9 ພະຍາດສ່ຽງຕິດຕໍ່ທາງນຳ້ລາຍຜ່ານຫລອດດູດ

9 ພະຍາດສ່ຽງຕິດຕໍ່ທາງນຳ້ລາຍຜ່ານຫລອດດູດ - 012301 2018 - 9 ພະຍາດສ່ຽງຕິດຕໍ່ທາງນຳ້ລາຍຜ່ານຫລອດດູດ
9 ພະຍາດສ່ຽງຕິດຕໍ່ທາງນຳ້ລາຍຜ່ານຫລອດດູດ - Untitled design - 9 ພະຍາດສ່ຽງຕິດຕໍ່ທາງນຳ້ລາຍຜ່ານຫລອດດູດ

ຮູ້ຫລືບໍ່ການໃຊ້ຫລອດດູດຮ່ວມກັນມີໂອກາດສ່ຽງເປັນພະຍາດຕິດຕໍ່ທາງນຳ້ລາຍ ແລະ ອາດເສຍຊີວິດໄດ້ໂດຍບໍ່ຮູ້ໂຕ.

  1. ໄຂ້ຫວັດ : ສາມາດຕິດຕໍ່ກັນໄດ້ງ່າຍຫລາຍພຽງແຕ່ຢູ່ໃກ້ຄົນເປັນໄຂ້ຫວັດ ຫລື ດື່ມນຳ້ຈອກດຽວກັນ, ໃຊ້ຫລອດດູດຮ່ວມກັນກໍມີໂອກາດຮັບເຊື້ອໄຂ້ຫວັດເຂົ້າສູ່ຮ່າງກາຍໄດ້ແລ້ວ.
  2. ຄໍອັກເສບ : ເປັນອີກໜຶ່ງພະຍາດທີ່ຕິດຕໍ່ກັນໄດ້ຜ່ານຫລອດດູດ ຫລື ດື່ມນຳ້ຈອກດຽວກັນກັບຄົນທີ່ມີເຊື້ອແບັກທີເຣຍກຣຸບ ເອສເຕຣັບໂຕຄອກຄັສໃນນຳ້ລາຍ ຫລື ອາດປົນເປື້ອນໃນນຳ້ມູກ ແລະ ຂີ້ກະເທີ່ ເຊິ່ງເມື່ອເຮົາໄດ້ຮັບເຊື້ອນີ້ເຂົ້າສູ່ຮ່າງກາຍຜ່ານການໃກ້ຊິດ ຫລື ໃຊ້ສິ່ງຂອງຮ່ວມກັບຄົນປ່ວຍທີ່ເປັນຄໍອັກເສບ ເຮົາຈະມີໄຂ້ສູງ, ເຈັບຫົວ, ໜາວສັ່ນ, ເບື່ອອາຫານ, ເຈັບຄໍ ແລະ ຈະເຈັບຄໍຫລາຍຂຶ້ນຕອນທີ່ກືນອາຫານ ຖ້າອ້າປາກເບິ່ງຈະເຫັນວ່າຕ່ອມທອນຊິນແດງ, ມີລັກສະນະຄ້າຍນຳ້ໜອງ, ມີສີເຫລືອງໆປົກຄຸມບໍລິເວນຕ່ອມທອນຊິນ ແລະ ຫາກລອງຈັບຕ່ອມນຳ້ເຫລືອງຢູ່ຄໍຈະຮູ້ສຶກວ່າບວມ.
  3. ພະຍາດປາກເປື່ອຍ, ມື – ຕີນເປັນຕຸ່ມ : ຕິດຕໍ່ກັນໄດ້ງ່າຍ ບໍ່ວ່າຈະແມ່ນເດັກນ້ອຍ ຫລື ຜູ້ໃຫຍ່  ພຽງແຕ່ດື່ມນຳ້ຈອກດຽວກັນ ຫລື ຜູ້ໃຫຍ່ທີ່ມີເຊື້ອຈາມໃສ່ກັນ ກໍໍຕິດເຊື້ອໄດ້ແລ້ວ. ອາການທີ່ສັງເກດໄດ້ແມ່ນຈະເລີ່ມມີໄຂ້, ມີບາດແຜໃນປາກຄ້າຍຄືຮ້ອນໃນ ແລະ ມີຕຸ່ມຜື່ນຂຶ້ນເປັນຈຸດແດງ ຫລື ເປັນຕຸ່ມນຳ້ໃສຢູ່ບໍລິເວນຝາມື, ຝາຕີນ, ເລົາຄີງ, ແຂນ – ຂາ.
  4. ໝາກເບີດ : ຕິດກັນໄດ້ໂດຍການໄອ, ຈາມໃສ່ກັນ ລວມທັງສຳຜັດນຳ້ລາຍຂອງຜູ້ທີ່ເປັນ ເຊັ່ນ : ກິນນຳ້ ແລະ ອາຫານໂດຍໃສ່ພາຊະນະຮ່ວມກັນ.
  5. ອີສຸກອີໃສ : ກໍສາມາດຕິດກັນໄດ້ຜ່ານນຳ້ລາຍ, ໃຊ້ຈອກນຳ້ຮ່ວມກັນ, ໃຊ້ຫລອດດູດ, ຜ້າເຊັດໂຕ, ເກີບ ກໍຕ້ອງລະວັງຄືກັນ.
  6. ຮີມສົບເປື່ອຍ : ເຊື້ອນີ້ແຝງຢູ່ໃນນຳ້ລາຍ, ນຳ້ເຫລືອງ ຫລື ແມ່ນແຕ່ອະສຸຈິ ແລະ ຈະເຂົ້າສູ່ຮ່າງກາຍຜ່ານຜິວໜັງ, ເຍື່ອ ເມືອກ ແລະ ຜົ້ງປາກ ຈາກການດື່ມນຳ້ຈອກດຽວກັນ, ໃຊ້ສິ່ງຂອງຮ່ວມກັນ ລວມທັງການຈູບປາກ.
  7. ໄວຣັສຕັບອັກເສບ : ຕິດໄດ້ທຸກໄວຣັສຕັບອັກເສບ ທັງ A, B, C ແລະ G, ແຕ່ໄວຣັສທີ່ຕິດຕໍ່ກັນທາງອາຫານ ແລະ ນຳ້ດື່ມແມ່ນໄວຣັສຕັບອັກເສບ A ແລະ E.
  8. ຄໍຕີບ : ຖ້າມີໄຂ້ຕໍ່າໆ, ເຈັບຄໍ, ເບື່ອອາຫານ ກໍຢ່າຊະລ່າໃຈຄິດວ່າເປັນໄຂ້ຫວັດ ເພາະອາດຈະເປັນພະຍາດຄໍຕີບກໍໍເປັນໄດ້ ເຊິ່ງຈະມີອາການຮ່ວມກັບໄອສຽງດັງກ້ອງ, ກືນອາຫານລຳບາກ, ຫາຍໃຈຕິດຂັດ, ກຳມະຈອນເຕັ້ນຊ້າ, ເມື່ອຍຫອບ ເຊິ່ງພະຍາດນີ້ແຜ່ຈາກຄົນໜຶ່ງໄປຫາຄົນໜຶ່ງໄດ້ໂດຍການໄອ, ຈາມ, ການໃຊ້ສິ່ງຂອງຮ່ວມກັນ, ສຳຜັດກັບຂີ້ກະເທີ່ຂອງຄົນທີ່ເປັນພະຍາດຄໍຕີບ ຫລື ຄົນທີ່ຕິດເຊື້ອຄໍຕີບ.
  9. ເຍື່ອຫຸ້ມສະໝອງອັກເສບ : ກໍມີສາເຫດມາຈາກການສຳຜັດ ຫລື ໃຊ້ສິ່ງຂອງຮ່ວມກັນ ບໍ່ວ່າຈະແມ່ນຫລອດດູດນຳ້, ຈອກນຳ້, ບ່ວງ, ສ້ອມ.
9 ພະຍາດສ່ຽງຕິດຕໍ່ທາງນຳ້ລາຍຜ່ານຫລອດດູດ - Wave100S AD to Website 2020 0 - 9 ພະຍາດສ່ຽງຕິດຕໍ່ທາງນຳ້ລາຍຜ່ານຫລອດດູດ
9 ພະຍາດສ່ຽງຕິດຕໍ່ທາງນຳ້ລາຍຜ່ານຫລອດດູດ - WhatsApp Image 2020 05 27 at 5 - 9 ພະຍາດສ່ຽງຕິດຕໍ່ທາງນຳ້ລາຍຜ່ານຫລອດດູດ
9 ພະຍາດສ່ຽງຕິດຕໍ່ທາງນຳ້ລາຍຜ່ານຫລອດດູດ - WhatsApp Image 2020 05 27 at 5 - 9 ພະຍາດສ່ຽງຕິດຕໍ່ທາງນຳ້ລາຍຜ່ານຫລອດດູດ
error: Alert: ເນື້ອຫາຂ່າວມີລິຂະສິດ !!