ລາວໂຕໂຢຕ້າ ອຸທອນຜ່ານໄດ້ສິດໄປແຂ່ງຂັນ ເອເອັຟຊີ ຄັບ 2018 ຕາມເດີມ

ລາວໂຕໂຢຕ້າ ອຸທອນຜ່ານໄດ້ສິດໄປແຂ່ງຂັນ ເອເອັຟຊີ ຄັບ 2018 ຕາມເດີມ - l8yun8hd - ລາວໂຕໂຢຕ້າ ອຸທອນຜ່ານໄດ້ສິດໄປແຂ່ງຂັນ ເອເອັຟຊີ ຄັບ 2018 ຕາມເດີມ
ລາວໂຕໂຢຕ້າ ອຸທອນຜ່ານໄດ້ສິດໄປແຂ່ງຂັນ ເອເອັຟຊີ ຄັບ 2018 ຕາມເດີມ - Untitled design - ລາວໂຕໂຢຕ້າ ອຸທອນຜ່ານໄດ້ສິດໄປແຂ່ງຂັນ ເອເອັຟຊີ ຄັບ 2018 ຕາມເດີມ

ຖືວ່າຮຽກຊັດທາຈາກແຟນບານລາວກັບມາບໍ່ໜ້ອຍ ເມື່ອ ເອເອັຟຊີ ປະກາດຄືນສິດໃຫ້ກັບ ລາວໂຕໂຢຕ້າ ເອັຟຊີ ແຊ້ມລາວພຣີເມຍລີກ 2017 ໃຫ້ເຂົ້າຮ່ວມການແຂ່ງຂັນບານເຕະ ເອເອັຟຊີ ຄັບ 2018 ໄດ້ຕາມເດີມ ຫລັງຈາກທີ່ ແຊ້ມລາວພຣີເມຍລີກ 2017 ຊະນະການອຸທອນ, ແຕ່ຈະຕ້ອງໄປເພລອັອຟເພື່ອລຸ້ນເຂົ້າຮອບແບ່ງກຸ່ມຕໍ່ໄປ.

ກ່ອນໜ້ານີ້ ສະຫະພັນບານເຕະອາຊີ ຫລື ເອເອັຟຊີ ປະກາດຂ່າວຮ້າຍຕໍ່ວົງການບານເຕະລາວ ເມື່ອຕັດສິດຂອງ ລາວໂຕໂຢຕ້າ ເອັຟຊີ ແຊ້ມລາວພຣີເມຍລີກ 2017 ອອກຈາກການແຂ່ງຂັນບານເຕະ ເອເອັຟຊີ ຄັບ 2018 (AFC Cup 2018) ເນື່ອງຈາກມີສ່ວນກ່ຽວຂ້ອງກັບການລົ້ມບານ ຫລື ລັອກຜົນຄະແນນໃນລະດູການຜ່ານມາ ໂດຍ ເອເອັຟຊີ ລະບຸຜ່ານເວັບໄຊທາງການວ່າ: ໜ່ວຍງານກວດກາການເຂົ້າຮ່ວມການແຂ່ງຂັນ (Entry Control Body) ຂອງ AFC ໄດ້ແຈ້ງຕໍ່ກອງປະຊຸມໃນວັນທີ 13 ທັນວາ 2017 ວ່າ: ສະໂມສອນລາວໂຕໂຢຕ້າ ບໍ່ສາມາດເຂົ້າຮ່ວມການແຂ່ງຂັນບານເຕະ AFC Cup 2018 ໄດ້ ເນື່ອງຈາກຖືກກ່າວຫາວ່າມີສ່ວນກ່ຽວຂ້ອງທາງກົງ ຫລື ທາງອ້ອມໃນການລັອກຄະແນນຜົນການແຂ່ງຂັນບານເຕະ AFC Cup ລະດູການ 2015-2016 ເຊິ່ງການກະທຳດັ່ງກ່າວແມ່ນຜິດຕໍ່ມາດຕາ 12.8 ຂອງກົດລະບຽບການເຂົ້າຮ່ວມການແຂ່ງຂັນບານເຕະລະດັບສະໂມສອນຂອງ AFC 2017-2020 (Entry Manual for AFC Cup Competitions 2017-2020).

ເຖິງຢ່າງໃດກໍຕາມ, ສະໂມສອນ ລາວໂຕໂຢຕ້າ ເອັຟຊີ ໄດ້ຍື່ນອຸທອນວ່າໄດ້ເຮັດຕາມກົດລະບຽບຈາກການຕັດຊື່ນັກເຕະທີ່ມີສ່ວນກັບການລົ້ມບານອອກຈາກທີມທັງໝົດແລ້ວ ຈົນພົ້ນຂໍ້ກ່າວຫາ ເຮັດໃຫ້ສາມາດມາແຂ່ງຂັນບານເຕະ ເອເອັຟຊີ ຄັບ 2018 ໄດ້ຄືເກົ່າ ເມື່ອ ເອເອັຟຊີ ປະກາດໃຫ້ກັບມາແຂ່ງຂັນໄດ້.

ລາວໂຕໂຢຕ້າ ອຸທອນຜ່ານໄດ້ສິດໄປແຂ່ງຂັນ ເອເອັຟຊີ ຄັບ 2018 ຕາມເດີມ - Wave100S AD to Website 2020 0 - ລາວໂຕໂຢຕ້າ ອຸທອນຜ່ານໄດ້ສິດໄປແຂ່ງຂັນ ເອເອັຟຊີ ຄັບ 2018 ຕາມເດີມ

ສຳລັບ ລາວໂຕໂຢຕ້າ ເອັຟຊີ ຈະໄດ້ສິດໄປແຂ່ງຂັນໃນຮອບ Play off ໂດຍພົບກັບ ບິກເກັດ ອັງກໍ ທີມໃນລີກກຳປູເຈຍ ໂດຍນັດທຳອິດແມ່ນແຂ່ງຂັນໃນວັນທີ 22 ມັງກອນ 2018 ເວລາ 18:30 ໂມງ ຢູ່ສະໜາມກິລາໂອແລັມປິກ ປະເທດກຳປູເຈຍ ແລະ ວັນທີ 29 ມັງກອນ 2018 ເວລາ 18:00 ໂມງ ຢູ່ສະໜາມກິລາແຫ່ງຊາດຫລັກ 16 ຖ້າທີມໃດຊະນະຈະໄດ້ເຂົ້າຮ່ວມກຸ່ມ F ມີ CERES NEGROS FC ຫລື FC MERALCO MANILA ຈາກປະເທດຟີລິບປິນ, HOME UNITED ຈາກປະເທດສິງກະໂປ, SHAN UNITED FC ຈາກປະເທດມຽນມາ.

ລາວໂຕໂຢຕ້າ ອຸທອນຜ່ານໄດ້ສິດໄປແຂ່ງຂັນ ເອເອັຟຊີ ຄັບ 2018 ຕາມເດີມ - WhatsApp Image 2020 05 27 at 5 - ລາວໂຕໂຢຕ້າ ອຸທອນຜ່ານໄດ້ສິດໄປແຂ່ງຂັນ ເອເອັຟຊີ ຄັບ 2018 ຕາມເດີມ
ລາວໂຕໂຢຕ້າ ອຸທອນຜ່ານໄດ້ສິດໄປແຂ່ງຂັນ ເອເອັຟຊີ ຄັບ 2018 ຕາມເດີມ - WhatsApp Image 2020 05 27 at 5 - ລາວໂຕໂຢຕ້າ ອຸທອນຜ່ານໄດ້ສິດໄປແຂ່ງຂັນ ເອເອັຟຊີ ຄັບ 2018 ຕາມເດີມ
error: Alert: ເນື້ອຫາຂ່າວມີລິຂະສິດ !!