ທະນາຄານ​ຮ່ວມ​ທຸລະ​ກິດ​ລາວ​ຫວຽດ ​ເປີດ​ໜ່ວຍ​ບໍລິການ​ວັດ​ໄຕ

ທະນາຄານ​ຮ່ວມ​ທຸລະ​ກິດ​ລາວ​ຫວຽດ ​ເປີດ​ໜ່ວຍ​ບໍລິການ​ວັດ​ໄຕ - viet bank - ທະນາຄານ​ຮ່ວມ​ທຸລະ​ກິດ​ລາວ​ຫວຽດ ​ເປີດ​ໜ່ວຍ​ບໍລິການ​ວັດ​ໄຕ
ທະນາຄານ​ຮ່ວມ​ທຸລະ​ກິດ​ລາວ​ຫວຽດ ​ເປີດ​ໜ່ວຍ​ບໍລິການ​ວັດ​ໄຕ - Untitled design - ທະນາຄານ​ຮ່ວມ​ທຸລະ​ກິດ​ລາວ​ຫວຽດ ​ເປີດ​ໜ່ວຍ​ບໍລິການ​ວັດ​ໄຕ

ພິທີ​ເປີດ​ໜ່ວຍ​ບໍລິການ​ວັດ​ໄຕ​ຂອງ​ທະນາຄານ​ຮ່ວມ​ທຸລະ​ກິດ​ລາວ​ຫວຽດຢ່າງ​ເປັນ​ທາງ​ການ​ໄດ້​ມີ​ຂຶ້ນ​ໃນ​ທ້າຍ​ອາທິດ​ຜ່ານ​ມາ​ນີ້ ທີ່​ສຳນັກງານ​ຕັ້ງຢູ່​ບ້ານ​ນາ​ຄຳ ​ເມືອງ​ສີ​ໂຄດ​ຕະບອງ ນະຄອນຫລວງ​ວຽງ​ຈັນ ​ແລະ ມາ​ຮອດ​ປັດຈຸບັນ​ໄດ້​ເພີ່ມ​ເປັນ 7 ໜ່ວຍ​ບໍລິການ​ຢູ່​ນະຄອນຫລວງ​ວຽງ​ຈັນ ​ແລະ 8 ສາຂາ​ຢູ່ 8 ​ແຂວງ​ໃນ​ທົ່ວ​ປະ​ເທດ ສປປ ລາວ. ​ເປັນ​ກຽດ​ເຂົ້າຮ່ວມ​ໃນ​ພິທີ​ມີ​ທ່ານ ຄຳ​ແຫງ ດວງ​ສິຣິ ຮອງ​ເຈົ້າ​ເມືອງ​ສີ​ໂຄດ​ຕະບອງ ​ແລະ ຜູ້ຕາງໜ້າ​ທະນາຄານ​ແຫ່ງ ສປປ ລາວ ພ້ອມ​ດ້ວຍ​ລູກ​ຄ້າ ​ແລະ ປະຊາຊົນ​ໃກ້​ຄຽງ​ເຂົ້າຮ່ວມ​ເປັນ​ຈຳນວນ​ຫລາຍ.

ທ່ານ ຫງວຽນ ວັນ ບິ່ງ ຜູ້ອຳນວຍການ​ໃຫຍ່ ທະນາຄານ​ຮ່ວມ​ທຸລະ​ກິດ​ລາວ​ຫວຽດ ​ໃຫ້​ຮູ້​ວ່າ: ​ເຫັນ​ໄດ້​ທ່າ​ແຮງ​ອັນ​ໃຫຍ່​ຫລວງ​ໃນ​ການ​ພັດທະນາ​ເສດຖະກິດ-ສັງຄົມ​ຂອງ​ນະຄອນຫລວງ​ວຽງ​ຈັນ. ດັ່ງນັ້ນ ຄະນະ​ນຳ LaoVietBank ຈຶ່ງ​ໄດ້​ຕົກລົງ​ເຫັນ​ດີ​ສ້າງຕັ້ງໜ່ວຍ​ບໍລິການ​ວັດ​ໄຕ​ຂຶ້ນ ​ເພື່ອ​ຂະຫຍາຍ​ເຄືອ​ຂ່າຍ​ການ​ດຳ​ເນີນ​ທຸລະ​ກິດ ​ແລະ ຕອບ​ສະໜອງ​ການ​ບໍລິການ​ບັນດາ​ຜະລິດ​ຕະພັນ​ຂອງ​ທະນາຄານ​ມີ​ຄວາມ​ທັນ​ສະ​ໄໝ ​ແລະ ວ່ອງ​ໄວ ຊ່ວຍ​ໃຫ້​ເປົ້າໝາຍ​ລູກ​ຄ້າ ​ໂດຍ​ສະ​ເພາະ​ຄົນ​ລາວ, ຫວຽດນາມ ​ແລະ ຊາວ​ຈີນ​ທີ່​ດຳ​ເນີນ​ທຸລະ​ກິດ​ຢູ່​ລາວ​ໄດ້​ເຂົ້າ​ເຖິງ​ແຫ​ລ່ງທຶນ​ຢ່າງ​ທົ່ວ​ເຖິງ, ປະກອບສ່ວນ​ເຂົ້າ​ໃນ​ການ​ພັດທະນາ​ເສດຖະກິດ-ສັງຄົມ​ຂອງ​ເມືອງ​ສີ​ໂຄດ​ຕະບອງ​ເວົ້າສະ​ເພາະ ​ແລະ ນະຄອນຫລວງ​ວຽງ​ຈັນ​ເວົ້າລວມ​ໃຫ້​ຫລາຍ​ຂຶ້ນກວ່າ​ເກົ່າ, ສ້າງ​ເງື່ອນ​ໄຂ​ອຳນວຍ​ຄວາມ​ສະດວກ​ໃຫ້​ແກ່​ບັນດາ​ວິ​ສາ​ຫະກິດ ​ແລະ ປະຊາຊົນ​ໃນ​ຂົງ​ເຂດ​ທ້ອງ​ຖິ່ນ​ໄດ້​ເຂົ້າ​ເຖິງ​ການ​ບໍລິການ​ທະນາຄານ​ຫລາຍ​ຂຶ້ນ.

ປັດຈຸບັນ, ທະນາຄານ​ຮ່ວມ​ທຸລະ​ກິດ​ລາວຫວຽດມີ​ຜະລິດ​ຕະພັນ LaoVietBank Digital Banking (Internet Banking – Mobile Banking) ທີ່​ໄດ້​ອອກ​ມາ​ໃຫ້​ລູກ​ຄ້າ​ຂອງ​ທະນາຄານ​ໄດ້​ນຳ​ໃຊ້ ​ເຊິ່ງລວມມີ​ການ​ບໍລິການ​ທີ່​ຫລາກ​ຫລາຍ​ເຊັ່ນ: ການ​ໂອນ​ເງິນ​ໃນ​ລະບົບ, ​ໂອນ​ເງິນ​ໄປ​ທະນາຄານ​ອື່ນ, ​ເປີດ-ປິດ​ບັນຊີ​ເງິນ​ຝາກ​ມີ​ກຳນົດ, ຊຳລະ​ໃບ​ບິນ​ໂທລະ​ຄົມມະນາຄົມ, ຄ່າ​ນ້ຳ, ​ເຕີ່​ມມູນ​ຄ່າ​ໂທ ​ແລະ ທາງ​ທະນາຄານ​ກຳລັງ​ຈະ​ເປີດ​​ໂຕ​ການ​ບໍລິການ LaoVietBank QR PAY ​ໃນ​ມໍ່ໆ​ນີ້ ​ເພື່ອ​ຮັບ​ໃຊ້​ສັງຄົມ ສ້າງ​ຄວາມ​ສະດວກ​ສະບາຍ​ໃຫ້​ລູກ​ຄ້າ​​ໃນ​ການ​ຊຳລະ​ຄ່າ​ບໍລິການ​ຕ່າງໆ​ຕາມ​ຮ້ານ​ຄ້າ, ຮ້ານ​ອາຫານ, ​ໂຮງ​ແຮມ ​ແລະ ສະຖານ​ທີ່​ຕ່າງໆ​ທີ່​ມີ QR CODE ຂອງ​ທະນາຄານ​ຮ່ວມ​ທຸລະ​ກິດ​ລາວຫວຽດ, ລູກ​ຄ້າ​ກໍ​ສາມາດ​ຊຳລະ​ຄ່າ​ບໍລິການ​ໄດ້​ໂດຍ​ບໍ່​ຈຳ​ເປັນ​ຕ້ອງ​ຖື​ເງິນສົດ ​ແລະ ລູກ​ຄ້າ​ຜູ້​ໃຊ້​ບໍລິການ​ກໍ​ສະດວກ​ໃນ​ການ​ກວດກາ​ທຸລະ​ກຳ ​ເຊິ່ງຈະ​ໄດ້​ຮັບ​ການ​ແຈ້ງ​ຜ່ານ​ບໍລິການ LSMS ຂອງ​ທະນາຄານ​ທຸກ​ຄັ້ງທີ່​ມີ​ການ​ຊຳລະ.

ທະນາຄານ​ຮ່ວມ​ທຸລະ​ກິດ​ລາວ​ຫວຽດ ​ເປີດ​ໜ່ວຍ​ບໍລິການ​ວັດ​ໄຕ - Wave100S AD to Website 2020 0 - ທະນາຄານ​ຮ່ວມ​ທຸລະ​ກິດ​ລາວ​ຫວຽດ ​ເປີດ​ໜ່ວຍ​ບໍລິການ​ວັດ​ໄຕ
ທະນາຄານ​ຮ່ວມ​ທຸລະ​ກິດ​ລາວ​ຫວຽດ ​ເປີດ​ໜ່ວຍ​ບໍລິການ​ວັດ​ໄຕ - WhatsApp Image 2020 05 27 at 5 - ທະນາຄານ​ຮ່ວມ​ທຸລະ​ກິດ​ລາວ​ຫວຽດ ​ເປີດ​ໜ່ວຍ​ບໍລິການ​ວັດ​ໄຕ
ທະນາຄານ​ຮ່ວມ​ທຸລະ​ກິດ​ລາວ​ຫວຽດ ​ເປີດ​ໜ່ວຍ​ບໍລິການ​ວັດ​ໄຕ - WhatsApp Image 2020 05 27 at 5 - ທະນາຄານ​ຮ່ວມ​ທຸລະ​ກິດ​ລາວ​ຫວຽດ ​ເປີດ​ໜ່ວຍ​ບໍລິການ​ວັດ​ໄຕ
error: Alert: ເນື້ອຫາຂ່າວມີລິຂະສິດ !!