ສຳພັດແຂວງຄຳມ່ວນແຫລ່ງທ່ອງທ່ຽວຫລາກຫລາຍ

ສຳພັດແຂວງຄຳມ່ວນແຫລ່ງທ່ອງທ່ຽວຫລາກຫລາຍ - 521rfd - ສຳພັດແຂວງຄຳມ່ວນແຫລ່ງທ່ອງທ່ຽວຫລາກຫລາຍ
ສຳພັດແຂວງຄຳມ່ວນແຫລ່ງທ່ອງທ່ຽວຫລາກຫລາຍ - Untitled design - ສຳພັດແຂວງຄຳມ່ວນແຫລ່ງທ່ອງທ່ຽວຫລາກຫລາຍ

ໂດຍ: ທິດກ່ຳ

ອາດເວົ້າໄດ້ວ່າ, ບັນດາ ແຂວງທີ່ ທິດກ່ຳໄດ້ໄປສຳພັດ ຫລາຍກວ່າໝູ່ໃນປະເທດລາວ ແມ່ນແຂວງຄຳມ່ວນເປັນແຂວງທີ່ຕັ້ງຢູ່ທາງພາກກາງຂອງ ປະເທດທີ່ອຸດົມສົມບູນດ້ວຍ, ພູພຽງ, ພູຜາ, ປ່າໄມ້ ແລະ ແມ່ ນ້ຳລຳເຊອັນສວຍສົດງົດງາມ ຫລາຍແຫ່ງ. ນອກຈາກນັ້ນ, ກໍມີ ສະຖາປັດຕະຍະກຳທີ່ລືຊື່ ແລະ ວັດວາອາຮາມ, ຖ້ຳຮູພູເຂົາທີ່ ໜ້າງຶດງໍ້ອັດສະຈັນ ແລະ ໜ້າເຊື່ອ ຖືອັນເປັນແຫລ່ງທ່ອງທ່ຽວທີ່ ໜ້າສົນໃຈຢູ່ຫລາຍແຫ່ງເຊັ່ນ: ພະ ທາດສີໂຄດຕະບອງແຕ່ລະປີມີ ບຸນສະຫລອງສຳລັບ 2018 ປີນີ້ ຖືກວັນທີ 31 ມັງກອນຈະມີບຸນ ປາງໃຫຍ່ທັງສະຫລອງປີທ່ອງ ທ່ຽວ. ສ່ວນວ່າບຸນປະເພນີກໍມີ ບຸນກອງເຂົ້າໃຫຍ່ (ທ້ອງເດືອນ ມັງກອນ), ບຸນເຂົ້າຈີ່ (ເດືອນກຸມ ພາ), ບຸນເດືອນ 3 ອອກໃໝ່ 3 ຄ່ຳ (ເດືອນ 3 ລາວ), ບຸນປີໃໝ່ ລາວ ທີ່ຖ້ຳກອງລໍ (ເດືອນ 5 ລາວ), ບຸນບັ້ງໄຟ (ເດືອນພຶດສະ ພາ), ບຸນຊ່ວງເຮືອແຕ່ລະທ້ອງ ຖິ່ນ (ເດືອນກັນຍາ), ບຸນຊ່ວງ ເຮືອ (ເດືອນຕຸລາ). ສ່ວນແຫລ່ງ ທ່ອງທ່ຽວທຳມະຊາດກໍມີຖ້ຳ ກອງລໍ-ນາຕານ, ຂຸນກອງແລງ, ຖ້ຳພະ-ໜອງປາຝາ, ທ່າຝຣັ່ງ- ຂຸນນ້ຳໂດນ, ຖ້ຳນ້ຳລອດ-ຍອດ ເຊບັ້ງໄຟ, ຖ້ຳນາງແອ່ນ, ຖ້ຳ ຊ້າງ, ນ້ຳຕົກຕາດນ້ຳສະນາມ, ໜ້າເຂ່ືອນໄຟຟ້ານ້ຳເທີນ 2, ທຳມະຊາດພູພຽງນາກາຍ ແລະ ບ່ອນອື່ນໆອີກຫລາຍແຫ່ງ.

 

+ ແຂວງບໍ່ແກ້ວຈັດງານບຸນປະເພນີບັນດາເຜົ່າຕ້ອນຮັບປີທ່ອງທ່ຽວລາວ

+ ປີ​ທ່ອງ​ທ່ຽວ​ສື່​ກໍ​ຂຸ້ນຂ້ຽວ​ໂຄສະນາ​ປິ່ນ​ອ້ອມ

ສຳພັດແຂວງຄຳມ່ວນແຫລ່ງທ່ອງທ່ຽວຫລາກຫລາຍ - Wave100S AD to Website 2020 0 - ສຳພັດແຂວງຄຳມ່ວນແຫລ່ງທ່ອງທ່ຽວຫລາກຫລາຍ

ຊາໃຈທິດກ່ຳ, ພຽງແຕ່ຂີ່ ລົດເລາະຊົມພາບທິວທັດຄວາມງາມຂອງ ແຖວເມືອງມະຫາ ໄຊ, ຍົມມະລາດໄປຕໍ່ໃສ່ເມືອງນາ ກາຍ, ຄຳເກີດສຳພັດກັບຄວາມ ງາມຂອງພູຜາປ່າໄມ້ ແລະ ນອກຈາກສິ່ງທີ່ກ້າວມານີ້ແລ້ວ, ແຂວງຄຳມ່ວນຍັງມີທ່າແຮງ ອີກຫລາຍດ້ານທີ່ຈະດຶງດູດ ນັກທ່ອງທ່ຽວທັງພາຍໃນ ແລະ ຕ່າງປະເທດເຊັ່ນ: ທາງດ້ານຮີດ ຄອງປະເພນີ, ວິຖີຊີວິດຂອງປະ ຊາຊົນບັນດາເຜົ່າ, ການຂັບລຳ ທ້ອງຖິ່ນອັນໂດດເດັ່ນທີ່ສຸດກໍ ຄືລຳມະຫາໄຊອັນເປັນການຂັບ ລຳປະຈຳທ້ອງຖິ່ນ. ສະເພາະຄົນ ແຂວງ ຄຳມ່ວນເມື່ອໃດໄດ້ຍິນ ໄດ້ຟັງສຽງລຳມະຫາໄຊແລ້ວ ກໍຄິດເຫັນທ້ອງຖິ່ນດິນນາ, ຄິດ ຮອດບ້ານເກີດ, ຄິດເຫັນຄວາມ ສຸກຄວາມທຸກ, ຂີ່ຫລັງຄວາຍ ຕາມທົ່ງນາແຕ່ຄາວຍັງນ້ອຍ. ມາຮອດປັດຈຸບັນພາບໃນອາ ດີດມັນກໍກາຍເປັນອາດີດ ແລະ ແຂວງຄຳມ່ວນໃນປັດຈຸບັນ, ພວມມີການສ້າງສາພັດທະນາ ໄປຢ່າງບໍ່ຢຸດຢັ້ງ. ໂຄງການຊິ້ນ ໃຫຍ່ໆທີ່ພວມດຳເນີນການກໍ ຄື: ເຂດເສດຖະກິດສະເພາະ, ການຄົມມະນາຄົມ- ຂົນສົ່ງຕາ ເວັນຕົກ-ຕາເວັນອອກ, ການ ຜະລິດສະບຽງອາຫານ, ກະສິ ກຳ- ອຸດສະຫະກຳ ແລະ ການ ທ່ອງທ່ຽວ. ອີງໃສ່ທ່າແຮງທີ່ ບົ່ມ ຊ້ອນແຂວງຄຳມ່ວນຈະກາຍ ເປັນ ແຫລ່ງຂຸມຊັບທີ່ຈະພາໃຫ້ ປະຊາຊົນພາຍໃນແຂວງພາກັນພົ້ນທຸກໃນອານາຄົດ. ແຕ່ສິ່ງ ທີ່ຈະຕ້ອງເອົາໃຈໃສ່ ແລະ ເບິ່ງ ຄືນ ໃນປີທ່ອງທ່ຽວ 2018 ນີ້ກໍ ຄື: ເສັ້ນທາງຄົມມະນາຄົມໂດຍ ສະເພາະແມ່ນເສັ້ນທາງໄປຫາ ແຫລ່ງທ່ອງທ່ຽວຍັງມີຄວາມ ຫຍຸ້ງຍາກຫລາຍ.

ການປັບປຸງມາດຕະຖານ ຂອງໂຮງແຮມ ແລະ ເຮືອນພັກ, ການເກັບຄ່າບໍລິການຕ່າງໆ ໃນ ແຫລ່ງທ່ອງທ່ຽວ, ການສະໜອງ ສະບຽງອາຫານ ແລະ ສິນຄ້າ ແກ່ ນັກທ່ອງທ່ຽວທັງພາຍໃນ ແລະ ຕ່າງປະເທດກໍໃຫ້ສົມເຫດສົມຜົນ ຈິ່ງຈະຊ່ວຍໃຫ້ປີທ່ອງທ່ຽວລາວ 2018 ປະສົບຜົນສຳເລັດຕາມ ລະດັບຄາດມາຍວາງໄວ້./.

ສຳພັດແຂວງຄຳມ່ວນແຫລ່ງທ່ອງທ່ຽວຫລາກຫລາຍ - 521rfd - ສຳພັດແຂວງຄຳມ່ວນແຫລ່ງທ່ອງທ່ຽວຫລາກຫລາຍ
(ພາບປະກອບ)
ສຳພັດແຂວງຄຳມ່ວນແຫລ່ງທ່ອງທ່ຽວຫລາກຫລາຍ - WhatsApp Image 2020 05 27 at 5 - ສຳພັດແຂວງຄຳມ່ວນແຫລ່ງທ່ອງທ່ຽວຫລາກຫລາຍ
ສຳພັດແຂວງຄຳມ່ວນແຫລ່ງທ່ອງທ່ຽວຫລາກຫລາຍ - WhatsApp Image 2020 05 27 at 5 - ສຳພັດແຂວງຄຳມ່ວນແຫລ່ງທ່ອງທ່ຽວຫລາກຫລາຍ
error: Alert: ເນື້ອຫາຂ່າວມີລິຂະສິດ !!