ພຽງ​​ຕົ້ນ​ປີໃໝ່ມານີ້ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ອຸປະຕິ​ເຫດແລ້ວ 30 ກວ່າ​ຄົນ

ພຽງ​​ຕົ້ນ​ປີໃໝ່ມານີ້ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ອຸປະຕິ​ເຫດແລ້ວ 30 ກວ່າ​ຄົນ - Accident - ພຽງ​​ຕົ້ນ​ປີໃໝ່ມານີ້ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ອຸປະຕິ​ເຫດແລ້ວ 30 ກວ່າ​ຄົນ
ພຽງ​​ຕົ້ນ​ປີໃໝ່ມານີ້ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ອຸປະຕິ​ເຫດແລ້ວ 30 ກວ່າ​ຄົນ - Untitled design - ພຽງ​​ຕົ້ນ​ປີໃໝ່ມານີ້ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ອຸປະຕິ​ເຫດແລ້ວ 30 ກວ່າ​ຄົນ

ກົມ​ຕຳຫລວດ​ຈະລາຈອນ ​ໃຫ້​ຮູ້​ວ່າ: ​ນັບ​ແຕ່​ເດືອນມັງກອນມານີ້, ທົ່ວ​ປະ​ເທດ​ມີ​ອຸປະຕິ​ເຫດ​ເກີດ​ຂຶ້ນຫລາຍກວ່າ 200 ​ກໍລະນີ, ສົ່ງ​ຜົນ​ເຮັດ​ໃຫ້​ມີ​ຜູ້​ເສຍ​ຊີວິດແລ້ວກວ່າ 30 ​ຄົນ, ​ສະ​ເລ່ຍມື້ໜຶ່ງຈະ​ມີ​ຜູ້​ເສຍ​ຊີວິດ​ຈາກ​ອຸປະຕິ​ເຫດບໍ່ຕໍ່າກວ່າ 2 ຄົນ​, ໂດຍ​ສາ​ເຫດ​ສ່ວນ​ໃຫຍ່​ແມ່ນ​ຍ້ອນ​ຜູ້​ຂັບ​ຂີ່​ບໍ່ປະຕິບັດ​ກົດ​ລະບຽບຈະລາຈອນຄື: ດື່ມ​ສິ່ງ​ມືນ​ເມົາແລ້ວຂັບລົດ, ຂັບ​ຂີ່​ລົດ​ໄວ, ລ່ວງໄຟອໍານາດ, ປ້າຍຫ້າມ ແລະ ອື່ນໆ.

​ເຈົ້າໜ້າທີ່​ ໃຫ້​ຮູ້​ວ່າ: ບັນຫາ​ອຸປະຕິ​ເຫດ​​ເປັນ​ປະກົດ​ການ​ຫຍໍ້​ທໍ້​ພົ້ນ​ເດັ່ນ​ໃນ​ສັງຄົມ, ສະ​ເລ່ຍ​​ແຕ່​ລະມື້ຈະ​ມີ​ຜູ້​ເສຍ​ຊີວິດບໍ່ຕໍ່າກວ່າ 2 ຄົນຄື: ປີຜ່ານມາ, ທົ່ວ​ປະ​ເທດ​ມີ​ອຸປະຕິ​ເຫດ​ເກີດ​ຂຶ້ນຫລາຍກວ່າ 5.000 ກໍລະນີ​, ທຽບ​ໃສ່​ໄລຍະ​ຜ່ານ​ມາຈຳນວນ​ຜູ້​ເສຍ​ຊີວິດ​ທາງ​ຖະໜົນ​ແມ່ນ​ມີ​ທ່າ​ອ່ຽງ​ເພີ່ມ​ຂຶ້ນສະ​ເລ່ຍ 6,8% ຕໍ່ປີ, ສ່ວນຕົວເລກຜູ້​ເສຍ​ຊີວິດ​ແມ່ນ​ເພີ່ມ​ຂຶ້ນ 4,5% ຕໍ່ປີ.

ທ່ານພັນ​ໂທ ຢຸດ​ຕະພົງ ສຸວັນນະ​ສິງ ຫົວໜ້າພະ​ແນ​ກຕຳຫລວດ​ຈະລາຈອນ ນະຄອນຫລວງ​ວຽງຈັນ ​ໃຫ້ຮູ້ວ່າ: ອຸປະຕິ​ເຫດທີ່​ເກີດ​ຂຶ້ນສ່ວຫລາຍແມ່ນໃນກຸ່ມໄວໜຸ່ມ​ທີ່ອາຍັງບໍ່ທັນຮອດກະສຽນ 18 ປີ, ທັງບໍ່​ໄດ້​ຜ່ານຝຶກ​ອົບຮົມ ​ແລະ ສອບ​ເສັງ​ໃບ​ຂັບ​ຂີ່ຢ່າງ​ຖືກຕ້ອງຕາມລະບຽບຫລັກການ, ​ເມື່ອຜູ້​ປົກຄອງ​​ເຫັນ​ວ່າ​ລູກ​ຫລານສາມາດ​ຂີ່​ລົດ​ເປັນ​ແລ້ວ​ກໍ​ຊື້ລົດ​ໃຫ້ຂັບ​ຂີ່​ໂລດ, ​ໂດຍ​ບໍ່ຄຳນຶງ​ເຖິງ​ຄວາມບໍ່​ປອດ​ໄພຕາມມາ, ສະ​ນັ້ນ ຈຶ່ງ​ພົບ​ວ່າ​ຜູ້ປະສົບອຸປະຕິເຫດສ່ນໃຫຍ່ແມ່ນກຸ່ມ​ນັກຮຽນ-ນັກ​ສຶກສາ ກວມຫລາຍກວ່າໝູ່.

ກະຊວງ​ໂຍທາ​ທິການ ​ແລະ​ ຂົນ​ສົ່ງ ​ໃຫ້​ຮູ້​ວ່າ:  ໃນ​ແຕ່ລະ​ປີ​ທົ່ວ​ໂລກມີ​ຜູ້​ເສຍ​ຊິວິດຈາກອຸປະຕິເຫດບົນທ້ອງຖະໜົນປະມານ 1,3 ລ້ານ​ຄົນ. ​ໃນ​ນັ້ນ 1/4 ຫລື 25% ​ແມ່ນ​ເປັນ​ຜູ້​ເຖົ້າ ​ແລະ ​ເດັກນ້ອຍ, ອຸປະຕິ​ເຫດ​ທາງ​ຖະໜົນ​ເກີດ​ຂື້ນສ່ວນ​ຫລາຍຢູ່​ໃນ​ປະ​ເທດ​ທີ່​ມີ​ລາຍ​ໄດ້​ຕ່ຳ ​ແລະ ປານ​ກາງ, ຊຶ່ງ​ໃນ​ນັ້ນ, ສປປ ລາວ ກໍແມ່ນ​ໜື່ງ​ໃນ​ບັນດາ​ປະ​ເທດ​ດັ່ງກ່າວ, ​​ຕາມ​ສະ​ຖິຕິອຸປະຕິ​​ເຫດປີ 2016 ຊີ້​ໃຫ້​ເຫັນ​ວ່າ: ມີ 1 ພັນ​ກ່ວາຄົນເສຍ​ຊິວິດຍ້ອນ​ອຸປະຕິ​ເຫ​ດທາງ​ຖະໜົນ.  ຖ້າ​ເອົາຕົວ​ເລກ 1/4 ຫລື 25% ​ເປັນ​ຜູ້​ເຖົ້າ ​ແລະ​ ເດັກນ້ອຍ ກໍໝາຍ​ຄວາມ​ວ່າມີຜູ້​ເຖົ້າ ​ແລະ​ ເດັກນ້ອຍເສຍ​ຊິວິດ ຍ້ອນ​ອຸປະຕິ​ເຫ​ດທາງ​ຖະໜົນ​ໃນ​ປີຜ່ານມາ​ເຖິງ 200 ກວ່າຄົນ, ຜົ​ນການ​ວິເຄາະຕົວເລກສະຖິຕິນີ້, ​ຊີ້ໃຫ້ເຫັນ​ວ່າເດັກ​ນ້ອຍລາວອາຍຸບໍ່ເກີ​ນ 15 ປີເສຍຊີວິດຍ້ອນ​ອຸປະຕິເຫດທາງຖະໜົ​ນປະມານ ​19% ຖືວ່າເປັນ​ການ​ສູນ​ເສຍຊັບພະຍາກອ​ມະນຸດທີ່ໜຸ່ມ​ນ້ອຍທີ່ຈະກາຍເປັ​ນກຳລັງແຮງ ແລະ ເປັນ​ອາາຄົດຂອງຊາດ.

ພຽງ​​ຕົ້ນ​ປີໃໝ່ມານີ້ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ອຸປະຕິ​ເຫດແລ້ວ 30 ກວ່າ​ຄົນ - Wave100S AD to Website 2020 0 - ພຽງ​​ຕົ້ນ​ປີໃໝ່ມານີ້ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ອຸປະຕິ​ເຫດແລ້ວ 30 ກວ່າ​ຄົນ

 

ພຽງ​​ຕົ້ນ​ປີໃໝ່ມານີ້ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ອຸປະຕິ​ເຫດແລ້ວ 30 ກວ່າ​ຄົນ - WhatsApp Image 2020 05 27 at 5 - ພຽງ​​ຕົ້ນ​ປີໃໝ່ມານີ້ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ອຸປະຕິ​ເຫດແລ້ວ 30 ກວ່າ​ຄົນ
ພຽງ​​ຕົ້ນ​ປີໃໝ່ມານີ້ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ອຸປະຕິ​ເຫດແລ້ວ 30 ກວ່າ​ຄົນ - WhatsApp Image 2020 05 27 at 5 - ພຽງ​​ຕົ້ນ​ປີໃໝ່ມານີ້ທົ່ວ​ປະ​ເທດ​ມີ​ຜູ້​ເສຍ​ຊີວິດ​ຈາກ​ອຸປະຕິ​ເຫດແລ້ວ 30 ກວ່າ​ຄົນ
error: Alert: ເນື້ອຫາຂ່າວມີລິຂະສິດ !!