ນອນບໍ່ເຖິງ 6 ຊົ່ວໂມງຕໍ່ຄືນເຮັດໃຫ້ສະໝອງເຮັດວຽກບໍ່ດີ

ນອນບໍ່ເຖິງ 6 ຊົ່ວໂມງຕໍ່ຄືນເຮັດໃຫ້ສະໝອງເຮັດວຽກບໍ່ດີ - 032201 2018 - ນອນບໍ່ເຖິງ 6 ຊົ່ວໂມງຕໍ່ຄືນເຮັດໃຫ້ສະໝອງເຮັດວຽກບໍ່ດີ
ນອນບໍ່ເຖິງ 6 ຊົ່ວໂມງຕໍ່ຄືນເຮັດໃຫ້ສະໝອງເຮັດວຽກບໍ່ດີ - Untitled design - ນອນບໍ່ເຖິງ 6 ຊົ່ວໂມງຕໍ່ຄືນເຮັດໃຫ້ສະໝອງເຮັດວຽກບໍ່ດີ

ຜົນວິໄຈພົບວ່າ : ຄົນທີ່ນອນຫລັບໜ້ອຍກ່ວາມື້ລະ 6 ຊົ່ວໂມງ ສ່ຽງເປັນພະຍາດເສັ້ນເລືອດສະໝອງຕີບ ເຖິງວ່າຈະມີສຸຂະພາບດີກໍຕາມ. ນັກວິໄຈບອກວ່າ : ຄົນໃນໄວກາງຄົນເຊິ່ງນອນໜ້ອຍມີໂອກາດສ່ຽງຫລາຍຂຶ້ນທີ່ຈະມີອາການເສັ້ນເລືອດສະໝອງຕີບ ເມື່ອປຽບທຽບກັບຄົນທີ່ນອນຢ່າງໜ້ອຍ 9 ຊົ່ວໂມງ ເຖິງຈະມີນຳ້ໜັກໂຕເໝາະສົມ ແລະ ຄອບຄົວບໍ່ມີປະຫວັດເປັນພະຍາດນີ້.

ຜູ້ວິໄຈຂອງມະຫາວິທະຍາໄລ ແອລະແບມາ ໄດ້ຕິດຕາມສຸຂະພາບຂອງຜູ້ຮ່ວມໂຄງການກ່ວາ 5.000 ຄົນ ເຊິ່ງມີອາຍຸລະຫ່ວາງ 45 ປີ ຈົນເຖິງໄວກະສຽນເປັນເວລາ 3 ປີ ຄົນທີ່ນອນບໍ່ເຖິງມື້ລະ 6 ຊົ່ວໂມງມີທ່າອ່ຽງຈະມີອາການຫລາຍຢ່າງ ເຊັ່ນ : ຈັງ, ຊາ, ເຄິ່ງໜຶ່ງຂອງຮ່າງກາຍອ່ອນແຮງ, ວິນຫົວໜ້າມືດ ຫລື ຢູ່ດີໆກໍບໍ່ສາມາດເວົ້າ ຫລື ຂຽນໄດ້.

ຜູ້ເຂົ້າຮ່ວມໄດ້ຖືກແບ່ງເປັນ 5 ກຸ່ມຕາມຈຳນວນຊົ່ວໂມງຂອງການນອນຫລັບ ຄົນເຫລົ່ານີ້ໄດ້ລາຍງານອາການຂອງຕົນເອງທຸກໆ 6 ເດືອນ. ເວີຈິເນຍ ໂຮເວີດ ສາສະດາຈານດ້ານລະບາດວິທະຍາ ບອກວ່າ : ຜູ້ຄົນຈຳນວນຫລາຍມີອາການເຫລົ່ານີ້ແຕ່ບໍ່ຮູ້ ໂຕວ່າເປັນອາການເລີ່ມຕົ້ນຂອງເສັ້ນເລືອດສະໝອງຕີບ ເວລາໄປໂຮງໝໍກໍບໍ່ໄດ້ບອກທ່ານໝໍ.

ນິໄສໃນການນອນຈະຍິ່ງເຮັດໃຫ້ອາການຮຸນແຮງຂຶ້ນ ເຊິ່ງຈະນຳໄປສູ່ອາການເສັ້ນເລືອດໃນສະໝອງຕີບ. ວຽກງານວິໄຈຂອງມະຫາວິທະຍາໄລອໍຣິກໃນອັງກິດໃນປີກາຍນີ້ ເຊິ່ງສຶກສາຄົນປ່ວຍ 1 ແສນຄົນ ລະບຸວ່າ : ການອົດນອນມີຄວາມກ່ຽວຂ້ອງກັບອາການເສັ້ນເລືອດສະໝອງຕີບ ແລະ ພະຍາດຫົວໃຈ,​ ແຕ່ວຽກງານວິໄຈນີ້ເນັ້ນໃສ່ອາການເລີ່ມຕົ້ນຂອງເສັ້ນເລືອດສະໝອງຕີບ ເຊິ່ງມັກຖືກເບິ່ງຂ້າມໄປ.

ນອນບໍ່ເຖິງ 6 ຊົ່ວໂມງຕໍ່ຄືນເຮັດໃຫ້ສະໝອງເຮັດວຽກບໍ່ດີ - Wave100S AD to Website 2020 0 - ນອນບໍ່ເຖິງ 6 ຊົ່ວໂມງຕໍ່ຄືນເຮັດໃຫ້ສະໝອງເຮັດວຽກບໍ່ດີ

ທີມວິໄຈຂອງສາສະດາຈານ ໂຮເວີດ ມີແຜນຈະຕິດຕາມສະຂຸພາບຂອງຜູ້ເຂົ້າຮ່ວມເຫລົ່ານີ້ຕໍ່ໄປອີກຫລາຍປີ ເພື່ອເບິ່ງອັດຕາການເປັນອາການນີ້ ແລະ ເບິ່ງວ່າກວດພົບອາການແຕ່ຫົວທີ ຈະເປັນປະໂຫຍດຫລືບໍ່. ແນວໃດກໍຕາມ, ການນອນໜ້ອຍກ່ວາ 6 ຊົ່ວໂມງເປັນປະຈຳ ຫລື ນອນຫລາຍເກີນ 9 ຊົ່ວໂມງ ເພີ່ມຄວາມສ່ຽງຕໍ່ອາການເສັ້ນເລືອດສະໝອງຕີບ, ແຕ່ທັງໝົດນີ້ກໍຍັງຕ້ອງມີການສຶກສາຕື່ມ.

ນອນບໍ່ເຖິງ 6 ຊົ່ວໂມງຕໍ່ຄືນເຮັດໃຫ້ສະໝອງເຮັດວຽກບໍ່ດີ - WhatsApp Image 2020 05 27 at 5 - ນອນບໍ່ເຖິງ 6 ຊົ່ວໂມງຕໍ່ຄືນເຮັດໃຫ້ສະໝອງເຮັດວຽກບໍ່ດີ
ນອນບໍ່ເຖິງ 6 ຊົ່ວໂມງຕໍ່ຄືນເຮັດໃຫ້ສະໝອງເຮັດວຽກບໍ່ດີ - WhatsApp Image 2020 05 27 at 5 - ນອນບໍ່ເຖິງ 6 ຊົ່ວໂມງຕໍ່ຄືນເຮັດໃຫ້ສະໝອງເຮັດວຽກບໍ່ດີ
error: Alert: ເນື້ອຫາຂ່າວມີລິຂະສິດ !!