ວິທະຍຸກະຈາຍສຽງແຫ່ງຊາດສະຫລຸບວຽກງານປີຜ່ານມາ

ວິທະຍຸກະຈາຍສຽງແຫ່ງຊາດສະຫລຸບວຽກງານປີຜ່ານມາ - Radio - ວິທະຍຸກະຈາຍສຽງແຫ່ງຊາດສະຫລຸບວຽກງານປີຜ່ານມາ
ວິທະຍຸກະຈາຍສຽງແຫ່ງຊາດສະຫລຸບວຽກງານປີຜ່ານມາ - Untitled design - ວິທະຍຸກະຈາຍສຽງແຫ່ງຊາດສະຫລຸບວຽກງານປີຜ່ານມາ

ກອງປະຊຸມສະຫລຸບການເຄື່ອນໄຫວວຽກງານປະຈໍາປີ 2017 ຂອງສະຖາວິທະຍຸກຈາຍສຽງແຫ່ງຊາດລາວ (ວສລ) ໄດ້ຈັດຂຶ້ນໃນວັນທີ 18 ມັງກອນນີ້, ໂດຍການເປັນປະທານຂອງທ່ານ ໂພສີ ແກ້ວມະນີວົງ ຜູ້ອໍານວຍການໃຫຍ່ ວສລ, ໂດຍການເຂົ້າຮ່ວມຂອງທ່ານ ສະຫວັນຄອນ ຣາຊະມຸນຕີ ຮອງລັດຖະມົນຕີກະຊວງຖະແຫລງຂ່າວ, ວັດທະນາທໍາ ແລະ ທ່ອງທ່ຽວ.

ທ່ານ ວໍລະສັກ ປຣະວົງວຽງຄໍາ ຮອງອໍານວຍການ ວສລ ໄດ້ຍົກໃຫ້ເຫັນວ່າ: ໃນຜ່ານມາ, ວິທະຍຸກະຈາຍສຽງແຫ່ງຊາດໄດ້ພະຍາຍາມປັບປຸງລະບົບການຈັດຕັ້ງໃຫ້ແທດເໝາະກັບສະພາບຄວາມເປັນຈິງໃນແຕ່ລະໄລຍະ, ເອົາໃຈໃສ່ເຮັດໜ້າທີ່ຂອງຕົນໃນການເປັນກະບອກສຽງຂອງພັກ-ລັດຖະບານ ໃນການໂຄສະນາເຜີຍແຜ່ແນວທາງນະໂຍບາຍຂອງພັກ, ແຜນພັດທະນາເສດຖະກິດ-ສັງຄົມຂອງລັດ, ເປັນຂົວຕໍ່ລະຫວ່າງພັກ-ລັດ ແລະ ປະຊາຊົນ. ນອກນັ້ນ, ໄດ້ສຸມໃສ່ໂຄສະນາໃຫ້ແກ່ວັນປະຫວັດສາດຕ່າງໆ ແລະ ສາມາດເຮັດບົດຂ່າວສົດພາກທ່ຽງ, ອອກຂ່າວທາງອອນລາຍ, ເຟສບຸກ ແລະ ຢູທູບ. ສາມາດຜະລິດຂ່າວ-ບົດດ້ານການເມືອງໄດ້ຫລາຍກວ່າ 9 ພັນຂ່າວ, ຂ່າວເສດຖະກິດຫລາຍກວ່າ 6 ພັນຂ່າວ, ຂ່າວ-ບົດດ້ານວັດທະນະທໍາ-ສັງຄົມໄດ້ຫລາຍກວ່າ 7 ພັນຂ່າວ, ຂ່າວ-ບົດກ່ຽວກັບອາຊຽນຫລາຍກວ່າ 3 ພັນຂ່າວ, ບົດສາລະຄະດີຕ່າງໆຫລາຍກວ່າ 2 ພັນບົດ, ຂ່າວ-ບົດດ້ານການສຶກສາ 4 ພັນຂ່າວ, ຂ່າວ-ບົດກ່ຽວກັບເດັກນ້ອຍຫລາຍກວ່າ 1 ພັນຂ່າວ, ນານາສາລະ 2 ພັນບົດ, ດ້ານສຸຂະພາບ 3 ພັນຂ່າວ, ດ້ານກະສິກໍາ 6 ພັນຂ່າວ ແລະ ລາຍການອື່ນໆ. ພ້ອມທັງໄດ້ເອົາໃຈໃສ່ກໍ່ສ້າງພື້ນຖານໂຄງລ່າງດ້ານເຕັກນິກເຊັ່ນ: ປັບປຸງເຄື່ອງສົ່ງ AM ແລະ FM ຫັນສູ່ລະບົບດີຈີຕອນເທື່ອລະກ້າວ ແລະ ໄດ້ເພີ່ມຄື້ນກະຈາຍສຽງອີກ 2 ຄື້ນຄື: FM 94,3 MHz ແລະ  FM 96 MHz ດ້ວຍລະບົບທັນສະໄໝຂຶ້ນ.

ໃນໂອກາດນີ້, ກໍໄດ້ມີພິທີມອບໃບຍ້ອງຍໍໃຫ້ຜູ້ມີຜົນງານດີເດັ່ນໃນການປະກອບສ່ວນສ້າງ ແລະ ພັດທະນາວຽກງານຂອງ ວສລ ໃນໄລຍະ 1 ປີຜ່ານມາ ຄື: ດີເດັ່ນປະເພດ I ມີ 17 ສະຫາຍ, ປະເພດ II ມີ 53 ສະຫາຍ, ປະເພດ III ມີຈໍານວນ 47 ສະຫາຍ ແລະ ປະເພດຊົມເຊີຍມີຈໍານວນ 9 ສະຫາຍ.

ວິທະຍຸກະຈາຍສຽງແຫ່ງຊາດສະຫລຸບວຽກງານປີຜ່ານມາ - Wave100S AD to Website 2020 0 - ວິທະຍຸກະຈາຍສຽງແຫ່ງຊາດສະຫລຸບວຽກງານປີຜ່ານມາ
ວິທະຍຸກະຈາຍສຽງແຫ່ງຊາດສະຫລຸບວຽກງານປີຜ່ານມາ - WhatsApp Image 2020 05 27 at 5 - ວິທະຍຸກະຈາຍສຽງແຫ່ງຊາດສະຫລຸບວຽກງານປີຜ່ານມາ
ວິທະຍຸກະຈາຍສຽງແຫ່ງຊາດສະຫລຸບວຽກງານປີຜ່ານມາ - WhatsApp Image 2020 05 27 at 5 - ວິທະຍຸກະຈາຍສຽງແຫ່ງຊາດສະຫລຸບວຽກງານປີຜ່ານມາ
error: Alert: ເນື້ອຫາຂ່າວມີລິຂະສິດ !!