ປະ​ກວດ​ສິ່ງ​ປະດິດ​ດ້ານເຕັກ​ໂນ​ໂລ​ຊີ​ສີຂຽວ

ປະ​ກວດ​ສິ່ງ​ປະດິດ​ດ້ານເຕັກ​ໂນ​ໂລ​ຊີ​ສີຂຽວ - lao greentech contest - ປະ​ກວດ​ສິ່ງ​ປະດິດ​ດ້ານເຕັກ​ໂນ​ໂລ​ຊີ​ສີຂຽວ
ປະ​ກວດ​ສິ່ງ​ປະດິດ​ດ້ານເຕັກ​ໂນ​ໂລ​ຊີ​ສີຂຽວ - AGL banner - ປະ​ກວດ​ສິ່ງ​ປະດິດ​ດ້ານເຕັກ​ໂນ​ໂລ​ຊີ​ສີຂຽວ

ວັນ​ທີ 20 ມັງກອນ​ນີ້, ບໍລິສັດ ຮິຕະຊິ ​ໂຊ​ເຊັນ ຮ່ວມກັບ​ກະຊວງ​ພະລັງງານ ​ແລະ ບໍ່​ແຮ່, ​ໄດ້​ຈັດການ​ແຂ່ງຂັນ​ປະ​ກວດກາ​ນປະດິດ​ເຕັກ​ໂນ​ໂລ​ຊີສີຂຽວ ລາວ​ກຣິນ​ເທັກ ຢູ່​ສູນບູ​ໂດລາວ-ຍີ່ປຸ່ນນະຄອນຫລວງ​ວຽງຈັນ, ​ໂດຍ​ການ​ເຂົ້າ​ຮ່ວມ​​ຂອງ​ທ່ານ ສີ​ນາວາ ສຸພາ​ນຸວົງ ຮອງ​ລັດຖະມົນຕີ​ກະຊວງພະລັງງານ​ ​ແລະ ບໍ່​ແຮ່, ພ້ອມທັງ​ມີ​ຄຳ​ເຫັນວ່າ: ​ການ​ປະ​ກວດຄັ້ງ​ນີ້, ຈັດຂຶ້ນ​ເພື່ອ​ປູກ​ຈິດ​ສຳນຶກໃນດ້ານສິ່ງ​ແວດ​ລ້ອມ ​ແລະ ຄວາມ​ສຳຄັນ​ຂອງ​ການຄ້ຳປະກັນ​ຄວາ​ມໝັ້ນຄົງ​ທາງ​ດ້ານ​ພະລັງງານຢູ່ລາວ ​ໃຫ້ທົ່ວສັງຄົມໄດ້ຮັບຮູ້ຫລາຍຂຶ້ນຕື່ມ, ທັງເປັນການສ້າງ​ໂອກາດ​ໃຫ້ນັກຮຽນ-​ນັກ​ສຶກສາ​ຈາກ​ມະຫາວິທະຍາ​ໄລ ແລະ ສະຖາບັນການສຶກສາຕ່າງໆເຫັນໄດ້ຄວາມສໍາຄັນຂອງ​ບັນຫາ​ສິ່ງ​ແວດ​ລ້ອມ ​ແລະ ພະລັງງານ​ສະອາດ, ນັກ​ສຶກສາ​ຈະ​ສ້າງ​ຕົວ​ແບບ​ເພື່ອ​ນຳ​ສະ​ເຫ​ນີ​ແນວ​ຄວາມ​ຄິດ​ຂອງຕົນ ​ແລະ ຍັງ​ສ້າງ​ໂອກາດ​ໃຫ້​ທຸກ​ຄົນ​ໄດ້​ແລກປ່ຽນທັດສະນະ​ກ່ຽວກັບ​ບັນຫາ​ເສດຖະກິດ-ສັງຄົມ ​ແ​ລະ ນຶກເຫັນ​ອານາ​ຄົດ​ຂອງ​ການ​ນຳ​ໃຊ້​ພະລັງງານ​ສະອາດ ທີ່​ເປັນ​ມິດ​ກັບສິ່ງ​ແວດ​ລ້ອມ, ນອກ​ນີ້, ບໍລິສັດ ຮິຕະຊິ ​ໂຊ​ເຊັນ ຍັງ​ນຳ​ສະ​ເໜີ​ເຕັກ​ໂນ​ໂລ​ຊີ ສຳລັບ​ການ​ພັດທະນາ​ພະລັງງານ​ສີຂຽວອີກດ້ວຍ.

ຄະນະ​ຈັດການ​ປະ​ກວດ ​ໃຫ້​ຮູ້​ວ່າ: ການ​ປະ​ກວດ​ສິ່ງ​ປະດິດ​ຄັ້ງ​ນີ້, ​ແມ່ນ​ມີ​ທີ​ມນັກ​ສຶກສາ​ເຂົ້າ​ຮ່ວມກວ່າ 10 ທີ​ມ ຈາກ​​ມະຫາວິທະຍາ​ໄລ ​ແລະ ສະ​ຖາ​ບັນ​ການ​ສຶກສາຢູ່ນະຄອນຫລວງ​ວຽງຈັນ, ຊຶ່ງ​ໄດ້​ນຳ​ເອົາ​ສິ່ງ​ປະດິດທີ່​ເສດ​ເຫລືອ​ມາໝູນ​ໃຊ້​ເຂົ້າ​ໃນ​ການ​ຜະລິດ​ເຕັກ​ໂນ​ໂລ​ຊີທີ່​ເປັນ​ມິດຕໍ່ສິ່ງ​ແວດ​ລ້ອມ, ​ໂດຍ​ທີ​ມຊະນະ​ເລີດ​ຄ້ວາ​ລາງວັນ​ພັດທະນາ​ດີ​ເດັ່ນ​ແມ່ນ​ທີ​ມຈາກ​ຄະນະ​ວິສະວະກຳ​ສາດ, ຊຶ່ງ​ໄດ້​ປະດິດ​ເຄື່ອງ​ດັນ​ນ້ຳຕິດ​ຕັ້ງ​ຢູ່​ຕາມ​ຫ້ວຍ ​ຫລື ໜອງ ທີ່​ມີ​ລະດັບນໍ້າ​ຕ່າງ​ກັນ ​ເພື່ອ​ອາ​ໃສ​ການ​ໄຫລ​ຂອງນ້ຳ​ເປັນ​ແຮງ​ດັນ​ໄປ​ສູ່​ເຄື່ອງ​ດັນ​ສົ່ງ​ນ້ຳ​ໄປ​ສູ່​ທີ່​ສູງ ​ເພື່ອໝູນ​ໃຊ້​ເຂົ້າ​ໃນ​ວຽກງງານ​ການ​ກະ​ເສດ, ຫລຸດຜ່ອນ​ການ​ນຳ​ໃຊ້​ພະລັງງານ​ໄຟຟ້າ ​ແລະ ​ເຊື້ອ​ເພີງຕ່າງໆ, ທັງຫລຸດຜ່ອນ​ແຮງ​ງານ ​ແລະ ຫລຸດຜ່ອນ​ຄ່າ​ໃຊ້​ຈ່າຍ​ການ​ຊື້ອຸປະກອນ ແລະ ເຄື່ອງມືອື່ນໆອີກດ້ວຍ.

ປະ​ກວດ​ສິ່ງ​ປະດິດ​ດ້ານເຕັກ​ໂນ​ໂລ​ຊີ​ສີຂຽວ - Wave100S AD to Website 2020 0 - ປະ​ກວດ​ສິ່ງ​ປະດິດ​ດ້ານເຕັກ​ໂນ​ໂລ​ຊີ​ສີຂຽວ
ປະ​ກວດ​ສິ່ງ​ປະດິດ​ດ້ານເຕັກ​ໂນ​ໂລ​ຊີ​ສີຂຽວ - lattana 1 - ປະ​ກວດ​ສິ່ງ​ປະດິດ​ດ້ານເຕັກ​ໂນ​ໂລ​ຊີ​ສີຂຽວ
error: Alert: Content is protected !!