ບົດຮຽນຂອງ ສປ ຈີນ ກ່ຽວກັບການປາບປາມການຄ້າສັດປ່າ

ບົດຮຽນຂອງ ສປ ຈີນ ກ່ຽວກັບການປາບປາມການຄ້າສັດປ່າ - 8521111 - ບົດຮຽນຂອງ ສປ ຈີນ ກ່ຽວກັບການປາບປາມການຄ້າສັດປ່າ
ບົດຮຽນຂອງ ສປ ຈີນ ກ່ຽວກັບການປາບປາມການຄ້າສັດປ່າ - Untitled design - ບົດຮຽນຂອງ ສປ ຈີນ ກ່ຽວກັບການປາບປາມການຄ້າສັດປ່າ

ໂດຍ: ເບິ່ງກວ້າງເຫັນໄກ

ເລື່ອງທີ່ຈະເວົ້າໃຫ້ຟັງຕໍ່ໄປນີ້, ຜູ້ຂຽນຖອດ ແລະ ຮຽບຮຽງ ຈາກເດິເນເຊິນ, ໜັງສືພິມພາສາ ອັງກິດລະດັບແນວໜ້າຂອງໄທ “ຫົວຂໍ້ເດີມຂອງບົດແມ່ນ” “ການຕໍ່ສູ້ຮ່ວມກັນເພື່ອຕ້ານ ການລັກລອບລ່າສັດ” (Battle Joined Against Poaching) ເປັນບົດທີ່ເວົ້າເຖິງຄວາມ ພະຍາຍາມຂອງສ່ວນບຸກຄົນ ແລະ ລວມໝູ່ໃນ ສປ ຈີນເພື່ອ ຕ້ານການ ຄ້າຊິ້ນສ່ວນຂອງສັດທີ່ໃກ້ຈະສູນພັນໂດຍສະເພາະ ແມ່ນແຮດທີ່ຖືກຂ້າຕາຍໄປແລ້ວ 95% ໃນໄລຍະ 40 ປີຜ່ານມາ. ໃນປັດຈຸບັນທົ່ວໂລກຍັງມີແຮດ ຢູ່ພຽງ 25.000 ໂຕ. ໃນປີ 2017 ພຽງປີດຽວແຮດ ຖືກ ຂ້າເພື່ອເອົານໍຈຳນວນຫລາຍ ກວ່າ 1.000 ໂຕ. ຢູ່ ສປປ ລາວ ພວກເຮົາແຮດໄດ້ສູນພັນໄປ ເປັນເວລາຫລາຍສິບປີແລ້ວ ສ່ວນຢູ່ຫວຽດນາມ ກໍມີຂ່າວ ວ່າແຮດໂຕສຸດທ້າຍຖືກຂ້າຕາຍຫວ່າງບໍ່ດົນມານີ້ເອງສຳລັບ ຢູ່ ສປ ຈີນ, ນໍແຮດ ໄດ້ກາຍເປັນ ສິ່ງທີ່ນິຍົມກັນມາແຕ່ຍຸກລາ ຊະວົງມິງທີ່ຄອງອຳນາດແຕ່ ປີ 1368-1644, ສ່ວນຄວາມ ນິຍົມເລື່ອງງາຊ້າງຢູ່ປະເທດ ນີ້ນັ້ນເລີ່ມມີມາກວ່າ 3.000 ປີແລ້ວແຕ່ຍຸກ ລາຊະວົງຊາງ ພຸ້ນ ດັ່ງນັ້ນຈິ່ງເວົ້າໄດ້ວ່າ ນໍແຮດ ແລະ ງາຊ້າງໄດ້ສະໜິດຕິດ ແໜ້ນກັບຄ່ານິຍົມຂອງຊາວ ຈີນມາແຕ່ຍຸກດຶກດຳບັນ ແລະ ເປັນການຍາກທີ່ຈະທັບມ້າງ ຄ່າ ນິຍົມດ່ັງກ່າວລົງໄດ້ມື້ໜຶ່ງຍາມດຽວ. ແຕ່ນັ້ນບໍ່ເປັນອຸປະສັກ ຕໍ່ ຄວາມພະຍາຍາມຂອງ ສ່ວນ ບຸກຄົນ ແລະ ຂອງທາງການ ໃນການຕີຖອຍຄ່ານິຍົມທີ່ຂາດລັກສະນະວິທະຍາສາດຂອງ ສັງຄົມຈີນກ່ຽວກັບງາຊ້າງ ແລະ ນໍແຮດ. ຕໍ່ໄປແມ່ນຕົວ ຢ່າງກ່ຽວກັບມາດຕະການກໍຄືນະໂຍບາຍຕ່າງໆຂອງ ສປ ຈີນ ທີ່ວາງອອກເພື່ອອະນຸລັກສັດ ທີ່ໃກ້ຈະສູນພັນໂດຍສະເພາະ ແມ່ນຊ້າງ ແລະ ແຮດ. ນັບແຕ່ ປີ 2012 ເປັນຕົ້ນມາ ສປ ຈີນ ໄດ້ກຳນົດເອົາຄວາມສີວິໄລ ທາງນິເວດເປັນ ບໍລິມະສິດດ້ານ ການ ພັດທະນາໂດຍໃຫ້ຄວາມ ສຳຄັນຢ່າງຍິ່ງຕໍ່ການປົກປັກ ຮັກສາພັນສັດ, ພັນພືດລວມ ທັງສັດປ່າ. ແຕ່ປີ 2013 ຫາປີ 2016 ສປ ຈີນ ໄດ້ຈັດຕັ້ງ ແລະ ອອກໜ້າເປີດກວ້າງການຮ່ວມມືກັບໜ່ວຍງານປະຕິບັດກົດ ໝາຍສາກົນ, ກຸ່ມອະນຸລັກ ແລະ ອຳນາດການປົກຄອງຂອງບັນດາປະເທດ ແລະ ເຂດແຄ້ວນ ຕ່າງໆ ໃນທົ່ວໂລກເພື່ອຕ້ານ ການຄ້ານໍແຮດ. ໃນປີ 2017 ທາງການຈີນໄດ້ປະກອບສຳ ນວນຄະດີອາຊະຍາກຳຈຳ ນວນ 1.223 ເລື່ອງທີ່ພົວ ພັນກັບການຄ້າສັດປ່າ, ໄດ້ຈັບ ກຸມຜູ້ກໍ່ອາຊະຍາກຳດັ່ງກ່າວ 2.196 ຄົນ ແລະ ໄດ້ເລີກຮື້ ກຸ່ມ ແກ້ງອາຊະຍາກຳຄ້າສັດປ່າ ທັງຢູ່ພາຍໃນ ແລະ ນອກປະ ເທດກວ່າ 200 ກຸ່ມ. ອົງການ ກ່ຽວຂ້ອງຂອງ ສປ ຈີນ ໄດ້ຈັດ ຕັ້ງ ແລະ ເຂົ້າຮ່ວມການປະຕິ ບັດງານຕ້ານ ອາຊະຍາກຳທີ່ ພົວພັນກັບການ ຄ້າສັດປ່າໃນ ລະດັບຊາດ ແລະ ສາກົນ. ໄປ ພ້ອມໆກັບການ ເຄື່ອນໄຫວທີ່ ກ່າວມາຂ້າງເທິງນັ້ນ, ທາງການ ຈີນໄດ້ເຄັ່ງມາດຕະການທາງ ກົດໝາຍເພື່ອຈຳກັດຄ້ານໍ ແຮດ ເຊິ່ງໄດ້ເຮັດໃຫ້ຈຳນວນຕະ ຫລາດມືດຊື້-ຂາຍ ຄ້ານໍແຮດ ຫົດໂຕລົງເຫລືອພຽງ 1/3 ຂອງຈຳນວນທີ່ເຄີຍມີ. ການຄ້າ ນໍແຮດທັງໝົດໄດ້ກາຍເປັນສິ່ງ ຜິດກົດໝາຍຢູ່ ສປ ຈີນ ແຕ່ປີ 1993 ເປັນຕົ້ນມາ ແລະ ນໍ ແຮດ ໄດ້ຖືກລຶບອອກຈາກຕຳລາຢາພື້ນເມືອງແຕ່ເວລານັ້ນ ເຊັ່ນກັນ. ໃນເດືອນກັນຍາ 2017 ວາລະ ສານທ່ອງທ່ຽວຂອງນະຄອນ ຫລວງປັກກິ່ງໄດ້ປຸກລະດົມ ການທ່ອງທ່ຽວນິເວດໂດຍ ເນັ້ນລາຍການທ່ອງທ່ຽວເພື່ອ ຊົມ ແລະ ສຶກສາຊີວິດການ ເປັນ ຢູ່ຂອງ ແຮດຢູ່ອາຟຣິກາເພື່ອ ໃຫ້ຄົນໄດ້ສຳຜັດກັບຄວາມ ໜ້າຮັກ, ຄວາມເປັນມິດ ແລະ ຄວາມສ່ຽງທີ່ຈະສູນພັນຂອງ ສັດປະເພດນີ້. ທີ່ເດັດໆໄປກວ່າ ນັ້ນກໍຄືການເຜີຍແຜ່ໃຫ້ທົ່ວສັງ ຄົມຈີນຊາບວ່າຄວາມເຊື່ອວ່າ ນໍແຮດເປັນຢາວິເສດປົວໄດ້ທຸກພະຍາດນັ້ນເປັນເລື່ອງງົມງວາຍ, ບໍ່ມີພື້ນຖານທາງວິທະຍາສາດ ຈັກດີ້./.

 

+ ລາວເອົາໃຈໃສ່ຕ້ານການລັກລອບຊື້-ຂາຍສັດປ່າ

ບົດຮຽນຂອງ ສປ ຈີນ ກ່ຽວກັບການປາບປາມການຄ້າສັດປ່າ - Wave100S AD to Website 2020 0 - ບົດຮຽນຂອງ ສປ ຈີນ ກ່ຽວກັບການປາບປາມການຄ້າສັດປ່າ

+ ຫລາຍທ້ອງຖິ່ນຈັດພິທີປ່ອຍປາລົງສູ່ແຫລ່ງນ້ຳທຳມະຊາດ ໃນໂອກາດວັນອານຸລັກສັດນ້ຳ-ສັດປ່າແຫ່ງຊາດ

ບົດຮຽນຂອງ ສປ ຈີນ ກ່ຽວກັບການປາບປາມການຄ້າສັດປ່າ - 8521111 - ບົດຮຽນຂອງ ສປ ຈີນ ກ່ຽວກັບການປາບປາມການຄ້າສັດປ່າ
(ພາບປະກອບ)

 

 

ບົດຮຽນຂອງ ສປ ຈີນ ກ່ຽວກັບການປາບປາມການຄ້າສັດປ່າ - WhatsApp Image 2020 05 27 at 5 - ບົດຮຽນຂອງ ສປ ຈີນ ກ່ຽວກັບການປາບປາມການຄ້າສັດປ່າ
ບົດຮຽນຂອງ ສປ ຈີນ ກ່ຽວກັບການປາບປາມການຄ້າສັດປ່າ - WhatsApp Image 2020 05 27 at 5 - ບົດຮຽນຂອງ ສປ ຈີນ ກ່ຽວກັບການປາບປາມການຄ້າສັດປ່າ
error: Alert: ເນື້ອຫາຂ່າວມີລິຂະສິດ !!