ອະດີດຜູ້ບໍລິຫານ ປິໂຕຣຫວຽດນາມ ຖືກຈຳຄຸກຕະຫລອດຊີວິດ ຂໍ້ຫາສໍ້ລາດບັງຫລວງ

ອະດີດຜູ້ບໍລິຫານ ປິໂຕຣຫວຽດນາມ ຖືກຈຳຄຸກຕະຫລອດຊີວິດ ຂໍ້ຫາສໍ້ລາດບັງຫລວງ - THanh1 1516594162 680x0 - ອະດີດຜູ້ບໍລິຫານ ປິໂຕຣຫວຽດນາມ ຖືກຈຳຄຸກຕະຫລອດຊີວິດ ຂໍ້ຫາສໍ້ລາດບັງຫລວງ
ອະດີດຜູ້ບໍລິຫານ ປິໂຕຣຫວຽດນາມ ຖືກຈຳຄຸກຕະຫລອດຊີວິດ ຂໍ້ຫາສໍ້ລາດບັງຫລວງ - Untitled design - ອະດີດຜູ້ບໍລິຫານ ປິໂຕຣຫວຽດນາມ ຖືກຈຳຄຸກຕະຫລອດຊີວິດ ຂໍ້ຫາສໍ້ລາດບັງຫລວງ

ສານ​ປະຊາຊົນ​ໃນ​ນະຄອນຫລວງ​ຮ່າ​ໂນ້ຍພິພາກສາ​ໃຫ້​ອະດີດ​ຜູ້​ບໍລິຫານ​ຂອງ​ປີ​ໂຕຣຫວຽດນາມ ​ເຊິ່ງ​ເຄີຍ​ພະຍາຍາມ​ຂໍ​ລີ້​ໄພ​ໃນ​ເຢຍລະ​ມັນ ຮັບ​ໂທດ​ຈຳ​ຄຸກ​ຕະຫລອດ​ຊີວິດ​ໃນ​ຂໍ້​ຫາ​ຢັກ​ຢອກ​ເງິນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ຮ່າ​ໂນ້ຍ ສສ ຫວຽດນາມ ​ໃນ​ວັນ​ທີ 22 ມັງກອນ​ວ່າ: ສານ​ປະຊາຊົນ​ນະຄອນຫລວງ​ຮ່າ​ໂນ້ຍມີ​ຄຳ​ພິພາກສາ​ໃນ​ວັນ​ທີ 22 ມັງກອນ ​ໃຫ້​ທ້າວ ຈິງ ສວນ ຖັນ ອາຍຸ 51 ປີ ອະດີດ​ຜູ້​ບໍລິຫານ​ລະດັບ​ສູງ​ຂອງ​ບໍລິສັດ​ກໍ່ສ້າງ​ປີ​ໂຕຣຫວຽດນາມ (PVC) ​ເຊິ່ງ​ເປັນ​ບໍລິສັດ​ໃນ​ເຄືອ​ຂອງ​ປີ​ໂຕຣຫວຽດນາມ ລັດ​ວິ​ສາ​ຫະກິດ​ດ້ານ​ພະລັງງານ​ແຫ່ງ​ຊາດ ຮັບ​ໂທດ​ຈຳ​ຄຸກ​ເປັນ​ເວລາ 13 ປີ ຈາກ​ຄວາມ​ຜິດ​ໃນ​ຂໍ້​ຫາ​ບໍລິຫານ​ຈັດການ​ຜິດພາດ ​ແລະ ຮັບ​ໂທດ​ຈຳ​ຄຸກ​ຕະຫລອດ​ຊີວິດ​ຈາກ​ຄວາມ​ຜິດ​ໃນ​ຂໍ້​ຫາ​ຢັກ​ຢອກ​ເງິນ.

ອະດີດຜູ້ບໍລິຫານ ປິໂຕຣຫວຽດນາມ ຖືກຈຳຄຸກຕະຫລອດຊີວິດ ຂໍ້ຫາສໍ້ລາດບັງຫລວງ - Wave100S AD to Website 2020 0 - ອະດີດຜູ້ບໍລິຫານ ປິໂຕຣຫວຽດນາມ ຖືກຈຳຄຸກຕະຫລອດຊີວິດ ຂໍ້ຫາສໍ້ລາດບັງຫລວງ

ທັງ​ນີ້ ການ​ຢັກ​ຢອກ​ເງິນ​ຈາກ​ໜ່ວຍ​ງານ​ລັດ​ຖື​ເປັນຄວາມ​ຜິດ​ອາຍາ​ຮ້າຍ​ແຮງ​ຕາມ​ກົດໝາຍ​ຂອງ​ຫວຽດນາມ ທີ່​ມີ​ບົດ​ລົງ​ໂທດ​ສູງ​ສຸດ​ຄື​ປະຫານ​ຊີວິດ, ​ແຕ່​ໄອ​ຍະ​ການ​ຍື່ນ​ຄຳ​ຮ້ອງ​ຂໍ​ໃຫ້​ຜູ້​ພິພາກສາ​ພິຈາລະນາ​ບົດ​ລົງ​ໂທດ​ຈຳ​ຄຸກ​ຕະຫລອດ​ຊີວິດ​ແກ່​ຈຳ​ເລີຍ​ແທນ.

ຂະນະ​ທີ່​ຈຳ​ເລີຍ​ຄົນ​ສຳຄັນ​ອີກ​ຄົນ​ໜຶ່ງ ຄື​ທ້າວ ດິງ ຫລ່າ ຖັງ ອາຍຸ 57 ປີ ອະດີດ​ສະມາຊິກ​ຄະນະ​ກຳມະການ​ກົມ​ການ​ເມືອງ​ຂອງ​ພັກ​ກອມ​ມູນິດ​ຫວຽດນາມ ​ເຊິ່ງ​ເຄີຍ​ດຳລົງ​ຕຳ​ແໜ່​ງປະທານ PVC ​ໄດ້​ຮັບ​ການ​ພິພາກສາ​ໃຫ້​ຮັບ​ໂທດ​ຈຳ​ຄຸກ​ເປັນ​ເວລາ 13 ປີ ຈາກ​ຄວາມ​ຜິດ​ຖານ​ໃຊ້​ອຳນາດ​ບໍ່​ຖືກຕ້ອງ. ນອກຈາກ​ນີ້ ການ​ປະກາດ​ຄຳ​ຕັດສິນ​ຂອງ​ສານ​ປະຊາຊົນ​ນະຄອນຫລວງ​ຮ່າ​ໂນ້ຍຕໍ່​ຄະດີ​ສໍ້​ລາດ​ບັງ​ຫລວງ​ພາຍ​ໃນ​ປີ​ໂຕຣຫວຽດນາມ​ເທື່ອ​ນີ້ ທີ່​ມີ​ການ​ລະບຸ​ໃນ​ສຳນວນ​ວ່າ​ສ້າງ​ຄວາມ​ເສຍ​ຫາຍ​ໃຫ້​ແກ່​ເສດຖະກິດ​ຫວຽດນາມ​ສູງ​ເຖິງ 52 ລ້ານ​ໂດ​ລາ​ສະຫະລັດ, ມີ​ຈຳ​ເລີຍ​ລວມ 20 ຄົນ ​ເຊິ່ງຮັບ​ໂທດ​ຈຳ​ຄຸກ​ຫລຸ​ດລື່ນ​ກັນ​ຕາມ​ລະດັບ​ຄວາມ​ຜິດ ຄື​ລະຫວ່າງ 13 ​ເດືອນ ​ເຖິງ 22 ປີ ​ແລະ ຈຳ​ເລີ​ຍບາງ​ຄົນ​ໄດ້​ຮັບ​ການ​ລໍລົງ​ອາຍາ.

ອະດີດຜູ້ບໍລິຫານ ປິໂຕຣຫວຽດນາມ ຖືກຈຳຄຸກຕະຫລອດຊີວິດ ຂໍ້ຫາສໍ້ລາດບັງຫລວງ - WhatsApp Image 2020 05 27 at 5 - ອະດີດຜູ້ບໍລິຫານ ປິໂຕຣຫວຽດນາມ ຖືກຈຳຄຸກຕະຫລອດຊີວິດ ຂໍ້ຫາສໍ້ລາດບັງຫລວງ
ອະດີດຜູ້ບໍລິຫານ ປິໂຕຣຫວຽດນາມ ຖືກຈຳຄຸກຕະຫລອດຊີວິດ ຂໍ້ຫາສໍ້ລາດບັງຫລວງ - WhatsApp Image 2020 05 27 at 5 - ອະດີດຜູ້ບໍລິຫານ ປິໂຕຣຫວຽດນາມ ຖືກຈຳຄຸກຕະຫລອດຊີວິດ ຂໍ້ຫາສໍ້ລາດບັງຫລວງ
error: Alert: ເນື້ອຫາຂ່າວມີລິຂະສິດ !!