20 ມັງກອນ​ສັນຍາ​ລັກ​ພາລະ​ກຳ​ປະຫວັດສາດ​ຂອງ​ກອງທັບ

20 ມັງກອນ​ສັນຍາ​ລັກ​ພາລະ​ກຳ​ປະຫວັດສາດ​ຂອງ​ກອງທັບ - 20374809 540250193005118 303901620317827952 n - 20 ມັງກອນ​ສັນຍາ​ລັກ​ພາລະ​ກຳ​ປະຫວັດສາດ​ຂອງ​ກອງທັບ
20 ມັງກອນ​ສັນຍາ​ລັກ​ພາລະ​ກຳ​ປະຫວັດສາດ​ຂອງ​ກອງທັບ - Untitled design - 20 ມັງກອນ​ສັນຍາ​ລັກ​ພາລະ​ກຳ​ປະຫວັດສາດ​ຂອງ​ກອງທັບ

ກອງທັບ​ປະຊາຊົນ​ລາວ​ທີ່​ໄດ້​ເຕີບ​ໃຫຍ່​ເຂັ້ມ​ແຂງ​ໃນ​ປັດຈຸບັນ​ນີ້​ແມ່ນ​ມີ​ຕົ້ນກຳ​ເນີ​ດມາ​ຈາກ​ກອງທັບ​ລາວ​ອິດສະຫລະ. ຕາມ​ປະຫວັດ​ໄດ້​ກ່າວ​ໄວ້​ວ່າ: ​ໃນ​ວັນ​ທີ 27 ກຸມພາ 1948 ສູນ​ກາງ​ພັກ​ຄອມມູນິດ​ອິນດູຈີນ​ໄດ້​ຕົກລົງ​ສ້າງຕັ້ງກອງ​ຕະລຸມບອນ​ເຂດ​ລາວ​ເໜືອ ​ແລະ ປະທານ ​ໄກສອນ ພົມວິຫານ ​ໄດ້​ຖືກ​ມອບ​ໝາຍ​ໃຫ້​ເປັນ​ຫົວໜ້າ. ກອງ​ຕະລຸມບອນ​ນີ້​ມີໜ້າ​ທີ່ສ້າງ​ຮາກ​ຖານ​ການ​ເມືອງ, ຈັດຕັ້ງກຳລັງ​ປະກອບ​ອາວຸດ, ສ້າງ​ຖານ​ທີ່​ໝັ້ນຢູ່​ເຂດ​ຕາ​ເວັນ​ອອກ​ສ່ຽງ​ເໜືອ​ຂອງ​ລາວ​ໂດຍ​ເອົາ​ເຂດ​ບໍລິ​ເວນ​ລາວ​ຮຸ່ງ-ພຽງ​ສາ, ມອງ​ນ້ຳ, ຜາ​ຫລວງ​ທີ່​ຂຶ້ນກັບ​ເມືອງ​ຊຽງ​ຄໍ້​ແຂວງ​ຫົວພັນ​ເປັນ​ໄຈ​ກາງ. ມາ​ຮອດ​ວັນ​ທີ 20 ມັງກອນ 1949 ​ໂດຍ​ປະຕິບັດ​ຕາມ​ມະຕິ​ຕົກລົງ​ຂອງ​ສູນ​ກາງ​ພັກ​ຄອມ​ມູນິດ​ອິນດູຈີນ​ໄດ້​ມີ​ການ​ສ້າງຕັ້ງກອງທັບ​ລາວ​ອິດສະຫລະ​ຂຶ້ນຢ່າງ​ເປັນ​ທາງ​ການ. ປະທານ ​ໄກສອນ ພົມວິຫານ ​ໄດ້​ຮັບ​ການ​ແຕ່ງຕັ້ງ​ໃຫ້​ເປັນ​ຜູ້​ບັນຊາ​ການ​ກອງທັບ​ ນັບ​ແຕ່​ມື້​ໄດ້​ຮັບ​ການຈັດຕັ້ງຂຶ້ນຂະ​ບວນການ​ຕໍ່ສູ້​ຕ້ານ​ສັດຕູ​ຜູ້​ຮຸກ​ຮານ​ໄດ້​ເປັນ​ກະ​ແສງ​ຟອງ​ຢ່າງ​ສະ​ເນືອ​ນ​ເຟືອນ​ຟົດ ​ແລະ ສາມາດ​ຕີ​ເອົາ​ຊະນະ​ກັບ​ຈັກກະພັດ​ລ່າ​ເມືອງ​ຂຶ້ນ​ແບບ​ເກົ່າ ​ແລະ ​ແບບ​ໃໝ່​ໃຫ້​ປະລາ​ໄຊ​ລົງ​ເທື່ອ​ລະ​ກ້າວ. ຍິ່ງ​ຕີ​ສັດຕູ​ຫລາຍ​ເທົ່າ​ໃດ​ກໍ​ຍິ່ງ​ໄດ້​ຮັບ​ໄຊຊະນະ​ເປັນ​ຂັ້ນໆ​ມາ, ກອງທັບ​ລາວ​ອິດສະຫລະ​ໄດ້​ເຕີບ​ໃຫຍ່ ​ແລະ ​ເຂັ້ມ​ແຂງ​ທາງ​ດ້ານ​ປະລິມານ ​ແລະ ຄຸນ​ນະພາ​ບບົນ​ເສັ້ນທາງ​ແຫ່ງ​ການ​ຕໍ່ສູ້​ປະຕິວັດ. ​ໃນ​ໄລຍະ 30 ກວ່າ​ປີ​ແຫ່ງການ​ຕໍ່​ສູ້​ເພື່ອ​ປົດ​ປ່ອຍປະ​ເທດ​ຊາດ​ນັບ​ມື້ກ້າວ​ຂຶ້ນ ​ແລະ ຂະຫຍາຍຕົວ​ຢ່າງ​ບໍ່​ຢຸດ​ຢັ້ງ. ກອງທັບ​ລາວ​ອິດສະຫລະ​ຈຶ່ງ​ໄດ້​ປ່ຽນ​ຊື່​ມາ​ເປັນ​ກອງທັບ​ປົດ​ປ່ອຍປະ​ຊາ​ຊົນ. ​ເພື່ອ​ເຮັດ​ສຳ​ເລັດ​ໜ້າ​ທີ່​ພາລະ​ກຳ​ປະຫວັດສາດ​ທີ່​ການ​ປະຕິວັດ​ກໍ​ຄື​ຊາດ ​ແລະ ປະຊາຊົນ​ໄດ້​ມອບ​ໝາຍ​ໃຫ້​ກອງທັບ​ປົດປ່ອຍປະ​ຊາ​ຊົນ​ລາວ​ໄດ້​ເຮັດ​ທຸກ​ສິ່ງ​ທຸກ​ຢ່າງ​ໃນ​ຂະ​ບວນການ​ຕໍ່ສູ້​ທີ່​ລະ​ອິດ​ລະ​ອ້ຽວ ​ແລະ ຢຶດ​ເຍື້ອຍາວ​ນານ​ເພື່ອ​ໃຫ້​ປະ​ເທດ​ຊາດ​ໄດ້​ມີ​ເອກະລາດ, ບັນດາ​ສະຫາຍ​ນັກຮົບ​ແຕ່ລະ​ຮຸ້ນ​ຄົນ​ໄດ້​ຍອມ​ເສຍ​ສະຫລະ​ເລືອດ​ເນື້ອ ​ແລະ ອຸທິດ​ຊີວິດ​ຂອງ​ຕົນ​ເພື່ອ​ການ​ປະຕິວັດ​ປົດ​ປ່ອຍປະ​ເທດ​ຊາດ​ຈົນ​ມາ​ຮອດ​ປີ 1975 ຈຶ່ງ​ສາມາດ​ປົດ​ປ່ອຍ​ໄດ້​ໃນ​ຂອບ​ເຂດທົ່ວ​ປະ​ເທດ.

ພາຍຫລັງ​ປະ​ເທດ​ຊາດ​ໄດ້​ຮັບ​ການ​ປົດ​ປ່ອຍ​ຢ່າງ​ສົມບູນ, ກອງທັບ​ປົດ​ປ່ອຍປະ​ຊາ​ຊົນ​ລາວ​ຈຶ່ງ​ໄດ້​ປ່ຽນ​ຊື່​ມາ​ເປັນ​ກອງທັບ​ປະຊາຊົນ​ລາວ​ມາ​ຮອດ​ປັດຈຸບັນ. ຊ່ວງ​ໄລຍະ 40 ກວ່າ​ປີ​ແຫ່ງ​ການ​ປົກປັກ​ຮັກສາ ​ແລະ ສ້າງສາ​ປະ​ເທດ​ຊາດ, ກອງທັບ​ປະຊາຊົນ​ລາວ​ກໍ​ໄດ້​ປະ​ເຊີນ​ໜ້າ​ຕໍ່​ສິ່ງ​ທ້າ​ທາຍ ​ແລະ ອິດ​ທິກຳລັງ​ປໍ​ລະ​ປັກ​ໃນ​ຫລາຍ​ດ້ານ, ​ແຕ່​ກໍ​ໄດ້​ເຮັດ​ຫລ້ອນ​ພາລະ​ກຳ​ປະຫວັດສາດ​ທີ່​ຊາດ ​ແລະ ປະຊາຊົນ​ມອບ​ໝາຍ​ໃຫ້​ຈາກ​ຜົນງານ ​ແລະ ​ໄຊຊະນະ​ອັນ​ໃຫຍ່ ຫລວງ​ນັບ​ແຕ່​ມື້ມີ​ການ​ຕໍ່ສູ້​ຕ້ານ​ສັດຕູ​ຜູ້​ຮຸກ​ຮານ​ຈົນ​ມາ​ຮອດ​ໄລຍະ​ປົກ​ປັກ​ຮັກສາ ​ແລະ ສ້າງສາ​ປະ​ເທດ​ຊາດ​ກອງທັບ​ລາວ​ອິດສະຫລະ​ກໍ​ຄືກ​ອງທັບ​ປົດ​ປ່ອຍ​ປະຊາຊົນ​ກ້າວ​ມາ​ເຖິງ​ກອງທັບ​ປະຊາຊົນ​ລາວ​ໃນ​ປັດຈຸບັນ​ໄດ້​ສະ​ແດງ​ໃຫ້​ເຫັນ​ຄວາມ​ເຕີບ​ໃຫຍ່​ເຂັ້ມ​ແຂງ ​ແລະ ຂະຫຍາຍຕົວ​ຢ່າງຮອບດ້ານ​.

​        ໃນ​ຕະຫລອດ​ໄລຍະ 40 ກວ່າ​ປີ​ແຫ່ງການ​ປົກ​ປັກ​ຮັກສາ​ອະທິປະ​ໄຕ, ຄວາມ​ເປັນ​ເອກະລາດ​ແຫ່ງ​ຊາດ​ກອງທັບ​ປະຊາຊົນ​ລາວ​ໄດ້​ພິສູດ​ໃຫ້​ເຫັນ​ເຖິງ​ຄວາມ​ແຂງ​ແກ່ນ, ​ເປັນ​ຕົວ​ແບບ​ນຳ​ໜ້າ​ເພື່ອ​ພ້ອມ​ກັນ​ກ້າວ​ໄປ​ເຖິງ​ຫລັກ​ໄຊ​ໃນ​ຂ້າງ​ໜ້າ. ປັດຈຸບັນ, ກອງທັບ​ປະຊາຊົນ​ລາວ​ໄດ້​ກ້າວ​ສູ່​ຄວາມ​ທັນ​ສະ​ໄໝ, ມີ​ຄຸນ​ນະພາ​ບທາງ​ດ້ານ​ການ​ເມືອງ, ​ເຂັ້ມ​ແຂງ​ທາງ​ການຈັດຕັ້ງ ​ແລະ ໜັກ​ແໜ້ນ​ໄປ​ພ້ອມ​ກັບ​ວິຊາ​ສະ​ເພາະ. ມູນ​ເຊື້ອວັນ​ທີ 20 ມັງກອນ​ໄດ້​ເປັນ​ມູນ​ເຊື້ອ​ແຫ່ງ​ພາລະ​ກຳ​ປະຫວັດສາດ, ​ເປັນ​ສັນຍາ​ລັກ​ທີ່​ທົ່ວ​ພັກ, ທົ່ວ​ກອງທັບ ​ແລະ ທົ່ວ​ປວງ​ຊົນ​​ໄດ້​ຈົດ​ຈຳ ​ແລະ ຈາລຶກ​ບຸນຄຸນ.

20 ມັງກອນ​ສັນຍາ​ລັກ​ພາລະ​ກຳ​ປະຫວັດສາດ​ຂອງ​ກອງທັບ - Wave100S AD to Website 2020 0 - 20 ມັງກອນ​ສັນຍາ​ລັກ​ພາລະ​ກຳ​ປະຫວັດສາດ​ຂອງ​ກອງທັບ
20 ມັງກອນ​ສັນຍາ​ລັກ​ພາລະ​ກຳ​ປະຫວັດສາດ​ຂອງ​ກອງທັບ - WhatsApp Image 2020 05 27 at 5 - 20 ມັງກອນ​ສັນຍາ​ລັກ​ພາລະ​ກຳ​ປະຫວັດສາດ​ຂອງ​ກອງທັບ
20 ມັງກອນ​ສັນຍາ​ລັກ​ພາລະ​ກຳ​ປະຫວັດສາດ​ຂອງ​ກອງທັບ - WhatsApp Image 2020 05 27 at 5 - 20 ມັງກອນ​ສັນຍາ​ລັກ​ພາລະ​ກຳ​ປະຫວັດສາດ​ຂອງ​ກອງທັບ
error: Alert: ເນື້ອຫາຂ່າວມີລິຂະສິດ !!