ຮອງນາຍົກລັດຖະມົນຕີ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອັດຕະປື

ຮອງນາຍົກລັດຖະມົນຕີ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອັດຕະປື - IMG 0237 - ຮອງນາຍົກລັດຖະມົນຕີ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອັດຕະປື
ຮອງນາຍົກລັດຖະມົນຕີ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອັດຕະປື - Untitled design - ຮອງນາຍົກລັດຖະມົນຕີ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອັດຕະປື

ເມື່ອທ້າຍອາທິດຜ່ານມານີ, ທ່ານ ບຸນທອງ ຈິດມະນີ ຮອງນາຍົກລັດຖະ ມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ, ພ້ອມຄະນະໄດ້ລົງເຄື່ອນໄຫວເຮັດວຽກກັບການນໍາແຂວງ ແລະ ຄະນະກວດກາແຂວງອັດຕະປື, ໂດຍໄດ້ຮັບຟັງລາຍງານສະພາບການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກ, ມະຕິກອງປະຊຸມໃຫຍ່ຄັັ້ງທີ X ຂອງອົງຄະນະພັກແຂວງ ແລະ ການຈັດຕັງປະຕິບັດແຜນພັດທະນາເສດຖະກິດ- ສັງຄົມ, ລວມເຖິງວຽກງານຕິດຕາມກວດກາພັກ-ກວດກາລັດ, ການສະກັດກັ້ນ ແລະ ຕ້ານການສໍ້ລາດບັງຫລວງໃນຜ່ານມາ, ຊຶ່ງທົ່ວແຂວງພົບເຫັນປາກົດການຫຍໍ້ທໍ້, ການສວຍໃຊ້ສິດອຳນາດ, ໜ້າທີ່ ແລະ ຖານະຕຳແໜ່ງເກີນຂອບເຂດຈຳນວນ 8 ກໍລະນີ, ສ້າງຄວາມເສຍຫາຍຫລາຍກວ່າ 34,48 ຕື້ກີບ, ເກັບກູ້ຄືນໄດ້ແລ້ວກວ່າ 22,10 ຕື້ກີບ, ຍັງຄ້າງ 12,38 ຕື້ກວ່າກີບ. ໃນນີ້, ມີພະນັກງານທີ່ກະທຳຜິດຖືກລົງວິໄນຂັ້ນຕິຕຽນ 2 ທ່ານ, ໂຈະການເລື່ອນຂັ້ນເງິນເດືອນ ແລະ ປົດຕຳແໜ່ງ 1 ທ່ານ, ໃຫ້ອອກຈາກການຈັດຕັ້ງ 2 ທ່ານ ແລະ ອີກຈຳນວນໜຶ່ງຢູ່ໃນຂັ້ນຕອນການດຳເນີນຄະດີ.
ໂອກາດນີ້, ທ່ານຮອງນາຍົກລັດຖະມົນຕີ ໄດ້ໂອ້ລົມຊີ້ນຳພະນັກງານຫລັກແຫລ່ງຂອງແຂວງເພີ່ມທະວີວຽກງານປ້ອງກັນຊາດ-ປ້ອງກັນຄວາມສະຫງົບຢ່າງແຂງແຮງ, ສືບຕໍ່ສຸມໃສ່ແກ້ໄຂສະພາບຫຍໍ້ທໍ້ຕ່າງໆໃນສັງຄົມໃຫ້ຫລຸດລົງ ເປັນຕົ້ນ: ບັນຫາຢາເສບຕິດ, ອຸປະຕິເຫດ, ການຄ້າຂາຍເຖື່ອນ, ການລັກລອບຂຸດຄົ້ນໄມ້, ສົ່ງອອກໄມ້, ນຳເຂົ້າພາຫະນະບໍ່ຖືກຕ້ອງ, ບັນຫາທີ່ດິນ, ການລັກລອບຂຸດຄົ້ນແຮ່ທາດ, ຄວາມບໍ່ສະຫງົບຕາມຊາຍແດນ, ການເຂົ້າ-ອອກເມືອງ, ການເຄື່ອນຍ້າຍຕັ້ງຖິ່ນຖານບໍ່ຖືກຕ້ອງຕາມກົດໝາຍ, ການຄຸ້ມຄອງສຳມະໂນ ຄົວ ແລະ ອື່ນໆ, ສືບຕໍ່ສູ້ຊົນປະຕິບັດຄາດໝາຍການພັດທະນາເສດຖະກິດ- ສັງຄົມໃຫ້ບັນຸລຕາມແຜນການ ແລະ ໂຄງການທີ່ສະພາແຫ່ງຊາດ ແລະ ສະພາແຂວງໄດ້ຮັບຮອງ, ເອົາໃຈໃສ່ຄຸ້ມຄອງງົບປະມານ ແລະ ໂຄງການລົງທຶນຂອງລັດໃຫ້ດຳເນີນໄປຖືກຕ້ອງຕາມກົດໝາຍ ແລະ ມີປະສິດທິຜົນ, ບໍ່ສ້າງໜີ້ສິນ, ຕິດຕາມ-ກວດກາຊຸກຍູ້ການເກັບລາຍຮັບເຂົ້າງົບປະມານໃຫ້ໄດ້ຕາມຄາດໝາຍວາງໄວ້, ສືບຕໍ່ປັບປຸງລະບົບການເມືອງແຕ່ຂັ້ນແຂວງລົງຮອດຮາກຖານໃຫ້ໜັກແໜ້ນເຂັ້ມແຂງ, ດຳເນີນການກວດກາຄະນະພັກ ແລະ ສະມາຊິກພັກທີ່ມີບັນຫາດ້ວຍຫລາຍວິທີ, ສືບຕໍ່ຕິດຕາມຊຸກຍູ້ການປະຕິບັດກົດລະບຽບຂອງພັກ, ຂໍ້ຫ້າມສຳລັບສະມາຊິກພັກ, ເອົາໃຈໃສ່ປັບປຸງກໍ່ສ້າງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ, ເອົາໃຈໃສ່ປະຕິບັດມະຕິຂອງຄະນະບໍລິຫານງານສູນກາງພັກ ວ່າດ້ວຍການແກ້ໄຂພະຍາດອາດຍາສິດ, ສະກັດກັ້ນ ແລະ ຕ້ານການສໍ້ລາດ ບັງຫລວງຢ່າງແຂງແຮງ, ໄປຄຽງຄູ່ກັບການຈັດຕັ້ງປະຕິບັດຄຳສັ່ງເລກທີ 15/ນຍ ວ່າດ້ວຍການແກ້ໄຂບັນຫາໄມ້ ແລະ ໂຮງງານໄມ້ທີ່ບໍ່ຖືກຕ້ອງ ແລະ ນິຕິກຳອື່ນໆຢ່າງເດັດຂາດ.

ຮອງນາຍົກລັດຖະມົນຕີ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອັດຕະປື - WhatsApp Image 2020 05 27 at 5 - ຮອງນາຍົກລັດຖະມົນຕີ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອັດຕະປື
ຮອງນາຍົກລັດຖະມົນຕີ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອັດຕະປື - WhatsApp Image 2020 05 27 at 5 - ຮອງນາຍົກລັດຖະມົນຕີ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອັດຕະປື
ຮອງນາຍົກລັດຖະມົນຕີ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອັດຕະປື - Wave100S AD to Website 2020 0 - ຮອງນາຍົກລັດຖະມົນຕີ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອັດຕະປື
error: Alert: ເນື້ອຫາຂ່າວມີລິຂະສິດ !!