ເຜີຍແຜ່ນິຕິກໍາກ່ຽວກັບວຽກງານກໍ່ສ້າງພັກ ແລະ ຄຸ້ມຄອງພະນັກງານ

ເຜີຍແຜ່ນິຕິກໍາກ່ຽວກັບວຽກງານກໍ່ສ້າງພັກ ແລະ ຄຸ້ມຄອງພະນັກງານ - public Law - ເຜີຍແຜ່ນິຕິກໍາກ່ຽວກັບວຽກງານກໍ່ສ້າງພັກ ແລະ ຄຸ້ມຄອງພະນັກງານ
ເຜີຍແຜ່ນິຕິກໍາກ່ຽວກັບວຽກງານກໍ່ສ້າງພັກ ແລະ ຄຸ້ມຄອງພະນັກງານ - Untitled design - ເຜີຍແຜ່ນິຕິກໍາກ່ຽວກັບວຽກງານກໍ່ສ້າງພັກ ແລະ ຄຸ້ມຄອງພະນັກງານ

ກອງປະຊຸມເຜີຍແຜ່ເຊື່ອມຊືມນິຕິກໍາກ່ຽວກັບວຽກງານກໍ່ສ້າງພັກ ແລະ ວຽກງານຄຸ້ມຄອງພະນັກງານ, ໄດ້ຈັດຂຶ້ນໃນວັນທີ 23 ມັງກອນນີ້ຢູ່ສູນປະຊຸມແຫ່ງຊາດ (ຫລັກ 6) ນະຄອນຫລວງວຽງຈັນ, ໂດຍການເປັນປະທານຂອງສະຫາຍ ພັນຄໍາ ວິພາວັນ ຜູ້ປະຈໍາການຄະນະເລຂາສູນກາງພັກ, ຮອງປະທານປະເທດ, ໂດຍມີຄະນະບໍລິຫານງານພັກແຂວງ, ນະຄອນຫລວງ, ກະຊວງ, ອົງການຈັດຕັ້ງພັກ ໃນທົ່ວປະເທດເຂົ້າຮ່ວມເປັນຈໍານວນຫລາຍ.

ກອງປະຊຸມດັ່ງກ່າວ, ໄດ້ນໍາສະເໜີເອກະສານສໍາຄັນຂອງພັກຄື: ມະຕິຂອງກົມການເມືອງສູນກາງພັກສະບັບເລກທີ 032/ກມສພ ລົງວັນທີ 3 ມັງກອນ 2018 ວ່າດ້ວຍວຽກງານສ້າງແຜນກໍານົດພະນັກງານນໍາພາ-ຄຸ້ມຄອງ, ມະຕິຂອງກົມການເມືອງສູນກາງພັກສະບັບເລກທີ 030/ກມສພ ລົງວັນທີ 3 ມັງກອນ 2018 ວ່າດ້ວຍມາດຕະຖານຂອງພະນັກງານນໍາພາ-ຄຸ້ມຄອງ, ເຊິ່ງສະເໜີໂດຍສະຫາຍ ຈັນສີ ໂພສີຄໍາ ເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ. ມະຕິຂອງກົມການເມືອງສູນ ກາງພັກ ສະບັບເລກທີ 031/ກມສພ, ລົງວັນທີ 3 ມັງກອນ 2018 ວ່າດ້ວຍ ວຽກງານຄຸ້ມຄອງພະນັກງານ, ເຊິ່ງສະເໜີໂດຍສະຫາຍ ບຸນທອງ ຈິດມະນີ ເລຂາທິການສູນກາງພັກ, ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ, ຫົວໜ້າອົງການຕ້ານການສໍ້ລາດບັງຫລວງຂັ້ນສູນກາງ ແລະ ເຊື່ອມຊືມຄຳສັ່ງຂອງກົມການເມືອງສູນກາງພັກ ສະບັບເລກທີ 01/ກມສພ, ລົງວັນທີ 3 ມັງກອນ 2018 ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ, ເຊິ່ງສະເໜີໂດຍສະຫາຍ ຜູ້ປະຈຳການຄະນະເລຂາທິການສູນກາງພັກ ພັນຄຳ ວິພາວັນ.

ກອງປະຊຸມຄັ້ງນີ້, ໄດ້ຍົກໃຫ້ເຫັນວ່າການສ້າງແຜນກຳນົດພະນັກງານ ເປັນວຽກໜຶ່ງທີ່ສຳຄັນ ເພື່ອຮັບປະກັນໃຫ້ການຫັນວຽກພະນັກງານດຳເນີນຕາມລະບຽບແບບແຜນ ເພື່ອຕອບສະໜອງໜ້າທີ່ການເມືອງຂອງພັກ-ລັດໃນສະເພາະໜ້າ ແລະ ຍາວນານ, ທັງເປັນການຫັນຍຸດທະສາດວຽກງານພະນັກງານເປັນອັນລະອຽດ ແລະ ແຜນກໍ່ສ້າງບຳລຸງສັບຊ້ອນພະນັກງານຢ່າງສົມເຫດສົມຜົນ.   ສ່ວນມະຕິວ່າດ້ວຍມາດຕະຖານຂອງພະນັກງານນຳພາ-ຄຸ້ມຄອງແມ່ນໄດ້ກຳນົດເນື້ອໃນມາດຕະຖານລວມ, ມາດຕະຖານສະເພາະຂອງຕຳແໜ່ງ ແລະ ກຸ່ມຕຳແໜ່ງພະນັກງານນຳພາ-ຄຸ້ມຄອງໃນທົ່ວລະບົບການເມືອງແຫ່ງ ສປປ ລາວ, ເປັນພື້ນຖານໃນການເລືອກເຟັ້ນສ້າງແຜນກຳນົດ, ກໍ່ສ້າງ, ບຳລຸງ, ຕີລາຄາ, ຊັບຊ້ອນ, ຈັດວາງ, ແຕ່ງຕັ້ງພະນັກງານເຂົ້າໃນຕຳແໜ່ງນຳພາ-ຄຸ້ມຄອງແຕ່ລະຂັ້ນ ແລະ ເປັນບ່ອນອີງໃຫ້ພະນັກງານສະມາຊິກພັກໄດ້ຝຶກຝົນຫລໍ່ຫລອມຕົນເອງ. ສໍາລັບການຄຸ້ມຄອງພະນັກງານແມ່ນວຽກງານຍຸດທະສາດສຳຄັນອັນໜຶ່ງໃນວຽກງານພະນັກງານຂອງພັກ, ມີລັກສະນະວິທະຍາສາດລະອຽດອ່ອນ, ຄຸ້ມຄອງພະນັກງານໄດ້ດີຈຶ່ງກຳແໜ້ນພະນັກງານ, ເປັນພື້ນຖານການຈັດຕັ້ງປະຕິບັດບັນດາເນື້ອໃນວຽກງານພະນັກງານ ແລະ ການຄຸ້ມຄອງພະນັກງານໃຫ້ມີ ປະສິດທິຜົນ ແລະ ຄຳສັ່ງວ່າດ້ວຍການເພີ່ມທະວີກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ໄດ້ຍົກໃຫ້ເຫັນວ່າ: ພັກປະຊາຊົນປະຕິວັດລາວ ແມ່ນພັກກຳອຳນາດນຳພາທົ່ວສັງຄົມໃນການປົກປັກຮັກສາ ແລະ ພັດທະນາປະເທດຊາດຕາມຈຸຸດໝາຍສັງຄົມນິຍົມ,  ເພື່ອຍົກສູງຄວາມສາມາດນຳພາຂອງພັກ ໃນຊຸມປີຜ່ານມາ, ພັກເຮົາໄດ້ວາງຍຸດທະສາດໃນການກໍ່ສ້າງ ແລະ ປັບປຸງຕົນເອງໃນຫລາຍດ້ານ, ໃນນັ້ນຖືເອົາການກໍ່ສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານເປັນໃຈກາງ, ຜ່ານການຈັດຕັ້ງປະຕິບັດເຮັດໃຫ້ໜ່ວຍພັກ ແລະ ສະມາຊິກພັກມີຄວາມເຕີບໃຫຍ່ຂະຫຍາຍຕົວທາງດ້ານຈຳນວນ ແລະ ຄຸນນະພາບ, ໜ່ວຍພັກ, ສະມາຊິກພັກຢູ່ຫລາຍບ່ອນໄດ້ພະຍາຍາມຍົກສູງຄວາມສາມາດນຳພາຂອງຕົນສູງຂຶ້ນ. ໜ່ວຍພັກບ້ານໄດ້ຮູ້ນຳພາປະຊາຊົນພັດທະນາບ້ານຊ່ອງຂອງຕົນ, ປົວແປງ ແລະ ແກ້ໄຂຊີວິດການເປັນຢູ່ໃຫ້ດີຂຶ້ນ, ໜ່ວຍພັກສຳນັກງານ-ອົງການ, ກົມກອງໄດ້ມີການຫັນປ່ຽນທີ່ຕັ້ງໜ້າ. ແຕ່ຍັງເຫັນວ່າໜ່ວຍພັກຈຳນວນບໍ່ໜ້ອຍຍັງອ່ອນ ແລະ ບໍ່ຮູ້ນໍາພາ, ຄວາມເຂົ້າໃຈຕໍ່ການສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານບໍ່ທັນເປັນເອກະພາບ ແລະ ເລິກເຊິ່ງ, ຈຶ່ງພາໃຫ້ການຈັດຕັ້ງປະຕິບັດມີລັກສະນະຮູບການຫລາຍກວ່າເນື້ອໃນ, ກົນໄກຊີ້ນຳ-ນຳພາ, ການຕິດຕາມກວດກາ, ຊຸກຍູ້ ແລະ ປະເມີນຜົນບໍ່ທັນເຂັ້ມງວດ ຈຶ່ງເກີດສະພາບເຊັ່ນ: ຄະນະໜ່ວຍພັກ ແລະ ສະມາຊິກພັກເຄື່ອນໄຫວນຳພາບໍ່ທັນຖືກຕ້ອງ, ຄົບຖ້ວນຕາມພາລະບົດບາດ, ໜ້າທີ່ຂອງຕົນຕາມທີ່ໄດ້ກຳນົດໄວ້, ຄຸນທາດການເມືອງ, ຄຸນສົມບັດສິນທຳປະຕິວັດ, ນ້ຳໃຈຮັບໃຊ້ຊາດ, ຮັບໃຊ້ປະຊາຊົນ ແລະ ຄວາມເສຍສະຫລະເພື່ອສ່ວນລວມຂອງສະມາຊິກພັກ-ພະນັກງານຈຳນວນບໍ່ໜ້ອຍມີການເສື່ອມຖອຍ, ພະຍາດອາດຍາສິດ, ເອກະຊົນ, ຫ່າງເຫີນຈາກປະຊາຊົນ, ການສວຍໃຊ້ໜ້າທີ່ຕຳແໜ່ງ, ສໍ້ລາດບັງຫລວງ, ຫາຜົນປະໂຫຍດສ່ວນຕົວຂອງສະມາຊິກພັກ-ພະນັກງານມີລັກສະນະແຜ່ລາມ ແລະ ປາກົດໃຫ້ເຫັນຢູ່ຫລາຍຂັ້ນ, ເຊິ່ງຍັງບໍ່ທັນໄດ້ຮັບການປັບປຸງແກ້ໄຂຢ່າງເຂັ້ມງວດ ແລະ ເດັດຂາດ. ດ້ານແບບແຜນການນຳພາ ແລະ ວິທີເຮັດວຽກມີການລະເມີດລະບຽບຫລັກການຂອງພັກ ສິ່ງເຫລົ່ານັ້ນພວມເປັນບັນຫາທ້າທາຍຕໍ່ບົດບາດການນຳພາຂອງພັກ, ຖ້າພວກເຮົາບໍ່ຕັດສິນໃຈແກ້ໄຂບັນຫາດັ່ງກ່າວຢ່າງຈິງໃຈແທ້ ຈະເຮັດໃຫ້ບົດບາດອິດທິພົນ ແລະ ຄວາມເຊື່ອໝັ້ນຂອງປະຊາຊົນຕໍ່ການນຳພາຂອງພັກ, ຕໍ່ລະບອບໃໝ່ນັບມື້ຫລຸດຖອຍລົງ. ຈາກສະພາບດັ່ງກ່າວຈຶ່ງເລັ່ງທວງຢ່າງຮີບດ່ວນໃຫ້ພັກເຮົາຕ້ອງໄດ້ປັບປຸງຕົນເອງຢ່າງແຂງແຮງ, ໂດຍເລີ່ມຈາກການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ແນໃສ່ຮັບປະກັນໃຫ້ພັກເຮົາສືບຕໍ່ຮັກສາໄດ້ບົດບາດ ແລະ ຄວາມສາມາດກຳອຳນາດ, ນຳພາພາລະກິດປົກປັກຮັກສາ ແລະ ພັດທະນາປະເທດຊາດຕາມຈຸດໝາຍສັງຄົມນິຍົມ.

ເຜີຍແຜ່ນິຕິກໍາກ່ຽວກັບວຽກງານກໍ່ສ້າງພັກ ແລະ ຄຸ້ມຄອງພະນັກງານ - Wave100S AD to Website 2020 0 - ເຜີຍແຜ່ນິຕິກໍາກ່ຽວກັບວຽກງານກໍ່ສ້າງພັກ ແລະ ຄຸ້ມຄອງພະນັກງານ
ເຜີຍແຜ່ນິຕິກໍາກ່ຽວກັບວຽກງານກໍ່ສ້າງພັກ ແລະ ຄຸ້ມຄອງພະນັກງານ - WhatsApp Image 2020 05 27 at 5 - ເຜີຍແຜ່ນິຕິກໍາກ່ຽວກັບວຽກງານກໍ່ສ້າງພັກ ແລະ ຄຸ້ມຄອງພະນັກງານ
ເຜີຍແຜ່ນິຕິກໍາກ່ຽວກັບວຽກງານກໍ່ສ້າງພັກ ແລະ ຄຸ້ມຄອງພະນັກງານ - WhatsApp Image 2020 05 27 at 5 - ເຜີຍແຜ່ນິຕິກໍາກ່ຽວກັບວຽກງານກໍ່ສ້າງພັກ ແລະ ຄຸ້ມຄອງພະນັກງານ
error: Alert: ເນື້ອຫາຂ່າວມີລິຂະສິດ !!