ທະນາຄານເມແບັງ ຂະຫຍາຍໂຄງການຊ່ວຍເຫລືອແມ່ຍິງຕໍ່າຜ້າໃນລາວ

ທະນາຄານເມແບັງ ຂະຫຍາຍໂຄງການຊ່ວຍເຫລືອແມ່ຍິງຕໍ່າຜ້າໃນລາວ - may bank - ທະນາຄານເມແບັງ ຂະຫຍາຍໂຄງການຊ່ວຍເຫລືອແມ່ຍິງຕໍ່າຜ້າໃນລາວ
ທະນາຄານເມແບັງ ຂະຫຍາຍໂຄງການຊ່ວຍເຫລືອແມ່ຍິງຕໍ່າຜ້າໃນລາວ - Untitled design - ທະນາຄານເມແບັງ ຂະຫຍາຍໂຄງການຊ່ວຍເຫລືອແມ່ຍິງຕໍ່າຜ້າໃນລາວ

ກຸ່ມທະນາຄານເມແບັງ ແລະ ມູນນິທິເມແບັງ (Maybank Foundation) ໄດ້ຂະຫຍາຍ “ໂຄງການແມ່ຍິງຕໍ່າຜ້າຂອງທະຄານເມແບັງ” ມາສູ່ ສປປ ລາວ, ເຊິ່ງເປັນປະເທດທີສາມໃນອາຊຽນ.

ໂຄງການນີ້ແມ່ນປະສົບຜົນສຳເລັດຫລາຍໃນປະເທດອິນໂດເນເຊຍ ແລະ ກຳປູເຈຍ, ເຊິ່ງເປັນກົນໄກການສະໜັບສະໜູນສົ່ງເສີມສີໄມ້ລາຍມືການຕໍ່າຜ້າອັນເປັນເອກະລັກທີ່ສາມາດສ້າງໂອກາດໃນການດຳເນີນທຸລະກິດຂອງແມ່ຍິງທີ່ດ້ອຍໂອກາດສາມາດມີລາຍຮັບເພີ່ມຂຶ້ນ.

ບັນດາຜູ້ລິເລີ່ມໂຄງການດັ່ງກ່າວລວມມີ: ທ່ານນາງ ອຸເທນ ມະສີສົນໄຊ ຮອງເຈົ້າແຂວງຂຽງຂວາງ, ທ່ານນາງ ດາຕຸກ ໂມໄຮຢານີ ປະທານທະນາຄານເມແບັງ ແລະ ມູນລະນິທິເມແບັງ, ພ້ອມດ້ວຍທ່ານນາງ ກົມມະລີ ຈັນທະວົງ ຜູ້ກໍ່ຕັ້ງບໍລິສັດປູກມອນ-ລ້ຽງມ້ອນ ແລະ ສາວໄໝ.

ປະທານທະນາຄານເມແບັງ ແລະ ມູນນິທິເມແບັງ ກ່າວວ່າ: ພວກເຮົາໄດ້ເຫັນການພັດທະນາຢ່າງໃຫຍ່ຫລວງຢູ່ຂອງຊຸມຊົນນັບແຕ່ເລີ່ມກໍ່ຕັ້ງໂຄງການຂຶ້ນມາ, ທັງໃນປະເທດອິນໂດເນເຊຍ ແລະ ກຳປູເຈຍ, ຍ້ອນແນວນັ້ນ, ຈຶ່ງເຮັດໃຫ້ພວກເຮົາໄດ້ຂະຫຍາຍໂຄງການມາສູ່ປະເທດລາວ, ໂຄງການນີ້ສາມາດຊ່ວຍໃຫ້ແມ່ຍິງບັນດາເຜົ່າໄດ້ຟື້ນຟູອຸດສາຫະກຳຜ້າໄໝ ແລະ ຂັບເຄື່ອນການພັດທະນາເສດຖະກິດໃນປະເທດໃຫ້ດີຂຶ້ນ. ໂດຍໂຄງການຈະຮ່ວມກັບບໍລິສັດປູກມອນ-ລ້ຽງມ້ອນ ແລະ ສາວໄໝທີ່ແຂວງຊຽງຂວາງເພື່ອເຝິກອົບຮົມການຕໍ່າແຜ່ນ ແລະ ການສາວໄໝ ແລະ ສິດສອນໃຫ້ຄວາມຮູ້ກ່ຽວກັບຂະບວນການເຮັດສວນມອນເພື່ອລ້ຽງມ້ອນ.

ທ່ານ ຊາຣິວ ອາຊົວ ຈີມິນ ປະທານມູນນິທິເມແບັງ ກ່າວວ່າ: ໂຄງການນີ້, ຈະຊ່ວຍຮັກສາມໍລະດົກທາງດ້ານວັດທະນະທຳອັນດີງາມຂອງຊຸມຊົນໄວ້ຢ່າງຍືນຍົງ, ທັງເປັນການສົ່ງເສີມດ້ານທັກສະ ແລະ ເຕັກນິກໃນການຕໍ່າ ແລະ ອອກແບບລາຍຜ້າໄໝທີ່ມີເອກະລັກດັ້ງເດີມທີ່ສາມາດປະຍຸກໃຊ້ເຂົ້າໃນການຜະລິດເສື້ອຜ້າໃນແບບສະໄໝໃໝ່ທີ່ເປັນມິດຕໍ່ສິ່ງແວດລ້ອມ, ໃນໂອກາດນີ້, ມູນນິທິເມແບັງຍັງໄດ້ເປີດໂຄງການກໍ່ສ້າງຫໍພັກເພື່ອຮອງຮັບບັນດານັກຮຽນທີ່ຈະເຂົ້າມາເຝິກອົບຮົມອີກດ້ວຍ.

ໃນປະເທດກຳປູເຈຍ, ໂຄງການຊ່ວຍເຫລືອແມ່ຍິງຕໍ່າຜ້າໄດ້ສຳເລັດການເຝິກອົບຮົມໃຫ້ແກ່ຜູ້ເຝິກອົບຮົມແລ້ວກວ່າ 74 ຄົນ, ໄດ້ຮ່ວມມືກັບຊາວກະສິກຳກວ່າ 190 ຄົນ ແລະ ປູກຕົ້ນມອນຫລາຍກວ່າ 30.000 ຕົ້ນ, ເຊິ່ງເປັນແຫລ່ງອາຫານຕົ້ນຕໍໃນການລ້ຽງໂຕມ້ອນເພື່ອຜະລິດເສັ້ນໄໝດິບ. ສ່ວນຢູ່ປະເທດອິນໂດເນເຊຍ, ໂຄງການດັ່ງກ່າວໄດ້ເຝິກອົບຮົມໃຫ້ແມ່ຍິງຫລາຍກວ່າ 200 ຄົນ ແລະ ໃຫ້ການຊ່ວຍເຫລືອທາງການເງິນຈຸລະພາກແກ່ແມ່ຍິງຕໍ່າຜ້າກວ່າ 80 ຄົນ.

ທະນາຄານເມແບັງ ຂະຫຍາຍໂຄງການຊ່ວຍເຫລືອແມ່ຍິງຕໍ່າຜ້າໃນລາວ - Wave100S AD to Website 2020 0 - ທະນາຄານເມແບັງ ຂະຫຍາຍໂຄງການຊ່ວຍເຫລືອແມ່ຍິງຕໍ່າຜ້າໃນລາວ

ໂຄງການຊ່ວຍເຫລືອແມ່ຍິງຕໍ່າຜ້າແມ່ນໄດ້ຮັບການສະໜັບສະໜູນຈາກມູນນິທິອາຊຽນ, ເຊິ່ງມີເປົ້າໝາຍໃນການຮັກສາມໍລະດົກທາງວັດທະນະທຳຂອງອາຊຽນ ແລະ ມູນນິທິເມແບັງ, ແມ່ນໂຄງການຊ່ວຍເຫລືອສັງຄົມຂອງກຸ່ມທະນາຄານເມແບັງ, ມີເປົ້າໝາຍເພື່ອສ້າງ ແລະ ສົ່ງເສີມວຽກງານການສຶກສາ, ການສົ່ງເສີມຊຸມຊົນ, ປັບປຸງຄຸນນະພາບຊີວິດການເປັນຢູ່ທີ່ດີ, ສົ່ງເສີມສິລະປະວັດທະນະທຳ ແລະ ຄວາມຫລາກຫລາຍທາງດ້ານສິ່ງແວດລ້ອມ ແລະ ການບັນເທົາທຸກໄພທຳມະຊາດຕ່າງໆ.

ເຂົ້າຮ່ວມພິທີດັ່ງກ່າວມີທ່ານ ໂມດ ໄອນີ ອາຕັນ ທູດມາເລເຊຍປະຈໍາລາວ, ທ່ານຫົວໜ້າກົມຊັບສິນທາງປັນຍາ, ທ່ານຫົວໜ້າສູນກະສິກໍາແບບຍືນຍົງ, ມີຫົວໜ້າສະຫະພັນຝ້າຍລາວ ແລະ ພາກສ່ວນກ່ຽວຂ້ອງເຂົ້າຮ່ວມ.

ທະນາຄານເມແບັງ ຂະຫຍາຍໂຄງການຊ່ວຍເຫລືອແມ່ຍິງຕໍ່າຜ້າໃນລາວ - WhatsApp Image 2020 05 27 at 5 - ທະນາຄານເມແບັງ ຂະຫຍາຍໂຄງການຊ່ວຍເຫລືອແມ່ຍິງຕໍ່າຜ້າໃນລາວ
ທະນາຄານເມແບັງ ຂະຫຍາຍໂຄງການຊ່ວຍເຫລືອແມ່ຍິງຕໍ່າຜ້າໃນລາວ - WhatsApp Image 2020 05 27 at 5 - ທະນາຄານເມແບັງ ຂະຫຍາຍໂຄງການຊ່ວຍເຫລືອແມ່ຍິງຕໍ່າຜ້າໃນລາວ
error: Alert: ເນື້ອຫາຂ່າວມີລິຂະສິດ !!