ກອງ​ປະຊຸມ​ຄະນະ​ກຳມາ​ທິການ​ຊາຍ​ແດນຮ່ວມລາວ-​ໄທ ຄັ້ງ​ທີ 11

ກອງ​ປະຊຸມ​ຄະນະ​ກຳມາ​ທິການ​ຊາຍ​ແດນຮ່ວມລາວ-​ໄທ ຄັ້ງ​ທີ 11 - Laos Thai - ກອງ​ປະຊຸມ​ຄະນະ​ກຳມາ​ທິການ​ຊາຍ​ແດນຮ່ວມລາວ-​ໄທ ຄັ້ງ​ທີ 11
ກອງ​ປະຊຸມ​ຄະນະ​ກຳມາ​ທິການ​ຊາຍ​ແດນຮ່ວມລາວ-​ໄທ ຄັ້ງ​ທີ 11 - Untitled design - ກອງ​ປະຊຸມ​ຄະນະ​ກຳມາ​ທິການ​ຊາຍ​ແດນຮ່ວມລາວ-​ໄທ ຄັ້ງ​ທີ 11

 ໃນລະຫວ່າງວັນທີ 17-19 ມັງກອນນີ້ ທີ່ບາງກອກ, ຣາຊາອານາຈັກໄທ ໄດ້ຈັດ​ກອງປະຊຸມ ຄະນະກຳມາທິການຊາຍແດນຮ່ວມ ລາວ-ໄທ ຄັ້ງ​ທີ 11, ຊຶ່ງຄະນະຜູ້ແທນຝ່າຍລາວນຳໂດຍ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ປະທານ​ຄະນະ​ກຳມາ​ທິການ​ຊາຍ​ແດ​ນ ຮ່ວມ​ ລາວ-​ໄທ ແລະ ຄະນະຜູ້ແທນຝ່າຍໄທນຳ​ໂດຍ ທ່ານ ດອນ ປຣະມັດ​ວິ​ໄນ, ລັດຖະມົນຕີ​ວ່າການກະຊວງ ການຕ່າງປະເທດ ແຫ່ງ ຣາຊະອານາຈັກໄທ.

ກອງ​ປະຊຸມ​ ​ໄດ້ທົບ​ທວນ​ຄືນຜົນ​ຂອງ​ການຈັດ​ຕັ້ງ​ປະຕິບັດ​ບົດ​ບັນທຶກກອງ​ປະຊຸມ​ຄະນະ​ກຳມາ​ທິການ​ຊາຍ​ແດນ​ຮ່ວມ ລາວ-​ໄທ ຄັ້ງທີ 10 ນັບ​ແຕ່​ປີ 2015 ​ເປັນ​ຕົ້ນ​ທີ່ ​ແລະ ໄດ້​ຕີ​ລາຄາສູງ​ຕໍ່​ຜົນ​ຂອງ​ການ​ສຳ​ຫລວດ​ແລະ​ປັກ​ຫລັກ​ໝາຍ​ຊາຍ​ແດນ​ຮ່ວມ​ໃນ​ໄລຍະ 2 ປີ​ ທີ່​ຜ່ານ​ມາວ່າ ໄດ້​ມີ​ບາດກ້າວ ​ແລະ ຄວາມ​ຄືບ​ຫນ້າ​ລະດັບ​ຫນຶ່ງ ​ເຖີງຢ່າງ​ໃດ​ກໍດີ ການ​ແກ້​ໄຂ​ບັນຫາ​ຊາຍ​ແດນ​ທີ່​ຍັງ​ຄົງ​ຄ້າງ​ນັ້ນ​ບໍ່​ສຳ​ເລັດ​ຕາມ​ເປົ້າ​ໝາຍ​ທີ່​ໄດ້​ວາງ​ໄວ້, ​ແຕ່​ໄດ້​ເພີ່ມຄວາມ​ໄວ້​ເນື້ອ​ເຊື່ອ​ໃຈ​ ແລະ​ ເຂົ້າ​ອົກ​ເຂົ້າ​ໃຈ​ຊຶ່ງ​ກັນ​ແລະ​ກັນ​ຫລາຍ​ຂຶ້ນ​ ເພື່ອ​ພ້ອມ​ກັນ​ຊອກ​ຊ່ອງ​ທາງ​ແກ້​ໄຂ​ບັນຫາ​ທີ່​ຍັງ​ຄົງ​ຄ້າງ​ໃຫ້​ສຳ​ເລັດ​ໂດຍ​ໄວ; ກອງ​ປະຊຸມ​ຄັ້ງ​ນີ້ ​ໄດ້​ຮັບຮອງ​ເອົາບົດ​ບັນທຶກ​ກອງ​ປະຊຸມ​ຄະນະ​ເຈົ້າ​ໜ້າ​ທີ່​ອາວຸ​ໂສ​ຮ່ວມ ລາວ-​ໄທ 4 ສະບັບ ​ແລະ ບົດ​ບັນທຶກ​ກອງ​ປະຊຸມ​ຄະນະ​ອະນຸ​ກຳມະການ​ເຕັກນິກ​ຮ່ວມ ລາວ​-​ໄທ 3 ສະບັບ ​ແລະ ​ໄດ້​ຮັບຮອງ ​ແລະ ຮັບ​ຊາບ ຜົນ​ການ​ສຳ​ຫລວດ ແລະປັກ​ຫລັກ​ໝາຍ​ຊາຍ​ແດນ​ທາງບົກ​ຮ່ວມ​ລະຫວ່າງ ລາວ-​ໄທ ຂອງ​ຄະນະ​ອະນຸ​ກຳມະການ​ເຕັກນິກ​ຮ່ວມ ລາວ-​ໄທ ຕັ້ງ​ແຕ່​ວັນ​ທີ 21 ທັນວາ 2014 ​ເຖິງ​ວັນ​ທີ 31 ກໍລະກົດ 2017 ​ເປັນ​ຕົ້ນ : ການ​ສຳ​ຫລວດ ​ແລະ ​ກຳນົດ​ສັນຍາ​ລັກ ບໍລິ​ເວນ​ແກ້ງ​ຜາ​ໄດ; ການ​ສ້ອມແປງ​ຄືນ​ຫລັ​ກໝາຍ​​ເລກທີ 2-05 ທີ່​ຖືກ​ທຳ​ລາຍ; ການ​ເຮັດ​ບົດຊີ້​ແຈງ​ເຫດຜົນ​ການ​ຂີດ​ທິດ​ເນັ່ງສັນ​ປັນ​ນ້ຳບໍລິ​ເວນ​ພູຜາ​ຫມົ່ນ, ​ການ​ຂີດ​ເສັ້ນ​ຊາຍ​ແດນ​ທີ່​ສະ​ເໜີ ບໍລິ​ເວນ​ຊ່ອງ​ທາງ​ບ້ານ​ຮວກ-ກິ່ວ​ຫົກ; ​ການ​ສຳ​ຫລວດ​ເກັບ​ລາຍ​ລະອຽດ ​ແລະ ​ແຕ້ມ​ແຜນຜັງ​ສະໜາມບໍລິ​ເວນ​ຫລັກ​ໝາຍ​ຊາຍ​ແດນ ​ເລກທີ 33-34; ​ການ​ດຳ​ເນີນ​ການສຳ​ຫລວດ​ເພີ້​ມ​ເຕີມບໍລິ​ເວນ​ສາມ​ບ້ານ ຂອງ​ຄະນະ​ອະນຸ​ກຳມະການ​ເຕັກນິກຮ່ວມ​ລາວ-​ໄທ; ຜົນ​ການ​ສຳ​ຫລວດ​​ເກັບ​ກຳຂໍ້​ມູນ​ຕົວ​ຈິງຕາມ​ລຳ​ນ້ຳ​ເຫືອງ; ​ຜົນ​ການ​ສ້າງ​ແຜນ​ທີ່ ມາດຕາ​ສ່ວນ 1:5000 ບໍລິ​ເວນ​ຫ້ວຍ​ໂດນ; ​ຜົນ​ການ​ດຳ​ເນີນ​ການ​ສຳ​ຫລວດເພີ້​ມ​ເຕີ້​ມບໍ​ລິເວນ​ທົ່ງ​ໜອງ​ບົວ ຂອງ​ຄະນະ​ອະນຸ​ກຳມະການ​ເຕັກນິກ ​ແລະ ຮັບຮອງ​ເອົາ​ການ​ກວດກາ​ ແລະປັບປຸງ​ຄ່າ​ພິກັດ ຂອງ​ຈຸດ​ຕາໜ່າງຄອບ​ງຳ​ພື້ນຖານດາວ​ທຽມ (GPS).

ສຳລັບ​ຊາຍ​ແດນລາວ-​ໄທທາງ​ນ້ຳ: ກອງ​ປະຊຸມ​ໄດ້ຮັບຊາບ: ຜົນ​ການສ້າງ​ແຜນ​ທີ່​ແມ່​ນ້ຳຂອງ​ສະບັບ​ໃໝ່ ມາດຕາ​ສ່ວນ 1:25000 ຈຳນວນ 115 ​ເລກ​ໝາຍ; ​ຜົນ​ການ​ດຳ​ເນີນ​ການຖ່າຍ​ທອດ​ເສັ້ນ​ຊາຍ​ແດນ​ລົງ​ໃນ​ແຜນ​ທີ່​ແມ່ນ້ຳຂອງ​ສະບັບ​ໃໝ່ ມາດຕາ​ສ່ວນ 1:25000; ຜົນ​ການ​ດຳ​ເນີນ​ການ​ສຳ​ຫລວດ​ວັດ​ແທກ​ດ້ວຍ​ເຄື່ອງຮັບ ສັນຍານ​ດາວ​ທຽມ GPS ຕາມ​ຝັ່ງ​ແມ່ນ້ຳຂອງ​ເບື້ອງ​ຝັ່ງ​ໄທ ທັງ​ໝົດ​ຈຳນວນ 167 ຈຸດ.

ກອງ​ປະຊຸມ​ຄັ້ງ​ນີ້, ສອງ​ຝ່າຍ​ໄດ້​ຮ່ວມ​ກັນ​ພິຈາລະນາ​​ ແກ້​ໄຂບັນຫາຫລັກ​ໝາຍຊາຍ​ແດນທີ່​ຄົງ​ຄ້າງ​​ໃຫ້​ຫລຸດ​ໜ້ອຍ​ລົງ ​ໂດຍ​ໄດ້​ວາງ​ແຜນການ​ປະຕິບັດ​ງານ​ໃນສົກ​ປີ 2018-19 ຊຶ່ງ​ມອບ​ໝາຍ​ໃຫ້ຄະນະ​ເຈົ້າ​ໜ້າ​ທີ່​ອາວຸ​ໂສສືບ​ຕໍ່​ລົງ​ກວດກາ​ພື້ນ​ທີ່​ຕົວ​ຈິງ​ໃນ 3 ບໍລິ​ເວນ ຄື: ບໍລິ​ເວນພູ​ຜາ​ໝົ່ນ, ບໍ​ລິ​ເວນ​ສາມ​ບ້ານ ​ແລະ ບໍລິ​ເວນ​ຕົ້ນ​ກຳ​ເນີ​ດນ້ຳ​ເຫືອງ. ພ້ອມ​ກັນ​ນັ້ນ, ກໍ​ມອບ​ໝາຍ​ໃຫ້​ຄະນະ​ປະຕິບັດ​ງານຮ່ວມທາງ​ດ້ານ​ກົດໝາຍ ສືບ​ຕໍ່​ປຶກສາ​ຫາລື​ເພື່ອ​ຊອກ​ຊ່ອງ​ທາງ​ແກ້​ໄຂ​ຈຸດ​ຄົງ​ຄ້າງ ທັງ​ນີ້​ເພື່ອ​ແນ​ໃສ່​ໃຫ້​ການ​ສຳ​ຫລວດ​ແລະ​ປັກ​ຫລັກ​ໝາຍຊາຍ​ແດນ​ ລາວ​-ໄທ​ທາງບົກ​​ ໃຫ້ສຳ​ເລັດ​ໃນ​ປີ 2020 ​  ແລ​ະ ທາງ​ນ້ຳ ​ໃຫ້ສຳ​ເລັດ​ໃນ​ປີ 2021.

ກອງ​ປະຊຸມ​ຄະນະ​ກຳມາ​ທິການ​ຊາຍ​ແດນຮ່ວມລາວ-​ໄທ ຄັ້ງ​ທີ 11 - Wave100S AD to Website 2020 0 - ກອງ​ປະຊຸມ​ຄະນະ​ກຳມາ​ທິການ​ຊາຍ​ແດນຮ່ວມລາວ-​ໄທ ຄັ້ງ​ທີ 11

​ໂດຍ​ລວມ​ແລ້ວ, ການ​ສຳ​ຫລວດ ​ແລະ ປັກ​ຫລັກ​ໝາຍ​ຊາຍ​ແດນ​ລາວ-​ໄທ ທາງບົກ ​ໄດ້​ເລີ່​ມມາ​ແຕ່​ວັນ​ທີ 5 ພຶດສະພາ 1997 ​ເປັນ​ຕົ້ນ​ມາ​ຈົນ​ເຖິງ​ປັດຈຸ​ບັນ, ຊຶ່ງທັງ​ສອງ​ຝ່າຍ​ສາມາດ​ສຳ​ຫລວດ ​ແລະ ປັກ​ຫລັກ​ໝາຍ​ຮ່ວມ​ກັນ​ສຳ​ເລັດ​ແລ້ວ ຈຳນວນ 210 ຫລັກ​ໝາຍ ລວມລວງ​ຍາວ​ຂອງ​ເສັ້ນ​ຊາຍ​ແດນ 676 ກິ​ໂລ​ແມັດ, ​ເທົ່າ​ກັບ 93% ຂອງ​ຄວາມ​ຍາວ​ເສັ້ນ​ຊາຍ​ແດນ​ທາງບົກ​ທັງ​ໝົດ​ປະມານ 735 ກິ​ໂລ​ແມັດ ຫລື ​ເທົ່າ​ກັບ 37% ຂອງ​ເສັ້ນ​ຊາຍ​ແດນ​ທັງ​ທາງບົກ ​ແລະ ທາງ​ນ້ຳ ທີ່​ມີ​ຄວາມ​ຍາວ​ປະມານ 1,835 ກິ​ໂລ​ແມັດ.

ກອງປະຊຸມໄດ້ດຳເນີນໄປ​ໃນທ່າມກາງບັນຍາກາດໄມຕີຈິດມິດຕະພາບ ​ໂດຍ​ທັງສອງຝ່າຍ ໄດ້ປຶກສາຫາລື ແລກປ່ຽນຄຳຄິດຄຳເຫັນນຳ​ກັນຢ່າງກົງໄປກົງມາດ້ວຍຄວາມຈິງໃຈແລະສ້າງສັນ, ຖານບ້ານໃກ້ເຮືອນຄຽງທີ່ດີ ຊຶ່ງ ເຫັນວ່າເປັນບາດກ້າວໜຶ່ງທີ່​ຊຸກຍູ້ເລັ່ງລັດການສຳຫລວດ ​ແລະ ປັກຫລັກ​ໝາຍ​ຊາຍ​ແດນຮ່ວມ​ກັນ ໃຫ້​ມີຄວາມ ຄືບໜ້າ ​ເພື່ອ​ແກ້ໄຂຈຸດຫລັກ​ໝາຍ​ຊາຍ​ແດນຄົງຄ້າງໃຫ້ສຳເລັດຕາມລະດັບຄາດໝາຍ.

ກອງ​ປະຊຸມ​ຄະນະ​ກຳມາ​ທິການ​ຊາຍ​ແດນຮ່ວມລາວ-​ໄທ ຄັ້ງ​ທີ 11 - WhatsApp Image 2020 05 27 at 5 - ກອງ​ປະຊຸມ​ຄະນະ​ກຳມາ​ທິການ​ຊາຍ​ແດນຮ່ວມລາວ-​ໄທ ຄັ້ງ​ທີ 11
ກອງ​ປະຊຸມ​ຄະນະ​ກຳມາ​ທິການ​ຊາຍ​ແດນຮ່ວມລາວ-​ໄທ ຄັ້ງ​ທີ 11 - WhatsApp Image 2020 05 27 at 5 - ກອງ​ປະຊຸມ​ຄະນະ​ກຳມາ​ທິການ​ຊາຍ​ແດນຮ່ວມລາວ-​ໄທ ຄັ້ງ​ທີ 11
error: Alert: ເນື້ອຫາຂ່າວມີລິຂະສິດ !!