ລາວ-ຫວຽດນາມ-ກໍາປູເຈຍ ຮັດແໜ້ນການຮ່ວມມືໃນວຽກງານປ້ອງກັນຊາດ

ລາວ-ຫວຽດນາມ-ກໍາປູເຈຍ ຮັດແໜ້ນການຮ່ວມມືໃນວຽກງານປ້ອງກັນຊາດ - LVC - ລາວ-ຫວຽດນາມ-ກໍາປູເຈຍ ຮັດແໜ້ນການຮ່ວມມືໃນວຽກງານປ້ອງກັນຊາດ
ລາວ-ຫວຽດນາມ-ກໍາປູເຈຍ ຮັດແໜ້ນການຮ່ວມມືໃນວຽກງານປ້ອງກັນຊາດ - Untitled design - ລາວ-ຫວຽດນາມ-ກໍາປູເຈຍ ຮັດແໜ້ນການຮ່ວມມືໃນວຽກງານປ້ອງກັນຊາດ

ກອງປະຊຸມພົບປະ 3 ຝ່າຍຂອງລັດຖະມົນຕີກະຊວງປ້ອງກັນປະເທດລາວ-ຫວຽດ ນາມ-ກຳປູເຈຍ ໄດ້ຈັດຂຶ້ນໃນວັນທີ 15 ມັງກອນ 2018 ທີ່ນະຄອນຫລວງວຽງຈັນ, ເພື່ອປຶກສາຫາລືໃນການເພີ່ມພູນຄູນສ້າງ ສາຍພົວພັນຄວາມສາມັກຄີ ທີ່ເປັນມູນເຊື້ອຂອງ 3 ຊາດ, 3 ກອງທັບ ລາວ-ຫວຽດນາມ-ກຳປູເຈຍ ໃຫ້ນັບມື້ນັບໄດ້ຮັບການເສີມຂະຫຍາຍ ແລະ ພັດທະນາຢ່າງບໍ່ຢຸດຢັ້ງ.

ກອງປະຊຸມດັ່ງກ່າວ, ໄດ້ດຳເນີນໄປພາຍໃຕ້ການເປັນປະທານຮ່ວມ ຂອງສະຫາຍພົນໂທ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ, ສະຫາຍ ພົນເອກ ໂງຊວນລີກ ກຳມະການກົມການເມືອງສູນກາງພັກ, ລັດຖະມົນ ຕີກະຊວງປ້ອງກັນປະເທດ ແຫ່ງ ສສ ຫວຽດນາມ ແລະ ສົມເດັດ ປີໄຈເສນາ ເຕຍບັນ, ຮອງນາຍົກ ລັດຖະມົນຕີ, ລັດຖະມົນຕີກະຊວງປ້ອງກັນປະເທດ ແຫ່ງ ຣາຊະນາຈັກກຳປູເຈຍ.

ສະຫາຍພົນໂທ ຈັນສະໝອນ ຈັນຍາລາດ ກ່າວວ່າ: ກອງປະຊຸມຄັ້ງນີ້, ຖືວ່າເປັນນິມິດໝາຍທີ່ສຳຄັນ, ເປັນສັນຍາລັກຂອງການຮັດແໜ້ນສາຍພົວພັນ ແລະ ຄວາມສາມັກຄີມິດຕະພາບ ທີ່ເປັນມູນ ເຊື້ອອັນດີງາມທີ່ສຸດ ທີ່ການນຳຂອງ 3 ປະເທດໃນຮຸ່ນກ່ອນໄດ້ສ້າງໄວ້ ແລະ ການນຳພັກ-ລັດ, ກອງ ທັບ ແລະ ປະຊາຊົນ 3 ຊາດ ໄດ້ສືບຕໍ່ປົກປັກຮັກສາ ແລະ ເສີມຂະຫຍາຍໃຫ້ແຕກດອກອອກຜົນຂຶ້ນເລື້ອຍໆ.

ລາວ-ຫວຽດນາມ-ກຳປູເຈຍ ແມ່ນ 3 ປະເທດ ທີ່ມີຊາຍແດນຕິດຈອດກັນ, ເປັນ 3 ປະເທດທີ່ເຄີຍຕົກຢູ່ໃນຊະຕາກຳອັນດຽວກັນ, ເຄີຍມີມູນເຊື້ອສາມັກຄີຊ່ວຍເຫລືອກັນ ແຕ່ດຶກດຳບັນແບບອ້າຍນ້ອງ, ເຄີຍຮ່ວມທຸກ-ຮ່ວມສຸກນຳກັນ. ບໍ່ວ່າຈະແມ່ນໄລຍະໃດ, ໃນເງື່ອນໄຂໃດກໍຕາມ ພວກເຮົາຈະບໍ່ສາມາດຕັດແຍກອອກຈາກກັນໄດ້. ດ້ວຍເຫດນັ້ນ, ພວກເຮົາຕ້ອງພ້ອມກັນປົກປັກຮັກສາ ແລະ ເພີ່ມພູນຄູນສ້າງສາຍພົວພັນສາມັກຄີ ທີ່ເປັນມູນເຊື້ອອັນລ້ຳຄ່າ ລະຫວ່າງ 3 ຊາດ, 3 ກອງທັບ ລາວ-ຫວຽດນາມ-ກຳປູເຈຍ ໃຫ້ນັບມື້ນັບໄດ້ຮັບການເສີມຂະຫຍາຍ ໃຫ້ຈະເລີນງອກງາມ ແລະ ພັດທະນາຢ່າງບໍ່ຢຸດຢັ້ງ.

ສຳລັບ ສປປ ລາວ ບໍ່ວ່າໃນອະດີດ, ປັດຈຸບັນ, ສະເພາະໜ້າ ແລະ ຍາວນານ, ກອງທັບປະ ຊາຊົນລາວ ແລະ ປະຊາຊົນລາວ ຈະສືບຕໍ່ຮັດແໜ້ນການພົວພັນມິດຕະພາບ ຮ່ວມມືຮອບດ້ານຖານສະຫາຍອ້າຍນ້ອງ ທີ່ເປັນມູນເຊື້ອອັນດີງາມ ແລະ ຫາຍາກ ກັບ ສສ ຫວຽດນາມ ແລະ ຣາຊະນາຈັກກຳປູເຈຍ ຢ່າງສະເໝີຕົ້ນສະເໝີປາຍ, ເພີ່ມທະວີການຮ່ວມມືຢ່າງແໜ້ນແຟ້ນ ໃນການພັດທະນາຮອບ ດ້ານ ແລະ ສ້າງເຂດຊາຍແດນຂອງ 3 ປະເທດພວກເຮົາໃຫ້ມີສະຖຽນລະພາບ, ມີຄວາມສະຫງົບປອດໄພ ເພື່ອການພັດທະນາທີ່ຍືນຍົງ, ພ້ອມທັງຈະປະສານຢ່າງແໜ້ນແຟ້ນ ໃນການປົກປັກຮັກສາສິ່ງແວດລ້ອມ, ການຄຸ້ມຄອງ-ນຳໃຊ້ຊັບພະຍາກອນທຳມະຊາດ ແລະ ຮ່ວມມືຕິດຕາມ, ຄຸ້ມຄອງບັນ ດາອົງການໃດໜຶ່ງ ທີ່ຫວັງຈະສ້າງບັນຫາແບ່ງແຍກຄວາມສາມັກຄີ ລະຫວ່າງ 3 ປະເທດອ້າຍນ້ອງພວກເຮົາ. ຖ້າເກີດກໍລະນີ ແລະ ບັນຫາໃດໜຶ່ງ ກໍຢຶດໝັ້ນວິທີແກ້ໄຂບັນຫາດ້ວຍສັນຕິວິທີ, ດ້ວຍການພົບປະເຈລະຈາ, ດ້ວຍຄວາມຈິງໃຈ, ສະເໝີພາບ, ຕ່າງຝ່າຍຕ່າງມີຜົນປະໂຫຍດ, ຫລີກລ້ຽງການໃຊ້ຄວາມຮຸນແຮງຕໍ່ກັນ ແລະ ກັນ.

ລາວ-ຫວຽດນາມ-ກໍາປູເຈຍ ຮັດແໜ້ນການຮ່ວມມືໃນວຽກງານປ້ອງກັນຊາດ - Wave100S AD to Website 2020 0 - ລາວ-ຫວຽດນາມ-ກໍາປູເຈຍ ຮັດແໜ້ນການຮ່ວມມືໃນວຽກງານປ້ອງກັນຊາດ

ນອກຈາກນັ້ນ, ຍັງພ້ອມຈະສະກັດກັ້ນ ແລະ ແກ້ໄຂບັນຫາການຄ້າຂາຍເຖື່ອນ, ການຂົນສົ່ງຢາເສບຕິດ, ການຄ້າມະນຸດ ແລະ ອາດຊະຍາກຳຂ້າມຊາດຕາມບໍລິເວນຊາຍແດນຂອງ 3 ປະເທດ.

ສຳລັບສອງກອງທັບລາວ-ກຳປູເຈຍ ກໍຈະພ້ອມກັນຊຸກຍູ້ຄະນະກຳມະການປັກຫລັກໝາຍຊາຍແດນ ຮີບຮ້ອນກວດກາ ແລະ ພ້ອມກັນປັກຫລັກໝາຍຊາຍແດນນຳກັນ ໃຫ້ສຳເລັດໂດຍດີ.

ໃນຕອນທ້າຍ, ສະຫາຍພົນໂທ ຈັນສະໝອນ ຈັນຍາລາດ ຍັງໄດ້ກ່າວສະໜັບສະໜູນ ແລະ ເຫັນດີໃຫ້ມີການພົບປະສອງຝ່າຍເປັນປະຈຳ ລະຫວ່າງກຳລັງປ້ອງກັນຊາຍແດນຂອງ 3 ປະເທດ ລາວ-ຫວຽດນາມ, ລາວ-ກຳປູເຈຍ ແລະ ກຳປູເຈຍ-ຫວຽດນາມ ຢູ່ບໍລິເວນຊາຍແດນ, ຜັດປ່ຽນກັນເປັນເຈົ້າພາບ ໃນລະດັບຂັ້ນແຂວງເປັນຈຸດໜັກ ແລະ ຂັ້ນກະຊວງຖ້າຈຳເປັນ.

ລາວ-ຫວຽດນາມ-ກໍາປູເຈຍ ຮັດແໜ້ນການຮ່ວມມືໃນວຽກງານປ້ອງກັນຊາດ - WhatsApp Image 2020 05 27 at 5 - ລາວ-ຫວຽດນາມ-ກໍາປູເຈຍ ຮັດແໜ້ນການຮ່ວມມືໃນວຽກງານປ້ອງກັນຊາດ
ລາວ-ຫວຽດນາມ-ກໍາປູເຈຍ ຮັດແໜ້ນການຮ່ວມມືໃນວຽກງານປ້ອງກັນຊາດ - WhatsApp Image 2020 05 27 at 5 - ລາວ-ຫວຽດນາມ-ກໍາປູເຈຍ ຮັດແໜ້ນການຮ່ວມມືໃນວຽກງານປ້ອງກັນຊາດ
error: Alert: ເນື້ອຫາຂ່າວມີລິຂະສິດ !!