ອັນຕະລາຍທີ່ເກີດຈາກບັນຫາແຮ່ຈັບຕໍ່າ

ອັນຕະລາຍທີ່ເກີດຈາກບັນຫາແຮ່ຈັບຕໍ່າ - 022401 2018 - ອັນຕະລາຍທີ່ເກີດຈາກບັນຫາແຮ່ຈັບຕໍ່າ
ອັນຕະລາຍທີ່ເກີດຈາກບັນຫາແຮ່ຈັບຕໍ່າ - Untitled design - ອັນຕະລາຍທີ່ເກີດຈາກບັນຫາແຮ່ຈັບຕໍ່າ

ເມື່ອມີການຖືພາ ໂຕອ່ອນຈະມີການຈະເລີນເຕີບໃຫຍ່ ແລະ ແບ່ງແຊນຈົນມີຂະໜາດໃຫຍ່ ເມື່ອເຖິງໄລຍະໜຶ່ງຈະມີກຸ່ມແຊນສ່ວນໜຶ່ງທີ່ແຍກພັດທະນາໄປເປັນໂຕອ່ອນໃນທ້ອງ. ຂະນະທີ່ແຊນອີກກຸ່ມໜຶ່ງຈະພັດທະນາກາຍໄປເປັນແຮ່ ເຊິ່ງມີໜ້າທີ່ໃນການນຳສານອາຫານຈາກແມ່ສົ່ງຕໍ່ໃຫ້ກັບລູກ. ຂະນະທີ່ລູກມີການຈະເລີນເຕີບໃຫຍ່ຢູ່ໃນຖົງນຳ້ຄາວປາ ສາຍແຮ່ກໍຈະເລີນເຕີບໃຫຍ່ໂດຍການຈັບຕິດຢູ່ກັບຜິວໜັງມົດລູກ ແລະ ຄ່ອຍໆຝັງເລິກເຂົ້າໄປໃນຜິວໜັງມົດລູກ ຕຳແໜ່ງທີ່ສາຍແຮ່ຈັບຕິດກັບຜິວໜັງມົດລູກມັກຢູ່ບໍລິເວນທາງເທິງມົດລູກ ໂດຍອ່າວຈະໄປທາງຫລັງໜ້ອຍໜຶ່ງ, ແຕ່ໃນແມ່ບາງຄົນຈະມີລັກສະນະຂອງແຮ່ທີ່ຈັບຢູ່ທາງລຸ່ມ  ຂອງມົດລູກ ຫລື ຄຸມຢູ່ປາກມົດລູກ ເອີ້ນວ່າ : ແຮ່ຈັບຕໍ່າ, ແບ່ງເປັນ 3 ລັກສະນະດັ່ງນີ້ :

  1. ແຮ່ຈັບຕໍ່າຫຸ້ມປາກມົດລູກທັງໝົດ : ແຮ່ປິດປາກມົດລູກທັງໝົດ ເຮັດໃຫ້ລູກເກີດທາງຊ່ອງຄອດບໍ່ໄດ້ ຕ້ອງຜ່າຕັດເກີດ.
  2. ແຮ່ຈັບຕໍ່າຫຸ້ມປາກມົດລູກເປັນບາງສ່ວນ : ປາກມົດລູກທີ່ຂະຫຍາຍຫລາຍຂຶ້ນອາດໄປດຶງໃຫ້ແຮ່ຫຍັບສູງຂຶ້ນ ບາງເທື່ອອາດບໍ່ຂວາງການເກີດຂອງລູກ, ແຕ່ຈະເຮັດໃຫ້ມີເລືອດອອກຫລາຍ ເຮັດໃຫ້ຕ້ອງຜ່າຕັດເກີດ.
  3. ແຮ່ຈັບຕໍ່າບໍລິເວນທາງລຸ່ມຂອງມົດລູກ, ແຕ່ບໍ່ຫຸ້ມປາກມົດລູກ : ແມ່ນເດັກສາມາດເກີດທາງຊ່ອງຄອດໄດ້, ແຕ່ເຖິງວ່າຈະສາມາດເກີດທາງຊ່ອງຄອດໄດ້ກໍເຮັດໃຫ້ເລືອດອອກມາຫລາຍ.

– ສາເຫດເຮັດໃຫ້ແຮ່ຈັບຕໍ່າ :

  1. ມີການເກີດລູກມາແລ້ວຫລາຍເທື່ອ.
  2. ເຄີຍຂູດມົດລູກ, ເຄີຍຜ່າຕັດມົດລູກ ແລະ ເຄີຍມີອາການມົດລູກອັກເສບ.
  3. ແມ່ມີອາຍຸຫລາຍ.
  4. ເປັນຄົນສູບຢາຫລາຍ.
  5. ການຖືພາລູກແຝດ.
  6. ການຕິດເຊື້ອໃນການຖືພາ.

– ແມ່ທີ່ມີປັດໄຈສ່ຽງແຮ່ຈັບຕໍ່າມີດັ່ງນີ້ :

ອັນຕະລາຍທີ່ເກີດຈາກບັນຫາແຮ່ຈັບຕໍ່າ - Wave100S AD to Website 2020 0 - ອັນຕະລາຍທີ່ເກີດຈາກບັນຫາແຮ່ຈັບຕໍ່າ
  1. ບໍ່ມີອາການເຈັບທ້ອງ, ແຕ່ມີເລືອດໄຫລອອກຊ່ອງຄອດ.
  2. ເລືອດໄຫລອອກມາບໍ່ຫລາຍ, ແຕ່ອອກຫລາຍໆເທື່ອ.

ເຊິ່ງຫາກມີອາການເຫລົ່ານີ້ເກີດຂຶ້ນຕະຫລອດໃນໄລຍະຖືພາ 3 ເດືອນສຸດທ້າຍ ຫລື ໃກ້ຈະເກີດລູກ ໃຫ້ໄປພົບແພດທັນທີ.

– ແມ່ສາມາດເບິ່ງແຍງໂຕເອງແນວໃດເມື່ອມີແຮ່ຈັບຕໍ່າ ?

  1. ໃນເບື້ອງຕົ້ນຫາກພົບວ່າໂຕເອງມີເລືອດອອກ ໃຫ້ຟ້າວໄປພົບແພດທັນທີ.
  2. ແມ່ຈະຕ້ອງນອນພັກຜ່ອນຫລາຍໆ ແລະ ລະວັງບໍ່ໃຫ້ມີການກະທົບກະເທືືອນຕໍ່ລູກໃນທ້ອງ.
  3. ຫລີກເວັ້ນການເຮັດວຽກໜັກ ທັງນອກ ແລະ ໃນເຮືອນ.
ອັນຕະລາຍທີ່ເກີດຈາກບັນຫາແຮ່ຈັບຕໍ່າ - WhatsApp Image 2020 05 27 at 5 - ອັນຕະລາຍທີ່ເກີດຈາກບັນຫາແຮ່ຈັບຕໍ່າ
ອັນຕະລາຍທີ່ເກີດຈາກບັນຫາແຮ່ຈັບຕໍ່າ - WhatsApp Image 2020 05 27 at 5 - ອັນຕະລາຍທີ່ເກີດຈາກບັນຫາແຮ່ຈັບຕໍ່າ
error: Alert: ເນື້ອຫາຂ່າວມີລິຂະສິດ !!