ແຜ່ນດິນໄຫວມາເຖິງຕົວເຮົາແລ້ວ

ແຜ່ນດິນໄຫວມາເຖິງຕົວເຮົາແລ້ວ - 2444 - ແຜ່ນດິນໄຫວມາເຖິງຕົວເຮົາແລ້ວ
ແຜ່ນດິນໄຫວມາເຖິງຕົວເຮົາແລ້ວ - Untitled design - ແຜ່ນດິນໄຫວມາເຖິງຕົວເຮົາແລ້ວ

ໂດຍ: ກ້ອງສ່ອງ ອິດສະຫລະ

ເວົ້າເລື່ອງແຜ່ນດິນໄຫວ ໃນຜ່ານມາ, ເຮົາເຄີຍໄດ້ຍິນເຂົາ ຊ່າກັນຢູ່ແຕ່ບ້ານເພິ່ນ, ໂດຍສະ ເພາະຢູ່ແຖວເອີລົບ, ອາຊີ ຫລື ວ່າຢູ່ບັນດາປະເທດອ້ອມຂ້າງ ເຊັ່ນ: ມຽນມາ, ຈີນ, ຍີ່ປຸ່ນ ແລະ ປະເທດອື່ນໆ. ມາບັດນີ້ແມ່ນມາ ຖືກບ້ານເຮົາແລ້ວດັ່ງວັນທີ 14 ມັງກອນຜ່ານມາມີປະກົດການແຜ່ນດິນໄຫວຢູ່ເມືອງຄຳເກີດ, ແຂວງບໍລິຄຳໄຊ, ເຊິ່ງມີຄວາມ ແຮງສັ່ນສະເທືອນ ຢູ່ທີ່ລະດັບ 4,8 ຣິກເຕີ. ຍັງໄຄແດ່ແຕ່ວ່າບໍ່ ເຖິງຂັ້ນອັນຕະລາຍປານໃດ. ຖ້າຢູ່ໃນຂັ້ນ 6 ຫລື 7 ຣິກເຕີຂຶ້ນ ໄປແລ້ວກໍມີຫວັງປະສົບໄພອັນຕະລາຍຮ້າຍແຮງ. ຕອນຜູ້ຂຽນ ຍັງຮຽນຢູ່ປະເທດຫວຽດນາມ ໃນຊຸມປີ 1980 ກໍ່ເກີດມີຢູ່ກະ ໂຕນະຄອນຫລວງຮ່າໂນ້ຍ, ເຊິ່ງ ມີຄວາມແຮງສັ່ນສະເທືອນລະ ດັບ 5 ຣິກເຕີ. ແຕ່ເປັນຈັ່ງບຸນບໍ່ ມີເຮືອນຊານຕຶກອາຄານ ເພພັງ ແລະ ບໍ່ມີຄົນເຈັບຄົນຕາຍຍ້ອນ ເພາະການສັ່ນສະເທືອນພຽງວິ ນາທີກໍມິດໄປ. ເທົ່າທີ່ຜູ້ຂຽນໄດ້ ປະສົບພົບພໍ້ຕົວຈິງໃນຄັ້ງນັ້ນ, ກ່ອນຈະມີແຜ່ນດິນໄຫວສັ່ນສະ ເທືອນໄດ້ຍິນສຽງ ແຕກດັງກຶກ ກ້ອງຢູ່ພື້ນດິນຄ້າຍຄືສຽງປືນ 105 ມໍໆດັງໄກໆ, ຈາກນັ້ນກໍມີ ແຜ່ນດິນສັ່ນສະເທືອນຕາມມາ. ຕາມສະພາບທີ່ມັນເຄີຍເກີດຢູ່ ຕ່າງປະເທດນັ້ນຖ້າແຮງສັ່ນ ສະເທືອນເຖິງ 6 ຫາ 7 ຣິກເຕີຂຶ້ນ ໄປແລ້ວມັນຈະເຮັດໃຫ້ເຮືອນ ຊານບ້ານຊ່ອງ, ຕຶກອາຄານ ຫລາຍຊັ້ນເພພັງທະລາຍຢ່າງ ຮາບຄາບ, ຖ້າຜູ້ຄົນບໍ່ສາມາດ ຮູ້ກ່ອນລ່ວງໜ້າ ຫລື ປົບບໍ່ທັນ ກໍເປັນອັນວ່າ ຖືກເຮືອນຊານຕຶກ ອາຄານເພພັງຖັບຖົມຕາຍເປັນ ຮ້ອຍເປັນພັນ. ນີ້ຄືຄວາມອັນ ຕະລາຍຫາຍຍານະຂອງໄພພິ ບັດແຜ່ນດິນໄຫວທີ່ໄດ້ເກີດຂຶ້ນ ໃນພື້ນພິພົບຂອງເຮົາ.

 

ແຜ່ນດິນໄຫວມາເຖິງຕົວເຮົາແລ້ວ - image 300x194 - ແຜ່ນດິນໄຫວມາເຖິງຕົວເຮົາແລ້ວ
(ພາບປະກອບ)

+ ລາວຈະມີສະຖານີວັດແທກແຜ່ນດິນໄຫວ

+ ແຜ່ນດິນໄຫວຢູ່ຈີນມີຜູ້ເສຍຊີວິດແລ້ວ 13 ຄົນ ບາດເຈັບອີກ 164 ຄົນ

ແຜ່ນດິນໄຫວມາເຖິງຕົວເຮົາແລ້ວ - Wave100S AD to Website 2020 0 - ແຜ່ນດິນໄຫວມາເຖິງຕົວເຮົາແລ້ວ

ເມື່ອຕັ້ງໂຈດກັນ ວ່າປະກົດ ການແຜ່ນດິນໄຫວມັນເກີດມາຈາກສາເຫດອັນໃດ? ຕາມທັດ ສະນະຂອງຜູ້ຂຽນຕອບກໍຄືມີ ຜົນສະທ້ອນມາຈາກການປ່ຽນແປງຂອງໂລກ ຫລື ເວົ້າຢ່າງ ໜຶ່ງກໍແມ່ນການປ່ຽນແປງຂອງ ດິນຟ້າອາກາດ. ສາເຫດທີ່ເຮັດ ໃຫ້ໜ່ວຍໂລກມີການປ່ຽນຢ່າງ ໄວວາໜຶ່ງປັດໄຈກໍ ຄືມະນຸດເຮົາ ໄດ້ທຳລາຍ ແລະ ບຸກລຸກໜ່ວຍ ໂລກໄປທີລະໜ້ອຍ. ເປັນຕົ້ນ ການພັດທະນາໃນດ້ານເຕັກໂນ ໂລຊີເປັນເງື່ອນໄຂເຮັດໃຫ້ໂລກ ມີຄວາມກົດດັນເກີດສະພາວະ ໂລກຮ້ອນຫລາຍ, ໜາວຫລາຍ, ເກີດພາຍຸ, ເກີດແລ້ງ, ເກີດຖ້ວມ ແລະ ເກີດແຜ່ນ ດິນຍະ, ແຜ່ນ ດິນໄຫວ ແລະ ອື່ນໆ, ເຊິ່ງທັງ ໝົດນີ້ເຮົາເອີ້ນວ່າ ໄພພິບັດຈາກ ທຳມະຊາດ.

ສະເພາະເຫດການແຜ່ນ ດິນໄຫວຢູ່ເມືອງຄຳເກີດໃນຄັ້ງນີ້ອາດເປັນພຽງຄວາມຮູ້ສຶກ ຫລາຍເຕີບ, ແຕ່ບໍ່ທັນເຖິງຂີດ ຂັ້ນອັນຕະລາຍພຽງ 4,8 ຣິກ ເຕີ, ຖ້າເວົ້າຕາມຄວາມເຊື່ອກໍຖື ວ່າຍັງມີບຸນຊ່ວຍ. ແຕ່ຖ້າເກີດ ໃນລະດັບຮຸນແຮງອັນຕະລາຍກໍຍັງຖືວ່າແຖວນັ້ນຍັງເປັນເຂດຊົນນະບົດເຮືອນຊານບ້ານຊ່ອງ ຂອງປະຊາຊົນສ່ວນຫລາຍ ເປັນເຮືອນວິນລາຊັ້ນດຽວ ຫລື ຖ້າຜູ້ມີເຮືອນສູງກໍ່ພຽງສອງ ຊັ້ນ, ສາມຊັ້ນບໍ່ທັນມີຕຶກອາ ຄານສູງສຽດຟ້າ.

ແຕ່ຖ້າໃນກໍລະນີຫາກ ແມ່ນແຜ່ນດິນຍະຢູ່ບໍ່ຢູ່ກໍລຸບລົງ ເພພັງທະລັງທະລາຍກໍອາດ ຈະປະສົບການເສຍຫາຍຢ່າງໜັກໜ່ວງເໝືອນກັນ.
ເວົ້າເລື່ອງໄພພິບັດຈາກ ທຳມະຊາດໃນຍຸກປັດຈຸບັນບໍ່ ວ່າປະເທດໃດກໍປະສົບບັນຫາ ຫລາຍດ້ານ, ຕ່າງແຕ່ວ່າໃຜ ຫລາຍໃຜໜ້ອຍ. ຍັງໄຄແດ່ແຕ່ ບ້ານເຮົາບໍ່ມີທະເລຖ້າບໍ່ດັ່ງນັ້ນ ກໍຈະມີຫລາຍເຫດການທີ່ເຮົາ ຄາດບໍ່ເຖິງ ແລະ ປະສົບພົບພໍ້. ສ່ວນວ່າວິທີຫລີກເວັ້ນກັບໄພພິ ບັດນີ້ກໍພໍມີທາງອອກຢູ່ຄື: ການ ຮັກສາໂລກໜ່ວຍນີ້ໃຫ້ສົດໃສ, ຈະເຮັດຫຍັງລົງໄປກໍຕ້ອງຄິດ ເຫັນຄວາມຍືນຍົງ, ຄິດເຫັນໝູ່ ຄິດເຫັນເຮົາ, ຄິດເຫັນບ້ານເພິ່ນ ບ້ານໂຕ, ພ້ອມກັນຢູ່ດ້ວຍຄວາມ ສຸກ, ບໍ່ປະຫັດປະຫານກັນ, ບໍ່ຕັດ ໄມ້ທຳລາຍປ່າ, ບໍ່ໃຫ້ມີໝື້ມີຄວັນ ຫລາຍ, ເພາະມັນຈະເປັນຄວາມ ຮ້ອນເຜົາໂລກ, ບໍ່ໃຫ້ມີເສິກສົງ ຄາມຂ້າຟັນລັນແທງກັນ, ບໍ່ໃຫ້ ແຂ່ງຂັນກັນຜະລິດອາວຸດນິວ ເຄັຼຍ, ບໍ່ພາກັນຂຸດເອົາແຮ່, ເອົາ ເງິນເອົາຄຳດັ້ນລົງພື້ນດິນ ແລະ ອື່ນໆ. ທັງໝົດທີ່ເຮົາເວົ້າມານີ້ ລ້ວນແລ້ວແຕ່ເປັນປັດໄຈ ແລະ ເງື່ອນໄຂທຳລາຍຄວາມສົມດູນຂອງໜ່ວຍໂລກ.

ໃນຍຸກສະໄໝ ປັດຈຸບັນຄົນ ເຮົາມັນເຫັນແກ່ຜົນປະໂຫຍດ ສ່ວນຕົວຈົນເກີນເຫດແລ້ວກໍ່ ເກີດຄວາມໂກດ, ຄວາມໂລບ, ຄວາມຫລົງຊ່ວງຊິງກັນຫາແຕ່ຜົນປະໂຫຍດ, ບາງຄົນກໍ່ຜະ ລິດອາວຸດແລ້ວໄປຍົວະຜູ້ອື່ນ ຂ້າກັນຕາຍ, ຜູ້ໄດ້ຂາຍແມ່ນຮັ່ງ, ບາງຄົນກໍຜະລິດຢາບ້າຄ້າເອົາ ເງິນໃຜຊິຕາຍຊິຍັງບໍ່ກ່ຽວ, ບາງ ຄົນກໍຊອກດັ້ນດິນກິນໄມ້ໃຜຊິ ເປັນແນວໃດກໍສຸດແລ້ວ ແລະ ບັນຫາອື່ນໆ ສັບມະປີເອົາແຕ່ຜູ້ ຈະເຮັດ. ແຕ່ສຸດທ້າຍສິ່ງເລົ່າ ນັ້ນກໍກັບມາທຳລາຍເຮົາ, ເຊິ່ງ ຄົນທັງຫລາຍພາກັນເອີ້ນວ່າ ກຳສະໜອງກຳຜູ້ບໍ່ໄດ້ຫຍັງ ນຳໝູ່ກໍກາຍເປັນແພະຮັບເຄາະ ໄປຕາມໆກັນ. ນີ້ເອີ້ນວ່າມະນຸດ ທຳລາຍໂລກ, ໂລກກໍທຳລາຍ ມະນຸດ./.

ແຜ່ນດິນໄຫວມາເຖິງຕົວເຮົາແລ້ວ - 2444 - ແຜ່ນດິນໄຫວມາເຖິງຕົວເຮົາແລ້ວ
(ພາບປະກອບ)
ແຜ່ນດິນໄຫວມາເຖິງຕົວເຮົາແລ້ວ - WhatsApp Image 2020 05 27 at 5 - ແຜ່ນດິນໄຫວມາເຖິງຕົວເຮົາແລ້ວ
ແຜ່ນດິນໄຫວມາເຖິງຕົວເຮົາແລ້ວ - WhatsApp Image 2020 05 27 at 5 - ແຜ່ນດິນໄຫວມາເຖິງຕົວເຮົາແລ້ວ
error: Alert: ເນື້ອຫາຂ່າວມີລິຂະສິດ !!