພັດທະນາເສດຖະກິດຂອງຊາດຂະຫຍາຍຕົວເປັນກ້າວໆ.

ໃນກອງປະຊຸມດັ່ງກ່າວ, ໄດ້ມີການລົງນາມສັນຍາຮ່ວມມືທຸລະກິດລາວ-ຈີນ ໃນຂະແໜງການຢາ, ການຄ້າ, ກະສິກໍາ, ການທ່ອງທ່ຽວ, ການບໍລິການ ແລະ ອື່ນໆ ຈໍານວນ 7 ບໍລິສັດ.

ກອງປະຊຸມພົບປະສົ່ງເສີມທຸລະກິດລາວ-ຈີນ - Wave100S AD to Website 2020 0 - ກອງປະຊຸມພົບປະສົ່ງເສີມທຸລະກິດລາວ-ຈີນ
ກອງປະຊຸມພົບປະສົ່ງເສີມທຸລະກິດລາວ-ຈີນ - WhatsApp Image 2020 05 27 at 5 - ກອງປະຊຸມພົບປະສົ່ງເສີມທຸລະກິດລາວ-ຈີນ
ກອງປະຊຸມພົບປະສົ່ງເສີມທຸລະກິດລາວ-ຈີນ - WhatsApp Image 2020 05 27 at 5 - ກອງປະຊຸມພົບປະສົ່ງເສີມທຸລະກິດລາວ-ຈີນ
error: Alert: ເນື້ອຫາຂ່າວມີລິຂະສິດ !!