ລັດຖະບານ ດູເຕີເຕ ໄດ້ຄະແນນນິຍົມ ສູງເປັນປະຫວັດສາດ

ລັດຖະບານ ດູເຕີເຕ ໄດ້ຄະແນນນິຍົມ ສູງເປັນປະຫວັດສາດ - 1516267222212 960x0 - ລັດຖະບານ ດູເຕີເຕ ໄດ້ຄະແນນນິຍົມ ສູງເປັນປະຫວັດສາດ
ລັດຖະບານ ດູເຕີເຕ ໄດ້ຄະແນນນິຍົມ ສູງເປັນປະຫວັດສາດ - Untitled design - ລັດຖະບານ ດູເຕີເຕ ໄດ້ຄະແນນນິຍົມ ສູງເປັນປະຫວັດສາດ

ຜົນສຳ​ຫລວດຄວາມ​ເຫັນ​ຄົນ​ຟີ​ລິບ​ປິນພົບ​ວ່າ: ​ເດືອນ​ທັນວາ​ຜ່ານ​ມາ ລັດຖະບານ​ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ​ໄດ້​ຮັບ​ຄວາມ​ນິຍົມ​ເພີ່ມ​ຂຶ້ນ ​ໂດຍ​ມີ​ຄະ​ແນນ​ສູງ​ສຸດ​ນັບ​ແຕ່​ເລີ່​ມ​ມີ​ການ​ສຳ​ຫລວດ​ຫລັງ​ປີ 1980.

ສຳນັກ​ສຳ​ຫລວດ SWS ​ເປີດ​ເຜີຍ​ໃນ​ວັນ​ທີ 18 ມັງກອນນີ້​ວ່າ: ​ໄດ້​ສອບ​ຖາມ​ຜູ້​ໃຫຍ່​ຄົນ​ຟີ​ລິບ​ປິນລະຫວ່າງ​ວັນ​ທີ 8-16 ທັນວາ​ພົບ​ວ່າ: ລັດຖະບານ ດູ​ເຕີ​ເຕ ​ໄດ້​ຄະ​ແນນ​ຄວາມ​ພໍ​ໃຈ​ສຸດທິ​ໃນ​ລະດັບ​ດີ​ຫລາຍ ທຽບ​ໃສ່​ການ​ສຳ​ຫລວດ​ໃນ​ເດືອນ​ກັນຍາ​​ໄດ້​ຄະ​ແນນ​ຄວາມ​ພໍ​ໃຈ​ສຸດທິ​ໃນ​ລະດັບ​ດີ. ຜົນສຳ​ຫລວດ​ຫລ້າ​ສຸດ​ຊີ້​ວ່າ: ຜູ້​ຕອບ 79% ພໍ​ໃຈ​ຜົນງານ​ຂອງ​ລັດຖະບານ ດູ​ເຕີ​ເຕ, 9% ບໍ່ພໍ​ໃຈ, 12% ຮູ້ສຶກ​ເສີຍໆ ​ເທົ່າ​ກັບ​ໄດ້​ຄະ​ແນນ​ຄວາມ​ພໍ​ໃຈ​ສຸດທິ​ບວກ 70 ຄະ​ແນນ ລົບ​ສະຖິຕິ​ລັດຖະບານ ​ເບ​ນິ​ໂຢ ອາ​ກິ​ໂນ ທີ່​ໄດ້​ບວກ 66 ຄະ​ແນນ​ໃນ​ການ​ສຳ​ຫລວດ​ເດືອນ​ມິຖຸນາ 2013 ຕົວ​ເລກ​ນີ້​ສອດຄ່ອງ​ກັບ​ຜົນສຳ​ຫລວດ​ຄວາມ​ໄວ້​ວາງ​ໃຈ​ປະທານາທິບໍດີ ດູ​ເຕີ​ເຕ ທີ່​ເພີ່ມ​ຂຶ້ນຈາກ​ສູງ​ຫລາຍ​ໃນ​ເດືອນ​ກັນຍາ​ເປັນ​ຍອດ​ຢ້ຽມ​ໃນ​ເດືອນ​ທັນວາ.

ນັກວິ​ເຄາະ​ການ​ເມືອງ​ເບິ່ງ​ວ່າ: ຄົນ​ຟີ​ລິບ​ປິນຍັງ​ບໍ່​ເສື່ອ​ມຄວາມ​ນິຍົມ​ໃນ​ຕົວ​ປະທານາທິບໍດີ ດູ​ເຕີ​ເຕ, ​ເຖິງ​ວ່າ​ບັນດາ​ປະ​ເທດ​ວິຈານ​ທ່ານ​ເລື່ອງ​ເຮັດ​ສົງຄາມ​ປາບ​ປາມ​ຢາ​ເສບ​ຕິດ ​ແລະ ລະ​ເມີດ​ສິດທິ​ມະນຸດ. ທັງ​ນີ້​ເພາະ​ທ່ານ​ປະຕິບັດ​ຕາມ​ທີ່​ໄດ້​ຫາ​ສຽງ​ໄວ້ ​ເລີ່​ມຈາກ​ການ​ເຮັດ​ສົງຄາມ​ປາບ​ປາມ​ຢາ​ເສບ​ຕິດ ຕາມ​ດ້ວຍ​ໂຄງການ​ກໍ່ສ້າງ​ໂຄງ​ລ່າງ​ພື້ນຖານ, ການ​ປາບ​ປາມ​ການ​ສຸຈະລິດ ​ແລະ ປັດຈຸບັນ​ຄື​ເລື່ອງ​ແກ້​ໄຂ​ລັດຖະທຳ​ມະນູນ​ປ່ຽນ​ການ​ປົກຄອງ​ຈາກ​ລະບອບ​ສາທາ​ລະ​ນະ​ລັດ​ເປັນ​ລະບອບ​ສະຫະພັນທະ​ລັດ ​ເຮັດ​ໃຫ້​ພາກພື້ນຕ່າງໆ​ມີ​ອຳນາດ​ການ​ປົກຄອງ​ຫລາຍ​ຂຶ້ນ.

ລັດຖະບານ ດູເຕີເຕ ໄດ້ຄະແນນນິຍົມ ສູງເປັນປະຫວັດສາດ - Wave100S AD to Website 2020 0 - ລັດຖະບານ ດູເຕີເຕ ໄດ້ຄະແນນນິຍົມ ສູງເປັນປະຫວັດສາດ
ລັດຖະບານ ດູເຕີເຕ ໄດ້ຄະແນນນິຍົມ ສູງເປັນປະຫວັດສາດ - WhatsApp Image 2020 05 27 at 5 - ລັດຖະບານ ດູເຕີເຕ ໄດ້ຄະແນນນິຍົມ ສູງເປັນປະຫວັດສາດ
ລັດຖະບານ ດູເຕີເຕ ໄດ້ຄະແນນນິຍົມ ສູງເປັນປະຫວັດສາດ - WhatsApp Image 2020 05 27 at 5 - ລັດຖະບານ ດູເຕີເຕ ໄດ້ຄະແນນນິຍົມ ສູງເປັນປະຫວັດສາດ
error: Alert: ເນື້ອຫາຂ່າວມີລິຂະສິດ !!