ປີຜ່ານມາມູນຄ່າຜະລິດຕະພັນແຮ່ທາດຢູ່ປະເທດເຮົາບັນລຸ 10 ພັນຕື້ກີບ

ປີຜ່ານມາມູນຄ່າຜະລິດຕະພັນແຮ່ທາດຢູ່ປະເທດເຮົາບັນລຸ 10 ພັນຕື້ກີບ - 20264687 516741931990973 4300308235498780979 n - ປີຜ່ານມາມູນຄ່າຜະລິດຕະພັນແຮ່ທາດຢູ່ປະເທດເຮົາບັນລຸ 10 ພັນຕື້ກີບ
ປີຜ່ານມາມູນຄ່າຜະລິດຕະພັນແຮ່ທາດຢູ່ປະເທດເຮົາບັນລຸ 10 ພັນຕື້ກີບ - Untitled design - ປີຜ່ານມາມູນຄ່າຜະລິດຕະພັນແຮ່ທາດຢູ່ປະເທດເຮົາບັນລຸ 10 ພັນຕື້ກີບ

ເມື່ອທ້າຍອາທິດຜ່ານມານີ້, ກະຊວງພະລັງງານ ແລະ ບໍ່ແຮ່ໄດ້ຈັດກອງປະຊຸມປຶກສາຫາລືກ່ຽວກັບການປະເມີນປະສິດທິຜົນຈາກໂຄງການລົງທຶນດ້ານບໍ່ແຮ່ທົ່ວປະເທດ, ໂດຍການເປັນປະທານຂອງທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ແລະ ມີພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ.

ທ່ານ ຄຳມະນີ ອິນທິລາດ ໃຫ້ຮູ້ວ່າ: ປີຜ່ານມາ, ມູນຄ່າຜະລິດຕະພັນແຮ່ທາດຈາກໂຄງການລົງທຶນດ້ານແຮ່ທີ່ສູນກາງອອກອະນຸຍາດ (ບໍ່ລວມມູນຄ່າຜະລິດຕະພັນທີ່ທ້ອງຖິ່ນອະນຸຍາດ) ບັນລຸໄດ້ 10.553 ຕື້ກີບ, ທຽບໃສ່ປີ 2016 ເພີ່ມຂຶ້ນ 7% ແລະ ຄາດຄະເນລາຍຮັບທາງກົງຂອງລັດທີ່ໄດ້ຈາກການປະຕິບັດພັນທະທາງດ້ານການເງິນຈະໄດ້ປະມານ 1.150 ຕື້ກີບ, ແນວໃດກໍຕາມ, ການພັດທະນາຂະແໜງບໍ່ແຮ່ ກໍເຫັນວ່າມີຄວາມຫຍຸ້ງຍາກ ແລະ ຂໍ້ຄົງຄ້າງທີ່ຈະຕ້ອງໄດ້ແກ້ໄຂ, ໂດຍສະເພາະກ່ອນການພິຈາລະນາອະນຸຍາດລົງທຶນດ້ານບໍ່ແຮ່ນັ້ນຕ້ອງໄດ້ມີການຄົ້ນຄວ້າປະເມີນຜົນປະໂຫຍດລະຫວ່າງລັດຖະບານ ກັບຜູ້ລົງທຶນຕາມບົດວິພາກເສດຖະກິດ-ເຕັກນິກ, ແຕ່ການຈັດຕັ້ງປະຕິບັດຕົວຈິງມີຫລາຍບໍລິສັດບໍ່ສາມາດປະຕິບັດໄດ້ຕາມແຜນ, ຍ້ອນບໍລິສັດທີ່ມາລົງທຶນນັ້ນ ຖືເບົາຕໍ່ວຽກງານສຳຫລວດ ແລະ ເຮັດບໍ່ໄດ້ຕາມມາດຕະຖານການສຳຫລວດ, ບໍ່ມີວິຊາການທີ່ຊຳນານ, ທຶນຮອນຈຳກັດ, ປະສົບການບໍ່ສູງ, ການປະເມີນປະລິ ມານສະສົມແຫລ່ງແຮ່ບໍ່ຊັດເຈນ ແລະ ບັນຫາອື່ນໆ ແລະ ມາຮອດປັດຈຸບັນມີ 649 ບໍລິສັດ ແລະ 909 ກິດຈະການ ທີ່ພວມດຳເນີນການຊອກຄົ້ນ, ສຳຫລວດ, ຂຸດຄົ້ນ ແລະ ປຸງແຕ່ງແຮ່ທາດ, ໃນນັ້ນ, ຂັ້ນສູນກາງອະນຸຍາດ 219 ບໍລິສັດ, 372 ກິດຈະການ ແລະ ຂັ້ນທ້ອງຖິ່ນອະນຸຍາດມີທັງໝົດ 430 ບໍລິສັດ, 537 ກິດຈະການ, ໃນຈຳນວນ 219 ບໍລິສັດທີ່ສູນກາງອະນຸຍາດນັ້ນມີ 142 ບໍລິສັດທີ່ດຳເນີນການຊອກຄົ້ນ, ສຳຫຼວດ (ໃນນີ້ມີ 52 ບໍລິສັດດຳເນີນ ການສຶກສາຄວາມເປັນໄປໄດ້ທາງດ້ານເສດຖະກິດ-ເຕັກນິກ), ບໍລິສັດທີ່ດຳເນີນການຂຸດຄົ້ນ ແລະ ປຸງແຕ່ງແຮ່ທາດມີ 77 ບໍລິສັດ, ປະເພດແຮ່ທາດທີ່ອອກອະນຸຍາດຂຸດຄົ້ນມີ 28 ປະເພດຄື: ຄຳ, ທອງ, ເງິນ, ກົ່ວ, ເຫລັກ, ແກ້ວຊັບຟາຍ, ຫີນປູນ, ດິນໜຽວ, ກາແນັດ, ຖ່ານຫີນ, ຖ່ານຕົມ, ຂີ້ເຈຍ, ຫີນກຣານິດ, ໂດໂລໄມ, ຫີນບາຊານ, ມັງການ, ຫີນຊາຍ, ຫີນກວາສ, ດິນແດງ, ຟໍອໍລາຍ, ບາຣິດ, ເກືອກິນ, ເກືອໂປຕາດສ, ມາເຢຊຽມ, ຫີນກາບໂບຣ, ດີໂອລິດ, ຣີໂອ

ຣິດ ແລະ ຫີນດີໂອໄລຕູບ.

ປີຜ່ານມາມູນຄ່າຜະລິດຕະພັນແຮ່ທາດຢູ່ປະເທດເຮົາບັນລຸ 10 ພັນຕື້ກີບ - Wave100S AD to Website 2020 0 - ປີຜ່ານມາມູນຄ່າຜະລິດຕະພັນແຮ່ທາດຢູ່ປະເທດເຮົາບັນລຸ 10 ພັນຕື້ກີບ
ປີຜ່ານມາມູນຄ່າຜະລິດຕະພັນແຮ່ທາດຢູ່ປະເທດເຮົາບັນລຸ 10 ພັນຕື້ກີບ - WhatsApp Image 2020 05 27 at 5 - ປີຜ່ານມາມູນຄ່າຜະລິດຕະພັນແຮ່ທາດຢູ່ປະເທດເຮົາບັນລຸ 10 ພັນຕື້ກີບ
ປີຜ່ານມາມູນຄ່າຜະລິດຕະພັນແຮ່ທາດຢູ່ປະເທດເຮົາບັນລຸ 10 ພັນຕື້ກີບ - WhatsApp Image 2020 05 27 at 5 - ປີຜ່ານມາມູນຄ່າຜະລິດຕະພັນແຮ່ທາດຢູ່ປະເທດເຮົາບັນລຸ 10 ພັນຕື້ກີບ
error: Alert: ເນື້ອຫາຂ່າວມີລິຂະສິດ !!