ເປີດນຳໃຊ້ສາຍສົ່ງ ແລະ ສະຖານີໄຟຟ້າແຮງສູງ 115/22 ກິໂລໂວນຢູ່ແຂວງບໍ່ແກ້ວ

ເປີດນຳໃຊ້ສາຍສົ່ງ ແລະ ສະຖານີໄຟຟ້າແຮງສູງ 115/22 ກິໂລໂວນຢູ່ແຂວງບໍ່ແກ້ວ - edl open new - ເປີດນຳໃຊ້ສາຍສົ່ງ ແລະ ສະຖານີໄຟຟ້າແຮງສູງ 115/22 ກິໂລໂວນຢູ່ແຂວງບໍ່ແກ້ວ
ເປີດນຳໃຊ້ສາຍສົ່ງ ແລະ ສະຖານີໄຟຟ້າແຮງສູງ 115/22 ກິໂລໂວນຢູ່ແຂວງບໍ່ແກ້ວ - Untitled design - ເປີດນຳໃຊ້ສາຍສົ່ງ ແລະ ສະຖານີໄຟຟ້າແຮງສູງ 115/22 ກິໂລໂວນຢູ່ແຂວງບໍ່ແກ້ວ

ພິທີເປີດນຳໃຊ້ສາຍສົ່ງ ແລະ ສະຖານີໄຟຟ້າແຮງສູງ 115/22 ກິໂລໂວນ ຫ້ວຍຊາຍ-ທ່າຟ້າເຂດບ້ານໃໝ່ວຽງພູຄາເມືອງຫ້ວຍຊາຍແຂວງບໍ່ແກ້ວ, ໄດ້ຈັດຂຶ້ນໃນວັນທີ 20 ມັງກອນນີ້, ເພື່ອສະໜອງໄຟຟ້າໃຫ້ແກ່ໂຮງງານອຸດສາຫະກໍາພາຍໃນແຂວງ, ໂດຍການເຂົ້າຮ່ວມຂອງທ່ານ ຄໍາມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ບຸນອຸ້ມ ສີວັນເພັງ ຜູ້ອໍານວຍການໃຫຍ່ລັດວິສາຫະກິດໄຟຟ້າລາວ, ທ່ານ ເຟິ້ງເຄີ່ (Feng ke) ຜູ້ອໍານວຍການບໍລິສັດຫຸ້ນສ່ວນຮ່ວມມືການຄ້າຕ່າງປະເທດແຂວງຢຸນນານ ສປຈີນ (UREC), ທ່ານ ຄຳພັນ ເຜີຍຍະວົງ ເຈົ້າແຂວງບໍ່ແກ້ວ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມເປັນຈໍານວນຫລາຍ.
ທ່ານລັດຖະມົນຕີກະຊວງພະລັງງານ ແລະ ບໍ່ແຮ່ ກ່າວວ່າ: ເປົ້າໝາຍການສ້າງສະຖານີແຫ່ງນີ້, ເພື່ອອໍານວຍຄວາມສະດວກໃນການສະໜອງພະລັງງານໄຟຟ້າໃຫ້ແກ່ເຂດເສດຖະກິດພິເສດສາມຫຼ່ຽມຄໍາຢູ່ເມືອງຕົ້ນເຜີ້ງ ແລະ ສະໜອງໄຟຟ້າໃຫ້ປະຊາຊົນບັນດາເຜົ່າໃນເຂດພາກເໜືອ, ໄລຍະຍາວຂອງສາຍສົ່ງນີ້ມີທັງໝົດ 58 ກິໂລແມັດ, ຈະເນັ່ງຜ່ານເຂດຊຸມຊົນເຊິ່ງເປັນເຂດທີ່ພວມພັດທະນາໃນທຸກດ້ານຂອງແຂວງບໍ່ແກ້ວ, ຈະສາມາດຕອບສະໜອງພະລັງງານໄຟຟ້າໃຫ້ແກ່ການພັດທະນາເສດຖະກິດ-ສັງຄົມຢູ່ໃນບໍລິເວນດັ່ງກ່າວທັງໃນສະເພາະໜ້າ ແລະ ໄລຍະຍາວ ແລະ ເພື່ອດຶງດູດນັກລົງທຶນທັງພາຍໃນ ແລະຕ່າງປະເທດເຂົ້າສູ່ການພັດທະນາແຂວງບໍ່ແກ້ວໃຫ້ຫລາຍຂຶ້ນ.

ຜູ້ອໍານວຍການໃຫຍ່ລັດວິສາຫະກິດໄຟຟ້າລາວ ກ່າວວ່າ: ໂຄງການນີ້ແມ່ນລັດວິສາຫະກິດໄຟຟ້າລາວເປັນເຈົ້າຂອງ ແລະ ບໍລິສັດຫຸ້ນສ່ວນຮ່ວມມືການຄ້າຕ່າງປະເທດແຂວງຢຸນນານ ສປຈີນ (UREC) ເປັນຜູ້ຮັບເໝົາກໍ່ສ້າງເປັນເວລາ 14 ເດືອນແມ່ນສໍາເລັດ, ໂຄງການສາຍສົ່ງ 115 ກິໂລໂວນແມ່ນໂຄງການໜຶ່ງ ເພື່ອຮອງຮັບຈາກບັນດາເຂື່ອນຕ່າງໆ ເປັນຕົ້ນ: ເຂື່ອນນ້ຳທາ 1 ແລະ ເຂື່ອນໄຟຟ້າອື່ນໆທີ່ຢູ່ໄກ້ຄຽງ ແລະ ບັນດາສາຍສົ່ງທີ່ມາເຊື່ອມຕໍ່ຕາມແຜນພັດທະນາໄຟຟ້າລາວໃນປີ 2020.
ທ່ານ ຄໍາພັນ ເຜີຍຍະວົງ ເຈົ້າແຂວງບໍ່ແກ້ວ ກ່າວວ່າ: ການເປີດນຳໃຊ້ໂຄງການສາຍສົ່ງ ແລະ ສາຖານີໄຟຟ້າແຮງສູງນີ້, ເປັນການປະກອບສ່ວນສ້າງສາພັດທະນາ ແລະ ເພື່ອຕອບສະໜອງການລໍຄອຍຂອງປະຊາຊົນແຂວງບໍ່ແກ້ວໃນຫລາຍທົດສະວັດ ແລະ ຈະນໍາໃຊ້ໄຟຟ້າໃຫ້ມີປະສິດທິຜົນທີ່ສຸດເພື່ອສ້າງສາພັດທະນາແຂວງບໍ່ແກ້ວ ແລະ ປັບປຸງຊີວິດການເປັນຢູ່ຂອງປະຊາຊົນນັບມື້ດີຂຶ້ນ.

ທ່ານ ເຟິ່ງເຄີ່ ຜູ້ອໍານວຍການບໍລິສັດຫຸ້ນສ່ວນຮ່ວມມືການຄ້າຕ່າງປະເທດແຂວງຍຸນນານ ສປຈີນ ກ່າວວ່າ: ບໍລິສັດຕົນໄດ້ມີຜົນງານຢູ່ໃນສາກົນເກືອບ 40 ປີ. ຮອດປີ 2017 ບໍລິສັດໄດ້ສໍາເລັດການກໍ່ສ້າງເຂື່ອນໄຟຟ້າພະລັງງານນໍ້າ ແລະ ອາຍກ໊າດທໍາມະຊາດ 36 ແຫ່ງ, ກໍ່ສ້າງສາຍສົ່ງ 40 ກວ່າແຫ່ງສ່ວນຫລາຍຢູ່ອາຊີ, ອາເມລິກາເໜືອ ແລະ ອາເມລິກາໄຕ້. ສໍາລັບຢູ່ ສປປ ລາວ ໄດ້ສໍາເລັດການກໍ່ສ້າງໂຄງການປັບປຸງ 8 ສະຖານີ ແລະ ສາຍສົ່ງທີ່ກ່ຽວຂ້ອງ ເພື່ອຊ່ວຍແກ້ໄຂບັນຫາການສະໜອງພະລັງງານໄຟຟ້າໃນເຂດທ້ອງຖິ່ນໃຫ້ມີປະສິດທິພາບສູງຂຶ້ນ.
ໃນມື້ດຽວກັນກໍໄດ້ມີພິທີວາງສີລາລຶກໂຄງການກໍ່ສ້າງສາຍສົ່ງ 115/22 ກິໂລໂວນຫ້ວຍຊາຍ-ຕົ້ນເຜີ້ງ, ໂດຍແມ່ນລັດວິສາຫະກິດໄຟຟ້າລາວເປັນເຈົ້າຂອງໂຄງການ ແລະ ບໍລິສັດ Pinggao ຂອງ ສປຈີນ ເປັນຜູ້ຮັບເໝົາກໍ່ສ້າງ, ໂຄງການດັ່ງກ່າວນອນຢູ່ໃນແຂວງເຊກອງ ແລະ ແຂວງບໍ່ແກ້ວ, ລວມທັງສາຍສົ່ງແຮງສູງ ແລະ ການຕັ້ງສະຖານີໄຟຟ້າ 115 ກິໂລໂວນ ແລະ 230 ກິໂລໂວນ, ເຊິ່ງຈະສະໜອງໄຟຟ້າຊົມໃຊ້ຢູ່ພາຍໃນໃຫ້ນັບມື້ເພີ່ມຂຶ້ນ, ຄາດວ່າຈະກໍ່ສ້າງສໍາເລັດໃນທ້າຍປີນີ້.

ເປີດນຳໃຊ້ສາຍສົ່ງ ແລະ ສະຖານີໄຟຟ້າແຮງສູງ 115/22 ກິໂລໂວນຢູ່ແຂວງບໍ່ແກ້ວ - Wave100S AD to Website 2020 0 - ເປີດນຳໃຊ້ສາຍສົ່ງ ແລະ ສະຖານີໄຟຟ້າແຮງສູງ 115/22 ກິໂລໂວນຢູ່ແຂວງບໍ່ແກ້ວ
ເປີດນຳໃຊ້ສາຍສົ່ງ ແລະ ສະຖານີໄຟຟ້າແຮງສູງ 115/22 ກິໂລໂວນຢູ່ແຂວງບໍ່ແກ້ວ - WhatsApp Image 2020 05 27 at 5 - ເປີດນຳໃຊ້ສາຍສົ່ງ ແລະ ສະຖານີໄຟຟ້າແຮງສູງ 115/22 ກິໂລໂວນຢູ່ແຂວງບໍ່ແກ້ວ
ເປີດນຳໃຊ້ສາຍສົ່ງ ແລະ ສະຖານີໄຟຟ້າແຮງສູງ 115/22 ກິໂລໂວນຢູ່ແຂວງບໍ່ແກ້ວ - WhatsApp Image 2020 05 27 at 5 - ເປີດນຳໃຊ້ສາຍສົ່ງ ແລະ ສະຖານີໄຟຟ້າແຮງສູງ 115/22 ກິໂລໂວນຢູ່ແຂວງບໍ່ແກ້ວ
error: Alert: ເນື້ອຫາຂ່າວມີລິຂະສິດ !!