ຫລາຍສາເຫດເຮັດໃຫ້ເຖົ້າໄວ

ຫລາຍສາເຫດເຮັດໃຫ້ເຖົ້າໄວ - 011801 2018 - ຫລາຍສາເຫດເຮັດໃຫ້ເຖົ້າໄວ
ຫລາຍສາເຫດເຮັດໃຫ້ເຖົ້າໄວ - Untitled design - ຫລາຍສາເຫດເຮັດໃຫ້ເຖົ້າໄວ

     – ຕາກແດດ : ເອີ້ນວ່າລັງສີອັນຕຣາໄວໂອເລດ ບໍ່ວ່າຈະຊະນິດ A ຫລື B ກໍມີອຳນາດສ່ອງຜ່ານແວ່ນປ່ອງຢ້ຽມມາສູ່ຜິວໄດ້ ທຸກກໍລະນີ. ຂໍແນະນຳໃຫ້ທາຄຣີມກັນແດດທຸກມື້ ບໍ່ເວັ້ນແມ່ນແຕ່ມື້ທີ່ຟ້າບົດໝອກໜາ ຫລື ຢູ່ເຮືອນລ້າໆກໍຕ້ອງທາ ຖ້າບໍ່ຢາກໃຫ້ຜິວເສື່ອມສະພາບໄວ.

     – ທ່ຽວກາງຄືນ : ຄົນມັກທ່ຽວກາງຄືນຈະເຖົ້າໄວ ເພາະມັກອົດນອນ ສະນັ້ນມື້ໃດຕ້ອງອົດນອນ ມື້ຕໍ່ມາກໍຕ້ອງຟ້າວຫາເວລານອນໃຫ້ໄດ້ ເຊັ່ນ : ເວລານັ່ງລົດ, ນັ່ງເຮັດວຽກ ຫລື ປະຊຸມ ໃຫ້ນັ່ງຫລັບຕາ ພັກຜ່ອນສາຍຕາໜ້ອຍໜຶ່ງ ເລືອດຈະໄດ້ໄຫລວຽນດີ ເພາະຖ້າຈ້ອງສາຍຕາເລື້ອຍໆ ຕາຈະດຳຊຳ້.

     – ກິນບໍ່ເລືອກ : ຍິ່ງອາຍຸຫລາຍຍິ່ງຕ້ອງພິຖີພິຖັນເລື່ອງອາຫານການກິນ ຫາກກິນແຕ່ແປ້ງ, ຊີ້ນສັດ, ນຳ້ຕານ ແລ້ວບໍ່ກິນຜັກ – ໝາກໄມ້ ຜິວຈະບໍ່ສົດຊື່ນ, ງົດດື່ມເຄື່ອງດື່ມມຶນເມົາ ຫລື ເຄື່ອງດື່ມທີ່ມີອານກໍຮໍ ແລະ ກາເຟອີນ, ຄວນດື່ມນຳ້ສະອາດມື້ລະ 8-10 ຈອກ.

     – ສະສົມສານພິດ : ຢາສູບເຮັດໃຫ້ຜິວໜັງຫຍາບແຫ້ງ ແລະ ແຂ້ວເຫລືອງ. ການດື່ມນຳ້ອັດລົມ, ອານກໍຮໍ ແລະ ກິນຊີສ, ນຳ້ຕານຈະເຮັດໃຫ້ສານຢູ່ໃນອາຫານເຫລົ່ານີ້ເຂົ້າໄປຈັບກັບເມັດເລືອດຈົນເມັດເລືອດເຮັດວຽກບໍ່ໄດ້ດີ, ເອົາອົກຊີແຊນໄປລ້ຽງອະໄວຍະວະບໍ່ໄດ້ ກາຍເປັນການແບກຮັບສານພິດແທນທີ່ຈະແບກອົກຊີແຊນ ເຮັດໃຫ້ມີອາການເຫລືອງຈືດຊຳ້ເຮື້ອ, ພູມແພ້ຊຳ້ເຮື້ອ ເພາະເມັດເລືອດແດງ – ເມັດເລືອດຂາວ  ເຮັດວຽກບໍ່ປົກກະຕິ ອາດມີຜົນໃຫ້ເປັນພະຍາດຫລອດເລືອດຫົວໃຈ. ສ່ວນຜິວໜັງກໍບໍ່ກ້ຽງງາມ, ແຫ້ງ ແລະ ແພ້ງ່າຍ.

     – ຄວາມເຄັ່ງຄຽດ : ມີຜົນໃຫ້ຮ່າງກາຍເກັບພະລັງງານສ່ວນເກີນໄວ້ຕໍ່ສູ້ກັບຄວາມເຄັ່ງຄຽດ,  ແຕ່ເມື່ອເຄັ່ງຄຽດຫລາຍຂຶ້ນອີກ ຄໍຕິໂຊນກໍອອກມາຈົນໝົດຕ່ອມໝວກໄຕ ສົ່ງຜົນໃຫ້ຮ່າງກາຍຈ່ອຍ, ຫ່ຽວແຫ້ງ, ໜ້າຕາອົມທຸກ.

ຫລາຍສາເຫດເຮັດໃຫ້ເຖົ້າໄວ - Wave100S AD to Website 2020 0 - ຫລາຍສາເຫດເຮັດໃຫ້ເຖົ້າໄວ

     – ກຽດຄ້ານອອກກຳລັງກາຍ : ເພາະການອອກກຳລັງກາຍເປັນຢາອາຍຸວັດຖະນະ, ເປັນໂຕກະຕຸ້ນເຮັດໃຫ້ນານເຖົ້າ.

     – ໃຊ້ເຄື່ອງສຳອາງບໍ່ຖືກວິທີ : ມີ 2 ປະການຄື  ຜັດຖູ – ລ້າງໜ້າຫລາຍເກີນໄປ ເຮັດໃຫ້ເກີດຮອຍແຫ່ວ, ດຳຄຳ້, ຜິວແຫ້ງຫຍາບ, ຮູຂຸມຂົນກ້ວາງ ແລະ ໃຊ້ເຄື່ອງສຳອາງໝົດອາຍຸ.

ທຸກສາເຫດທີ່ກ່າວມານັ້ນລ້ວນແຕ່ເຮັດໃຫ້ຜິວເສື່ອມສະພາບໄວ.

ຫລາຍສາເຫດເຮັດໃຫ້ເຖົ້າໄວ - WhatsApp Image 2020 05 27 at 5 - ຫລາຍສາເຫດເຮັດໃຫ້ເຖົ້າໄວ
ຫລາຍສາເຫດເຮັດໃຫ້ເຖົ້າໄວ - WhatsApp Image 2020 05 27 at 5 - ຫລາຍສາເຫດເຮັດໃຫ້ເຖົ້າໄວ
error: Alert: ເນື້ອຫາຂ່າວມີລິຂະສິດ !!