ຜູ້​ສຳ​ປະທານ​ຢືນຢັນບຸນວັດພູປີນີ້ຈະບໍ່ເກັບຄ່າເຂົ້າຊົມ

ຜູ້​ສຳ​ປະທານ​ຢືນຢັນບຸນວັດພູປີນີ້ຈະບໍ່ເກັບຄ່າເຂົ້າຊົມ - wat pou - ຜູ້​ສຳ​ປະທານ​ຢືນຢັນບຸນວັດພູປີນີ້ຈະບໍ່ເກັບຄ່າເຂົ້າຊົມ
ຜູ້​ສຳ​ປະທານ​ຢືນຢັນບຸນວັດພູປີນີ້ຈະບໍ່ເກັບຄ່າເຂົ້າຊົມ - Untitled design - ຜູ້​ສຳ​ປະທານ​ຢືນຢັນບຸນວັດພູປີນີ້ຈະບໍ່ເກັບຄ່າເຂົ້າຊົມ

ທ່ານນາງ ສົມເລັດ ໂພສາລາດ ປະທານກຸ່ມບໍລິສັດ ຍິ່ງໂຊກໄຊ ໃນນາມຜູ້ສໍາປະທານແຫຼ່ງທ່ອງທ່ຽວສະຖານບູຮານວັດພູຈໍາປາສັກ ມໍລະດົກໂລກ ໃຫ້ຮູ້ວ່າ: ປົກກະຕິ​ແລ້ວການເກັບຄ່າເຂົ້າຊົມສະຖານບູຮານວັດພູຈໍາປາສັກ ​ແມ່ນຄົນລາວເກັບ 20 ພັນກີບ ​ແລະ ຄົນຕ່າງປະເທດ 50 ພັນກີບຕໍ່ຄົນ ​ໃນ​ນີ້ລວມທັງຄ່າລົດໄຟຟ້ານໍາສົ່ງ, ຄ່າເຂົ້າຊົມຫ້ອງວາງສະແດງວັດພູ, ຫ້ອງນໍ້າ ແລະ ຄ່າໄວຟາຍ. ແຕ່ໃນໂອກາດບຸນນະມັດສະການຜາສາດຫີນວັດພູປີ 2018 ທີ່​ຈະ​ຈັດ​ຂຶ້ນໃນວັນທີ 29-31 ມັງກອນນີ້ ແມ່ນນະໂຍບາຍບໍ່ໄດ້ເກັບຄ່າເຂົ້າຊົມແຕ່ຢ່າງໃດ, ​ແຕ່ເພື່ອໃຫ້ມີລາຍຮັບໃນການບໍລິຫານໃຊ້ຈ່າຍປະດັບປະດາຕົກແຕ່ງ ລວມທັງນະໂຍບາຍຕໍ່ນັກສິລະປິນ ທັງພາຍໃນ ແລະ ຕ່າງປະເທດ ທີ່ມາຄົບງັນ, ຄ່າອະນາໄມ ແລະ ມອບພັນທະໃຫ້ລັດ, ທາງບໍລິສັດຈະໄດ້ເກັບເງິນນຳລົດທີ່ເຂົ້າມາໃນງານ ໃນລາຄາ​ຝາກລົດຈັກ 20 ພັນກີບ, ລົດ​ໃຫຍ່ ​ແລະ ທົ່ວໄປ 60 ພັນກີບ, ລົດໂດຍສານ 80 ພັນກີບຕໍ່ຄັນ.
ທ່ານ​ນາງ ສົມ​ເລັດ ກ່າວ​ອີກ​ວ່າ: ​ໃນ​ງານ​ຈະ​ມີຕະຫຼາດນັດວາງສະແດງ ແລະ ຈໍາໜ່າຍສິນຄ້າ ເຊິ່ງມີນັກທຸລະກິດ, ຜູ້ປະກອບການ ແລະ ຊາວຄ້າຂາຍທັງພາຍໃນ ແລະ ຕ່າງປະເທດຈະນໍາເອົາສິນຄ້າເຂົ້າມາຮ່ວມວາງສະແດງ, ຈໍາໜ່າຍ, ຊື້-ຂາຍ ມີທັງສິນຄ້າໜຶ່ງເມືອງໜຶ່ງຜະລິດຕະພັນ, ປະເພດພາຫະນະ, ເຄື່ອງຫຼິ້ນ, ເສື້ອຜ້າ, ເຄື່ອງສໍາອາງ, ໂທລະສັບ, ອາຫານສໍາເລັດຮູບ ແລະ ອື່ນໆ, ສ່ວນ​ຜູ້​ທີ່​ມາຂາຍອາຫານຕາມແຄມທາງ ປະ​ເພດ​ບັ້ງເຂົ້າຫຼາມ, ປີ້ງໄກ່, ຕໍາໝາກຫຸ່ງ, ເຂົ້າປຸ້ນ ແລະ ອື່ນໆອີກ ແມ່ນມີຫຼາຍລາຄາຄ່າ​ເຊົ່າ​ສະຖານ​ທີ່​ແຕ່ 6 ແສນຫາ 6 ລ້ານກີບ. ສຳລັບຜູ້ທີ່ຂາຍດອກໄມ້ທູບທຽນແມ່ນບໍ່ໄດ້ເກັບຄ່າສະຖານທີ່ ແຕ່ຈະເກັບຄ່າພັນທະປະກອບສ່ວນໃນການອະນາໄມໃນແຕ່ລະວັນ.

ຜູ້​ສຳ​ປະທານ​ຢືນຢັນບຸນວັດພູປີນີ້ຈະບໍ່ເກັບຄ່າເຂົ້າຊົມ - WhatsApp Image 2020 05 27 at 5 - ຜູ້​ສຳ​ປະທານ​ຢືນຢັນບຸນວັດພູປີນີ້ຈະບໍ່ເກັບຄ່າເຂົ້າຊົມ
ຜູ້​ສຳ​ປະທານ​ຢືນຢັນບຸນວັດພູປີນີ້ຈະບໍ່ເກັບຄ່າເຂົ້າຊົມ - WhatsApp Image 2020 05 27 at 5 - ຜູ້​ສຳ​ປະທານ​ຢືນຢັນບຸນວັດພູປີນີ້ຈະບໍ່ເກັບຄ່າເຂົ້າຊົມ
ຜູ້​ສຳ​ປະທານ​ຢືນຢັນບຸນວັດພູປີນີ້ຈະບໍ່ເກັບຄ່າເຂົ້າຊົມ - Wave100S AD to Website 2020 0 - ຜູ້​ສຳ​ປະທານ​ຢືນຢັນບຸນວັດພູປີນີ້ຈະບໍ່ເກັບຄ່າເຂົ້າຊົມ
error: Alert: ເນື້ອຫາຂ່າວມີລິຂະສິດ !!