ຮອງ​ນາຍົກລັດຖະມົນຕີ ສອນໄຊ ສີພັນດອນ ຢ້ຽມຢາມນາຍ ແລະ ພົນ​ທະຫານ​​ວິທະຍາຄານ​ກົມມະ​ດຳ.

ຮອງ​ນາຍົກລັດຖະມົນຕີ ສອນໄຊ ສີພັນດອນ ຢ້ຽມຢາມນາຍ ແລະ ພົນ​ທະຫານ​​ວິທະຍາຄານ​ກົມມະ​ດຳ. - Deputy - ຮອງ​ນາຍົກລັດຖະມົນຕີ ສອນໄຊ ສີພັນດອນ ຢ້ຽມຢາມນາຍ ແລະ ພົນ​ທະຫານ​​ວິທະຍາຄານ​ກົມມະ​ດຳ.
ຮອງ​ນາຍົກລັດຖະມົນຕີ ສອນໄຊ ສີພັນດອນ ຢ້ຽມຢາມນາຍ ແລະ ພົນ​ທະຫານ​​ວິທະຍາຄານ​ກົມມະ​ດຳ. - Untitled design - ຮອງ​ນາຍົກລັດຖະມົນຕີ ສອນໄຊ ສີພັນດອນ ຢ້ຽມຢາມນາຍ ແລະ ພົນ​ທະຫານ​​ວິທະຍາຄານ​ກົມມະ​ດຳ.

​ ໃນ​ວັນ​ທີ 17 ມັງກອນນີ້, ທ່ານຮອງ​ນາຍົກລັດຖະມົນຕີ ສອນໄຊ ສີພັນດອນ,ພ້ອມຄະນະນຳຈາກກະຊວງປ້ອງກັນປະເທດ, ໄດ້ໄປຢ້ຽມຢາມນາຍ ແລະ ພົນທະຫານວິທະຍາຄານກົມມະດຳ (ເຂດນໍ້າຊວງ) ແຂວງວຽງຈັນ, ເນື່ອງໃນໂອກາດວັນສ້າງຕັ້ງກອງທັບປະຊາຊົນປະຕິວັດລາວຄົບຮອບ 69 ປີ (20 ມັງກອນ 1959-20 ມັງກອນ 2018), ໂດຍມີທ່ານພົນຈັດຕະວາ ບຸນຈັນ ລາດສະວົງ ຫົວໜ້າການທະຫານ, ພ້ອມດ້ວຍຄະນະບັນຊາຂອງວິທະຍາຄານດັ່ງກ່າວໃຫ້ການຕ້ອນຮັບຢ່າງອົບອຸ່ນ.

ໃນໂອກາດນີ້, ທ່ານຮອງນາຍົກລັດຖະມົນຕີໄດ້ຮັບຟັງລາຍງານຈາກທ່ານພັນ​ເອກ ​ຖາວອນ ແກ້ວອິນ​ທະ​ວົງ ຫົວໜ້າການ​ເມືອງ​ວິທະຍາຄານ​ກົມມະ​ດຳກ່ຽວກັບ​ປະຫວັດ​ຄວາມ​ເປັນ​ມາ ​ແລະ ການ​ເຄື່ອນ​ໄຫວ​ວຽກງານ​​ໃນ​ຜ່ານ​ມາ​ຂອງ​ວິທະຍາຄານ​ດັ່ງກ່າວວ່າ: ວິທະຍາຄານແຫ່ງນີ້, ໄດ້ສືບທອດມູນ​ເຊື້ອມາ​ຈາກ​ໂຮງຮຽນກົມມະ​ດຳ​ຊັ້ນຕົ້ນ​ໃນ​ເມື່ອ​ກ່ອນ ​​ແລະ ​ເປັນ​ໂຮງຮຽນແຫ່ງທຳ​ອິດ​ຂອງ​ກອງທັບທີ່​ປະທານ ​ໄກສອນ ພົມວິຫານ ​ໄດ້​ປະກາດ​ສ້າງຕັ້ງຂຶ້ນ​ໃນ​ວັນ​ທີ 18 ມິຖຸນາ 1955 ທີ່​ບ້ານ​ກາງ​ໂມງ​ເມືອງ​ໂສ​ຍ​ແຂວງ​ຫົວພັນ ທີ່​ເປັນ​ເຂດ​ທີ່ໝັ້ນຂອງ​ການ​ປະຕິວັດ​ໃນ​ເວລາ​ນັ້ນ. ວິທະຍາຄານ​ກົມມະ​ດຳ​ ໄດ້​ປະຕິບັດໜ້າທີ່​​ຝຶກ​ອົບຮົມ-ບຳລຸງ​ກໍ່ສ້າງ​ນາຍສິບ ​ແລະ ນາຍ​ທະຫານ​ລຸ້ນສືບ​ທອດ, ປັດຈຸບັນ​ມີ​ທັງໝົດ 5 ຫລັກສູດ​ການ​ຮຽນ-ການ​ສອນ ແລະ ສາມາດບໍາ​ກໍ່ສ້າງ​ພະນັກງານ ​ແລະ ນາຍ​ສິບອອກ​ຮັບ​ໃຊ້​ຊາດ​ໄດ້ຫລາຍກວ່າ 10 ພັນ​ຄົນ, ຊຶ່ງ​ລ້ວນ​ແຕ່​ເປັນ​ຜູ້​ທີ່​ມີ​ຄວາມ​ຮູ້​ຄວາມ​ສາມາດ, ມີ​ຄວາມ​ຈົ່ງ​ຮັກ​ພັກດີ, ຊື່ສັດ​ບໍລິສຸດ​ຕໍ່ພັກ-ລັດ ​ແລະ ປະ​ເທດ​ຊາດ ແລະ ມີຫລາຍສະຫາຍ ໄດ້​ກາຍ​ເປັນ​ນັກຮົບ​ແຂ່ງຂັນ, ​ເປັນ​ວິລະ​ຊົນ​ແຫ່ງ​ຊາດ, ​ເປັນ​ພະນັກງານ​ຂັ້ນສູງ​ຂອງ​ພັກ-ລັດ ​ແລະ ກອງທັບ.

​ໃນໂອກາດ​ນີ້, ທ່ານ​ຮອງ​ນາຍົກລັດຖະມົນຕີ ກໍ​ໄດ້​ໂອ້​ລົມ​ຕໍ່ຄະນະ​ພັກ-​ຄະນະບັນຊາ, ຄູ​ອາຈານ ​ແລະ ນັກຮຽນການ​ທະຫານ​ຂອງ​ວິທະຍາຄານ​ດັ່ງກ່າວ, ​ເຊິ່ງທ່ານ​ໄດ້​ນຳ​ເອົາ​ຄວາມ​ຢື້ຢາມ​ຖາມ​ຂ່າວ​ອັນ​ອົບ​ອຸ່ນ ແລະ ຄວາມ​ຮັກ​ແພງ​ອັນ​ສະໜິດສະໜົມຈາກ​ສູນ​ກາ​ງພັກ ​ແລະ ລັດຖະບານ ມາ​ຍັງ​ບັນດາ​ນາຍ ແລະ ພົນທະຫານ ​ແລະ ຜ່ານ​ບັນດາ​ສະຫາຍ​ໄປ​ຍັງ​ບັນດາ​ຄອບຄົວ​ຜູ້​ທີ່​ໄດ້​ສະຫລະຊີວິດ, ຜູ້​ບາດ​ເຈັບ, ​ແລະ ພົນທະຫານທີ່​ອອກ​ໄປ​ປະຕິບັດໜ້າທີ່ຢູ່​ເຂດ​ທຸລະກັນດານ ​ແລະ ບັນດາ​ສະຫາຍ​ທີ່​ອອກ​ພັກຜ່ອນ​ບຳນານ, ພ້ອມ​ທັງສະ​ແດງຄວາມ​ຍ້ອງຍໍ​ສັນລະ​ເສີນມາ​ຍັງ​ບັນດາ​ສະຫາຍ​ພະນັກງານ ​ແລະ ນັກຮົບ​ທົ່ວ​ກົມ​ກອງທີ່​ໄດ້​ພ້ອມ​ກັນ​ຕັ້ງໜ້າ​ເຮັດ​ສຳ​ເລັດໜ້າທີ່​ອັນ​ມີ​ກຽດສະຫງ່າ​ຂອງ​ຕົນ, ພ້ອມທັງ​ໄດ້​ຍົກ​ໃຫ້​ເຫັນ​ສະພາບ​ການພົ້ນ​ເດັ່ນທີ່​ເກີດ​ຂຶ້ນ​ໃນ​ພາກພື້ນ ​ແລະ ສາກົນ ກໍຄື​ໃນປະເທດທີ່​ຍັງສືບຕໍ່ຜັນ​ແປ​ຢ່າງ​ສະ​ລັບ​ຊັບຊ້ອນ, ການ​ເກີດ​ໄພພິບັດ​ທຳ​ມະ​ຊາດ, ອິດ​ທິກຳລັງ​ປໍ​ລະ​ປັກ ​ແລະ ກຸ່ມ​ຄົນ​ບໍ່ດີຍັງ​ສືບຕໍ່​ເຄື່ອນ​ໄຫວ​ທຳລາຍ​ມ້າງ​ເພດ້ວຍຫລາຍຮູບການ ​ແລະ ​ເລິກ​ແລບ​ກວ່າ​ເກົ່າ. ສະນັ້ນ, ທ່ານຮອງນາຍົກລັດຖະມົນຕີ ຈຶ່ງ​ໄດ້​ເນັ້ນ​ໃຫ້​ບັນດາ​ສະຫາຍ​ໃນ​ກຳລັງ​ປະກອບ​ອາວຸດ ຕ້ອງ​ໄດ້​ອອກ​ແຮງ ​ແລະ ສຸມ​ທຸກ​ຄວາມ​ສາມາດ​ເຂົ້າ​ໃນ​ການຈັດຕັ້ງປະ

ຮອງ​ນາຍົກລັດຖະມົນຕີ ສອນໄຊ ສີພັນດອນ ຢ້ຽມຢາມນາຍ ແລະ ພົນ​ທະຫານ​​ວິທະຍາຄານ​ກົມມະ​ດຳ. - Wave100S AD to Website 2020 0 - ຮອງ​ນາຍົກລັດຖະມົນຕີ ສອນໄຊ ສີພັນດອນ ຢ້ຽມຢາມນາຍ ແລະ ພົນ​ທະຫານ​​ວິທະຍາຄານ​ກົມມະ​ດຳ.

ຕິບັດ​ສອງໜ້າທີ່​ຍຸດ​ທະ​ສາດຂອງພັກ​ໃນ​ເງື່ອນ​ໄຂ​ໃໝ່ໃຫ້ໜັກແໜ້ນ, ໂດຍສະເພາະຕ້ອງ​ເຊີດ​ຊູ​ສະຕິ​ລະວັງ​ຕົວ, ມີ​ສະຕິ​ໃນ​ການ​ປົກ​ປັກ​ຮັກສາ​ແນວທາງ​ນະ​ໂຍບາຍ​ຂອງ​ພັກ ​ແລະ ລັດ, ປົກ​ປັກ​ຮັກສາໝາກຜົນ​ຂອງ​ການ​ປະຕິວັດ, ປົກ​ປັກ​ຮັກສາ​ລະບອບ​ໃໝ່ປະຊາທິປະ​ໄຕ​ປະຊາຊົນ​ໄວ້ໃຫ້ໝັ້ນຄົງ, ສົມທົບ​ແໜ້ນວຽກງານ ປກຊ-ປກສ ກັບ​ການ​ສ້າງສາ​ພັດທະນາ​ເສດຖະກິດ-​ສັງຄົມ, ຕ້ອງ​ຮັບປະກັນ​ຄວາມ​ຈົ່ງ​ຮັກ​ພັກດີ ຢ່າງ​ສຸດຊຶ້ງຕໍ່ພາລະກິດ​ຂອງ​ພັກ ​ແລະ ປະ​ເທດ​ຊາດ ​ໄປ​ພ້ອມໆກັບ​ການ​ປັບປຸງ​ແບບ​ແຜນ​ວິທີ​ເຮັດ​ວຽກ​ໃຫ້​ມີ​ລັກສະນະ​ປະຕິວັດ​ບຸກ, ມີ​ວິທະຍາສາດ, ​ແທດ​ຕົວ​ຈິງ ​ແລະ ​ໂປ່​ງ​ໃສ, ມີ​ການ​ແບ່ງ​ງານ, ມອບໝາຍຄວາມ​ຮັບຜິດຊອບ​ຢ່າງ​ຈະ​ແຈ້ງ, ສົມທົບ​ຢ່າງ​ກົມກຽວລະຫວ່າງ​ບົດບາດ-​ຄວາມ​ສາມາດ​ນຳພາ​ຂອງໝູ່ຄະນະກັບບົດບາດ-​ຄວາມ​ສາມາດ​ນຳພາ​ຂອງບຸກຄົນ​ໃນ​ຄະນະ, ​ແບບ​ແຜນ​ນຳພາຕ້ອງ​ປະດິດ​ສ້າງ, ກ້າ​ຄິດ, ກ້າ​ເຮັດ ​ແລະ ກ້າ​ຮັບຜິດຊອບ, ຕ້ອງ​ສຸມ​ໃສ່​ຄົ້ນຄວ້າ​ຕອບ​ຕ້ານກົນອຸບາຍ​ຫັນປ່ຽນ​ໂດຍ​ສັນຕິຂອງ​ບັນດາ​ອິດ​ທິກຳລັງ​ປໍ​ລະ​ປັກ, ປັບປຸງ​ພາຍ​ໃນ​ໃຫ້ໜັກ​ແໜ້ນ​ເຂັ້ມ​ແຂງ ​ແລະ ​ເດັດຂາດ, ສືບຕໍ່ປົກ​ປັກ​ຮັກສາ ​ແລະ ​ເສີມ​ຂະຫຍາຍ​ມູນ​ເຊື້ອອັນ​ດີງາມ​ຂອງ​ຕົນ, ຕັ້ງໜ້າປະກອບສ່ວນ​ເຂົ້າ​ໃນ​ການ​ຊ່ວຍເຫລືອກຳລັງ​ທ້ອງ​ຖິ່ນ​ຢູ່​ຮາກ​ຖານ, ສຸມ​ທຸກ​ເງື່ອນ​ໄຂ​ຄວາມ​ສາມາດ ​ເພື່ອ​ກ້າວ​ໄປ​ເຖິງ​ການ​ກຸ້ມ​ຕົນ​ເອງ​ຢ່າງຮອບດ້ານ ດ້ວຍ​ການ​ສ້າງ​ວຽກງານ​ພະລາທິການ​ກັບ​ທີ່​ເປັນວຽກງານ​ຕົ້ນຕໍ ​ແລະ ສືບຕໍ່​ເປີດ​ກວ້າງ​ການ​ພົວພັນ​ສາມັກຄີ​ສາກົນ ຕາມ​ແນວທາງ​ການ​ຕ່າງປະ​ເທດ​ຂອງ​ພັກ.

ຮອງ​ນາຍົກລັດຖະມົນຕີ ສອນໄຊ ສີພັນດອນ ຢ້ຽມຢາມນາຍ ແລະ ພົນ​ທະຫານ​​ວິທະຍາຄານ​ກົມມະ​ດຳ. - WhatsApp Image 2020 05 27 at 5 - ຮອງ​ນາຍົກລັດຖະມົນຕີ ສອນໄຊ ສີພັນດອນ ຢ້ຽມຢາມນາຍ ແລະ ພົນ​ທະຫານ​​ວິທະຍາຄານ​ກົມມະ​ດຳ.
ຮອງ​ນາຍົກລັດຖະມົນຕີ ສອນໄຊ ສີພັນດອນ ຢ້ຽມຢາມນາຍ ແລະ ພົນ​ທະຫານ​​ວິທະຍາຄານ​ກົມມະ​ດຳ. - WhatsApp Image 2020 05 27 at 5 - ຮອງ​ນາຍົກລັດຖະມົນຕີ ສອນໄຊ ສີພັນດອນ ຢ້ຽມຢາມນາຍ ແລະ ພົນ​ທະຫານ​​ວິທະຍາຄານ​ກົມມະ​ດຳ.
error: Alert: ເນື້ອຫາຂ່າວມີລິຂະສິດ !!